Кудрявцев, Фёдор Петрович

Фёдор Петрович Кудрявцев
Фёдор Петрович Кудрявцев
	орус. Фёдор Петрович Кудрявцев
	Файл:Кудрявцев Фёдор Петрович.png
Чыккан ӧйи	1917 јыл тулаан айдыҥ 22-чи кӱни
Чыккан јери	Огнёвка јурт, Змеиногор уезд, Том-Тура губерния
Божогон ӧйи	1986
Божогон јери	Улалу, Горно-Алтайская автономная область, Алтай кырай, РСФСР[d], СССР[d];

Фёдор Петрович Кудрявцев (1917 јыл тулаан айдыҥ 22-чи кӱни, Огнёвка јурт , Змеиногор уезд, Том-Тура губерния — 1986 јыл) — «Талицкий» совхозто бригадир Кан-Оозы аймакта, Горно-Алтайский автоном областта. Социалистический иштиҥ Геройы (1966).

Биографиязы

1917 јылда тулаан айдыҥ 22-чи кӱнинде крестьян биледе Огнёвка јуртта, Том-Тура губернияда (эмдиги ӧйдӧ Алтай Республикада) чыккан. 1933 јылдаҥ ала Кӧксу-Оозы аймакта «Кайтанак» аҥ азыраар совхозто иштеген. 1938 јылда Кызыл Черӱге срочный службага барган.

Ада-Тӧрӧл учун Улу јууда турушкан. Ӱч катап бертинген. Јууны Берлинде божоткон. Јуу божоордо, тӧрӧл јерине јанып, Кӧксу-Оозы аймакта «Кайтанак» аҥ азыраар совхозто оноҥ ары иштеген. 1955 јылдаҥ ала — «Талицкий» совхозто Кан-Оозы аймакта мараловод бригаданыҥ јааны.

1965 јылда Фёдор Кудрявцевтыҥ бригадазы кажы ла аҥнаҥ планла 6 килограмм јаш пант алар ордына, 6,5 килограмм алган, аҥныҥ тоозын 96,5 %-ке корып алган. СССР-дыҥ Ӱстӱги Совединиҥ Президиумыныҥ 1966 јылда тулаан айдыҥ 22-чи кӱнинде чыккан јакааныла, «мал-аш ӧскӱреринде, эт, сӱт, јымыртка, тӱк ле ӧскӧдӧ продукцияны кӧптӧдӧринде јаан једимдерге јеткени учун» Социалистический Иштиҥ Геройы деп ат адалып, Ленинниҥ ордени ле «Серп и Молот» деп алтын медаль берилген .

1966 јылда Бастыра союзный кӧрӱде ВДНХ-да турушкан.

Алтай кырайдыҥ ла КПСС-тыҥ Горно-Алтайский област комитединиҥ турчызы, профсоюзтыҥ XIV-чи съездиниҥ делегады болгон. (1968).

1986 јылда божогон.

Кайралдары:

Социалистический Иштиҥ Геройы;
Ленинниҥ ордени;
Ада-Тӧрӧл учун Улу јууныҥ 1 тектелӱ ордени (1985 јыл тулаан айдыҥ 11-чи кӱни);
«Јуучыл нерези учун» медаль (1945 јыл ӱлӱрген айдыҥ 18-чи кӱни);
«Берлинди алган учун» медаль;
«Владимир Ильич Ленинниҥ чыккан 100-јылдыгына учурлалган» медаль.

Ајарулар

Тайантылар

Кудрявцев Фёдор Петрович (орус.). Сайт «Герои страны».
Кудрявцев Фёдор Петрович, «Путь длиною в 100 лет» — Герои Социалистического Труда
Календарь юбилейных и памятных дат Республики Алтай. 2012 год. — Горно-Алтайск, 2011. — С. 175.