Сатин, Добрыня

Рувики сайттаҥ
Рувикиде аташ ӧбӧкӧлу ӧскӧ улус керегинде статьялар бар Сатин.
Добрыня Сатин
Добрыня.jpg
Чыккан ӧйи 1993 јыл
Чыккан јери Беково јуртта Белов аймакта Кемеров областьта
Гражданство Россияныҥ маанызы Россия Федерация
Внешние видеофайлы
Добрыня Сатин
Вера та любовь

Сатин, Добрыня (1993 јылда Беково јуртта Белов аймакта Кемеров областа чыккан) — этномузыкант, кайчы, «Јаҥы Азия» ансамбльдыҥ солисти. Бу ансамбль ла «Todosh» деп ансамбльда иштеп тура ол «Russian World Music Chart» деп премияныҥ лауреады болгон. А.Г. Калкиннниҥ адыла адалган Алтай Республика Башкараачызыныҥ «за достижения в области народного творчества» деп премиязыныҥ лауреады. Россия ичиле гастрольдорго јӱрет, тодош сӧӧктӱ[1].

Туулу Алтай учун јӱзӱн-башка телепроекттерде туружат: «Новые звезды», «Страна талантов» ло Алтай керегинде «Яндекс.Путешествияныҥ» сюжеттеринде[1]. Текшироссиялык кӧрӱлердиҥ туружаачызы «Эл-Ойын», «Родники Алтая», «Курултай сказителей» ле о.ӧ. Добрыня — мультиинструменталист, кылдарлу алтай ойноткы икилиле бийик кеминде ойнойт, комустап, топшуурлайт. Албаты ойноткылар ла эмдиги ӧйдиҥ кӱӱлик ойноткыларыла теҥ ойнойт[2]. Ӧскӧ ороондорло концерттерлӱ јорыктап, Дания, Франция, Германия, Испания, Бельгия, Греция, Кыргыстан ла Казахстанда болгон.

Биографиязы

Д.Сатин Беково јуртта Белов аймакта Кемеров областьта 1993 јылда чыккан. Телеут укту (алтай калыкка карындаш), тодош сӧӧктӱ[3].

Горно-Алтайск калада беш јаштаҥ ала јадып, каланыҥ №7 таҥмалу школында ӱренген.

1-чи класстаҥ ала Уулчактардыҥ алтай студиязына јӱрген (башкараачызы В.Е. Кончев). Мында ол Уулчактардыҥ студиязында Азулай Тадинов, Шоҥкор Модоров, Арутай Адаров ла Равиль Лиров деп уулчактарла танышкан. Јаанап келеле ойто туштажып, биригеле, кӱӱге јилбӱлери бир аай болгон учун, «Ул-ла-ла» деп группаны тӧзӧгӧндӧр. Азулай Тадинов јарлу композитор, Шоҥкор Модоров режиссер-продюссер, Добрыня Сатин ле Равиль Лиров — јаан артисттер[4].

Алтай Республиканыҥ кеендик ле культураныҥ колледжин божоткон Добрыня Сатин – Калыктар ортодо ло Текшироссиялык кӧрӱлердиҥ туружаачызы «Эл-Ойын», «Родники Алтая», «Курултай сказителей» [5]

Ижи-тожы

Добрыня Сатин

Улай ла Горно-Алтайск ла Јаш-Тураныҥ кӱӱлик ойынчыларыла кожо иштеп, Сибир калалары ла Москвада концерттер берет. Кайлажы бийик кеминде, алтай ойноткыларла јакшы ойнойт: топшур, комыс, јадаган, икили.

Алтай Республиканыҥ артисттери «Новая Азия», кайчылар Добрыня Сатин ле Айдар Унатов, кожоҥчы Артур Марлужоков Греция јаар калыктар ортодо симпозиумга барып келген. «Диалог цивилизаций о недопущении третьей мировой войны» деп темала ӧткӧн симпозиумда 60 ороонноҥ улус јуулган, ол тоодо Россия. Россия Федерациянаҥ культуралык программада туружарга Санкт-Петербургтаҥ джазовый коллективи ле бистиҥ республиканаҥ ӧмӧлик турушкан (2014)[6].

Јарлу алтай кайчы Алексей Григорьевич Калкинниҥ адыла адалган сыйдыҥ лауреады, Алтай Республиканыҥ кайчыларыныҥ калыктар ортодо Курултайыныҥ туружаачызы. «Урал-моно» деп атту тӱрк јииттердиҥ калыктар ортодо кӧрӱзиниҥ јеҥӱчили (2016 јыл).

Тӱндӱк, Ыраак Кӱнчыгыш ла Сибирдиҥ ас тоолу калыктарыныҥ фестивалинде турушкан (2019 јыл, Москва). «Кай» (орус. «Горловое пение») номинацияда «Гран-При» сый Добрыняга келишкен[7]

2019 јыл. Чага Байрам. Горно Алтайск калада тӧс тепсеҥниҥ сценазында байрам театрал ойын-кӧргӱзӱ аайлу ууламјыла ӧтти. Мында јайаан јайалталар кӧрӧӧчилерге бачым ундылбас ойын-концертин сыйлады. Эстраданыҥ јылдыстары Добрыня Сатин, Эмиль Толкочеков, Жаннетта Тонова, Энчи Малчинов, бијениҥ ле кожоҥныҥ «Алтам» деген государственный театры, уулчактардыҥ студиязы, «Шуну» деп јайаан ӧмӧлик, П. Кучияктыҥ адыла адалган эл театрдыҥ актерлоры, «Улала» ӧмӧлик, Тимур Кыдыков, Суркура Сандыкова, «Ойойым» деген албаты ӧмӧлиги ле оноҥ до ӧскӧ кӧп тоолу јайаан ӧмӧликтер эрчимдӱ туруштылар[8].

Бу јаан фестивальда јаҥыс Сибирдиҥ эл-јоны эмес, бастыра ороонноҥ 10 муҥнаҥ артык улус јуулган. Добрыня Сатинниҥ кайы кайкаткан (бу кайда да јок кожоҥдоор техника нематериальное культурное наследие РА болуп јат), Якутиянаҥ Олена Уутай јайалтазын кӧргӱскен. Олорло кожо сценада Пелагея, «Сопрано Турецкого» ло кӧп алтай артисттер ойын кӧргӱскен (2023)[9]

«Культурный Центр «Ээлен-Туу» Горно-Алтайск каланыҥ тӧс тепсеҥинде «ОйноФест» деп фестиваль ӧткӱрген (Президентский фонд культурных инициатив). Мында 100-теҥ артык јарлу артисттердиҥ тоозында Д.Сатин база турушкан (2024)[10].

Добрыня Сатин

Кӱӱлик проекттердиҥ авторы:

  • «Тодош» деп проект сӧӧккӧ учурлай адалган, Сатинниҥ сӧӧги тодош. Сценада Добрыня ла тӱҥӱрчи (барабанщик). Ару этника, јаҥжыккан сӱрлер фольклор ло эпостоҥ алынган
  • «Трансформация реальности» деп проект аайынча концерт ле альбом (2021 јыл)[11].

Јилбӱлери

Бош ӧйдӧ арай-тымыкта амыраарын сӱӱйт, соок суу урунып, су-кадыгын тыҥыдат. «Ирбистиҥ јолыла» (орус. «По следам снежного барса») деп кӱӱнзеген улустыҥ экспедициязында турушкан. Бийик сындарла базып, фотоловушкаларды табарында туружып, кожо јӱрген ӱренчиктерди комыстап ӱредип, лагерьде дежурный болуп, борщ кайнаткан[2].

Кайралдары

  • А.Г. Калкиннниҥ адыла адалган Алтай Республика Башкараачызыныҥ «за достижения в области народного творчества» деп премиязыныҥ лауреады.
  • «Russian World Music Chart» деп премияныҥ лауреады.
  • Тӱндӱк, Сибир ле Ыраак Кӱнчыгыштыҥ ас тоолу калыктарыныҥ «Сокровища Севера» фестивалиниҥ лауреады (2019 јыл, Москва).

Ајарулар

  1. ↑ 1 2 Добрыня Сатин: «Все мы немного шаманы»
  2. ↑ 1 2 Добрыня Сатин: Через меня поет Бог | Бийский рабочий | Дзен
  3. ↑ Сыграно на Алтае: этномузыкант-богатырь знакомит людей с народными традициями
  4. ↑ Алтайдыҥ чолмоны. «Кӧксимде испан серенада...»
  5. ↑ хронограФ Республики Алтай–2018
  6. ↑ Звезда Алтая.Духовность
  7. ↑ Добрыня Сатин - лучший на фестивале «Сокровища Севера»
  8. ↑ Алтайдыҥ чолмоны. Какай јылыс кирди
  9. ↑ Звезда Алтая. Манжерок Фест
  10. ↑ Звезда Алтая. Музыкальный фестиваль «ОйноФест»
  11. ↑ Звезда Алтая. Концерт Д.Сатина в Аскате

Тайантылар

Алган јери - "https://alt.ruwiki.ru/w/index.php?title=Сатин,_Добрыня&oldid=547501"