Јеҥӱниҥ ӧйи
| Јеҥӱниҥ ӧйи орус. Вре́мя Побе́ды | |
|---|---|
 | |
| фестиваль[d] | |
| Башталган ӧй | 2019 јыл |
| Јери | |
| Ӧткӱрген јери | |
| Ороон | |
| Сайт | времяпобеды.рф |
Јеҥӱниҥ ӧйи (орус. Вре́мя Побе́ды) — калыктар ортодо фестиваль-кӧрӱ, Ада-Тӧрӧл учун Улу јууда совет калыктыҥ нерезиниҥ эземине учурлалган. 2019 јылдаҥ ала јылдыҥ ла Москвада ӧдӧт. Тӧс номинациялары: кожоҥдоор кеендик, бије кеендик ле театрал кеендик[1].
Тӱӱкизи
Фестиваль 2019 јылдаҥ ала ӧдӱп, Ада-Тӧроӧл учун Улу јууда турушкандардыҥ нерезин кеендик ажыра кӧргӱзет. Фестивальдыҥ баштаҥкайы јайаандык совет калыктыҥ нерезине ле јаш ӱйе јуучылдаардыҥ эземин ундыбазын деп амаду тургузат. Фестиваль јылдыҥ ла Москвада ӧдӧт[1].
2023 јылда фестиваль Президенттиҥ культуралык баштаҥкайлардыҥ фондынаҥ грант јӧмӧӧчи алган, јаҥы туружаачылар ла кӧрӱ керек-јарактардыҥ чыҥдыйын кӧдӱреринде болуш болгон[2].
Јурамал
«Јеҥӱниҥ ӧйи» деп фестиваль эки этапла ӧдӧт: заочный талдаштардыҥ туры ла бойы туружар калганчы этап. Кӧрӱде ӱч тӧс номинация:
- Кожоҥ кеендик: Јеҥӱниҥ ле јууныҥ темазына учурлалган кожоҥдорды кожоҥдооры, ол тоодо совет композиторлор Александра Пахмутова эмезе Марк Фрадкинниҥ.
- Бије кеендик: Ада-Тӧрӧл учун Улу јууда болгон керектерди кӧргӱзип турган бијениҥ тургузыштары, эл ле эмдиги ӧйдиҥ бијелери.
- Театрал кеендик: јеҥӱ эмезе јуучыл тематика керегинде драма сценкалар эмезе тургузыштар, темдектезе, Константин Симоновтыҥ бичиктериниҥ эбелгезиле.
Талдаштардыҥ туры тулаан айдыҥ 29-чы кӱнинеҥ ала кандык айдыҥ 25-чи кӱнине јетире онлайн-форматла ӧдӧт. Туружаачылар окылу сайт ажыра суранып, бойыныҥ видеозаписин аткарат. Калганчы этап Москвада кӱӱк айдыҥ бажында, Јеҥӱниҥ кӱниниҥ алдында ӧдӧт.
Фестивальдыҥ башкарузы — Кӱӱлик культураны, кеендикти тазыктырар ла пропаганданы јӧмӧӧр бюро, ООО «Звезда Медиа», онойдо ок Валентин ла Тамара Кудиновтордыҥ адыла адалган «География сердца» деп благотворительный фонд[1][3].
Фестивальда башка-башка јашту улус туружат. Жюриде культураныҥ ишчилери, ол кажы ла кижиниҥ турушканын художественный критерийлерле кӧрӧт.
Фестивальдыҥ калганчы этабы Москвада кӱӱк айдыҥ баштапкы кӱндеринде ӧдӧт[1]. Талдаштарды ӧткӧн туружаачылар кандый номинацияда туружарын айдып, жюри ле кӧрӧӧчилердиҥ алдына бойыныҥ номерин кӧргӱзет[4].
Фестивальдыҥ учында гала-концерт ӧдӧт, бу концертте лауреаттар ла айттырткан артисттер туружат. Концерттиҥ ӧйинде кайралдаш ӧдӱп, јеҥӱ алгандарга сыйлар, дипломдор ло эземниҥ кайралдары берилет[1].
Фестивальдыҥ ӧйинде ӱредӱлик керек-јарактар база ӧдӧт, темдектезе, кеендиктиҥ јарлу ишчилери мастер-класстар ӧткӱрет[5].
Туружары
Фестивальга туружарга турган кижи окылу сайт ажыра заявка берер учурлу. Заявкала кожо анкета јазап бичир керек, бойыныҥ Ада-Тӧрӧл учун Улу јууныҥ тематиказыла тудуш видеозаписин ийер керек. Башкару бу заявканы эки кӱнниҥ туркунына кӧрӧлӧ, туружаачыга каруузын берет[1][6].
Фестивальда јаҥыс ла професионалдар эмес, ӧскӧ улус база туружар аргазы бар[7].
Онойдо ок кӧр
- Јеҥӱниҥ кӱни
- Јеҥӱниҥ кӱни (кожоҥ)
- Ада-Тӧрӧл учун Улу јууда Јеҥӱниҥ 80 јылдыгыныҥ байрамы
- Ады jарталбаган солдаттыҥ кÿни
- Ада-Тӧрӧлдиҥ геройлорыныҥ кӱни
- Јеҥӱниҥ кӱни (кожоҥ)
- Мӧҥкӱлик полк
- Советский Союзтыҥ Геройлорыныҥ тизими (Алтай Республика)
- Георгиевский лента
Ајарулар
- ↑ 1 2 3 4 5 6 Официальный сайт фестиваля «Время победы» (орус.). Дата обращения: кандык айдыҥ 21 кӱни, 2025.
- ↑ Президентский фонд культурных инициатив (орус.). Дата обращения: кандык айдыҥ 21 кӱни, 2025.
- ↑ Время Победы. Официальный сайт фестиваль-конкурса «Время Победы». Дата обращения: кандык айдыҥ 21 кӱни, 2025.
- ↑ Фестиваль-конкурс «Время Победы». Звезда. Дата обращения: кандык айдыҥ 21 кӱни, 2025.
- ↑ Открытый фестиваль-конкурс талантов «Время Победы» в Москве. www.art-center.ru. Дата обращения: кандык айдыҥ 21 кӱни, 2025.
- ↑ Условия и стоимость фестиваля «Время Победы». Официальный сайт фестиваля. Дата обращения: кандык айдыҥ 21 кӱни, 2025.
- ↑ Международный фестиваль-конкурс «Время Победы». Официальный сайт фестиваля. Дата обращения: кандык айдыҥ 21 кӱни, 2025.
Тайантылар
- Официальный сайт фестиваля «Время победы» (орус.). Дата обращения: кандык айдыҥ 21 кӱни, 2025.
- Президентский фонд культурных инициатив (орус.). Дата обращения: кандык айдыҥ 21 кӱни, 2025.
- Фестиваль «Время Победы»
- В Кабардино-Балкарии прошел патриотический фестиваль «Время Победы»
|
Правообладателем данного материала является АНО «Интернет-энциклопедия «РУВИКИ». Использование данного материала на других сайтах возможно только с согласия АНО «Интернет-энциклопедия «РУВИКИ». |