Понедельник

Понедельниктиҥ ады Айдаҥ (теҥериде ай ла кудайлыктаҥ) улам кӧп тилдерде бӱткен

Понеде́льник — неделениҥ кӱни, воскресен ле вторниктиҥ ортозында турат. Калыктар ортодо стандарт аайынча неделеде баштапкы иштеер кӱн ISO 8601.

Этимологиязы ла башка јаҥжыгуларда ады

«Понедельниктиҥ» этимологиялык учуры — «воскресен (кӱн)» кӱнниҥ кийнинде неделениҥ кӱни. Астрономо-астрологиялык јаҥжыгуларда понедельник Айдыҥ кӱни деп чотолот.

Темдектезе:

• Классикалык латин тил. dies Lunae (эмдиги фр. lundi);
• Санскрит. Sōmavāra, Сома — индуизмде Ай деп кудайдыҥ ады, оноҥ ары Индияныҥ бастыра јаҥжыккан тилдерине јайылган, је ого ло коштой база аттары бар Chandravāra (Ведический тил Chandra «Луна»); Тӱштӱк-кӱнчыгыш тилдерде, темдектезе тай тилде «Ван Джан»(«день лунного бога Чандры») пали тилдеҥ алынган;
• Кыдат тилде '月曜日', «день луны», оноҥ јопондор алган јопон тилге げつようび (getsuyobi) ле корей тилге 월요일.

Кӱнтизӱде понедельниктиҥ јери

Калыктар ортодо стандарт аайынча ISO 8601 неделеде баштапкы иштеер кӱн деп чотолот.

Эмдиги ӧйдиҥ кӱнбадыш культуразы понедельникти иштеер неделениҥ башталганы деп чотойт, бу кӱнде јаан улус амырайла ишке чыгат, балдар амырайла школго барат.

Христиан ла иудей јаҥжыгуларда, библейский кӱнтизӱ аайынча, понедельник неделениҥ экинчи кӱни деп чотолот. США, Канада ла Япония понедельникти неделениҥ экинчи кӱни деп чотойт. Римско-католический серикпениҥ Окылу литургиялык кӱнтизӱзи понедельникти экинчи кӱн — «Ферия II» деп айдат.

Кӱдайлыкта чотолгоны

Иудаизм ле исламда понедельникти бай тудуп, мӱргӱӱл эдерге јарамыкту деп чотойт. Иудей традиция аайынча Тораны понедельниктер сайын эртен тура кычырадылар.

Православиеде понедельниктер сайын кудайдыҥ Ангелдерин мактайдылар. Кӧп Монастырларда понедельникте постту кӱн: монахтар пост тудуп, эт, сӱт, сарју, балык јибейт, аракы ичпейт.

Кӱнбадыш-христианстводо кунукту ӱч понедельникти темдектейт: биринчи понедельник кандык айда (Каин Авельди ӧлтӱрген), экинчи понедельник куран айда (Содом ло Гоморра бызылган), калганчы понедельник јаҥар айда (Иуда Искариот чыккан, Иисус Христты саткан).

• 

  Экинчи кӱн («понедельник») Кудай јер-јеҥисти јайаган, Юлиус Шноррдыҥ гравюразы

• 

  Открытка, 1907 јыл, «Нью-Йорк калада понедельниктиҥ эртен туразы», кийим јунатан кӱн

• 

  Понедельниктиҥ эртен туразы (Ганс Балушек, 1898)

• 

  Харон (мифология), образ близкий славян «Понедельникке» јуук сӱр, Литовченко А. Д., 1861)

Понедельник — мифологиялык персонаж

Кӱнчыгыш славяндардыҥ кӧрӱминде Понедельник — буурыл карган ӧгӧн, божогон улустыҥ сӱнезин райдыҥ эжигинде сӱӱнчилӱ уткыйт (пост туткандарын). Понедельник олорды отту сууны кечире апарат.

Кезик бӱдӱмјилерде Яблочный Спас байрамда Кудай бойы праведниктерге аламалар ӱлейт, грешниктерге адта Понедельникте ӱлейт.

Понедельник адалган аттарда

• Таджикистанныҥ тӧс калазы Душанбе персид тилде «понедельник».
• Орус ӧбӧкӧ бар Понедельник
• 1894—1895 јылдарда Россияда неделеде эки катап «Понедельник» деп газет чыгатан, «Гражданин» деп газеттиҥ иллюстрирацияларлу коштончызы, князь В. П. Мещерский чыгарган, редакторы озо К. Ф. Филеппеус.
• «Понедельник — день тяжёлый», деп роман-фельетон А. Н. Васильевтиҥ, 1961.
• 1963 јылда экранга совет кинокомедия «Понедельник - день тяжёлый» чыккан (режиссёры Иван Лукинский).
• Совет художественный кино «Доживём до понедельника»
• Стругацкий карындаштардыҥ романдарыныҥ бирӱзи «Понедельник начинается в субботу» деп адалган.
• Американ бичиичи Курт Воннегут 1973 јылда роман бичиген, ады «Завтрак для чемпионов, или Прощай, чёрный понедельник».
• Гай Монтэг («Понедельник», по-немецки) — тӧс герой, фантастикалык роман-антиутопияныҥ «451 градус по Фаренгейту», бичиичи Рэй Брэдбери.

Ајарулар

Тайантылар