Алтайдыҥ алтын кырлары
| ЮНЕСКО-ныҥ телекейлик энчизиниҥ объекти | |
| Алтайдыҥ алтын кырлары[* 1] | |
|---|---|
| Golden Mountains of Altai[* 2] | |
 Кујурлуныҥ кӧли | |
| Ороон | Россия Федерация |
| бӱдӱми | Ар-бӱткендик |
| Критерии | x |
| Ссылка | 768 |
| Регион[* 3] | Азия ла Океания |
| Кирет | 1998 год (22 сессия) |
 Медиафайлы на РУВИКИ.Медиа | |
Алта́йдыҥ алтын кырлары (орус. Золоты́е го́ры Алта́я) — деп адап, 1998 јылда ЮНЕСКО Телекейлик энчилердиҥ тизимине Алтайдыҥ кырларыныҥ ӱч јерин кийдирген:
- Алтай деп корулу јер ле Алтын Кӧлдиҥ буферный зоназы (965 753 га);
- Кадын деп биосфералык корулу јер ле Ӱч-Сӱмер (ар-бӱткендик парк) буферный зоназы (392 800 га);
- Ӱкек (252 904 га)[1].
Корулу зонаныҥ јериниҥ кеми 16 178 км².
Бу јерлерди талдап алганыныҥ шылтагы неде дезе, шак ла мында, Сибирде бастыра альпий ӧзӱмдердиҥ зоналары ээчий-деечий ле толо кӧрӱнет: чӧл, агаштарлу чӧл (орус. лесостепь), колынган агаштар, субальпий ле альпий поястар. Ого коштой, тоозы астаган алтайдыҥ аҥдарыныҥ ирбис, јуҥма, аргалиниҥ популяциязын чеберлеп аларында бу аймактардыҥ учуры јаан болгоны.
Корулу јердиҥ ичинде пазырык культураныҥ корумдары бар болгоны база учурлу.
Ар-бӱткенди корулаар калыктар ортодо бирлик темдектеген: бу јерлерди Телекейлик энчилердиҥ тизимине кошкон до болзо, бу јерлер аҥылу корулу статусту да болзо, мында јаратпаган аҥдаш (браконьерство) бар (Алтайда Ми-171 катастрофазы). Экологторго Алтайда газопровод ӧткӱрер ле Кош-Агаш аймакта Ӱкек ажыра Кыдат јерине тӱрген јорыктыҥ кӧӧлик јолын тудар проект јарабайт[2].
Ајарулар
- ↑ Golden Mountains of Altai Архивная копия от 24 кӱӱк ай 2022 на Wayback Machine — unesco.org
- ↑ Рудой, 2002, с. 52—64.
Литература
- Рудой А. Н. Обратная сторона Луны? // Алтайский вестник. — 2002. — № 2. — С. 52—64. Архивировано 20 јаан изӱ ай 2011 года.
Тайантылар
