Георгиевский лента

Рувики сайттаҥ
Георгиевский лента
Ribbon of Saint George (tied).svg
Баштапкы ктап ӧткӱрген ӧйи 2005
Сайт георгиевскаяленточка.рф
Логотип РУВИКИ.Медиа Медиафайлы на РУВИКИ.Медиа

«Гео́ргиевский ле́нта» (орус. Гео́ргиевская ле́нта)" — сӱр-темдектӱ ленталарды ӱлеер элјондык акция. 2005 јылдаҥ ала «РИА Новости» ле РООСПМ «Студенческий общинаныҥ» баштаҥкайыла ӧткӧн .

Ол ӧйдӧҥ бери бу акция јаҥжыгып јылдыҥ ла элјондык организациялардыҥ, предприятиелердиҥ ле тергеелик бюджеттиҥ акчазыла[1] кандык айдыҥ 24-чи кӱнинеҥ ала кӱӱк айдыҥ 12-чи кӱнине јетире ӧдӧт. 2008 јылда 30-таҥ кӧп оорондордо, 2009 јылда бастыра телекейде 50 миллионноҥ кӧп Георгиевский ленталар ӱлелген[2]. Россияда, Арменияда, Киргизияда, Кыдатта, Афганистанда[3] ла Белоруссияда, 2014 јылдаҥ ала кӧп ороондор акцияны ӧткӱрбей барган [⇨].

Георгиевский лента бойыныҥ тыш бӱдӱмиле, ӧҥдӧриле Гвардейский лентага тӱҥей, оныла "Ада-Тӧрӧл учун Улу јууда 1941—1945 јј. Германияны јеҥгени учун " деп медальдыҥ колодказы тартылган. 1990 јылдардыҥ ортозынаҥ ала Россияда Гвардейский лентаны Јеҥӱниҥ кӱниниҥ тӧс сӱр-темдеги эдип тузаланып баштаган[4][5].

Бу акцияда ӱлелип турган ленталар георгиевский деп адалат. Георгиевский лента Екатерина II каан тужында Россий империяныҥэҥ бийик јуучыл кайралы Агару Георгийдиҥ ордениле кожо тургузылган.

Акцияныҥ башкараачылары оныҥ тӧс амадузы «јаҥы јаш ӱйе качан да, кем кандый кӱчиле телекейде эҥ ле коркымчылу јууда Јеҥӱни алган, кемле бис оморкор учурлу, кемди бис сананып ундыбай јӱрер учурлу»[2].

Акция «Таадамныҥ Јеҥӱзи — мениҥ Јеҥӱм», «Билер болзоҥ тагын!», «Мен билерим! Мен оморкойдым!», «Бис — Улу Јеҥӱни энчиге алганыс!», «Јеҥӱ учун таадамга быйан!» ла ӧскӧ дӧ лозунгтар ла ӧдӧт[2].

Текши јетирӱ

[тӱзедер | кодты тӱзедер]

XVIII чактыҥ учынаҥ ала Георгиевская лента Агару Георгийдиҥ орденында болгон. (Георгиевский крест). Георгиевский лента Мактыҥ I, II ле III тектелӱ ордениниҥ «Ада-Тӧрӧл учун Улу јууда 1941—1945 јј. Германияны јеҥгени учун» деп медальдыҥ колодказыныҥ Гвардейский лентазына тӱҥей. 1943 јылдыҥ кӱчӱрген айдыҥ 8-чи кӱнинде Мактыҥ ордени јӧптӧлгӧн, оны Кызыл Черӱниҥ рядовой ло сержант составына берип туратан. Авиацияда младший лейтенант деп званиелу черӱчилдерге берилген. 1945 јылдыҥ кӱӱк айдыҥ 9-чы кӱнинде «Германияны јеҥгени учун» деп медаль јӧптӧлип, Ада-Тӧрӧл учун Улу јууныҥ ӧйинде Кызыл Черӱде туружып јуулашкан черӱчилерге ле вольнонаёмный штаттыҥ составында турган улуска берилген.

Ада-Тӧрӧл учун Улу јууныҥ 70-јылдыгына учурлалган байрамда Ады јарталбаган јуучылдыҥ сӧӧгине салган венокто Георгиевский лента, 2015 јыл кӱӱк айдыҥ 9-чы кӱни

Бу лентаны «Георгиевский» эмес, «Гвардейский» деп айдар керек деп кезик улус айдыжат, мынайып айдарга эки шылтак бар: лентаныҥ ӧҥи ле тӱӱкилик чыны. Георгиевский лентаныҥ ӧҥдӧри — сары ла кара (1769 јылдыҥ статутты) эмезе кыскылтым ла кара (1913 јылдыҥ статутты), Гвардейский — алтын-кыскылтым ла кара. Эмдиги ӧйдиҥ јасакберимиле георгиевский лента Россия Федерацияныҥ гвардейский частьтарыныҥ јуучыл мааныларыныҥ танылу элементти болуп тузанылат. Айдарда, лента кара-јажыл, кара-кыскылтым да болор, онойдо ок кант јок болоры реалийлерле тудуш, нениҥ учун дезе геральдикалык јанынаҥ кӧрзӧ кыскылтым ла јажыл ӧҥ — ол алтын ӧҥниҥ варианты.

Темдектезе, јурукчы Роман Волков (1813 јыл) јураган портретте орус полководец Михаил Кутузов кара-кыскылтым Георгиевский ленталу јуралган. Тӱӱки аайынча совет јаҥ јӧптӧлӧрдӧ Георгиевский лентаны јок эткен (1917 јылдыҥ декреди «Об уравнении в правах всех военнослужащих») ле качан да бир де тергеелик кайралда тузаланылбаган[6]. Оныҥ ордына 1942 јылда Гвардейский лента келген, ол Мактыҥ ордени деп јуучыл кайралды јарандырган.

2005 јылда Јеҥӱниҥ 60-јылдыгына учурлай «Бистиҥ Јеҥӱ. Кӱниҥ ле кӱӱниҥ» деп интернет-проекттиҥ директоры Наталья Лосеваныҥ баштаҥкайыла «Георгиевская лента» деп акция башталган (кийнинде — ОРН-ныҥ башкараачызыныҥ баштапкы ордынчызы) ФГУП РАМИ "РИА Новостиныҥ"[7].

Владимир Путин ле Александр Лукашенко Георгиевский ленточкалу

Акцияныҥ башкараачылары «РИА Новости» ле РООСПМ «Студенческий община» общинаныҥ экс-лидери, эмди ГАУК "Мосгортур"дыҥ директоры[8] Василий Овчинниковло, СМИ шӱӱлтениҥ авторы ла акцияны Наталья Лосева баштаган деп чотойт[9][10], Наталья бойы «Взгляд» деп газетке интервью берерде, акцияны журналисттер баштаган деп айткан[11].<Новосибирск калада јербойыныҥ изданиезине берген интервьюда Лосева:

Акцияныҥ шӱӱлтезинде оны бастыра јерге ӱлеер деп амаду тургузылбаган. Мен бир канча лентаны Новосибирск калада тӧрӧӧндӧриме ле јуук нӧкӧрлӧриме ийерге санангам. Је акция башталгалы бир неделе ӧдӧ берерде РИА «Новости»ниҥ туразыныҥ јанына кӧп улус јуулган. Бу улус лента аларга тӱни-тӱжи очередьте турган. Мен мыны кӧрип кайкагам, канайып улус капшай бу шӱӱлтени аайлап јараткан.

«Георгиевский лента» деп акцияныҥ кодексы[тӱзедер | кодты тӱзедер]

Георгиевский ленталарды тузаланарында регламент бар, ол 10 пунктаҥ турган «Георгиевский лентаныҥ кодексы»[12]. Акцияны тергее, јербойындагы органдар, онойдо ок коммерческиий ле коммерческий эмес организациялар финансировать эдет. Инициаторлордыҥ шӱӱлтезиле ленталарды ӱлер акциялар акча тӧлӧлбӧй ӧдӧр керек[12]

  1. «Георгиевский лента» деп акция — коммерческий ле политикалык эмес.
  2. Акцияныҥ амадузы — Јеҥӱниҥ кӱнине байрамныҥ сӱр-темдегин тӧзӧӧри.
  3. Бу сӱр-темдек — ветерандарды тоогоны, јуу-согушта божогондорго эзем, фронтко болушкандарга быйан.
  4. «Георгиевский лента» геральдикалык сӱр-темдек эмес.
  5. Акцияларда оригинал кайралдардыҥ Георгиевский эмезе Гвардейский ленталарын тузаланарга јарабас. «Георгиевский лента» — ол сӱр-темдек, ол кайрал эмес
  6. «Георгиевский лентаны» садарга јарабас.
  7. «Георгиевский лентаны» ӧскӧ товар садарында тузаланарга јарабас.
  8. «Георгиевский лента» акча јогынаҥ ӱлелет. Оны кандый бир товарга солыырга 6арабас.
  9. «Георгиевский лентаны» кандый да партия эмезе кыймугы политикалык амадузында тузаланар учуры јок,
  10. «Георгиевский лента да» бир эмезе эки бичиктӱ: каланыҥ ады/тергее, кайда лента чыгарылган. Ӧскӧ бичик јарабас[13].
  • Георгиевский лента (Россий империя) ла Гвардейский лентаныҥ ( СССР) башказы
  • Георгиевская и гвардейские ленты.jpeg

Тӱӱкизи

[тӱзедер | кодты тӱзедер]

2005[тӱзедер | кодты тӱзедер]

2005 јылда јаскыда Георгиевский ленталарды баштапкы катап таркадып баштаган. Акцияны РИА Новости ле РООСПМ «Студенческий община» башкарып ӧткӱрген[14]. Ленталарды метролордыҥ, садуныҥ тӧс јерлеринде, кӧӧлӱктердиҥ антенналарына буулап ӱлеген. Лентаны кӧдӱриҥилӱ керек-јарактар, ветерандарла јаҥжыкан туштажулар тӧс јердиҥ школдорында, Россия Федерацияныҥ калаларында байрамныҥ кӱнинде тузаланып баштаган. Акцияны Ада-Тӧрӧл учун Улу јууныҥ ветерандары јараткан, је акцияда кӧп саба јашӧскӱрим турушкан[15]. Бастыра 800 муҥ лента таркадылган[16].

2005 јылдыҥ кӱӱк айында «Серебряный дождь» деп радиостанция бойын акцияныҥ авторы, РИА «Новости» акцияны менчиркеген деп бичиген, је РИА Новости деп радиостанцияныҥ ишчилери генеральный директорго окылу самара бичип, ол јабарлаш деп јартаган[17].

2006[тӱзедер | кодты тӱзедер]

2006 јылда Россияныҥ 900 калазында ла јуук ла ыраак ороондордо 4 миллионноҥ кӧп георгиевский ленталар таркадылган. Акцияда Израиль, США, Канада, Персид булуҥныҥ ороондоры ла Европаныҥ кӧп калалары турушкан. Прогресс М-57 деп космический кереп лентаны Калыктар ортодо космический станцияга јетирген[15]. From-UA деп интернет-изданиениҥ ле «Славян мирдиҥ» тӧс јериниҥ баштаҥкайыла акция баштапкы катап Украинада ӧткӧн.

2007[тӱзедер | кодты тӱзедер]

2007 јылдаҥ ала Јеҥӱниҥ кӱнинде тергеениҥ башкараачылары Владимир Путин ле Дмитрий Медведевтиҥ пиджагыныҥ тӧжинде «Георгиевский лента» болгон[18][19].

Орус албаты јадып турган бастыра ороондордо акция ӧдӱп баштаган, онойдо ок бу акцияга кӧп европей ороондордыҥ эл-јоны кожулган. Бастыра телекейде 10 миллионноҥ кӧп ленталар таркадылган[15]. Мындый акция баштапкы катап Словакия ла Чехияда ӧткӧн.

2008[тӱзедер | кодты тӱзедер]

Ада-Тӧрӧл учун Улу јууныҥ ветеранына Гвардейский лента булайт. 2009 јыл

2008 јылда акцияда Россияныҥ бастыра региондоры турушкан. Регионал ла јербойындагы администрациялар, «афгандардыҥ» ветеран организациялары ла предприятиелер 2 миллион георгиевский ленталар јакыткан[20]. Карачаево-Черкесияда — 1,5 миллион лента ӱлелген, Тӱндӱк Осетияда — 20 муҥ лента, Комиде — 400 муҥнаҥ кӧп. Санкт-Петербургта 1,8 миллионноҥ кӧп георгиевский ленталар эдилип ле таркадылган[2].

Москвада баштапкы катап «Георгиевский лента» деп јуу керегинде киноныҥ фестивали ӧткӧн[2].

Кӧп ленталар таркаткан јуук ла ыраак ороондорыныҥ тоозында — Греция мында 20 муҥ лента, онойдо ок Украина, Узбекистан, Эстония, Латвия, Франция, Италия, Германия, Бельгия, Молдавия, Исландия, Великобритания, США, Кыдат, Вьетнам, Афганистан, Мексика; бастыра 30 ороон турушкан. Бу ла јылда Эстонияда орус тилдӱ Гостелерадионыҥ редакцияларына «Георгиевский лента» керегинде кайда да куучындабас деп токтоткон"[21].

2009[тӱзедер | кодты тӱзедер]

Кочкор айда акцияныҥ тӱӱкизине учурлалган фотојуруктыҥ кӧрӱлери ӧткӧн[2]. Псков областьта Жидиловто ийне бӱрлӱ агашту аралда ак мрамордоҥ эткен эземниҥ часовнязы ачылган[22]. Часовняныҥ ичи георгиевский лентага тӱҥей постаментке тайанып алган георгиевский крест јарандырат. Мындый тогус часовня тудулган.

2010[тӱзедер | кодты тӱзедер]

«Славянкала ӱйдежӱ», Москва, Белорусский вокзал

Георгиевский ленталар гран ары јанында россий посольстволорго аткарылган. Акция Ада-Тӧрӧл учун Улу јууныҥ 65-јылдыгына учурлалган герой-калалар ла ӧдӧр автопробегтыҥ сӱр-темдеги болгон.

Казахстанда коммунисттер ле «Алга» партияныҥ активисттерине ленталарды ӱлеерге полицейскийлер буудактар тургускан[23].

2011[тӱзедер | кодты тӱзедер]

«Георгиевский ленталарды» јаан ла узун эдип, јурукта јурап баштаган. Онойып, Амурда студенттер узуны 8 метр ле јалбагы 50 сантиметр лентаны кӧктӧйлӧ, кейле јӱрер тоголокко буулайла, теҥери јаар божодып ийген. Том-Турада эки јаан георгиевский лента кӧктӧлгӧн. Железногорсктыҥ тӧс јеринде устар граффиттеҥ јаан лента јураган.

Кӱӱк айдыҥ 9-чы кӱнинде россий-фин кыйуда Карел таможняныҥ ишчилери туристтерге ленталар ӱлеген .

Кичӱ изӱ айдыҥ 11-чи кӱнинеҥ ала кичӱ изӱ айдыҥ 18-чи кӱнине јетире «Георгиевский лента» проектле тудуш Севастополь — Балаклава — Артек — Севастополь деп маршрутла «Морской корпус» деп крейсер яхталардыҥ калыктар ортодо парусный регата ӧткӧн.

2012[тӱзедер | кодты тӱзедер]

Кандык айдыҥ 27-чи кӱнинде ВВЦ-ныҥ площадкаларында «Јиитердиҥ калазы» деп спортивный керек-јарак ӧткӧн, мында волонтерлор ленталар ӱлеген[24].

Телекейде јети миллион ленталардаҥ ӧскӧ «виртуальный» ленталар алар арга бар. «Одноклассники» деп социальный сеть ленталарлу фотојуруктар тургузар акча тӧлӧбӧс сервис ачкан, мында 22 миллионноҥ кӧп ленталар тургузылган.

Ада-Тӧрӧл учун Улу јууныҥ јеҥӱзин байрамдап турган ӧйдӧ алышкан јиитерге ле кожо јаткан белек кӱнин темдектеп турган билелерге Георгиевский ленталар берилет. Россияда МВД-ныҥ ишчилерине 20 муҥнаҥ артык ленталар берилген, кӱӱк айдыҥ 5-чи кӱнинеҥ ала ГИБДД-ныҥ ишчилери оны тутурткан нарушительдерге ле бастыра тискинчилерге берген.

2013—2015[тӱзедер | кодты тӱзедер]

2014 јылда акция 75 ороондо ӧдӧр деп пландалган, 10 миллион лента чыгарылган.

2014 јылдыҥ кӱӱк айдыҥ 5-чи кӱнинде Смоленскте «Энергия Победы» деп акцияла тудуш Россияда эҥ ле узун Георгиевский лента кӧргӱзилген: оныҥ узуны 400 метр, јалбагы — 36,5 сантиметр. Мындый параметр тегин тургузылбаган, лентаныҥ ӱстӱги кеми — Россияда эл-јонныҥ тоозы Крым Республика ла Севастополь ло кожо (400 000 мм х 365 мм = 146 млн). Бу керек-јаракта 500 волонтёр турушкан[25].

кочкор айдаҥ ала 2022[тӱзедер | кодты тӱзедер]

Госдума 2022 јылдыҥ сыгын айында јасак јӧптӧгӧн, бу јасакла георгиевский лента «Россияда јуучыл мактыҥ ла совет калыктыҥ Ада-Тӧрӧл учун Улу јууда јеҥӱзиниҥ сӱр-темдеги», Россияныҥ президенти 2022 јылдыҥ јаҥар айдыҥ 29-чы кӱнинде Госдума јӧптӧгӧн јасакка кол салган[26].

кочкор айдаҥ ала 2025[тӱзедер | кодты тӱзедер]

«Георгиевский ленточка» деп текшироссийский акция башталганы, 2025, Махачкала

2025 јылдыҥ кандык айдыҥ 25-чи кӱнинде Махачкалада Ленинниҥ адыла адалган тепсеҥде Текшироссиялык «Георгиевский лента» деп акция башталган, ол кӱӱк айдыҥ 9-чы кӱнине јетире болор.

Волонтёрлор георгиевский ленталарды оромдорло базып ӱлейт. Бу акцияда Дагестанныҥ башкарузыныҥ ишчилери баштапкы вице-премьер Руслан Алиевке баштадып база туружат.

Бӱгӱнги кӱнде флешмоб болгон, мында туружаачылар «Z», «80» ле «ЈЕҤӰ» деп сӱр-темдекти јурайла турган.

Бу керек-јарактарды Калыктар ортодо Јеҥӱниҥ 80-јылдыгы деп волонтёр корпус ла РД-ныҥ јиитериниҥ министерствозы ӧткӱрген. Республиканыҥ башкаручызы Сергей Меликов акцияны ӧткӱрерине ајару эдип, Јеҥӱниҥ 80-јылдыгыныҥ јаан учурын темдектеген[27].

Онойдо ок кӧр

[тӱзедер | кодты тӱзедер]
  • Сӱр-темдектиҥ лентазы
  • Ленинградта Јеҥӱниҥ лентазы
  • «Курсанттыҥ ленточказы»
  • Кӧк василёк
Георгиевская ленточка.png

Ајарулар

[тӱзедер | кодты тӱзедер]
  1. ↑ Закон Санкт-Петербурга «О бюджете Санкт-Петербурга на 2008 год и на плановый период 2009 и 2010 годов». Дата обращения: кӱӱк айдыҥ 28 кӱни, 2008. Архивировано кандык айдыҥ 27 кӱни, 2011 јыл.
  2. ↑ 1 2 3 4 5 6 История акции Архивная копия от 2 кӱӱк ай 2009 на Wayback Machine // Официальный сайт акции «Георгиевская ленточка»
  3. ↑ Более 300 тысяч «георгиевских ленточек» раздадут на Кубани. РИА Новости (13 кандык ай 2010). Дата обращения: куран айдыҥ 13 кӱни, 2010. Архивировано кочкор айдыҥ 19 кӱни, 2012 јыл.
  4. ↑ 9 мая 1995г. Москва. Поклонная гора. Военный парад. (ја. эм.). Дата обращения: кочкор айдыҥ 5 кӱни, 2023.
  5. ↑ Парад Победы 1996 год (ја. эм.). Дата обращения: кочкор айдыҥ 5 кӱни, 2023.
  6. ↑ Декрет СНК РСФСР «Об уравнении всех военнослужащих в правах Архивная копия от 10 ӱлӱрген ай 2014 на Wayback Machine» от 16 декабря 1917 года
  7. ↑ Открытие фотовыставки «Георгиевская ленточка» в Москве | Библиотека изображений «РИА Новости»
  8. ↑ Василий Овчинников назначен директором Московского агентства организации отдыха и туризма. Дата обращения: кочкор айдыҥ 16 кӱни, 2015. Архивировано кочкор айдыҥ 16 кӱни, 2015 јыл.
  9. ↑ Георгиевская ленточка превращается в инструмент пиара и аксессуар одежды (фото) — Общество — Gazeta.Spb. Дата обращения: кӱӱк айдыҥ 17 кӱни, 2009. Архивировано кӱӱк айдыҥ 10 кӱни, 2009 јыл.
  10. ↑ Ковровское телевидение — КОВРОВ-ТВ — Первый городской телеканал — Георгиевская ленточка (недоступная ссылка). Дата обращения: кӱӱк айдыҥ 17 кӱни, 2009. Архивировано кочкор айдыҥ 28 кӱни, 2014 јыл.
  11. ↑ ВЗГЛЯД / Наталья Лосева: «Не мы руководим процессом, а он нами». Дата обращения: кӱӱк айдыҥ 4 кӱни, 2020. Архивировано кӱӱк айдыҥ 7 кӱни, 2020 јыл.
  12. ↑ 1 2 Кодекс «Георгиевской ленточки»
  13. ↑ Опубликован Кодекс (орус.). ИА REGNUM. Дата обращения: кӱӱк айдыҥ 7 кӱни, 2018. Архивировано кӱӱк айдыҥ 18 кӱни, 2020 јыл.
  14. ↑ «Повяжи Георгиевскую ленточку». Итоги и будущее акции | online конференции | Лента новостей «РИА Новости» (недоступная ссылка). Дата обращения: кӱӱк айдыҥ 15 кӱни, 2011. Архивировано ӱлӱрген айдыҥ 14 кӱни, 2010 јыл.
  15. ↑ 1 2 3 Вся правда о «Георгиевской ленточке» Архивная копия от 15 кандык ай 2008 на Wayback Machine // РИА-Новости, 23/04/2007
  16. ↑ PÅL KOLSTØ. Symbol of the War — But Which One? The St George Ribbon in Russian Nation-Building (англ.). Университет Осло. doi:10.5699/slaveasteurorev2.94.4.0660.
  17. ↑ Письмо коллектива РИА Новости (1242 человека) генеральному директору радиостанции «Серебряный дождь» Д. В. Савицкому (недоступная ссылка). Дата обращения: кӱӱк айдыҥ 9 кӱни, 2009. Архивировано кӱӱк айдыҥ 26 кӱни, 2020 јыл.
  18. ↑ Военный парад в честь 63-й годовщины Победы в Великой Отечественной войне, «РИА Новости»
  19. ↑ А. Сердюков, М. Фрадков, В. Путин, «РИА Новости»
  20. ↑ Около 2 млн «георгиевских ленточек» заказали в регионах России. РИА Новости (3 кандык ай 2008). Дата обращения: куран айдыҥ 13 кӱни, 2010. Архивировано кочкор айдыҥ 19 кӱни, 2012 јыл.
  21. ↑ Русскоязычным редакциям Гостелерадио Эстонии запретили упоминать акцию «георгиевские ленточки» (орус.). Regnum (24 кандык ай 2009). Дата обращения: куран айдыҥ 13 кӱни, 2010. Архивировано кӱӱк айдыҥ 2 кӱни, 2009 јыл.
  22. ↑ В Жидиловом Бору Псковского района смонтировали часовню (орус.). ПАИ Новости Псковской области. Дата обращения: кочкор айдыҥ 28 кӱни, 2023.
  23. ↑ На Первомай у партии "Алга" возник конфликт с полицией. Vesti.kz (5.05.2010). Дата обращения: кандык айдыҥ 22 кӱни, 2024.
  24. ↑ Анонс Российской газеты о Городе молодежи. Дата обращения: кӱӱк айдыҥ 4 кӱни, 2020. Архивировано кӱӱк айдыҥ 18 кӱни, 2020 јыл.
  25. ↑ Смоленские энергетики в честь празднования Дня Победы представят самую протяжённую Георгиевскую ленту в России. Дата обращения: кандык айдыҥ 25 кӱни, 2014. Архивировано кандык айдыҥ 24 кӱни, 2014 јыл.
  26. ↑ Федеральный закон от 29.12.2022 г. № 579-ФЗ «О Георгиевской ленте и внесении изменений в отдельные законодательные акты Российской Федерации»
  27. ↑ На центральной площади имени Ленина в Махачкале дан старт Всероссийской акции «Георгиевская ленточка»

Тайантылар

[тӱзедер | кодты тӱзедер]

ЖЖ-сообществоpobeda_ru — сообщество «Коммьюнити акции «Георгиевская ленточка»» в «Живом Журнале»

Алган јери - "https://alt.ruwiki.ru/w/index.php?title=Георгиевский_лента&oldid=402991"