Попов, Пётр Фатеевич
| Пётр Фатеевич Попов | ||
|---|---|---|
 Фото 1975 г. | ||
| Чыккан ӧйи | 1932 јыл чаган айдыҥ 1-чи кӱни | |
| Божогон ӧйи | 2012 јыл ӱлӱрген айдыҥ 16-чы кӱни | |
| Гражданство |
 СССР → Россия |
|
| Иш-тоштыҥ бӱдӱми | Кӧксу-Оозы аймакта Карагай совхозто мараловод бригаданыҥ јааны | |
| Кайралдары ла премиялары |
    
|
|
Пётр Фатеевич Попов (1932—2012) — Кӧксу-Оозы аймакта Карагай совхозто мараловод бригаданыҥ јааны, Социалистический Иштиҥ Геройы.
Биографиязы
1932 јылда чаган айдыҥ 19-чы кӱнинде (документтер аайынча — 25) Коксочка јуртта Кӧксу-Оозы аймакта, Горно-Алтайский автоном областьта чыккан. Кӧп балдарлу биледе экинчи бала болгон (13 бала). 1935 јылда кандык айда эне-адазыла кожо Карагай јуртка кӧчкӧн, мында баштамы школды божоткон.
1947 јылдаҥ ала пенсияга чыгар ӧйгӧ јетире — Карагай јурттыҥ совхозында иштеген (1952—1955 јылдарда Беларуссия ла Кыдатта служба ӧткӧн). 1952 јылдаҥ ала бу ла совхозтыҥ Курдюм јурттында јуртаган. 1955 јылдаҥ ала маральникте аҥ азыраган, 1967 јылда адазы Фатей Петрович пенсияга чыгарда, оныҥ ордына мараловод бригаданыҥ јааны болуп иштеп баштаган. Газет ле журналдарда аҥды тазыктарары керегинде бичимелдердиҥ авторы.
1992 јылдаҥ ала пенсияда. Алтай Республиканыҥ Тоомјылу кижизи (2012). 2012 јылда ӱлӱрген айдыҥ 16-чы кӱнинде божогон.
Уулы - Александр Петрович Попов, ЗАО «Курдюм Фирманыҥ» тӧс директоры.
Кайралдары ла эземи
СССР-дыҥ Ӱстӱги Совединиҥ Президиумыныҥ 1971 јылдыҥ кандык айдыҥ 8-чи кӱнинде чыккан јакааны аайынча Ленинниҥ ордениле кайралдаткан.
СССР-дыҥ Ӱстӱги Совединиҥ Президиумыныҥ 1975 јылдыҥ кочкор айдыҥ 10-чы кӱнинде чыккан јакааны аайынча «бастыра союзтыҥ социалистический маргаанында једимдери ле тогузынчы бешјылдыктык јакылтаны озолондыра бӱдӱрген учун» Социалистический Иштиҥ Геройы деп ат адалган.
Калыктардыҥ најылыгыныҥ ордендериле, «Тоомјызын кереестеген», ВДНХ-ныҥ алтын ла мӧҥӱн медальдарыла.
1995 јылда Кӧксу-Оозыныҥ ПУ-2-ге Петр Фатеевич Поповтыҥ ады берилген.
Источники
- Попов Пётр Фатеевич Архивная копия от 3 јаан изӱ ай 2020 на Wayback Machine, «Путь длиною в 100 лет» — Герои Социалистического Труда
- Трудовая слава Алтая. Виктор Михайлович Самотохин. Алтайское книжное изд-во, 1985 — Всего страниц: 221
- Сегодня в Карагае чествуют знаменитого мараловода Петра Попова, которому исполняется 80 лет Архивная копия от 11 куран ай 2017 на Wayback Machine