С. С. Суразаковтыҥ адыла адалган алтаистиканыҥ билим-шиҥжӱлӱк институды

Рувики сайттаҥ
Алтай Республиканыҥ бюджет учреждениези С. С. Суразаковтыҥ адыла адалган алтаистиканыҥ
билим-шиҥжӱлӱк институды
(БНУ РА «НИИ алтаистики им. С. С. Суразакова»)
Изображение логотипа
Тӧзӧлгӧн 1952
Башкараачы Алексей Эдуардович Чумакаев
Турган јери  Россия  Алтай Республика
Сайт Сайт института

С. С. Суразаковтыҥ адыла адалган алтаистиканыҥ билим-шиҥжӱлик институды (орус. Институт алтаистики имени С. С. Суразакова) — Алтай Республикада эҥ ле озо ачылган билим-шиҥжӱлӱк учреждениелериниҥ бирӱзи, Алтай Республиканыҥ билимдик ле культуралык тӧс јери[1].

Институттыҥ тӱӱкизи

Институт СССР министрларыныҥ Совединиҥ 1951 јылда кӱчӱрген айдыҥ 10-чы кӱнинде № 21444-р чыккан јакааны аайынча ла областной депутаттардыҥ Совединиҥ Бӱдӱрер комитединиҥ Горно-Алтайский автоном область 1952 јылда кӱӱк айдыҥ 7-чи кӱнинде № 16 чыккан јӧби айаынча Горно-Алтайский научно-исследовательский институт истории, языка, литературы болуп тӧзӧлгӧн[2].

Институт Горно-Алтайский научно-исследовательский институт общественных наук деп ады солынган, Горно-Алтайский автоном областыҥ ишмекчилериниҥ Совет депутаттарыныҥ комитединиҥ јӧптӧгӧниле 1989 јылда куран айдыҥ 8-чи кӱнинде № 296; Горно-Алтайский институт гуманитарных исследований боло берген, Алтай Республиканыҥ Эл Курултайыныҥ Президиумыныҥ 1995 јылда кочкор айдыҥ 22-чи кӱнинде № 25 чыккан јакааныла; Алтай Республиканыҥ Тергеелик учрежденизи «Институт алтаистики им. С. С. Суразакова» деп Алтай Республиканыҥ башкарузыныҥ 2001 јылда јаан изӱ айдыҥ 17-чи кӱнинде № 196 чыккан постановлениези аайынча; Алтай Республиканыҥ Тергеелик билим учреждениези С. С. Суразаковтыҥ адыла адалган алтаистиканыҥ билим-шиҥжӱлӱк институды («Научно-исследовательский институт алтаистики им. С. С. Суразакова») Алтай Республиканыҥ башкаузыныҥ јакааныла № 267 2008 јылда јаҥар айдыҥ 5-чи кӱнинде чыккан јакааны аайынча[2].

Алтай Республиканыҥ башкарузыныҥ 2011 јылда куран айдыҥ 4-чи кӱнинде чыккан № 187 јакааны аайынча бюджетное научное учреждение Республики Алтай «Научно-исследовательский институт алтаистики им. С. С. Суразакова»деп солынган[2].

Алтай Республика оныҥ учредители ле ээзи. Алтай Республиканыҥ адынаҥ функциялары ла полномочиелерин Министерство образования и науки Республики Алтай бӱдӱрет, Институттыҥ ээзиниҥ функциялары ла полномочиелерин Алтай Республика адынаҥ Министерство природных ресурсов бӱдӱрет, Алтай Республиканыҥ экология ла ар-јӧӧжӧ аайынча министерствозы Алтай Республиканыҥ башкараачызыныҥ 2014 јылда ӱлӱрген айдыҥ 22-чи кӱнинде № 272 чыккан јакааны аайынча[2].

Институттыҥ ижиниҥ тӧс ууламјызы билим-шиҥжӱлӱк иш языкознание, диалектология, литературоведение, тӱӱки, этнография, Туулу Алтайдыҥ калыктарыныҥ фольклоры, билим ле билим-популяр ишти бу ууламјыларла апарары ла учебниктер ле ӱредӱ пособиелер бичиири. Баштапкы он јылда ишчилердиҥ штадында јети ле кижи болгон, олордыҥ ортодо П. Е. Тадыев[3] ле Е. М. Тощакова болгон.

Билимдик тӧс јерди тӧзӧӧрине јаан болушты Н. А. Баскаков, Л. П. Потапов эткен. Институттыҥ баштапкы директорына филология билимдердиҥ кандидады С. С. Суразаков кӧстӧлгӧн[4].

Башка јылдарда институтты биим кандидаттар Тощакова, Мултуева, Тадыев, Эдоков, Пустогачев башкарган. Институтта јарлу билимчилер С. Я. Пахаев, Ф. С. Сатлаев, В. И. Эдоков , Тадыкин, Василий Николаевич С. С. Тюхтенев иштеген.

1995 јылдыҥ кочкор айында Алтай Республиканыҥ Эл Курултайыныҥ јакааны аайынча Горно-Алтайский институт гуманитарных исследований јаҥыртылган. Бу айалга институтта јаҥы секторлор кожылганы учун болгон социология, демография ла экономика. 2001 јылда јаан изӱ айда Алтай Республиканыҥ башкарузы ИГИ РА Институт Алтаистики эдип, баштапкы директордыҥ, С. С. Суразаковтыҥ адын адаар деп јӧптӧгӧн.

С. С. Суразаковтыҥ адыла адалган алтаистиканыҥ билим-шиҥжӱлик институды (БНУ РА «Научно-исследовательский институт алтаистики имени С. С. Суразакова») институттыҥ 70 јылдыгына учурлай Текшироссийский билим-практикалык конференция ӧткӱрип, материалдардыҥ јуунтызын 2023 јылда кандык айдыҥ 11-чи кӱнинде кепке чыгарган[5].

АНО «Интернет-энциклопедия «Рувики» ле НИИ С. С. Суразаковтыҥ адыла адалган алтаистиканыҥ билим-шиҥжӱлик институды кожо иштеер јӧптӧжӱ тургускан.[6]

Билимдик ижи

Институтта алты сектор иштеген: археология, тӱӱки, литература, фольклор, этнография ла тил аайынча. 50 билимчи иштейт. Олор ортодо билимде 37 кандидат ла доктор, олордыҥ 1 билимдик доктор — З. С. Казагачева, 29 кандидат билимдердиҥ башка- башка специальностьторыла иштеген. Института фундаментал билимдик библиотека бар, фондында 25000 том. Оноҥ башка, Институт архивный фондту, ондо 2 муҥ единица кӧмзӧдӧ, археологиялык материалдарлу[7].

Институттыҥ билим ишчилери 4000 артык билим иштерин бӱдӱрген. 2010 јылда изданы такие значимые для республикага јаан учурлу иштер чыгарган, «Энциклопедия Республики Алтай», «История Горного Алтая (том II): Туулу Алтай Россия тергееде (1756—1916 јј.)», «Туулу Алтайдыҥ тӱӱкизи (1917—1991 јј.)» III томы белетелет.

Фольклористтер Институт филологии СО РАН-ла кожо «Памятники фольклора народов Сибири и Дальнего Востока» деп проектте иштеп тура, «Мифы, легенды и предания алтайцев», «Алтай баатырлар» (XIV том), «Алтайские народные песни», «Алтайский обрядовый фольклор» деп иштерди кепке баскан. Институттыҥ билим ишчилери РГНФ-тыҥ бир канча проектеринде туружат[8].

2005—2006 јылдаҥ ала Алтай Республиканыҥ башкараачызы М. И. Лапшин ле Алтай Республиканыҥ башкарузы Институттыҥ туразын капитальный јазалта эткен. Бу тура архитектураныҥ кереези болуп турган, азыйда Јаш-Тураныҥ М. Бодунов деп којойымыныҥ туразы болон.

Тураныҥ фасадында мемориал доско кондырылган, ондо бичилгениле, бу турада 1919 јылдыҥ јаҥар айында партизан кыймыгуныҥ революционный комитеди иштеген.

2008 јылда «Этнокультурное наследие Республики Алтай — основа устойчивого развития региона» деп программаны бӱдӱрип јат. План тугузарында бюджетно-целевой эп-арганаҥ программно-целевой эп-аргага кӧчкӧни билимдик шиҥжӱлердиҥ чыҥдыйын кӧдӱрген, оок темалардаҥ айрылып, билимдик шиҥжӱлердиҥ потенциалын келиштирер, координировать эдер арга табылган. Институттыҥ организационный структуразы кубулган. 2010 јылда секторлор јоголгон, группалар тӧзӧлгӧн, онойдо, авторский коллективтер чике билим-шиҥжӱлӱк темалар аайынча иштеери. Институт россий ле ӧскӧ ороондор ортодо билимдик тӧс јерлерле јуук колбу тудат.

2002 јылдаҥ 2013 јылга јетире Институтты тӱӱкилик билимдердиҥ кандидады Н. М. Екеева башкарган, 2013 јылдаҥ 2023 јылга јетире — тӱӱкилик билимдердиҥ кандидады Н. В. Екеев, 2024 јылдаҥ ала Институтты филологиялык билимдердиҥ кандидады А. Э. Чумакаев башкарат.

Онойдо ок кӧр

• Билим иштер, 2021 јыл
• Билим иштер, 2022 јыл
• Билим иштер, 2023 јыл
• Билим иштер, 2024 јыл

Ајарулар

  1. ↑ Сайт института
  2. ↑ 1 2 3 4 Устав бюджетного научного учреждения Республики Алтай «Научно-исследовательский институт алтаистики им. С.С. Суразакова». niialt.ru. Дата обращения: кӱчӱрген айдыҥ 11 кӱни, 2024.
  3. ↑ Хронограф
  4. ↑ Горный Алтай. С.С. суразаков
  5. ↑ библиотека имени М.В. Чевалкова
  6. ↑ ЗФ. Партерство
  7. ↑ Горно-Алтайск.Справочник
  8. ↑ Звезда Алтая

Литература

  • Горно-Алтайский научно-исследовательский институт истории, языка и литературы (1952—1982). — Горно-Алтайск, 1982.
  • Майдурова Н. А. Учёные о себе // Звезда Алтая. — 1995. — 3 марта.
  • Белоусова Н. В. 50 лет Институту алтаистики имени С. С. Суразакова // Календарь юбилейных и памятных дат Республики Алтай. — Горно-Алтайск:Комитет по делам архивов Республики Алтай, 2002. — С. 82-84.

Тайантылар

Алган јери - "https://alt.ruwiki.ru/w/index.php?title=С._С._Суразаковтыҥ_адыла_адалган_алтаистиканыҥ_билим-шиҥжӱлӱк_институды&oldid=575459"