Сатлаев, Феофан Александрович
| Феофан Александрович Сатлаев | |
|---|---|
 | |
| Чыккан ӧйи | ӱлӱрген айдыҥ 2 кӱни 1931 |
| Чыккан јери | Егона јурт, Красногорский аймак, Алтай кырай, РСФСР |
| Божогон ӧйи | јаҥар айдыҥ 5 кӱни 1995 (64 јаш) |
| Божогон јери | |
| Ороон | |
| Билим сфера | тӱӱки, этнография |
| Билим степень | кандидат наук |
| Билим јамызы | тӱӱкилик кафедраныҥ доценти |
Феофан Александрович Сатлаев (1931 јыл ӱлӱрген айдыҥ 2-чи кӱни, Егона јурт, Красногорский аймак, Алтай кырай — 1995 јыл јаҥар айдыҥ 5-чи кӱни, Горно-Алтайск) — куманды билимчи, тӱӱкичи, этнограф, тӱӱкилик билимдердиҥ кандидады, кумандылардыҥ тӱӱкизи ле этнографиязыныҥ шиҥжӱчили тӱндӱк алтайлар (кумандылар), изобретатель, таскадаачы[1].
Биография
Феофан Александрович Сатлаев 1931 јылда ӱлӱрген айдыҥ 2-чи кӱнинде Егона јуртта, Красногорский аймакта Алтай кырайда чыккан, РСФСР. Крестьяндардыҥ билезинде чыккан. Энези колхозто иштеген. Адазы Ада-Тӧрӧл учун Улу јууда 1943 јылда на фронтто Гумельский областьта Доброгоща деремнеде божогон.
Орой ӱренип баштаган, школго 9 јашта барган. 1949 јылда Горно-Алтайскта фельдшерско-окушерский школго кирген. Оны 1952 јылда тӱгескен. Том-Турада Военный училищеде ӱренген, 1952—1957 јылдарда черӱле службада болгон. Запаста офицер. 1962 јылда Горно-Алтайский государственный пединститутта тӱӱкилик-филологический факультет божоткон, 1968 јылда — аспирантураны, Институт этнологии и антропологии имени Н. Н. Миклухо-Маклая РАН, 1969 јылда кандидатский диссертациязын «Кумандинцы Алтайского края» деп темала корыган, јарлу билимчи Л. П. Потаповтыҥ билимдик башкараачызы болгон. Бастыра јӱрӱмине Горно-Алтайскта јаткан[1].
Феофан Александрович 1962 јылда КПСС турчызы болгон.
1956 јылдаҥ ала айыл-јуртту. Ӱч балалу.
Билимдик ижи
Феофан Александрович билимдик ижиниҥ туркунына Алтайда калыктардыҥ јӱрӱмин шиҥдеген. 1974 јылда Горно-Алтайскта оныҥ јаан билимдик иштериниҥ бирӱзи — «Кумандинцы: Историко-этнографический очерк XIX — первой четверти XX века» чыккан, явившаяся первым в научной литературе полным описанием куманды этнический группа керегинде билимдик литературада баштапкы толо бичилгени болгон[2].
Кийнинде иштери онойло ок куманды калыктыҥ тӱӱкизи ле этнографиязына учурлалган: «Красногорский аймактыҥ кумандыларыныҥ эмдиги ӧйдӧ јадыны ла культуразы» (1967), «Этнографический очерк развития земледелия у кумандинцев (XIX — XX ч. бажы)» (1970), «Сельская община кумандинцев во второй половине XIX — первой четверти XX века» (1975), «Древние этно-генетические связи Алтае-саянских народов (на материалах кумандинцев)» (1986), «Из этнической истории северных алтайцев» (1992) ле о.ӧ.[1]
Феофан Александрович јаҥыс кумандылар керегинде шиҥжӱлер ӧткӱрбеген. Кезик ле иштерин алзаҥ билимчиниҥ јилбиркеген сурактарыныҥ элбеги кӧрӱнер: «Некоторые вопросы истории народного образования в Горном Алтае (1920—1932)» (1983), «Религиозные верования алтайцев и их пережитки» (1987), «Этно-демографическая характеристика населения Горного Алтая (XIX — первой четверти XX чактыҥ тӧртӱлӱзиниҥ биринчизи)» (1993), «Из истории национального строительства в Горном Алтае (к проблеме консолидации алтайцев)» (1993)[1].
Совет газеттердиҥ бӱктеринде Феофан Александрович онойдо ок јилбилӱ, кезикте полемикалык статьяларды орус ла алтай тилле: «Јылыйып калган племя. Тӱӱкиниҥ јолыла: Јебрен кайкамчылу калык керегинде — динлиндер» (1973), «Тюрки: Легенды и действительность: Страницы истории» (1988), «Древние кыпчаки: Из истории кыпчаков Алтая» (1989) ло о.ӧ.
Феофан Александрович одус јылдаҥ артык ӧйгӧ Горно-Алтайский тӱӱки, тил ле литератураныҥ институдында иштеген, эмдиги С. С. Суразаковтыҥ адыла адалган алтаистика институт, узак јылдарга тӱӱки секторды башкарган. Билимчи Горно-Алтайский государственный пединститутта база иштеген. Педагогикалык ижиниҥ турултазы болуп ӱредӱ-методикалык пособиелер чыккан: «Горный Алтай в составе России: Материалы по истории Горного Алтая в помощь учителю средней школы» (1991), «История Горного Алтая: Учебное пособие для студентов педагогических институтов и старшеклассников средних школ» (1995), «Горный Алтай в период феодализма: Учебное пособие для студентов и старшеклассников» (1995) [2].
Сатлаев Феофан Александрович В. Диосег (1964) ле Алексеев Николай Алексеевич (филолог) экспедицияларында турушкан (1976—1984), ол расшифровщик ле кӧчӱреечиниҥ ижин бӱдӱрген. Ол тушта куманды кам јаҥы аайынча арбынду материал јуулган[2].
Адакыда А. Адлыкованыҥ билимчиниҥ ижи керегинде сӧстӧри:
«Сатлаев Ф. А. энчӱзи билим јеринде текши јарлу. Ол јӱрӱмин бойыныҥ албатызын, оныҥ јаҥжыгуларын ла ӱлгерлерин шиҥдешке берген сӱреен јакшы билимчи. Ол республикада јаткан ас тоолу албатылар јоголып баратканыныҥ сурагын баштап кӧдӱрген. Онызы тегин эмес. Коллегалары ортодо јаан тооломјыга турган, телекейдиҥ атту-чуулу билимчизи, Алтай тууларыныҥ тӱндӱгинде јаткан кичинек ле оныла кожо ундылып калган албатыныҥ уулы болгон. Ол куманды кижи болгон. Оныҥ јӱреги албатызы учун оорыган.»[3]
Аҥылу текст (орус.)[кӧргӱзерјажырар]«Наследие Сатлаева Ф. А. широко известно в научном мире. Он замечательный ученый, посвятивший свою жизнь изучению своего народа, его традиций и обычаев. Он первым поднял проблему изчезновения малых народов, населяющих нашу республику. И это неспроста. Ученый с мировым именем, пользовавшийся огромным авторитетом среди своих коллег, был сыном маленького и в то же время почти забытого народа, населяющего север гор Алтая. Он был кумандинцем. Его сердце болело за свой народ».
Сананып тапканы
Сатлаев Феофан Александрович малга курсак јазаар устройство сананып тапкан. Авторский свидетельствоны СССР 1984 јылда берген.
Библиография
- Кумандылар: XIX — XX чактыҥ баштапкы тӧрт ӱйезиниҥ тӱӱкилик-этнографиялык очерки (орус. Кумандинцы: историко-этнографический очерк XIX — первой четверти XX века (Горно-Алтайское отд-ние Алтайского книжного изд-ва, 1974))].
- Туулу Алтайдыҥ тӱӱкизи ле этнографиязы аайынча материалдар (орус. Материалы по истории и этнографии Горного Алтая (Горно-Алтайская типография, 1993)0.
- Туулу Алтайдыҥ тӱӱкизиниҥ сурактары (орус. Вопросы истории Горного Алтая (Барнаульский педагог. ин-т, 1978)).
- Туулу Алтайдыҥ тӱӱкизи: Педагогический институттардыҥ студенттерине ле орто ӱредӱлӱ школдордыҥ ӱренчиктерине ӱредӱлик пособие (орус. История Горного Алтая: Учебное пособие для студентов педагогических институтов и старшеклассников средних школ (1995).
- Куманды тилле куучындап ӱренигер: орус-куманды куучындаачы (орус. Учитесь говорить по-кумандински: русско-кумандинский разговорник (Горно-Алтайская типография, 1990)).
- Туулу Алтай феодализм ӧйинде: Студенттерге ле јаан класстыҥ ӱренчиктерине ӱредӱлик пособие (орус. Горный Алтай в период феодализма: Учебное пособие для студентов и старшеклассников (1995)).
- Туулу Алтай Россияга кирерде: Орто школдыҥ ӱредӱчилерине болуш болор Туулу Алтайдыҥ тӱӱкизи аайынча материалдар (орус. Горный Алтай в составе России: Материалы по истории Горного Алтая в помощь учителю средней школы (1991)).
- Алтайлардыҥ кудай јаҥы ла олордыҥ эски кӧрӱмдери (орус. Религиозные верования алтайцев и их пережитки (1987)).
- Туулу Алтайдыҥ јондорыныҥ этно-демографический характеристиказы (XIX — XX чактыҥ баштапкы тӧрт ӱйези) (орус. Этно-демографическая характеристика населения Горного Алтая (XIX — первой четверти XX века) (1993)).
- Туулу Алтайда эл тӱӱкиниҥ тудумдарынаҥ (алтайлардыҥ биригери аайынча сурактары) (орус. Из истории национального строительства в Горном Алтае (к проблеме консолидации алтайцев) (1993)).
- «Коча-кан» — кумандылардыҥ тӱжӱм сураар јебрен јаҥжыгу чӱм-јаҥы. (орус. Коча-кан — старинный обряд испрашивания плодородия у кумандинцев).
- Красногорский аймактыҥ кумандыларыныҥ эмдиги ӧйдӧги культуразы ла јӱрӱми (орус. Современная культура и быт кумандинцев Красногорского района (1967)).
- Алтай-саян албатыларыныҥ јебрен этно-генетикалык колбулары (кумандылардыҥ материалдарында) (орус. Древние этно-генетические связи Алтае-саянских народов (на материалах кумандинцев) (1986)).
- Кумандылардыҥ јурт общиназы XIX чактыҥ экинчи јарымында — XX чактыҥ баштапкы тӧрт ӱйезинде (орус. Сельская община кумандинцев во второй половине XIX — первой четверти XX века (1975)}}).
- Кумандылардыҥ јерле иштеери ӧзӱминиҥ этнографический очерки (XIX—XX ч. башталганы) (орус. Этнографический очерк развития земледелия у кумандинцев (XIX — начало XX в.) (1970)).
Ајарулар
- ↑ 1 2 3 4 Феофан Александрович Сатлаев: исследователь истории народов алтая - НИИ алтаистики им. С. С. Суразакова
- ↑ 1 2 3 Назаров, И.И. 90 лет со дня рождения этнографа, историка, Ф.А. Сатлаева (18931-1995).pdf
- ↑ Адлыкова А. Памяти ученого // Звезда Алтая. 2002. 5 апр.
Литература
- Автобиография Сатлаева Феофана Александровича // 6 мая 1983
Тайантылар
- Назаров, И.И. 90 лет со дня рождения этнографа, историка, Ф.А. Сатлаева (1931-1995).pdf
- Поиск патентов и изобретений, зарегистрированных в РФ и СССР
- Национальный музей Республики Алтай / 90 лет cо дня рождения Ф.А. Сатлаева
- «Историк, исследователь, этнограф» - Национальная Библиотека Республики Алтай им. М. В. Чевалкова
 |
|
|---|
