Ялатов, Шабычы Сыранович

Шабычы Сыранович Ялатов
Шабычы Сыранович Ялатов
Чыккан ӧйи	чаган айдыҥ 22 кӱни (кочкор айдыҥ 4 кӱни) 1912
Чыккан јери	Шабалин аймак, Россия;
Божогон ӧйи	кичӱ изӱ айдыҥ 3 кӱни 1993 (81 јаш)
Иш-тоштыҥ бӱдӱми	политик
Кайралдары ла премиялары

Шабычи Сыранович Ялатов (1929 јылдыҥ чаган айдыҥ 22 кӱнинде Ӱстӱги-Толгойок јуртта — 1993 јылдыҥ кичӱ изӱ айыныҥ 3 кӱнинде, Улалуда), сӧӧги .. — Ада-Тӧрӧл учун Улу јууныҥ туружаачызы (1941—1942), Россия Федерацияда Горно-Алтай автоном областьта советский ээлемниҥ, тергеелик ле политикалык ишчи.

Биографиязы

1912 јылда Ӱстӱги-Толгойок ӧзӧктӧ Шабалин аймактыҥ Ӱстӱги-Апшыйакты јуртыныҥ јанында чыккан (эмдиги Алтай Республика). 1935 јылдаҥ ала ВКП(б)-ныҥ турчызы.

1927 јылдаҥ ала — ээлемдик, јондык ла политикалык иштерде. 1927—1966 јылдарда:

крестьянин;
Дальневосточный кырайдыҥ 15-чи Кубанский кавалерийский дивизиязында 73-чи кавалерийский полкто черӱчил болгон;
1935—1938 јылдарда Шабалин аймактыҥ Ӱстӱги-Апшыйактыда «Красная Армия» деп колхозыныҥ председатели;
1938—1939 јылдарда Горно-Алтайскта ВЛКСМ-ныҥ обкомыныҥ баштапкы секретари;
1939—1941 јылдарда Ленинградский университетте студент;
1941—1942 јылдарда 144-чи чана-батальонныҥ политругы, уур шырканаҥ улам комиссовать эдилген;
1942—1943 јылдарда Ойрот областьта ВКП(б)-ныҥ комитединиҥ инструкторы;
1943 јылдыҥ ӱлӱрген айынаҥ ала — 1944 јылдыҥ кӱчӱрген айына јетире Эликманарда ВКП(б) РК-ныҥ кадрлар аайынча секретарь;
1944 јылдыҥ кӱчӱрген айынаҥ ала Кош-Агаш аймакта исполкомныҥ председатели.

Оноҥ, 1966 јылдаҥ озо Горно-Алтай автоном областьтыҥ Оҥдой, Кош-Агаш, Кан-Оозы аймактарында партийный ла башкаруда иштерде болгон. Целина кыралаар ӧйлӧрдӧ ол Усть-Кан-Оозы аймакта КПСС-тыҥ райкомыныҥ баштапкы секретари болуп иштеген. Пенсияга чыгардаҥ озо Калининниҥ адыла адалган колхозтыҥ председатели.

СССР-дыҥ Ӱстӱги Совединиҥ 1-кы созывыныҥ депутадына талдалган. ВКП(б)-ныҥ 18-чи съездиниҥ делегады.

Туулу Алтайда Совет јаҥныҥ турганы керегинде бичиктиҥ авторы: «За высотою — высота» (О становлении сов. власти в Горн. Алтае. / Ш. С. Ялатов; [Лит. обраб. Н. С. Модорова]. — Горно-Алтайск : Алт. кн. изд-во : Горно-Алт. отд-ние, 1987. — 102,[2] с. : портр.; 20 см.)

Јуруктардыҥ кӧмзӧзи

Кайрадузы

«За отвагу» медаль;
«За победу над Германией» медаль;
«Орден Отечественной войны Ι степени»;
«Орден Ленина».

Ајарулар

Ялатов Архивная копия от 19 јаҥар ай 2017 на Wayback Machine
https://cyberleninka.ru/article/n/dokumentalnye-kollektsii-velikoy-otechestvennoy-voyny-v-sobranii-natsionalnogo-muzeya-im-a-v-anohina Архивная копия от 25 сыгын ай 2020 на Wayback Machine

Тайантылар