Кестелова, Байчила Иркитовна
| Байчила Иркитовна Кестелова | |||
|---|---|---|---|
 | |||
| Чыккан ӧйи | 1917 јыл | ||
| Чыккан јери | Мӧндӱр-Соккон јурт, Кан-Оозы аймак, Горно-Алтайский автоном область, Алтай кырай, РСФСР, СССР | ||
| Божогон ӧйи | 1967 јыл, кичӱ изӱ айдыҥ 26 кӱни | ||
| Божогон јери | Мӧндӱр-Соккон | ||
| Иш-тоштыҥ бӱдӱми | Јурт-ээлем, койчы | ||
| Кайралдары ла премиялары |
|
||
Байчила Иркитовна Кестелова (1917 јыл, Мӧндӱр-Соккон јурт, Кан-Оозы аймак — 1967 јыл кичӱ изӱ айдыҥ 26-чы кӱни Мӧндӱр-Соккон) — «Ленинский наказ» колхозтыҥ койчызы, колхозтыҥ правлениезиниҥ турчызы, Кан-Оозы аймак, Горно-Алтайский автоном область[1]. Социалистический Иштиҥ Геройы (1960).
Биографиязы
1933 јылдаҥ ала Кан-Оозы аймакта Мӧндӱр-Соккон јуртта «Ленинский наказ» колхозтыҥ койчызы болуп иштеген, турлузы Ойбок ӧзӧктӧ турган. Эки уул азыраган, Иван ла Василий. 1959 јылда јӱс эне койдоҥ орто тооло 129 кураган алган, 4,9 килограмм тӱк бир койдоҥ кыркып алган, кожо иштеген улуска јымжак ла јалакай болгон, ишке кӧп улсты таскаткан, оныҥ болушчызы Јелечи Иришева болгон[2]. Јакшы јозокту ижи учун оны Москвага ийген, ТУ-104 самолетло учкан.
СССР-дыҥ Ӱстӱги Совединиҥ Президиумыныҥ јакааныла 1960 јылда тулаан айдыҥ 7-чи кӱнинде «в ознаменование 50-летия Международного женского дня, за выдающиеся достижения в труде и особо плодотворную общественную деятельность» Социалистический Иштиҥ Геройы деп нерелӱ ат берип, Ленинниҥ ордениле кайралдаткан, «Серп и Молот» алтын медаль алган.
КПСС-тыҥ турчызы болуп партияга ол Ада-Тӧрӧл учун Улу јууныҥ ӧйинде кирген. Кан-Оозы аймактыҥ Албаты депутаттарыныҥ Совединиҥ депутады эдип талдаткан.
1967 јылда Мӧндӱр-Соккон јуртында божогон.
Ајарулар
- ↑ Герои соцтруда Горного Алтая. Кестелова Байчила Иркитовна - Алтай Туристский. Туристический портал (орус.). Дата обращения: јаан изӱ айдыҥ 29 кӱни, 2025.
- ↑ Кестелова Байчила Иркитовна, «Путь длиною в 100 лет» — Герои Социалистического Труда. Дата обращения: куран айдыҥ 8 кӱни, 2020. Архивировано јаан изӱ айдыҥ 3 кӱни, 2020 јыл.
Литература
- Чунижеков Ч. Счастливые дни Байчилы Кестеловой / Герои Социалистического Труда. Горно-Алтайск, 1966, 42 с.;
- Герой труда / Алтайская правда, 9 марта, № 58, 1960 г.;
- Пульман Д.. Героиня труда / Алтайская правда, 10 марта, № 59, 1960 г.;
- Самотохин В. М. Трудовая слава Алтая. — Барнаул: Алт. кн. изд-во, 1985. — 224 с.