Россияда студенттердиҥ кӱни (Татьянаныҥ кӱни)

Рувики сайттаҥ
Татьянаныҥ кӱни
С днем студенчества.jpg
Бÿдÿми Россияда учурлу кӱн
( 2005 јылдаҥ ала)
Окылу Студенттердиҥ кӱни[1]
Öскö Студенттиҥ кӱни
Онойдо ок онойдо ок православный кӱнтизӱде агару кижиниҥ, Татиананыҥ эземи болуп јат[2]
Темдектелет Россия, Белоруссия[3], Молдавия[4]
Öйи чаган айдыҥ 25 кӱни[2][1]
Jыргал Татьяналарды, студенттерди байрам кӱниле уткыыры
Тудуш агару Татьяна ла МГУ тӧзӧлгӧниле[5]
Логотип РУВИКИ.Медиа Медиафайлы на РУВИКИ.Медиа

Россияда студенттердиҥ кӱни (Татьянаныҥ кӱни, эмезе Студенттиҥ кӱни) (орус. День росси́йского студе́нчества (иначе Татья́нин день или День студе́нта) — Россияда учурлу кӱн[1], онойдо ок православный кӱнтизӱде агару кижиниҥ эземи,[2] ле кӱнтизӱде аҥылу кӱн болуп чотолот.

1755 јылдыҥ чаган айдыҥ 12-чи кӱнинде, агару Римниҥ кыйналган Татьянаныныҥ кӱнинде, бала-каан Елизавета Петровна Москваныҥ университедин тӧзӧӧри керегинде јакаруга кол салган. Оноҥ ло бери Татьянаныҥ кӱни университеттиҥ чыкан кӱни чылап темдекетелип баштаган, оноҥ ары студенттердиҥ байрамы болуп калган[5].

2005 јылдаҥ ала чаган айдыҥ 25-чи кӱни Россияда «Россияныҥ студенттериниҥ кӱни» деп окылу байрам болуп темдектелип јат[6].

Россияда студенттердиҥ кӱниниҥ тӱӱкизи

[тӱзедер | кодты тӱзедер]

1755 јылдыҥ чаган айыныҥ 12-чи кӱнинде, агару Римниҥ кыйналган Татьянаныныҥ кӱнинде, Россияныҥ бала-кааны Елизавета Петровна Иван Шуваловтыҥ сурагын јарадып, Москваныҥ университедин ачар керегинде јакаруга кол салган. Бу университет Россия империяда баштапкы классикалык университет боло берген[5][7].

Орус православный серкпе агару кыйналган Татьянаны чаган айдыҥ 12-чи кӱнинде юлиан кӱнтизӱ аайынча темдектейт. XVIII чактыҥ туркунына юлиан ла григориан кӱнтизӱлер ортозында 11 кӱнге башка болгон. XX—XXI чактарда бу башкаланганы 13 кӱн боло бергент[8].

Императорский Московский университетте эске алыныш арткан:

«Шувалов бу кӱнди бала-каанга проектти берерге јӧптӧп алган: агару кыйналган Татьянаныҥ кӱнинде оныҥ энези чыккан кӱнин темдектеп турган, ол энезин јаҥы ижиле — орус университеттиҥ кураторы болуп турганыла сӱӱндирерге кӱӱнзеген».


(орус. «Шувалов нарочно выбрал этот день для поднесения государыне проекта; на память Св. великомученицы Татьяны, была именинница мать его: он хотел обрадовать её новым назначением своим в должность куратора русского университета».)

  • Икона «Татиана Римская». XIX чак

    Икона «Татиана Римская». XIX чак

  • Моховой оромдо агару Татиананыҥ серкпези (Москва)

    Моховой оромдо агару Татиананыҥ серкпези (Москва)

  • Агару кыйналган Татьянаныҥ кӱнинде МГУ-да айыл-храмда Патриарший служение

    Агару кыйналган Татьянаныҥ кӱнинде МГУ-да айыл-храмда Патриарший служение

Оноҥ, 1791 јылда университеттиҥ эски туразыныҥ бир канадында агару кыйналган Татьянаныҥ адына учурлалган айыл-серкпе тургузылган, ол агару бойы бастыра россия студенттердиҥ коруучызы деп јарлалган[5][9].

Байрам 1850 јылда тургузылган. Баштап бу байрамды јаҥыс ла Москваныҥ университединиҥ студенттери темдектеген, је оноҥ ары ӧскӧ ӱредӱлик јерлердиҥ студенттери бу кӱнди база темдектеп баштаган[10][11].

Он тогузынчы чактыҥ ортозына јетире, Татьянаныҥ кӱни Москваныҥ университединиҥ студенттериниҥ ле профессорлорыныҥ байрамынаҥ Россияныҥ интеллигенциязыныҥ окылу байрамына кӧчкӧн[12].

Октябрьский социалистический революцияныҥ кийнинде Татьянаныҥ кӱнин сӱрекей ас темдектеген. Јаҥыс ла 1995 јылда Москваныҥ университединде кыйналган Татьянаныҥ адына учурлалган серкпе ачылганныҥ кийнинде, бу байрам ойто орныккан. 2005 јылдаҥ ала чаган айдыҥ 25-чи кӱни Россияда студенттериниҥ кӱни деп темдектелип јат[8][6].

Бу байрам студенттердиҥ байрамы болгоны ӱредӱлик кӱнтизӱде база темдектелет — чаган айдыҥ 25-чи кӱни 21-чи ӱредӱлик неделениҥ калганчы кӱни болуп јат (сыгын айдыҥ 1-чи кӱнинеҥ башталган ӱредӱлик јылга), баштапкы семестрдиҥ экзамендериниҥ учы болуп јат, оныҥ кийнинде студенттердиҥ кышкы амыралтазы башталат[5].

Кӱндердиҥ келишпези[тӱзедер | кодты тӱзедер]

Россияныҥ студенттериниҥ кӱни чаган айдыҥ 25-чи кӱнинде Москваныҥ университедин ачар керегинде јакаруга кол салганыла колбой тургузылган[13][14]. Чынынча, университет 1755 јылдыҥ тулаан айыныҥ 12-чи кӱнинде (эски стиль аайынча) тӧзӧлгӧн, бу кӱн јаҥы стиль аайынча чаган айдыҥ 23-чи кӱнине келижет. Чаган айдыҥ 25-чи кӱни јастыра болуп јат ла билим телекейинде јарамыкту болгон хронологияга келишпейт.

Православиеде[тӱзедер | кодты тӱзедер]

Агару кыйналган Татьяна Римскаяныҥ кӱни бастыра христиан конфессияларда темдектелет (је католицизмде јок)[15]Православный серкпелерде агару кыйналган Татьянаныҥ кӱнинде (оны база Крещениедеги Татьянаныҥ кӱни деп адайт) эртен тура Богоявлениениҥ байрамыныҥ учына учурлап Божественный литургия ӧткӱрилет, кезик серкпелерде агару кижиге учурлап мӱргӱӱл база ӧткӱрилет ле крестный јӱриштер эдилет[16][17][18].

Крещениедеги Татьянаныҥ кӱнинде ӱренерине болуш сурап, студенттер свечкалар тургузат, кыйналган Татьянага уур ӱредӱде болуш сурап, мӱргийдилер[19][20].

Албаты кӱнтизӱде

[тӱзедер | кодты тӱзедер]

Ӧскӧ аттары[тӱзедер | кодты тӱзедер]

орус. Татьянин день, Татьяна Крещенская[19], Татьяна[21], Таньки крещенские[22]

Јаҥжыгулар[тӱзедер | кодты тӱзедер]

Бу байрамныҥ тӱӱкизинде ӱредӱ ле кудайлык темаларынаҥ башка, албатыныҥ культуразы база кожулган[23] Кӱнчыгыш славяндардыҥ шӱӱлтезиле, Татьянаныҥ кӱни — той-јыргалдардыҥ ӧйи болгон[23] Улус бу кӱнниҥ оноҥ до башка темдектерин билер јаҥду болгон соогы ла јылузын, јаскы ла јайгы кӱндердиҥ кандый болорын. Бу кӱнде кар јааза — јайы јаашту болор, кӱн чалыза — јас эрте келер деп бодойтондор[23].

Јирмезинчи чактыҥ башталганында бу кӱнде ӱй улус капустаныҥ тӱжӱми келер јылда кӧп болзын, бойы јаан ла бек болзын деп учуктардыҥ тӱрмегин сӱреен тыҥыда ла јаан эдип болчоктойтон[24]. Крестьяндарда бу кӱнде оноҥ до башка темдектер болгон: бу кӱнде чыккан ӱй кижи айылдыҥ јакшы ээзи болор деп ижемји бар, «Татьяна каравай да быжырат, половик-тӧжӧктӧрин сууда јунат, ойын-јыргалды да баштайт»[20].

Кеп сӧстӧр ле белгелер[тӱзедер | кодты тӱзедер]

  • Кӱн ажарда, каравайды кеспе, оноҥ башка келер кӱнди эртеерге албадандыраҥ (орус. Когда солнце закатилось, хлебного каравая не починай, не то другой день свой почнёшь)[25];
  • Эрте кӱн — эрте куштар (орус. Раннее солнце — ранние птицы)[26];
  • Татьянаныҥ кӱнинде кӱн эрте чыкса — куштар эрте учуп келер (орус. На Татьяну проглянет солнышко рано — к раннему прилёту птиц)[27];
  • Татьяна каравай да быжырат, половик-тӧжӧмӧлдӧрди сууда да согот, ойын-јыргалды да баштайт (орус. Татьяна и каравай печёт, и половики на реке бьёт, и хоровод ведёт)[20];
  • Бистиҥ Татьяна суудаҥ да эзирик (орус. Наша Татьяна и с воды пьяна)[28];
  • Татьянаныҥ кӱнинде соок ло айас болзо — јакшы аш болор; јылу ла шуурган болзо — аш јок болор (орус. Если на Татьяну морозно и ясно — будет хороший урожай; тепло и метель — к неурожаю)[29].

Светский байрам

[тӱзедер | кодты тӱзедер]

Јарлу байрамдааны[тӱзедер | кодты тӱзедер]

Россия империяда студенттердиҥ кӱнин тыҥ табышту ла сӱӱнчилӱ темдектегендер. Баштап бу байрамды јаҥыс ла Москвада темдектеген, је ого бастыра кала туружып турган. Байрам университеттиҥ серкпезинде мӱргӱӱлдеҥ башталатан, оноҥ университеттиҥ туразында јаан улустыҥ алдында албаты јозоктор ӧткӱрилетен.

Божогончо улу князь Сергей Александрович ӱйиле, Елизавета Федоровнала кожо јылдыҥ ла бу байрамга келип туратан. Студенттердиҥ кажы-бирӱзи улу князька сыйлаган чечектердиҥ оодыгын алып алза, ол кижи экзамендерди јакшы табыштырар деп бӱдӱмји бар болгон[9][30].

«Будильник» журналда Н. Я. Чеховтыҥ јуругы. 1882 јыл. Ӱсти јанында толыкта колында чӧӧчӧйлӱ А. П. Чехов јуралган

Оноҥ тыҥ табышту ла сӱӱнчилӱ ойын-јыргалдар каланыҥ ичиле ӧткӧн. Студенттердиҥ ойын-јыргалына француз Оливье, «Эрмитаж» деп ресторанныҥ ээзи болгон кижи, ресторанныҥ залын берип туратан, анда студенттер ле профессорлор байрамды темдектегендер. Эҥирдиҥ тогус саадынаҥ ары студенттер Тверской заставага јуук турган ресторандарга — «Яр» ла «Стрельнага» кӧчӧтӧн. Бу јерлерде Татьянаныҥ кӱнинде башка улусты кӧрбӧгӧн, хорлор кожоҥдобогон. Ичер немелердеҥ јаҥыс ла аракы ла сыра болгон, оны чӧйгӧндӧрдӧҥ уруп беретендер[30].

Бу кӱнде кӧп аракы ичкен болзо до, каанныҥ јандармдары ичкен студентти кӧрзӧ, ого тийбейтен, карын, болужын сунгандар[31][9]. Москваныҥ университединиҥ право факультедин божоткон адвокаттар јыл сайын Татьянаныҥ кӱнин «Прага» деп ресторанда темдектегени јарлу болгон[32][33]. 1905 јылдагы революцияныҥ кийнинде студенттер «Эрмитажка» барбай, анда тыҥ табышту байрамдар ӧткӱрбей барган[8] 1910 јылда Татьянаныҥ кӱнин база табыш јок араай темдектеген. Баштапкы телекейлик јууга јууктап келерде, озогы јаан ичиш-јыргалдар астап калган[11]. Университетти божоткон А. П. Чехов бу кӱн керегинде каткымчылу фельетонында мынайда бичиген[34]:

Бу јылда Москва-сууны тоҥуп калганынаҥ башка, ончо немени ичип салдылар… Пианино ло рояльдар тазырап турды, оркестрлер токтобой ойноды. Сӱӱнчизи тыҥ болгоныла бир студент стерлядь балыктар јӱскен резервуарга тӱшкен.


(орус. «В этом году выпили всё, кроме Москвы-реки, и то благодаря тому, что замёрзла… Пианино и рояли трещали, оркестры не умолкали. Было так весело, что один студент от избытка чувств выкупался в резервуаре, где плавают стерляди».)

.

В. А. Гиляровский мынайда бичиген[35]:

Москваныҥ оромдоры качан да мынайда табышту болбогон, кажы ла јыл бу кӱнде андый болгон. Полиция да, ӱстинеҥ андый јакару алганыла — бу кӱнде студенттерге тийбеген. Шпиктерге де студенттердиҥ кӧзине кӧрӱнбезин деп јакару болгон.


(орус. «Никогда не были так шумны московские улицы, как ежегодно в этот день. И полиция, — такие она имела расчёты и указания свыше, — в этот день студентов не арестовывала. Шпикам тоже было приказано не попадаться на глаза студентам»)

.

Студент јыргайт

1910 јылдарда Москваныҥ кала думазы Татьянаныҥ кӱнин аракы јогынаҥ темдектеерин сананган, сӱӱнчилӱ јерлердиҥ ордына Никитский каалгада турган аракыга удурлаштыру музейге барзын деп јӧп эткен[30].

1918 јылда Татьянаныҥ кӱнин темдектегени керегинде эске алыныштар артып калган. Бу јылда университеттиҥ серкпезин јаап салган кийнинде, студенттер Бронный оромдо столовыйдо концерттӱ ле биjeлӱ јыргалдар ӧткӱргендер. Университеттиҥ профессорлоры Башкаруныҥ Тегерик залында узун столдыҥ јанында чай ичкендер, оноҥ ректор студенттерге барган, олор оны сакып тургандар. Студенттердиҥ эҥиринде наркомдор Н. А. Семашко ло А. В. Луначарский, ӱлгерчи К. Д. Бальмонт болгондор[34].

Эмдиги студенттер бу кӱнди эмди де темдектейт, ректорлордоҥ, вузтардыҥ ӱредӱчилеринеҥ, јарлу улустаҥ, ороонныҥ ла Россияныҥ тергеелериниҥ башкараачыларынаҥ уткуулдар алат. Озо до божоткон студенттер јаҥы студенттерле кожо туштажып турат, ӱредӱде једимдер учун сыйлар табыштырылат, јакшылык эдер акциялар ӧткӱрилет[10].

Студенттердиҥ белгелери[тӱзедер | кодты тӱзедер]

Татьянаныҥ кӱни, 19 чак

Бу кӱнди темдектеген студенттердиҥ ортозында мындый ижемјилер (бӱдӱмјилер) јайылган:

Зачетный книжканыҥ калганчы бӱгинде (тӱдӱни) ыжы чыгып турган труба (тууразы) бар кичинек тура јурап салза, ӱредӱ једимдӱ болор. Тууразынаҥ чыккан тӱдӱн (ыш) канча кире узун болзо, анчазы артык[36]Сессияны јеҥил табыштырарга, бу кӱнде балконго чыгып, зачетный книжканы ачып, «Халява, приди!» деп ӱч катап кыйгырып, зачетканы тӱрген бӧктӧп салар керек[36]. Студенттердиҥ кӱнин сӱӱнчилӱ ӧткӱрзе, сессия једимдӱ болор; экзамендердиҥ алдында ырысты ӱркӱтпеске учукилерге (бичиктер) ле конспекттерге тийбеске јараар[37].

Критика[тӱзедер | кодты тӱзедер]

Православный абыстар Россияныҥ студенттериниҥ кӱнин темдектеер јаҥжыгулар агару Татьянаныҥ кӱнинде (башкалап айтса, агару кыйналган Татьянаныҥ кӱнинде) христиан јаҥжыгуга (баалулыктарга) удурлажат деп јаантайын темдектеп турган. Олор студенттердиҥ келишпес кылык-јаҥын, ӧйинеҥ ӧткӱре аракы ичерин, кандый бир чӱм-јаҥдарга эмезе темдектерге бӱдерин јарабас деп айдат. Серкпениҥ улузыныҥ шӱӱлтезиле, бу кӱнде Татьянаныҥ кыйналып ӧлгӧнин эске алар керек, ол коркышту јыргалдарга шылтак болбойт[38].


«Революцияга јетире студенттер Татьянаныҥ кӱнин темдектеген. Је ол студенттердиҥ коруучылына-корулаачызына албаты мӱргӱӱлди болбогон. Ол ӱренип турган јииттердиҥ бир кӱнге јӧптӧлгӧн, јаҥжыккан кату кылыгы болгон. Јандармдар эзирик студенттерди кӧрбӧӧчи олгон (јажырып кӧргӧн), олор дезе мындый немелер кожоҥдогон: 'Эй, Татьяна, ой, Татьяна / Ончозы эзирик, сӱрекей эзирик'».


(орус. «Так, до революции студенты праздновали память Татьяны. Но менее всего это была общенародная молитва к покровительнице студенчества. Это было привычное и дозволенное однодневное буйство учащейся молодежи. Жандармы сквозь пальцы смотрели на хмельных студентов, а те пели что-то вроде: „Эх, Татьяна, ох, Татьяна/ Все пьяны, очень пьяны“»)

— Протоиерей Андрей Ткачёв[39]


«Бу кӱнди темдектеп, оны агару кыйналган Татьянаныҥ кӱниле колбоп турган болзогор, оны учур јок ло кату ичиш-јыргалла, сырала, тыҥ кыйгы-кышкыла, јыгылганча биjелеп, уйат јок кылыкла темдектебегер… је агару кыйналган кижиниҥ кылыгын ээчип, „јаманда јаткан“ тенек телекейдиҥ кинчектӱ јаҥжыгуларына, чӱм-јаҥдарына ла ээжилерине удурлажып, санаалу ла ээчий-деечий бараар…»

(орус. «Если вы празднуете этот день и связываете его с памятью святой мученицы Танианы, то почтите её не гульбищем бессмысленным и беспощадным, не пивом, не воплями бесчинными, не плясками до упаду и не блудом… а сознательным и последовательным подражанием святой мученице в её противлении греховным привычкам, традициям и правилам безумного мира, который „во зле лежит“…».)

— Протоиерей Димитрий Шишкин[38]


Россия студенчествозыныҥ кӱнине Флешмоб, 2020

[тӱзедер | кодты тӱзедер]
  • МГУ-ныҥ јанында тепсеҥ

    МГУ-ныҥ јанында тепсеҥ

  • МГУ-ныҥ јанында тепсеҥ

    МГУ-ныҥ јанында тепсеҥ

  • МГУ-ныҥ јанында тепсеҥ

    МГУ-ныҥ јанында тепсеҥ

Онойдо ок кӧр

[тӱзедер | кодты тӱзедер]

Литература

[тӱзедер | кодты тӱзедер]
  • Императорский Московский университет: 1755—1917: энциклопедический словарь / А. Ю. Андреев, Д. А. Цыганков. — М.: Российская политическая энциклопедия (РОССПЭН), 2010. — С. 709—710. — 894 с. — 2000 экз. — ISBN 978-5-8243-1429-8.
  • Капуста / Усачёва В. В. // Славянские древности: Этнолингвистический словарь : в 5 т. / под общ. ред. Н. И. Толстого; Институт славяноведения РАН. — М. : Межд. отношения, 1999. — Т. 2: Д (Давать) — К (Крошки). — С. 457–461. — ISBN 5-7133-0982-7.
  • Русские / Отв. ред. В. А. Александров, И. В. Власова, Н. С. Полищук. — М.: Наука, 1999. — 725 с. — ISBN 5-88590-309-3.
  • Церковно-народный месяцеслов на Руси / [Соч.] И.П. Калинского. — Санкт-Петербург: тип. В. Киршбаума (б. Майкова), 1877. — 216 с.
  • Январь / Валенцова М. М., Плотникова А. А., Ясинская М. В. // Славянские древности: Этнолингвистический словарь : в 5 т. / под общ. ред. Н. И. Толстого; Институт славяноведения РАН. — М. : Межд. отношения, 2012. — Т. 5: С (Сказка) — Я (Ящерица). — С. 632–636. — ISBN 978-5-7133-1380-7.
  • Громыко М. М. Трудовые традиции русских крестьян Сибири: (XVIII — первая половина XIX в.). — Новосибирск: Наука, 1975. — 349 с.
  • Ермолов А. С. Народная сельскохозяйственная мудрость в пословицах, поговорках и приметах. — СПб.: Типография А.С.Суворина, 1901. — Т. 1. Всенародный месяцеслов. — 691 с.
  • Золотые правила народной культуры / О. В. Котович, И. И. Крук. — Мн.: Адукацыя i выхаванне, 2010. — 592 с. — 3000 экз. — ISBN 978-985-471-335-9.
  • Когинов Ю. Иван Шувалов: Татьянин день. — М.: АСТ, 1998. — ISBN 5-7632-0805-6.
  • Некрылова А. Ф. Русский традиционный календарь: на каждый день и для каждого дома. — СПб.: Азбука-классика, 2007. — 765 с. — ISBN 5352021408.
  • Пушкарёв Л. Н. Духовный мир русского крестьянина по пословицам XVII—XVIII веков. — М.: Наука, 1994. — 192 с. — ISBN 5-02-009755-1.
  • Пчелов Е. В. Когда праздновать годовщину Бородинской битвы? (Решение простой хронологической задачи) // Отечественная война 1812 года: Источники. Памятники. Проблемы. Материалы IX Всероссийской научной конференции. Бородино. 4—6 сентября 2000 г. — М.: Калита, 2001. — С. 222—230.
  • Рожнова П. К. Радоница. Русский народный календарь: обряды, обычаи, травы, заговорные слова. — М.: Дружба народов, 1992. — 174 с. — ISBN 5-285-00135-8.
  • Руга В., Кокорев А. Москва повседневная. — М.: Олма-Пресс, 2005. — 282 с. — ISBN 5-224-05095-2.
  • Терентьева Е. Ю. Народные названия церковных праздников в русской и болгарской православной традиции // Автореферат диссертации на соискание учёной степени кандидата филологических наук. МГУ. — М.: МГУ, 2012.
  • Чесноков В. И. Некоторые актуальные вопросы истории дореволюционных российских университетов // Российские университеты в XVIII—XX веках : сборник научных статей. — Воронеж: Издательство Воронежского государственного университета, 2002. — Вып. 6. — С. 141—146. — ISBN 5-7455-1236-9.

Ајарулар

[тӱзедер | кодты тӱзедер]
  1. ↑ 1 2 3 Федеральный закон от 13.03.1995 N 32-ФЗ (ред. от 28.09.2023) "О днях воинской славы и памятных датах России". Статья 1.1. Памятные даты России. КонсультантПлюс. Дата обращения: чаган айдыҥ 24 кӱни, 2024.
  2. ↑ 1 2 3 Православный календарь. Православие.Ru. Дата обращения: чаган айдыҥ 23 кӱни, 2024.
  3. ↑ Кира Иванова. Что можно и нельзя делать в Татьянин день 25 января, который называют Бабий кут. Комсомольская правда (25 января 2024). Дата обращения: чаган айдыҥ 25 кӱни, 2024.
  4. ↑ «Татьянин день» - праздник, который объединяет. Представительство Россотрудничества в Республике Молдова (25.01.2014). Дата обращения: 25 января 2024.
  5. ↑ 1 2 3 4 5 25 января. РИА Новости (25.01.2007). Дата обращения: чаган айдыҥ 23 кӱни, 2024.
  6. ↑ 1 2 Указ Президента Российской Федерации от 25.01.2005 г. № 76. Президент России (25.01.2005). Дата обращения: чаган айдыҥ 23 кӱни, 2024.
  7. ↑ Ю. Рубан. Татьянин день. Азбука веры (24 января 1998). Дата обращения: чаган айдыҥ 24 кӱни, 2024.
  8. ↑ 1 2 3 Олеся Роженцова. Татьянин день: дата, история и традиции праздника. Почему в этот день поздравляют студентов. РБК (19 января 2024). Дата обращения: чаган айдыҥ 24 кӱни, 2024.
  9. ↑ 1 2 3 25 января -Татьянин день -День российского студенчества. Администрация Санкт-Петербурга (25 января 2013).
  10. ↑ 1 2 День студента 2024 — история и традиции главного молодежного праздника. Известия (24 января 2024). Дата обращения: чаган айдыҥ 25 кӱни, 2024.
  11. ↑ 1 2 Руга В., Кокорев А., 2005, с. 17.
  12. ↑ Александров и др., 1999, с. 581–582.
  13. ↑ Законопроект № 145246-4 «О внесении изменений в статью 1 Федерального закона “О днях воинской славы (победных днях) России”» Пояснительная записка (орус.). Государственная дума (28 кочкор ай 2005). Дата обращения: чаган айдыҥ 24 кӱни, 2024. Архивировано ӱлӱрген айдыҥ 5 кӱни, 2019 јыл.
  14. ↑ Федеральный закон от 13 марта 1995 г. № 32-ФЗ «О днях воинской славы и памятных датах России» (орус.). Президент России. Дата обращения: чаган айдыҥ 24 кӱни, 2024. Архивировано кӱчӱрген айдыҥ 26 кӱни, 2021 јыл.
  15. ↑ 25 января – день памяти святой мученицы Татьяны. Вятская и Слободская Епархия (24.01.2024). Дата обращения: чаган айдыҥ 24 кӱни, 2024.
  16. ↑ Богослужебные указания за 25 января 2024 года. Русская православная церковь. Дата обращения: чаган айдыҥ 24 кӱни, 2024.
  17. ↑ В Татьянин день отслужили молебен в ЮГУ. Югра православная (31 чаган ай 2014). Дата обращения: чаган айдыҥ 24 кӱни, 2024.
  18. ↑ Крестный ход в Татьянин день. Алтайский государственный технический университет им. И.И. Ползунова (19 чаган ай 2009). Дата обращения: чаган айдыҥ 24 кӱни, 2024.
  19. ↑ 1 2 Усачёва, 1999, с. 457.
  20. ↑ 1 2 3 Котович, Крук, 2010, с. 70.
  21. ↑ Ермолов, 1901, с. 40.
  22. ↑ Терентьева, 2012, с. 13.
  23. ↑ 1 2 3 О. А. Ботякова. «Татьянин день». Российский этнографический музей. Дата обращения: чаган айдыҥ 24 кӱни, 2024.
  24. ↑ Котович, Крук, 2010, с. 71.
  25. ↑ Рожнова, 1992, с. 22.
  26. ↑ Некрылова, 2007, с. 69.
  27. ↑ Коринфский, 1901, с. 115.
  28. ↑ Пушкарёв, 1994, с. 157.
  29. ↑ Громыко, 1975, с. 154.
  30. ↑ 1 2 3 Дмитрий Буткевич. «Празднование Дня студента в Российской империи было крайне шумным». Коммерсантъ (25.01.2021). Дата обращения: чаган айдыҥ 24 кӱни, 2024.
  31. ↑ 25 января — День российского студенчества Архивная копия от 27 јаҥар ай 2013 на Wayback Machine // Sandoorru
  32. ↑ Иван Жуковский. «Татьяна» всех равняет. Moscow Daily News (25 января 2023). Дата обращения: чаган айдыҥ 24 кӱни, 2024.
  33. ↑ Руга В., Кокорев А., 2005.
  34. ↑ 1 2 Императорский Московский университет, 2010, с. 710.
  35. ↑ Гиляровский В.А.: Студенты. Фрагмент 2. Летопись Московского университета. Дата обращения: чаган айдыҥ 25 кӱни, 2024.
  36. ↑ 1 2 Анастасия Москвитина. Сегодня Татьянин день: народные приметы и традиции в День студента. Якутия Daily (25.01.2024). Дата обращения: чаган айдыҥ 25 кӱни, 2024.
  37. ↑ Лиза Офман. Приметы на Татьянин день или День студента 2023: что нельзя делать. Sputnik (24 января 2023). Дата обращения: чаган айдыҥ 25 кӱни, 2024.
  38. ↑ 1 2 Протоиерей Димитрий Шишкин. Татьянин день. Крымская митрополия (24 чаган ай 2024). Дата обращения: чаган айдыҥ 25 кӱни, 2024.
  39. ↑ Протоиерей Андрей Ткачёв. Упаси нас Бог праздновать в невежестве. КОНТ (23 чаган ай 2024). Дата обращения: чаган айдыҥ 25 кӱни, 2024.

Тайантылар

[тӱзедер | кодты тӱзедер]


Алган јери - "https://alt.ruwiki.ru/w/index.php?title=Россияда_студенттердиҥ_кӱни_(Татьянаныҥ_кӱни)&oldid=289082"