Казаков, Темирей Токурович

Темирей Токурович Казаков
Чыккан öйи	1923 јыл
Чыккан jери	Кара-Суу (Кан-Оозы аймак), Кӧзӱлдиҥ јурт јеезези, Кан-Оозы аймак, Алтай Республика, Алтай кырай, РСФСР[d], СССР[d]
Божогон öйи	1946 јыл, кӱӱк айдыҥ 9 кӱни(0005-09-1946)
Божогон jери	Улалу, Ойрот автоном область, Алтай кырай, РСФСР[d], СССР[d]
Ороон	СССР
Черÿниҥ бÿдÿми	артиллерия
Черÿде jылдары	1942—1945
Званиези
Jуу/согуштар	Ада-Тӧрӧл учун Улу јуу
Кайралдар ла сыйлар

Темирей Токурович Казаков (1923—1946 — Ада-Тӧрӧл учун Улу јууныҥ туружаачызы, Кызыл Черӱниҥ сержанты, Советского Союзтыҥ Геройы (1945).

Биографиязы

Темирей Казаков Алтай Республиканыҥ Кан-Оозы аймагыныҥ Кара-Суу јуртында 1923 јылда чыккан. Школдо 7 классты божодоло, колхозто тискинчи болуп иштеген. 1942 јылда Казаковты Кызыл Черӱге службага алган. Бу ла јылда кӱӱк айда Ада-Тӧрӧл учун Улу јууныҥ фронтында јуулажып башталган. 1944 јылда ол коммунист партияга кирген (Коммунистическая партия Советского Союза). 1945 јылда чаган айда младший сержант Темирей Казаков 507-чи отдельный истребительно-противотанковый артиллерийский полктыҥ орудиезинде наводчик 1-й болуп Белорусский фронтто болгон. Польшаны јайымдаар тушта нерелӱ керек эткен.

1945 јылда чаган айдыҥ 30—31 кӱндеринде Гожув-Велькопольский деп кала учун јуу-согушта Казаков орудиениҥ ӧлтӱрткен командириниҥ ордына башкарып, ӧштӱниҥ немецкий тылына кирип, олорго удура адыш баштаган, штурмовой орудие, 4 пулемёт точка ла ондор тоолу солдат ла офицерлерди јоголткон. Чаган айдыҥ 31 кӱнинде Казаков баштапкылардыҥ тоозында Одер сууны кечип, Киниц јурттыҥ јанында Зеловтоҥ тӱндӱктей плацдармда 12 немецкий контратакага удурлашкан. Качан Казаковтыҥ јуучыл расчеды согуш ӧйинде божой берерде, ол јаҥыскан оноҥ ары јуулашкан, ӧштӱниҥ 4 танкын, 1 штурмовой орудие ле рота кире солдат ла офицерлерин јоголткон.

СССР-дыҥ Ӱстӱги Совединиҥ Президиумыныҥ јакааныла 1945 јыл тулаан айдыҥ 24 кӱнинде младший сержант Темирей Казаковко Герой Советского Союза деп нере берилген, Ленинниҥ ордени ле «Золотая Звезда» медаль (СССР) берген.

Ол ӧйлӧр керегинде маршал Георгий Жуков «Воспоминания и размышления» деп бичигиниҥ, «Висланаҥ Одерге јетире» деп бажалыгында мынайда айткан:

«Появление советских войск в 70 километрах от Берлина было ошеломляющей неожиданностью для немцев. В момент, когда отряд ворвался в город Кинитц, на его улицах спокойно разгуливали немецкие солдаты, в ресторане было полно офицеров. Поезд по линии Кинитц — Берлин курсировал по графику, нормально действовала связь. На захваченном плацдарме… организовали прочную оборону. Бойцы и командиры понимали, что немцы приложат максимум усилий, чтобы отбросить отряд обратно за Одер. Утром 2 февраля противник нанес мощный артиллерийско-минометный удар по боевым порядкам отряда. Вскоре после этого появилась вражеская авиация. Район плацдарма содрогался от взрывов бомб, снарядов и мин. Огненный смерч бушевал около часа. А затем гитлеровцы при поддержке танков с трех сторон атаковали отряд. Противник, несмотря на большие потери, упорно лез вперед. Его танкам даже удалось прорваться в район огневых позиций нашей артиллерии и подавить часть батарей. Создалась критическая обстановка. Танки врага угрожали выйти в тыл отряда, и тогда едва ли можно было удержаться на захваченном рубеже»

Сержант Казаковты јууныҥ кийнинде демобилизовать эткен. Улалу калада јуртаган, 1946 јылда кӱӱк айдыҥ 9 кӱнинде кенейте божогон.

Кайралдары

• «Советский Союзтыҥ геройы» деп нере (1945)
• «Ленинниҥ ордени» № 44527 (1945, тулаан айдыҥ 24 кӱни),

• «Алтын чолмон» медаль № 6703, (1945, тулаан айдыҥ 24 кӱни)

• «За отвагу» медальла кайралдаткан (1944 јыл, куран айдыҥ 24 кӱни),
• «Сталинградты корулаган учун» медаль

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.

Онойдо ок кöр

• Советский Союзтыҥ Геройлорыныҥ тизими (Алтай Республика)

Ајарулар

Тайантылар