Калыктар бирлигиниҥ кÿни
| Калыктар бирлигиниҥ кӱни | |
|---|---|
 | |
| Бÿдÿми | Россияда јуучыл мактыҥ тергеелик кӱни |
| Öскö | Кудай Энезиниҥ Казанский иконаныҥ байрамы (Москва ла Россияны Речь Посполитая черӱзинеҥ аргадаганы, 1612 јыл), |
| Учуры | Экинчи албатылык ополчение Московский Кремльды польско-литовский ӧштӱлердеҥ јайымдаганы, 1612 јыл |
| Jöптöлгöн |
Качалаҥду ӧйлӧр ӧткӧнине учурлай, 2005 јыл кӱчӱрген айдыҥ 4-чи кӱни 22 октября (1 ноября) 1612 |
| Баштаган | Федерал јасак 2004 јылдыҥ јаҥар айдыҥ 29-чы кӱнинде 201–ФЗ темдектӱ |
| Темдектелет |
 |
| Öйи | кӱчӱрген айдыҥ 4-чи кӱни |
| Jаҥжыгулар | парад, мӱргӱӱл, крестный базыш, каланыҥ јарымказы, патриотикалык ла просветительский акцииялары |
 Медиафайлы на РУВИКИ.Медиа | |
Калыктар бирлигиниҥ кӱни(орус. Де́нь наро́дного еди́нства) — россий тергеелик байрам, кӱчӱрген айдыҥ 4-чи кӱнинде темдектелет. Россияда јуучыл мактыҥ кӱни, 2005 јылдаҥ ала иштебес кӱн[1].
Байрамныҥ датазы
ӱлӱрген айдыҥ 22 кӱни (кӱчӱрген айдыҥ 1 кӱни) 1612 года албатылык ополчение Кузьма Минин ле Дмитрий Пожарскийге баштадып Речь Посполитыйдыҥ јуучылдарын Китай-городтоҥ сӱрӱп, олорды Кремльге кийдире сӱрген[2]. Князь Пожарский Китай-городко Кудайдыҥ Энезиниҥ Казанский иконазын тудунып кирген.
Ӱлӱрген айдыҥ 24-чи кӱнинде (кӱчӱрген айдыҥ 3-чи кӱни) поляктар Неглинный јаар чыгып турган кремльдиҥ эжиктерин ачып; орус улусты, боярларды, дворяндарды, којойымдарды чыгарган. Пожарский ле Минин олорды бойыныҥ одузына экелген. Ӱлӱрген айдыҥ 25-чи кӱнинде (кӱчӱрген айдыҥ 4-чи кӱни) бастыра кремльдиҥ эжиктерди јаанада ачкан. Орус черӱ Кремльге кирген, олордыҥ алдында архимандрит Дионисий барган, Кремльдеҥ ого удура элассон архиепископ, грек Арсений колында Владимирский Богородицаны тудунып чыккан. Поляктар мылтыктарын таштап качкан, олорды орус одуга јетире сӱрген[3].
1649 јылда каан Алексей Михайлович оныҥ баштапкы уулы Дмитрий Алексеевич чыгарда, Кудайдыҥ Энезиниҥ Казанский иконазыныҥ кӱнин јаҥыс ла јайгыда эмес, је ӱлӱрген айдыҥ 22-чи кӱнинде (юлиан кӱнтизӱле) темдектер деп тургускан. «Кудайдыҥ Энезиниҥ Казанский иконазыныҥ кӱнин (1612 јылда Москва ла Россиянаҥ поляктарды сӱргенине учурлай)» православный ла албатылык кӱнтизӱле бӱгӱнги кӱнге јетире темдектелет (совет јаҥ ӧйдӧ Москваны јайымдаган кӱн темдектелбей токтогон).
Хронологиялык блааш-тартыштар
2004 јылдыҥ учында 1995 јылдыҥ тулаан айдыҥ 13-чи кӱнинде № 32-ФЗ темдектӱ Федерал јасагына «Јуучыл мактыҥ кӱндери ле Россияныҥ учурлу даталары» деп Федерал јасагына солынтылар кийдирген. Калыктар бирлигиниҥ кӱни ӱлӱрген айдыҥ 4-чи кӱнинде тургузылган. Бу байрам албатылык ополчение Кузьма Минин ле князь Дмитрий Пожарскийге баштадып Китай-каланы јайымдаганына учурлалган[4][5]. Јасактыҥ кожулталары јарталган бичикте темдектелген[6]:
«1612 јылдыҥ кӱчӱрген айдыҥ 4-чи кӱнинде албатылык ополчениениҥ јуучылдары Кузьма Минин ле Дмитрий Пожарскийге баштадып Китай-калага табарып, Москваны поляк интервенттердеҥ јалтанбай јайымдаган».
1612 јылдыҥ ӱлӱрген айдыҥ 22-чи кӱнинде юлиан кӱнтизӱле Китай-кала јайымдалган, григориан кӱнтизӱле бу кӱн 1612 јылдыҥ кӱчӱрген айдыҥ 1-чи кӱни болгон.
Кезик тӱӱкичилер, Кремль кӱчӱрген айдыҥ 5-чи кӱни (ӱлӱрген айдыҥ 26-чы кӱни) јайымдалган, польский гарнизоныҥ командованиези капитуляцияга колын салар да, бу ла ӧйдӧ Кремльдеҥ москов боярларды (Россияныҥ башкарузын) ла оноҥ до ӧскӧ знатный улусты, олордыҥ тоозында келер ӧйдӧ каан болор Михаил Фёдорович. Эртезинде — кӱчӱрген айдыҥ 6-чы кӱни — гарнизонноҥ чыгып барган[7].
Байрамныҥ тӱӱкизи
Байрам тургузарында Владислав Сурков турушкан:
Орус амыр-энчӱ ол не? Ол шӱӱлте, мен оны бис идеологический даталарды солып турарыста, тергеелик политиканыҥ структуразына кийдиргем: социал революцияныҥ байрамын токтодоло, Калыктар бирлигиниҥ кӱнин тургускан. Россияда Революциянаҥ озо болгон керектерле тудуш байрам јок болгон. Оныҥ учун бу кӱн орус национализмныҥ кӱни болгон. Ол тушта мындый бодолго тургузылган: телекейлик сообществого бистиҥ Империяны кеҥиде јаанадар кӱӱн санаабыс керегинде јетирер керек болгон
2004 јылдыҥ сыгын айында Россияныҥ Кудайлык соведи кӱчӱрген айдыҥ 4-чи кӱнин байрамдык кӱн эдер деп сурак тургускан. Иштиҥ ле социальный политиканыҥ думский Комитеди јӧмӧжип, байрамды тургузар деген, оныҥ учун байрамга думский статус берилген.
2004 јылдыҥ сыгын айдыҥ 29-чи кӱнинде Патриарх Московский ла всея Руси Алексий кӱчӱрген айдыҥ 4-чи кӱнин байрам эдер деп Думаныҥ баштаҥкайын јӧмӧшкӧн. « Бу кӱн биске 1612 јылда башка-башка кудайлык јаҥду ла укту россияндар каршулу ӧштӱни јеҥип, ороондо граждан амыр-энчӱни тургускан», — деп айткан.
Ӱлӱрген айдыҥ 4-чи кӱнинде бу баштаҥкайды «Единая Россия» фракцияныҥ баштапкы ордынчызы Валерий Богомолов јӧмӧгӧн. РИА «Новостиге» интервью берерде «1612 јылда Россия поляктардыҥ олјозынаҥ јайымдалган, бу ӧйдӧ „качалаҥду ӧй“ токтогон» деп айткан.
2004 јылда ӱлӱрген айдыҥ 28-чи кӱнинде Саратовто Общественный палата ла Саратов областьтыҥ Јиитериниҥ парламентиниҥ баштаҥкайыла Театрал тепсеҥинде 8-муҥ кижи турушкан митинг ӧткӧн. Митингтыҥ туружаачылары Россия Федерацияныҥ Президенти В. В. Путиныҥ ӧткӱрип турган реформаларына јӧмӧжип турганын јетирген. Бу ла кӱнде Россия Федерацияныҥ Президенти В. В. Путинге Калыктар бирлигиниҥ кӱнин кӱчӱрген айдыҥ 4-чи кӱнинде ӧткӱрер деп баштану берилген.
2004 јылдыҥ кӱчӱрген айдыҥ 23-чи кӱнинде Думага РФ-ныҥ Иштиҥ кодексына солынталар кийдирер керегинде законопроект берилген: кӱчӱрген айдыҥ 7-чи кӱнинде — Улу Октябрьский социал революцияныҥ јылдыгын ла јаҥар айдыҥ 12-чи кӱнинде — Конституцияныҥ кӱнин јок эдери керегинде, јаҥыјылдык байрам кӱндерди 2 ала 5 кӧптӧдӧр, онойдо ок јаҥы байрам — кӱчӱрген айдыҥ 4-чи кӱнинде тургузар деп . Јасактыҥ чӱмдеечилери — Валерий Богомолов, Олег Еремеев (Единая Россия) ле Владимир Жириновский (ЛДПР).
Бу ла кӱнде Россияныҥ кудайлык совединиҥ президиумыныҥ турчылары Госдуманыҥ председатели Борис Грызловко кӱчӱрген айдыҥ 4-чи кӱнин байрам эдип тургузар деп баштану бичиген. Совет јаҥы байрам тургузар деп баштаҥкайы јӧмӧшкӧн. Мындый баштануны Госдумага база ийген.
Госдуманыҥ јуунында баштапкы кычырышта законопроект јӧптӧлгӧн, коммунисттер јӧбин бербеген. 2004 јылда јаҥар айдыҥ 27-чи кӱнинде проект ӱчинчи кычырышта јӧптӧлип, јасак болуп турган. 327 депутат тургузар деп ӱнин берген, бастыра коммунисттер — јӧбин бербеген, эки кижи токтодынган.
Калык ортодо статус
- Приднестров Молдав Республика. Президентиҥ 2012 јылдыҥ кӱчӱрген айдыҥ 16-чы кӱнинде чыккан јакааны аайынча кӱчӱрген айдыҥ 4-чи кӱни — Калыктар бирлигиниҥ кӱни, эземниҥ даталарыныҥ тоозына кирет[8], иштеер кӱн.
- Тӱштӱк Осетия. Кӱчӱрген айдыҥ 4-чи кӱни Калыктар бирлигиниҥ кӱни деп темдектелет[9].
Кинолор
- «1612: Хроники смутного времени» (кино, 2007)
- «Крепость. Щитом и мечом» (мульткино, 2015)
Онойдо ок кӧр
Ајарулар
- ↑ Федеральный закон от 29.12.2004 г. № 201-ФЗ «О внесении изменений в статью 112 Трудового кодекса Российской Федерации»
- ↑ Соловьёв С. М. История России с древнейших времён. — 2-е изд. — СПб: Товарищ. «Общественная польза». — Т. 8. — Стб. 1036.
- ↑ Костомаров Н.И. Русская история в жизнеописаниях её главнейших деятелей.
- ↑ Законопроект № 96613-4 «О внесении изменений в статью 1 Федерального закона “О днях воинской славы (победных днях) России”» Пояснительная записка (орус.). Государственная дума (12 ӱлӱрген ай 2004). Дата обращения: кӱӱк айдыҥ 10 кӱни, 2021.
- ↑ Федеральный закон от 13 марта 1995 г. № 32-ФЗ «О днях воинской славы и памятных датах России» (орус.). Kremlin.ru. Дата обращения: кочкор айдыҥ 9 кӱни, 2022. Архивировано кӱчӱрген айдыҥ 26 кӱни, 2021 јыл.
- ↑ Законопроект № 96613-4 «О внесении изменений в статью 1 Федерального закона “О днях воинской славы (победных днях) России”» Пояснительная записка (орус.). Государственная дума (12 ӱлӱрген ай 2004). Дата обращения: кӱчӱрген айдыҥ 4 кӱни, 2022. Архивировано кӱӱк айдыҥ 10 кӱни, 2021 јыл.
- ↑ Назаров В. Д. Что будут праздновать в России 4 ноября 2005 года?
- ↑ № 761 — О внесении дополнения в Указ Президента Приднестровской Молдавской Республики от 13 июня 2001 года № 300 «Об установлении профессиональных праздников и памятных дней в Приднестровской Молдавской Республике». www.ulpmr.ru. Дата обращения: кӱчӱрген айдыҥ 3 кӱни, 2021.
- ↑ День народного единства в Южной Осетии отметили патриотическим забегом.
Литература
- Андреев И. Л. и др. День народного единства: Биография праздника / Авт.: И. Л. Андреев, В. Н. Козляков, П. А. Михайлов, В. А. Токарев, Ю. М. Эскин; Вступ. ст. В. А. Никонова. — М.: Дрофа, 2009. — 352 с. — ISBN 978-5-358-03531-7.
- Головашина О. В., Аникин Д. А. Неожиданные издержки победы: 4 ноября в контексте политики памяти и массового исторического сознания // Вестник Томского государственного университета. — 2018. — № 429. — С. 66—73.
- Гугнина О. В. День 4 ноября 2005 года глазами историков и семиклассников: реализация герменевтического принципа // Историко-педагогические чтения. — 2006. — № 10. — С. 419—424.
- Ефремова В. Н. День народного единства: Изобретение праздника // Символическая политика: Сборник научных трудов. Вып. 1. Конструирование представлений о прошлом как властный ресурс / Отв. ред.: О. Ю. Малинова. — М.: ИНИОН РАН, 2012. — С. 286—300. — 334 с. — (Политология). — ISBN 978-5-248-00639-7.
- Макашова А. С. Традиции ноябрьских праздников в истории России: символическое содержание праздников // Вестник Санкт-Петербургского университета. Серия 6. Политология. Международные отношения. — 2012. — № 3. — С. 128—131.
- Малышева С. Ю. Эволюция исторической мифологии «ноябрьских» праздников в России // Вестник Пермского университета. История. — 2019. — Вып. 1 (44). — С. 138—147. — doi:10.17072/2219-3111-2019-1-138-147.
- Назаров В. Д. Что будут праздновать в России 4 ноября 2005 года? // Отечественные записки. — 2004. — № 5.
Тайантылар
- Федеральный закон от 29 декабря 2004 года № 201-ФЗ «О внесении изменений в статью 112 Трудового кодекса Российской Федерации»
- Известия. Праздничные дни. Как они появляются и кто их устанавливает. Интервью с Андреем Николаевичем Сахаровым, директором Института российской истории РАН.
- РИА Новости. День единения России. Справка
4 ноября — День народного единства
 |
|---|
