Ялбакова, Елизавета Чанкышевна
| Елизавета Чанкышевна Ялбакова | |
|---|---|
| Чыккан ӧйи | јаан изӱ айдыҥ 9 кӱни 1946 (78 јаш) |
| Чыккан јери | |
| Ороон | |
| Иш-тоштыҥ бӱдӱми | певица |
| Кайралдары ла премиялары |
 |
Карагыс (Елизавета Чаҥкышевна) Ялбакова[1] (чык. ӧйи Ойрот автоном область, ССРС), сӧӧги тодош — Алтайда, кожоҥчы, Алтайда Ленинский комсомолдыҥ сыйыныҥ лауреады (1981), Л. И. Алаевала кожо «Кӱӱниҥ ӱредӱчилерине керектӱ методикалык ајарулар» деп бичиктиҥ соавторы, «Мениҥ ӱредӱчим» деп бичик ле бир канча кожоҥдордыҥ авторы (2007), «Алтай» деп эстрадалык ансамбльдыҥ солисти, Алтай Республиканыҥ нерелӱ кижизи2016), 2000)Россия Тергеезиниҥ нерелӱ артисти (02.03.1989), кӧп тоолу сыйлар ла кӱндӱлӱ грамоталарла кайралдаткан, портреттери, фотојуруктары јарлу журналдар, альманахтар ла бичиктерде кепке базылган («Советская культура» ж/л (1972), «Эл-ойын — јондык байрам» деп брошюрада фотојуругы (2006), «Люди эпохи ХХ века» деп энциклопедияда (2002 ј. 184 стр.) ла о.ӧ. «Алтайдыҥ алтын ӱни» (орус. Золотой голос Алтая) «Алтайдыҥ тоорчыгы» (орус. Соловей Алтая) деп кожоҥчыны албаты адаган.
Биографиязы
Карагыс Ялбакова[4] Оҥдой аймактыҥ Јоло јуртында 1946 јылда јаан изӱ айдыҥ 9 кӱнинде чыккан, јаш тужы Шибееде ӧткӧн. 1957 јылда ол Областной национальный школго ӱренерге келген. Мында Лизаныҥ јайалтазы оноҥ ары кӧҥжиген, ол областьтыҥ радиокомитединде балдарга учурлаган берилтелерде туружып, кӱӱлик школдо скрипкага ӱренип, хордо кожоҥдоп, конкустар ла олимпиадаларда, художественный самодеятельностьто эрчимдӱ туружып баштаган. Удабай бу школго оныҥ карындажы Николай, сыйындары Лида ла Надя ӱренерге келген.
Ада-энези
Адазы, Ялбаков Чаҥкыш Иванович[5], 1917 јылда кӱӱк айдыҥ 1 кӱнинде Оҥдой аймактыҥ Јоло јуртында чыккан, тодош сӧӧктӱ кижи, зоотехник-селекционер, Ада-Тӧрӧл учун Улу јууныҥ туружаачызы, јажына ла Кеҥиниҥ совхозында зоотехник, кийнинде, амыралтага чыгала койчы болуп иштеген. Ол 1942 јылда јуунаҥ шыркалу јанып келген, бу ла јылда кыпчак сӧӧктӱ Елена Чочкинала биригип, биле тӧзӧгӧн. Елена 1915 јылда Шабалин аймактыҥ Ильинка јуртында чыккан. Ильинканаҥ Буландыкта јадып, билези Шибееге токтогон. Елена јетијылдык школ божоткон кийнинеҥ, Ойрот-Турада Кооперативный училище божодып, Кош-Агашта банкта кассир, Улаганда, Јолодо магазинде садучы болгон. Кожоҥдоор, гитарала ойноор, јайалталу, кеберкек кыс болгон. Чаҥкыш Иванович ле Елена Андреевнаныҥ (адазыныҥ алтай ады Бадык) билезинде 4 кыс ла бир уул чыдаткан.
Ӱредӱзи
Горно-Алтайскта областной национальный школды божодоло, ол Москвада культураныҥ институдыныҥ культурно-просветительский факультединиҥ дирижерско-хоровой бӧлӱгине киргенВалентина Толкунова, Геннадий Заволокин, Игорь Николаев, Леонид Агутин ӱренгендер. СССР-дыҥ калыктарыныҥ студенттери мында база кӧп болгон. Олордыҥ тилиле, культуразыла таныжып, казактап, башкирлеп, узбектеп кожоҥдоп баштаган. Јаҥы јерге темигип, ӱредӱге јилбиркеп, Лиза уур-кӱчти ӧдӱп чыгатан. Ыраак Москвада јерлештериле туштажып, чайлап, куучындажып, солундарла ӱлежип, кожоҥдожып, ӱлгерлер кычырып туратан. Ӱӱрелери Тамара Мендошева, Татьяна Тайпина, Валентина Чичиекова, Зоя Анатова, Светлана Кандаракова, Любовь Пустогачева ла Луиза Торбогошевала кожо киного, театрга, выставкаларга јӱретен.
Туулу Алтайдаҥ керектериле келген бичиичилер Переделкиного келетен, студенттер олорго база јолугатан. Шатра Шатинов, Паслей Самык, Кӱӱгей Тӧлӧсов ло Эркемен Палкин Алтай јеринеҥ эрӱ салкын ла јастыҥ тыныжын экелетен. Бу ла ӧйлӧрдӧ Лиза јайаандык ижине керектӱ Карагыс деп псевдоним алган.
Анна Германныҥ, Батыр ла Фарух Закировтордыҥ, Бибигуль Толегенованыҥ, Дин Ридтиҥ, Готлиб Ронинсонныҥ, Владимир Высоцкийдиҥ концерттерин кӧргӧн. МГИКТЕ јарлу ӱлгерчилер туштажулар ӧткӱретен, олордыҥ ортодо јууныҥ туружаачызы Эдуард Асадовтыҥ эҥиринде Карагыс Тӧрӧли, ар-бӱткен, чындык керегинде јаш-ӧскӱримге учурлалган ӱлгерлерин ӧкпӧӧрип уккан. Јайгы амыралтаныҥ ӧйинде студент кыс темирјолдо проводник болуп, ороонныҥ телкемдериле Москванаҥ ала Ыраак Кӱнчыгышка јетире маҥтадып иштеген. Москва артистке кӧп солун туштажулар ла таныштар берген. Кӧп јарлу артисттерге ол нӧкӧр болуп арткан.
Билези
Карагыс кӧп балдарлу биледе чыдаган. Балдардыҥ јааны болуп јат, сыйны Лида ла Надя, карындажы Николай. Бастыра јӱрӱмине кожо чыккандарына, тӧрӧӧндӧрине болужып јӱрет. Уулы Айлан Соня деп кысту. Елизавета Чаҥкышевнаныҥ Соня баркызы јаанагы ла чылап шахматла ойноорго сӱӱр, тилдерле јилбиркейт.
Ижи
Елизавета Чаҥкышевна Ялбакова школдыҥ кийнинеҥ 1967), 1971 јылда эстрадный искусствоныҥ Текшисоюзный мастерскойында ӱренген[7].
1967—1968 јылдарда — Горно-Алтайскта областной дом народного творчестваныҥ методисти.
1968—1972 јылдарда — Горно-Алтайский областной концертный бригаданыҥ солисты.
1972—1974 јылдарда — Горно-Алтайский облисполкомныҥ телевидение ле радиовещаниезиниҥ комитединиҥ дикторы.
1974—1977 јылдарда — Горно-Алтайский облисполкомныҥ концертно-эстрадный бюрозыныҥ солист-вокалисти.
1977—1979 јылдарда — Горно-Алтайский автоном областьтыҥ Улаган аймагында ВЛКСМ-ныҥ райкомыныҥ делопроизводитель-машинисти.
1982 јылдаҥ 1993 јылга јетире — Горно-Алтайский облисполкомныҥ концертно-эстрадный бюрозыныҥ солист-вокалисти.
1993—1997 јылдарда — Государственный филармонияныҥ «Алтай» ансамблиниҥ солист-вокалисти (Горно-Алтайск).
1997—2000 јылдарда — ООО «Ажуныҥ» башкараачызы.
2000 јылда — Алтай Республикада культураныҥ министры.
Кожоҥчы ас туштаар тембрлу ӱндӱ — колоратурный сопрано. Оны алтайыстыҥ тоорчыгы деп тегиндӱ адабаган. Елизавета (Карагыс) Ялбакова алтай кӱӱчилердиҥ Андрей Анохинниҥ, Борис Шульгинниҥ, Александр Тозыяковтыҥ, Владимир Хохолковтыҥ кожоҥдорын сценага чыгарган. Оныҥ 100-теҥ артык кожоҥдоры, бир канча кӱӱлик альбомдоры бичилген. Евгений Борисов башкарган «Сибирь» деп орыс калыктыҥ ойноткыларыныҥ оркестрыла кожо (Барнаул), Новосибирсктиҥ радио ло телевидениезиниҥ оркестрыла кожо Карагыс Ялбакова кӧп кожоҥдор бичип, Сибирдиҥ калаларыла гастрольдоп јӱрген, калыктар ортодо конкурстарда турушкан, Польша, Бельгия, Вьетнам, Люксембург, Турцияда ӧткӧн фестивальдарда турушкан[8]
Ялбакова Е. Ч. телекейдиҥ сценический площадкаларында кожоҥдоп, алтай культураны кӧдӱреринде јаан иш ӧткӱрген. Јайаандык ижинде бийик једимдери, калыктар ортодо најылык ла амыр-энчӱ учун јаан ижи учун, Карагыс Ялбаковага «Алтай Республиканыҥ кӱндӱлӱ кижизи» деп нере берилген (2016).
Јайаандык ижи
«Меня всегда поражала ее колоссальная энергия, с которой она берется за любую творческую работу. Замечательная артистка! Высоко образованна и пунктуальна. Я пытаюсь научиться у нее многому. Очень хочется, чтобы эта неиссякаемая энергия и любовь к творчеству оставались в ней надолго». Александр Трифонов.
Репертуары
| № | кожоҥ | орустап | кӱӱзи | сӧстӧри | ||
|---|---|---|---|---|---|---|
| 1 | «Тоорчык» | Соловей | Б.Шульгин | А.Адаров | ||
| 2 | «Куу» | Лебедь | Б.Шульгин | Ш.Шатинов | ||
| 3 | «Студенттердиҥ кожоҥы» | Студенческая | Б.Шульгин | Б.Укачин | ||
| 4 | «Ӱч-Сӱмер» | Три вершины | Б.Шульгин | И.Шодоев | ||
| 5 | «Чолушманка» | Чолушманка | Б.Шульгин | А.Адаров | ||
| 6 | «Салымы башка кайран кыс» | Девушка с другой судьбой | Б.Шульгин | Э.Палкин | ||
| 7 | «Сӱӱмјиниҥ кожоҥы» | Песня радости | Б.Шульгин | В.Качканаков | ||
| 8 | «Каракӧс» | Черноглазая | Б.Шульгин | В.Качканаков | ||
| 9 | «Кайран Алтай» | Родной Алтай | Калыктыҥ кожоҥы, кӱӱлик јазалы Б.Шульгинниҥ | алтай албатыныҥ кожоҥы | ||
| 10 | «Јанарым» | Я вернусь | Б.Шульгин | К.Ялбакова | ||
| 11 | «Мен алтай» | Я алтайка | Б.Шульгин | С.Сартакова | ||
| 12 | «Алтайым» | Мой Алтай | А.Тозыяков | Л.Кокышев | ||
| 13 | «Алтайда ырыс табарыҥ» | На Алтае счастье найдешь | А.Тозыяков | П.Самык | ||
| 14 | «Кыстыҥ кожоҥы» | Песня девушки | А.Тозыяков | Г.Умашева | ||
| 15 | «Алтынай» | Алтынай — имя девушки | А.Тозыяков | В.Качканаков | ||
| 16 | «Аргымак» | Скакун | А.Тозыяков | Б.Укачин | ||
| 17 | «Алтай — чаҥкыр тӧрӧлим» | Алтай — голубая земля | А.Тозыяков | Аржан Адаров | ||
| 18 | «Эркеледиш» | Нежность | А.Тозыяков | А.Ередеев | ||
| 19 | «Кем болотон бу уул?» | Кто этот парень? | А.Тозыяков | В.Качканаков | ||
| 20 | «Турналар» | журавли | А.Тозыяков | Л.Кокышев | ||
| 21 | «Алтайымды сананзам» | Думы об Алтае | А.Тозыяков | Б.Укачин | ||
| 22 | «Мызырт Алтай» | А.Тозыяков | Ш.Шатинов | |||
| 23 | «Алтай вальс» | Алтайский вальс | В.Хохолков | Б.Суркашев | ||
| 24 | «Туулар кызы» | Горянка | В.Хохолков | Г.Кондаков | ||
| 25 | «Торко-сары» | Иволга | В.Хохолков | Г.Кондаков | ||
| 26 | «Јааш» | Дождь | В.Хохолков | И.Шинжин | ||
| 27 | «Келер, джигиттер» | Приходите, джигиты | В.Хохолков | С.Сейфулин | ||
| 28 | «Алкыш» | Благословение матери | А.Монасыпов | К.Ялбакова | ||
| 29 | «Койчыныҥ кожоҥы» | Песня чабанки | А.Монасыпов | К.Ялбакова | ||
| 30 | «Шоҥкор» | Сокол | П.Кучияк | П.Кучияк | ||
| 31 | «Јанарымды сакы» | Жди меня | Албатыныҥ кожоҥы | албатыныҥ сӧстӧри | ||
| 32 | «Кадынды тӧмӧн кас келди» | Албатыныҥ кожоҥы | албатыныҥ сӧстӧри | |||
| 33 | «Кан Алтай» | Хан Алтай | Албатыныҥ кожоҥы | албатыныҥ сӧстӧри | ||
| 34 | «Кас» сыгыт | Жалобы влюбленных | Албатыныҥ кожоҥы | албатыныҥ сӧстӧри | ||
| 35 | «Алтын Кӧлдиҥ јаражы» | о красоте Телецкого озера | Албатыныҥ кожоҥы, кӱӱлик јазалы Анохинниҥ | албатыныҥ сӧстӧри | ||
| 36 | «Алтайымныҥ суулары» | Албатыныҥ кожоҥы | албатыныҥ сӧстӧри | |||
| 37 | «Сагал» | Борода | телеут албатыныҥ кожоҥы | албатыныҥ сӧстӧри, А.Анохин бичиген | ||
| 38 | «Ойын» | Алтайская игровая | алтай албатыныҥ кожоҥы, кӱӱлик јазалы В.Кончевтиҥ | албатыныҥ сӧстӧри | ||
| 39 | «Алтайым» | Мой Алтай | В.Пешняк | Л.Кокышев | ||
| 40 | «Кӱй, кӱй, јӱрегим» | Гори, гори, мое сердце | В.Пешняк | А.Адаров | ||
| 41 | «Камдаганы» | Шаманская мистерия | В.Пешняк | К.Ялбакова | ||
| 42 | «Кӧксимде јастыҥ кожоҥы» | Весенняя песня В душе моей | В.Пешняк | албатыныҥ сӧстӧри | ||
| 43 | Кыстыҥ кожоҥы, «Абайым» деп опереттанаҥ | девичья лирическая | В.Пешняк | А.Адаров | ||
| 44 | «Аргымак» | Скакун | А.Новиков | А.Эдоков | ||
| 45 | «Јаҥы Алтай» | Новый Алтай | А.Ильин | П.Кучияк | ||
| 46 | «Кабай кожоҥ» | Колыбельная | К.Дуйсекеев | Д.Белеков | ||
| 47 | «Ак кайыҥ» | Белая береза | С.Подпурский | С.Суразаков | ||
| 48 | «Песня лесорубов» | В.Заводчиков | К.Козлов | |||
| 49 | «Алтай кыстарга» | Алтайским девушкам | Н.Шумаров | Д.Белеков | ||
| 50 | «Партизандардыҥ кожоҥы» | Песня партизан | П.Кучияк, кӱӱлик јазамалы А.Ильинниҥ | П.Кучияк | ||
| 51 | «Кара кӧс» | Черные глаза | С.Этенов | С.Мешкинов | ||
| 52 | «Алтайым ла албатым» | Мой Алтай и мой народ | А.Трифонов | С.Тадыкин | ||
| 53 | «Хан Алтай» | А.Трифонов | А.Тадыкина | |||
| 54 | «Принцесса Укока» | А.Трифонов | Ј.Унукова | |||
Карагыс Ялбакованыҥ репертуарында болгон телекейдиҥ калыктарыныҥ кожоҥдоры
- «Сӱӱш биске келди» (орус. К нам пришла любовь, индия) Джайкишев;
- «Јакшы ба, болчом» (Здравствуй, малыш, јопон кинодоҥ);
- «Баян Монгол» (орус. Богатая Монголия);
- «Мениҥ шырам» (Мои муки, Иран);
- «Деляж Боделям» (Афган);
- «Кел» (Приди, тӱрк);
- «Рисовый барабан» (Вьетнам);
- «О, светоч грез моих» (араб танго, кӱӱзи Атраш);
- «Энениҥ кожоҥы» (Песня матери, хакас);
- «Айлан, кужым» (орус. Кружись, птица моя, тувин кӱӱчи Пюрбе;
- «Айакта чай» (Чашка чая, тувин кӱӱчи Кенденбиль);
- «Арчуул тӱӱгем» (орус. Шаль вязала, башкорт);
- «Азатпайлар» (Цыплятки, азербайджан калыктыҥ кожоҥы);
- «Пӧтӱгеш» (Петушок, латыш калыктыҥ кожоҥы);
- «Сок, сок, салкынак», (Вей, вей, ветерок, латыш);
- «Джан» (узбек);
- «Наманганда алама» (Наманганские яблоки, узбек);
- «Якутяночка» (кӱӱзи В.Алексеевтиҥ, сӧстӧри Дербеневтыҥ);
- «Кӧксимде јас» (В душе весна, татар);
- «Айлан оглан» (тӱркмен калыктыҥ кожоҥы).
Орус калыктыҥ кожоҥдоры
- «Кӱзӱҥи» (Колокольчик, озогы орус вальс);
- «Перевоз Дуня держала»;
- «Травушка-муравушка»;
- «По Муромской дороге».
Классикалык ла эстрадалык кожоҥдор
- «Болеро», кӱӱчи Кьяра;
- «Гранада», испан тилдеҥ И.Бекетов кӧчӱрген;
- «Сольвейгтиҥ кожоҥы», Ибсенниҥ драмазынаҥ, кӱӱчи Э.Григ;
- «Виолеттаныҥ ариязы», «Травиата» деп операнаҥ, кӱӱзи Дж. Верди;
- «Чио-Чио-Санныҥ» ӱч ариязы, «Мадам Батерфляй» деп операнаҥ, кӱӱзи Дж. Пучини;
- «Бӱдедим, иженедим», кӱӱзи Г.Мурта, итальян тилдеҥ Мясников кӧчӱрген;
- «Бул-бул»" (Соловей, кӱӱзи Л.Хамиди);
- «Казах вальс», Л.Хамиди;
- «Айголек», кӱӱчи Байкадамов, сӧстӧри Баймухамедов;
- «Талаҥ-келеҥ» (Жаворонок, М.Глинка);
- «Тоорчык» (Соловей, А.Алябьев);
- «Заздравная», «Весна» деп кинодоҥ, И.Дунаевский;
- «В горнице», кӱӱчи, А.Морозов, сӧстӧри Н.Рубцов;
- «Россия», кӱӱчи Д.Тухманов, сӧстӧри М.Ножкин.
Кайралдары
- РСФСР-дыҥ нерелӱ артисти (1989);
- Алтай Республиканыҥ кӱндӱлӱ кижизи (2016);
- «Знак почета» деп орден (1976);
- Лауреат премии Алтайдыҥ Ленинский комсомолыныҥ сыйыныҥ лауреады.
Јуруктардыҥ кӧмзӧзи
Литература
- В. Г. Кушнаренко-Суртаева. Карагыс — «Соловей Алтая»[9] (повесть). Горно-Алтайск. 2008. Серия «София Ургас»
- Тарбанакова С. Н. «Песни Карагыс Ялбаковой». Советская культура. — 06.07.1976
Акулова Т. Кылдаҥ чичке, кыннаҥ јараш кожоҥчы//Алтайдыҥ чолмоны. — 30.06.1993 Шумаров Н. Алтайыстыҥ алтын кӱӱги//Алтайдыҥ чолмоны. — 08.03.1991 Акулова Т. Кожоҥдо, тоорчык, кожоҥдо!//Алтайдыҥ чолмоны. — 25.05.1989 Чараганова Г. «Мен сениҥ кызыҥ, Алтай»//Алтайдыҥ чолмоны. — 05.05.1989 Кудирмеков Б. Агару Амаду.//Алтайдыҥ чолмоны. — 09.12.1986
Ајарулар
- ↑ Карагыс Ялбакова. Республика Алтай в лицах 26 авг 2016 · от Саши Стафеевой[1]
- ↑ Знаменитые люди Республики Алтай[2]
- ↑ Yalbakova Elizaveta Chankyshevna, биография, 19 февраля 2022 [3]
- ↑ Интервью от 19 АПРЕЛЯ 2012, Карагыс Ялбакова: «Жизнь люблю во всех ее красках…»[4]
- ↑ Звезда Алтая, «Великий труженик»[5]
- ↑ Ялбакова Е. Ч., регионы[6]
- ↑ Творческий вечер Карагыс Ялбаковой[7]
- ↑ Жизнь люблю во всех красках. Звезда Алтая[8]
- ↑ Карагыс — Соловей Алтая, Повесть [9]