Пустогачева, Оксана Николаевна
| Оксана Николаевна Пустогачева | |
|---|---|
 | |
| Чыккан ӧйи | 1958 јыл сыгын айдыҥ 28-чи кӱни |
| Чыккан јери | Јӱректеч Турачак аймак Горно-Алтайский автоном область Алтай кырай) |
| Божогон ӧйи | 2021 јыл кичӱ изӱ айдыҥ 19-чы кӱни |
| Божогон јери | Москва |
| Гражданство | Россия, Алтай Республика |
| Иш-тоштыҥ бӱдӱми | филолог-билимчи |
| Адазы | Барбачаков Николай Варламович |
| Эш-нӧкӧри | Пустогачев Федор Кайдакович |
| Балдары | Василий, Алтынай, Александр |
| Кайралдары ла премиялары |
РФ текши ӱредӱлигиниҥ кӱндӱлӱ ишчизи |
Пустогачева, Оксана Николаевна (1958 јыл сыгын айдыҥ 28-чи кӱни, Јӱректеч јурт, Турачак аймак — 2021 јыл кӱӱк айдыҥ 19-чы кӱни, Москва), кыс ӧбӧкӧзи Барбачакова — билимчи, «Российская Тюркология» журналдыҥ каруулу секретари, РФ текши ӱредӱлигиниҥ кӱндӱлӱ ишчизи [1], педагогикалык билимдердиҥ кандидады, батапкы «Чалканду-орус сӧзликтиҥ» авторы баштамы класстарга, билим-методикалык пособиелердиҥ авторы, алтай ла чалканду тилдердиҥ учебниктерин, чалканду тилле баштапкы бичиктӧсти тургускан[2] Чалканду укту, октары сӧӧктӱ, ас тоолу тургун калыктыҥ эпшизи. РФ текши ӱредӱлигиниҥ кӱндӱлӱ ишчизи (2021), Алтай Республиканыҥ Государственный Собраниези Эл-Курултайдыҥ Кӱндӱлӱ грамотазыла кайралдаткан. (2018).
Биографиязы
Оксана Николаевна колхозчы Барбачаков Николай Варламович (1908—1980) ле Аграфена Чагашевна (Григорьевна) Пустогачеваныҥ (1932—1984) билезинде аба-јышта Јӱректеч деп јуртта Турачак аймакта, Горно-Алтай автоном областьта чыккан. Ада-энези ӱч кыс эки уул чыдаткан. Суранашта баштамы школдо ӱренген кийнинеҥ Курмач-Байголдо 8-јылдык школды божодоло, Горно-Алтайскта областной национальный школдо (эмдиги Плакастыҥ гимназиязы) ӱренген.
1977 јылда Горно-Алтайский государственный педагогический институтта тӱӱки-филологиялык факультеттиҥ алтай бӧлӱгинде ӱренген. 1983 јылда Пыжы-Ооозында школдо орус тил ле литератураныҥ ӱредӱчизи болуп иштеген, оноҥ Горно-Алтайскта №8 школдо база орус тил ле литератураныҥ ӱредӱчизи болуп иштеп тура, калада ӱредӱчилер ортодо конкурста баштапкы јерге чыккан.
1991 јылда ол НИИНПО аспирантуразыныҥ заочный бӧлӱгине ӱредӱге кирип, 1996 јылда кандидат диссертациязын «Методика обучения детей, не владеющих родным языком» деп темала корып, педагогикалык билимдердиҥ кандидады деп билим степень алган.
Эки тилле бичилген «Песни челканского народа», «Загадки челканского народа», «Анна Макаровна Кандаракова – гордость челканского народа», «Судьбы пожилых и молодых», «Сказки бабушки Билвезек», книги «Загадки челканского народа», книги «Пословицы и поговорки челканского языка» деп бичиктердиҥ баш редакторы[3].
Ижиле колбулу јетирӱ
Билим иштери
Бир канчазы:
- Дмитрий Михайлович Насилов – учитель учителей // Слова мои останутся, а сам я ухожу. Коллективная монография / Отв. ред. Е. А. Оганова. М.: ООО «Издательство МБА», 2019. 399 с. ISBN 978-5-6042199-1-1.
- Фольклор – богатство младописьменных и бесписьменных языков КМН (на примере челканского языка) // Сборник статей «Актуальные проблемы монголоведных и алтаистических исследований. Калыктар ортодо III-чи билимдик конференция». Элиста: Изд-во Калм. Университета, 2019. 491 с. ISBN 978-5-91458-324-5.
- Сохранение фольклора коренных малочисленных народов Севера, Сибири и Дальнего Востока – сохранение младописьменных и бесписьменных языков (на примере челканского языка) // «Вопросы тюркской филологии» јуунты. Вып. 13.
- Роль мотивации в овладении генетически родным языком // Сборник «Языки народов России в сфере образования: современное состояние и перспективы развития». Текшироссиялык билим-практикалык конференцияныҥ материалдары, 2019 јыл јаҥар айдыҥ 12-13 кӱндери.
Экспедициялары
2018 јыл кичӱ изӱ айдыҥ 17-чи кӱни — 2018 јыл куран айдыҥ 17-чи кӱни. Алтай Республикада экспедициялар: Горно-Алтайск, Майма аймак (Сайдыс), Чоо аймак (Ӱймен, Ыныргы), Кан-Оозы аймак (Мӧндӱр-Соккон, Кырлык), Улаган аймак (Саратан), Кош-Агаш аймак (Кош-Агаш, Кӧкӧрӱ, Мукур-Тархаты, Курай, Белтир, Телеҥит Сары-Токой), Турачак аймак (Суранаш, Курмач-Байгол, Бийка, Турачак, Тулой, Кебезен, Пыжы-Оозы, Артыбаш).
Эки тилле бичилгени
Кӧп иштерди ол эки тилле орустап ла чалкандулап бичиген. А. М. Кандараковала кожо бичиктерди соавторстводо бичип, баш редакторы болгон[4].
- Чалканду калыктыҥ кожоҥдоры («Песни челканского народа»)
- Чалканду калыктыҥ табышкактары («Загадки челканского народа»)
- «Анна Макаровна Кандаракова – чалканду калыктыҥ оморкодузы» («Анна Макаровна Кандаракова – гордость челканского народа»)
- Јаан ла јаштыҥ салымы («Судьбы пожилых и молодых»)
- Билвезек јаанактыҥ чӧрчӧктӧри («Сказки бабушки Билвезек»)
- Чалканду калыктыҥ кеп ле укаа сӧстӧри («Пословицы и поговорки челканского языка»)
Билим-методикалык иштери
- «Проблемы сохранения языков КМН» // «Первозданная Россия» VI-чы фестиваль. Москва, 10.02.2019.
- «Современное состояние языков КМН в системе образования» // «Язык – душа народа» теерик стол. Москва, 16.02.2019.
Кайралдары
- Алтай Республиканыҥ Государственный Собраниези — Эл-Курултайдыҥ кӱндӱлӱ грамотазыла кайралдаткан, ас тоолу калыктардыҥ тилдерин корулаар ижи учун (2018 јыл куран айдыҥ 9-чы кӱни)
- РФ текши ӱредӱлигиниҥ кӱндӱлӱ ишчизи (2021).
Оксана Николаевна Пустогачева ковидтеҥ улам 2021 јылда кӱӱк айдыҥ 19 кӱнинде Москвада божогон[5].
Онойдо ок кӧр
- «Российская тюркология» журнал №3–4 (32–33), 2021
- «Российская тюркология» журнал №1–2 (38–39), 2023
- «Родные языки народов России в системе образования: современное состояние и перспективы развития» конференция, Институт языкознания РАН
- «Коренные языки и песенная культура» семинар, 5-чи јуун, видео.