Чаптынов, Валерий Иванович

Рувики сайттаҥ
Рувикиде аташ ӧбӧкӧлу ӧскӧ улус керегинде статьялар бар Чаптынов.
Валерий Иванович Чаптынов
Valery Chaptynov.jpg
Чыккан ӧйи 1945 јыл, кичӱ изӱ айдыҥ 11 кӱни(0006-11-1945)
Чыккан јери
Божогон ӧйи 1997 јыл, куран айдыҥ 10 кӱни(0008-10-1997) (52 јаш)
Божогон јери
Ороон
Иш-тоштыҥ бӱдӱми политик, тергеелик ишчи
Кайралдары ла премиялары
Орден Дружбы Иштиҥ Кызыл Маанызыныҥ ордени орден Дружбы народов орден «Знак Почёта»
Логотип РУВИКИ.Медиа Медиафайлы на РУВИКИ.Медиа

Чаптынов Валерий Иванович (1945 jыл кичӱ изӱ айдыҥ 11 кӱни — 1997 jыл куран айдыҥ 10 кӱни) — политик, Алтай Республиканыҥ тӧзӧӧчизи, баштапкы башкараачызы (1992—1997 jылдар), Алтайский сельскохозяйственный институтты (Барнаул, 1967 jыл) «билимчи-зоотехник» деп специальностьло божоткон, КПСС-тыҥ XXVIII съездиниҥ делегады, «Суверенитет и равенство» деп фракцияда ла Конституционная комиссия Съезда народных депутатов РСФСР деп комиссияда иштеген (1990 jыл), Россияда Совет Федерацияныҥ депутады (1993 jыл), Россия Федерацияныҥ Совединде јамызы аайынча иштеген (1996 jыл), сӧӧги кергил[1][2].

Биографиязы

Валерий Иванович Чаптынов јаантайын государственник — центрист, федералист, Россияныҥ бирлиги учун политик болгон. Саха (Якутия) Республиканыҥ экс-президенти М. Е. Николаевтиҥ айтканыла Валерия Иванович «державник» болгон:

«От имени своего народа он подал голос о повышении статуса области, вовремя, ни раньше ни позже пришел к власти, к вопросам повышения государственности своей родины подготовленный и с жизненным опытом». («Звезда Алтая» газет № 37 — 40, 25.05.2015 ј.)

В. И. Чаптынов јӱрӱмде алтай калыгына баатырдый учурлу кижи болгон. Алтай Республика ла Россия Федерацияда эткен политикалык ижиниҥ учуры, кеми сӱреен јаан. Валерий Иванович Чаптынов 1945 јылдыҥ кичӱ изӱ айдыҥ 11 кӱнинде Ойрот автоном областьтыҥ Шабалин аймагыныҥ Апшыйакты јуртында чыккан. Барнаулда Алтайский сельскохозяйственный институтты (АСХИ, 1967) «билимчи-зоотехник» деп специальностьло божоткон. Бир узак эмес ӧйгӧ Кӧксу-Оозында аймактар ортодо государстволык племенной станцияда божоткон. 1969—1972 јылдарда секретарь болуп, оноҥ исполкомныҥ председатели болуп Кӧксу-Оозыныҥ райсовединде иштеген. 1972—1976 јылдарда секретарь, оноҥ экинчи секретарь, оноҥ ВЛКСМ-ныҥ Горно-Алтайский обкомныҥ баштапкы секретари. 1976—1978 јылдарда ЦК КПСС-тыҥ общественный билимдердиҥ Академиязында ӱренген. 1978—1983 јылдарда — ОК КПСС-тыҥ инструкторы, Кош-Агашта райком КПСС-тыҥ баштапкы секретари. 1983 јылда — секретарь, 1984 јылдаҥ ала 1988 јылга јетире — Горно-Алтайский ОК КПСС-тыҥ экинчи секретари[2].

Политикалык ижи

Алтайда

1988 јылдыҥ кӱчӱрген айында Горно-Алтайский облисполкомныҥ председатели эдип кӧстӧлгӧн. 1990 јылдыҥ тулаан айында Горно-Алтайский ОК КПСС-тыҥ баштапкы секретари ле бого коштой областьтыҥ албаты депутаттарыныҥ Совединиҥ председатели боло берген. Автоном областьтыҥ статусын кӧдӱрерге эрчимдӱ иштеген.

1990 јылдыҥ Ӱлӱрген айдыҥ 25 кӱнинде Горно-Алтайский областной Советтиҥ ӱчинчи ээчий эмес сессиязы «О государственном суверенитете Горно-Алтайской советской социалистической республики» деп Декларация јӧптӧгӧн[3] 1991 јылда Јаан изӱ айдыҥ 3 кӱнинде таҥынаҥ јарлалган Горно-Алтайский ССР-дыҥ Ӱстӱги Совединиҥ председатели болуп В. И. Чаптынов тудулган. 1991 јылдыҥ куран айдыҥ 20 кӱнинде, алтай радиоберите ажыра ол Горно-Алтайский АО РСФСР-дыҥ Конституциязыла башкарынат деп јарлап айткан, је бу ла ӧйдӧ аймактар сайын телеграммаларда ГКЧП-ны јӧмӧӧр деп башкарган. 1992 јылдыҥ кочкор айында ол — јаҥы тӧзӧлгӧн Алтай Республиканыҥ Ӱстӱги Совединиҥ председатели эдип кӧстӧлгӧн. 1993 јылдыҥ ӱлӱрген айында Ӱстӱги Советтиҥ блокадазын токтодор деп «Сибирское согласие» деген ассоциацияныҥ јӧбине кол салган[2].

1994 јылдыҥ кочкор айдыҥ 1 кӱнинде Алтай Республиканыҥ Государственный Собраниезиниҥ председатели болуп кӧстӧлгӧн, 27 ӱннеҥ21 ӱн алган. 1997 јылдыҥ чаган айдыҥ 30 кӱнинде Госсобраниениҥ сессиязында республиканыҥ правительствозыныҥ председатели болуп талдалган, тулаан айдаҥ ала Республиканыҥ башкарузы Советом Министров деп адалган.

Россияда

  • КПСС-тыҥ XXVIII съездиниҥ делегады;
  • РСФСР-дыҥ албаты депутады 1990 јылдыҥ чаган айында ;
  • «Суверенитет и равенство» деп фракцияда ла Конституционная комиссия Съезда народных депутатов РСФСР деп комиссияда иштеген;
  • КПРФ-тыҥ I учредительный съездиниҥ делегады болгон 1993 јылдыҥ кочкор айында;
  • Совет Федерацияныҥ депутады болуп тудулган 1993 јылдыҥ јаҥар айдыҥ 12 кӱнинде, талдаштарда 46,29 % ӱн алган;
  • Федерацияныҥ керектериле Комитетте иштеген, Федерал јӧптӧжӱлер ле регионал политика аайынча;

1996—1997 јылдарда Россия Федерацияныҥ Соведине јамызы аайынча кирген

Москвада 1997 јылда куран айдыҥ 10 кӱнинде божогон.

Кереестер

  • 2001 јылдыҥ кичӱ изӱ айында Горно-Алтайскта Кировтыҥ оромыныҥ бӧлӱги В.И Чаптыновтыҥ адыла адалган;
  • Кош-Агашта ла Апшыйакту јурттарда школдыҥ ады адалган;
  • Тӱндӱк-Чуйдыҥ мӧҥкӱ тайгаларыныҥ бирӱзи В. И. Чаптыновтыҥ адыла адалган;
  • В. И. Чаптыновтыҥ кереези оныҥ адыла адалнан оромдо, правительствоныҥ туразыныҥ јанында тургузылган (2021)[2].

Кайралдары

  • Најылыктыҥ ордени (1995)[2]
  • Иштиҥ Кызыл маанызыныҥ ордени;
  • Почеттыҥ ордени;
  • Агару благоверный кязь Даниил Московскийдиҥ ордени ле кӧп тоолу медальдарла кайралдаткан[2].

Литература

  • Зенькович Н. «Губернаторы новой России: Энциклопедия карьер». М. ЗАО «ОЛМА Медиа Групп». Стр. 522—523
  • Губернаторы.ру: К юбилею первого главы Республики Алтай

Јуруктардыҥ кӧмзӧзи

Ајарулар

  1. ↑ Чаптынов В.И
  2. ↑ 1 2 3 4 5 6 Историко-архивный путеводитель Горный Алтай"
  3. ↑ Звезда Алтая. След в истории

Литература

Губернаторы новой России : энциклопедия карьер. — Москва: ОЛМА Медиа Групп, 2007. — С. 522—523. — 581 с. — ISBN 978-5-373-00599-9.

Тайантылар

Биография

Алдындагы болгон башчы:
' 		Председатель
Алтай Республиканыҥ Эл Курултайы
1991—1997 		Кийнинде келген башчы:
Владилен Волков 
Алган јери - "https://alt.ruwiki.ru/w/index.php?title=Чаптынов,_Валерий_Иванович&oldid=556914"