Ак-айасты бактыргандарга

Рувики сайттаҥ
Кереес-монумент
«Ак-айасты бактыргандарга»
орус. Монумент «Покорителям космоса»
Ак-айасты бактыргандарга
Ак-айасты бактыргандарга
55°49′21″ с. ш. 37°38′22″ в. д.HGЯO
Ороон Россия
Кала Москва
Автор проекта Колчин Александр Николаевич, Михаил Барщ (архитекторлор), Лев Щипакин (инженер)
Строитель Мельниковтыҥ адыла адалган ЦНИИПСК им.
Скульптор Андрей Файдыш-Крандиевский
Дата основания 1964
Туткан ӧйи 1958—1964 годы
Статус Россияныҥ калыктарыныҥ культуралык энчизи
Бийиги 107 метр
Материал титан[d]
Логотип РУВИКИ.Медиа Медиафайлы на РУВИКИ.Медиа
Герб России

Россия Федерацияныҥ
культуралык энчизи

«Ак-айасты бактыргандарга» (орус. «Покорителям космоса») — кереес-монумент совет албатыныҥ ак-айасты шиҥдееринде једимдерине учурлалган, 1964 јылда кӱчӱрген айдыҥ 4-чи кӱнинде тургузылган[1] Москвада Останкинский аймакта. Россияда бийигиле экинчи јерде, Јеҥӱниҥ Монументиниҥ кийнинде[2].

Тӱӱкизи

[тӱзедер | кодты тӱзедер]

1957 јылда ӱлӱрген айдыҥ 4-чи кӱнинде «Спутник-1» једимдӱ учуп чыккан — Јердиҥ баштапкы искусственный спутниги. Кижиликтиҥ космический эразына кереес-обелиск Воробьёвы горыда (алдында Ленинские горы), МГУ-ныҥ баш корпусыныҥ јанында тургузылган (план аайынча Владимир Ильич Ленинниҥ кереези болор учурлу болгон). Проектке конкурсты 1958 јылда тулаан айда јарлаган, кӱӱк айдыҥ 10-чы кӱнинде конкурстыҥ комиссиязына мӱҥнаҥ артык проект 114 каланаҥ СССР ла ӧскӧ ороондордоҥ келген, олордыҥ 356-зын талдап, Манежте (Москва) аҥылу выставкада тургускан. Жюри ӱч ишти талдап алган, ракета учуп чыккан темалу. Баштапкы премияларды Михаил Барщ, Александр Колчин, инженер Лев Щипакин ла скульптор Андрей Файдыш-Крандиевский «Народ-созидатель» деп архитекторлордыҥ проекттери алган; экинчи јерди И. Волков, Каро Алабян архитекторлордыҥ «Трое» деп композициязы ла скульптор А. Зеленскийдиҥ проекти; ӱчинчи јерде «Красная звезда КЭЦ» архитектор А. Антонов ла инженер Н. Быстряков. Проект-јеҥӱчил Ленинские горы деп ансамбльга торт јарабай турарда, монументти ВДНХ-ныҥ эжигинде куру јерге тургускан[3][4][5][6].

Проект-јеҥӱчилде јастыралар болгон. Бийик конструкцияныҥ технический тӧзӧлгӧзи јок болгон: ракетаныҥ шлейфын ышталгандый ӧҥдӱ ӧткӱш шилдеҥ тӱнде јарып турар эдер санаа болгон. Стандарт эмес инженерный конструкцияны јазаарга (Центральный научно-исследовательский и проектный институт строительных металлоконструкций имени Н. П. Мельникова) Владимир Лаптев башкарып проектти бӱдӱрген. Монументти титан пластиналарла кыптаар, татап коррозияга алдырбас, теҥери кӱскӱленип турар, оны конструктор-ракетостроитель Сергей Королёв сананып тапкан, ол дефицит металлды база ол тапкан.

Проектте јастыралары тӱзедип јатканча, монументтиҥ бийиги баштап болгон 50 метрдеҥ 107 метрге јеткен, Москваныҥ рекорды. Королёвтыҥ баштаҥкайыла проектте турага, СССР Министрлер Совединиҥ 1960 јылда куран айдыҥ 10-чы кӱнинде чыккан № 316 темдектӱ јакааныла јӧптӧлгӧн, музей космонавтики болор учурлу болгон. Ол монументтиҥ стилобадында болор учурлу. Королёв монумент проектине јаан ајару салган, иштиҥ ӧдӱп турганын ајаратан, Останкинский районго јадарга кӧчӱп келерде, ӱйи Нина Михайловнаныҥ айтканыла, строй площадкага эҥир ле сайын прогулкага баратан[3][4][5][6][7].

Архитекторлор ло инженерлер проектте иштеп турганча, пилотируемый космический учуштар башталган, оныҥ учун монументтиҥ учурлаганын солып, «Ак-айасты бактыргандарга» деп адалган. 250 тонна болот решётчатый конструкция, титановый пластинааларла кыпталган, јерде колло јууйла, аҥылу крандарла кӧдӱрилген[8].

Монументтиҥ кӧдӱриҥилӱ ачылтазы 1964 јылда кӱчӱрген айдыҥ 4-чи кӱнинде болгон[1], Спутник-1 деп Јердиҥ баштапкы искусственный спутниги учуп чыккан јетинчи јылдыгына учурлап, [9] Октябрьский социалистический революцияныҥ 47-чи јылдыгыныҥ алдында ачкан.

Ӱч јыл ӧткӧн кийнинде Проспект Мира (Москва) ла улица Академика Королёва (Москва) бириккенинде Космос Геройлорыныҥ мемориал аллеязы ачылган. Табынча аллеяда космонавттар ла ракетостроениениҥ пионерлериниҥ бюсттери тургузылган: Юрий Гагаринниҥ, Валентина Терешкованыҥ, Владимир Комаровтыҥ, Сергей Королёвтыҥ, Мстислав Келдыштыҥ, Валентин Глушконыҥ.

1981 јылда кандык айдыҥ 10-чы кӱнинде, Юрий Гагарин учкан 20 јылдыкка Королёв сананып тапкан Мемориальный музей космонавтики ачылган, ОКБ-1 ижин конструктор М. К. Тихонравов башкарган комиссия ширтеп кӧргӧн[4][10][5][6].

2006—2009 јылда аллея јаҥыртылган. Королёвтыҥ бюсты академик С. П. Королёвтыҥ мемориал тура-музейине кӧчӱрилген, аллеяда Салават Щербаковтыҥ кереезин тургускан. Онойдо ок аллеяда кеми јаан Кӱнниҥ системазы деп кереес тургузылган, ондо сегис планетага Плутон кожулган (карликовый планета)[11][12].

2022 јылда монументтерди јаҥыртар иштер башталган[13].

Архитектуразы

[тӱзедер | кодты тӱзедер]

«Ак-айасты бактыргандарга» кереес, «Москва. Архитектура советского модернизма 1955—1991 гг.» деп путеводительдиҥ авторлорыныҥ чотогоныла, СССР современный ла прогрессивный ороонныҥ јаҥы кеберин алып, телекейге бастыра ак-айасты

Монумент ПобедыПокорителям космосаПамятник Петру I (Москва)Родина-мать (Волгоград)Рабочий и колхозницаПамятник Ленину у входа в Волго-Донской каналЗащитникам Советского Заполярья в годы Великой Отечественной войны
Сравнение высочайших памятников России

кӧргӱскен, оныҥ учун совет монументал кеендикте абстрактный ишти бӱдӱрген. Монумент эҥилген параболага тӱҥей, 11 метр ракетаныҥ куйругындый, эдегиндий (орус. шлейф). Монумент фасадында темир таныктарла Николай Грибачёвтыҥ сӧстори салынган:

И наши тем награждены усилья,
Что, поборов бесправие и тьму,
Мы отковали пламенные крылья
Своей стране и веку своему!

Алдында учурлаганы: «Ак-айасты шиҥееринде бийик једимери учун совет калыкка бу монумент тудулган». Горельефтиҥ келтейлери улустыҥ фигураларыла јарандырылган, ак-айасты бактырар иште турушкандар: билимчилер, инженерлер, ишмекчилер. Озо Файдыш-Крандиевский бу улуска Сергей Королёвты кошкон, је билимчи јаратпаган.[3][5][6][14]. Москваныҥ тӱндӱк-кӱнчыгыш јанындамонумент учурлу Архитектуралык доминанта болот.[15]. Кезик јерде берилгениле, јуралган пуск аварийный[16][17].

Культурада

[тӱзедер | кодты тӱзедер]

«Ак-айасты бактыргандарга» деп монумент 10 салковой акчаныҥ реверсине салынган, 1967 јылда «Совет јаҥга 50 јыл» серияда чыккан. Кереес кӱнниҥ чокторы ортозына эдип салынган. Јурук ла бичилгени рельефный[18]. Солнце на изображении монеты де-факто является заходящим.[19] Онойдо ок «Москвада XXII-чи Олимпий ойындарда 1980 јылда. Ак-айасты бактыргандарга кереес», 1 салковой акча. Ондо кереес «Салют» деп орбитал станцияныҥ фонында чеканга кирген, оҥ јанында Олимпиада-80 эмблемазы, ӱстинде кырыла бичик: «Игры XXII Олимпиады • Москва • 1980»[20].

  • «Совет јаҥга 50 јыл» деп серияда юбилейлик он акчада јуралган кереес, 1967 јыл

    «Совет јаҥга 50 јыл» деп серияда юбилейлик он акчада јуралган кереес, 1967 јыл

  • СССР-дыҥ юбилейлик бир салковой акчазыныҥ реверсинде јуралган кереес, 1977 јыл

    СССР-дыҥ юбилейлик бир салковой акчазыныҥ реверсинде јуралган кереес, 1977 јыл

  • Кереес акча Банк Россия, 1998 ј.: «Јииттердиҥ телекейлик ойындары», 1 салковой.

    Кереес акча Банк Россия, 1998 ј.: «Јииттердиҥ телекейлик ойындары», 1 салковой.

  • «Москвада XXII-чи Олимпий ойындарда 1980 јылда. Ак-айасты бактыргандарга кереес», 1 салковой акча, 1979 јыл, јес-никель сплав, реверс.

    «Москвада XXII-чи Олимпий ойындарда 1980 јылда. Ак-айасты бактыргандарга кереес», 1 салковой акча, 1979 јыл, јес-никель сплав, реверс.

Ленинский проспектте Гагаринге кереесле (Ленинский проспект) кожо «Ак-айасты бактыргандарга» деп монумент Pet Shop Boys группаныҥ видеоклибинде «Go West» композициязында кӧрӱнет, база «Sweet Lullaby» деп кжоҥныҥ клибинде коллектив Deep Forest кӧрӱнет[21]. Оноҥ ӧскӧ, Обелискке «Мурзилка на спутнике» деп совет мультфильм учурлалган, 1960 јыл.

Ӱзеери јетирӱ

[тӱзедер | кодты тӱзедер]

Кереестиҥ бир канча копиялары бар. Бирӱзи Калужский областа Боровск калада Константин Циолковскийдиҥ кереезиле кожо тургузылган, билимчи ондо 15 јыл иштеген. Озо ло баштап кереес «Ак-айасты бактыргандарга» деп кереестиҥ кичинерткен копиязы ла билимчиниҥ бюстынаҥ турган, је 1980-чи јылдарда оны вандалдар ӱреген учун демонтировка эдилген, 2007 јылда скульптор Сергей Бычков јазаган кӱлер фигурага солынган[22].

СССР-га ООН сый эдип берген база бир копияны Дворец Нацийде — ООН-ныҥ европей штаб-квартиразында тургузылган[23].

Јуруктардыҥ кӧмзӧзи

[тӱзедер | кодты тӱзедер]
  • К. Э. Циолковскийге Боровск калада Калужский областьта кереес (2012)

    К. Э. Циолковскийге Боровск калада Калужский областьта кереес (2012)

  • Ю. А. Гагарин келип тӱшкен јерде, Саратовский областа кереес («Юрий Гагаринниҥ адыла адалган Ак-айасты бактыргандардыҥ паркы»)

    Ю. А. Гагарин келип тӱшкен јерде, Саратовский областа кереес («Юрий Гагаринниҥ адыла адалган Ак-айасты бактыргандардыҥ паркы»)

  • СССР-дыҥ лётчик-космонавты А. Г. Николаевтиҥ Шоршелы јуртта мемориал комплексына кирзе постамент

    СССР-дыҥ лётчик-космонавты А. Г. Николаевтиҥ Шоршелы јуртта мемориал комплексына кирзе постамент

Онойдо ок кӧр

[тӱзедер | кодты тӱзедер]

Ајарулар

[тӱзедер | кодты тӱзедер]
  1. ↑ 1 2 «Герасютин C.А., Костина Ю. В.» КОСМОНАВТИКА НА КАРТЕ МОСКВЫ. Информационно-справочное издание. — М.: Музей космонавтики, 2017 — С. 171.
  2. ↑ «Покорителям космоса» — 55 лет! (ја. эм.). kosmo-museum.ru (4 кӱчӱрген ай 2019). Дата обращения: сыгын айдыҥ 14 кӱни, 2022.
  3. ↑ 1 2 3 Анна Броновицкая, Николай Малинин, Ольга Казакова. Москва. Архитектура советского модернизма 1955 - 1991 гг. Справочник-путеводитель. — М.: Garage, 2016. — С. 62—64. — 328 с. — ISBN 978-5-9905612-7-4.
  4. ↑ 1 2 3 Ольга Якушева. Мемориальный музей космонавтики: космос на Земле // Культура и время : общественно-научный и художественный журнал. — 2011. — № 3 (41).
  5. ↑ 1 2 3 4 Памятник-монумент покорителям космоса у ВДНХ в Москве. Достопримечательности Москвы. Дата обращения: кӱчӱрген айдыҥ 3 кӱни, 2017. Архивировано кӱчӱрген айдыҥ 7 кӱни, 2017 јыл.
  6. ↑ 1 2 3 4 Рогачев А. В. Проспекты советской Москвы. История реконструкции главных улиц города. 1935—1990 гг.. — М.: Центрполиграф, 2015. — С. 81—82. — 448 с. — ISBN 978-5-227-05721-1.
  7. ↑ Монумент "Покорителям космоса": 50 лет на карте Москвы. Музеи России. Дата обращения: кӱчӱрген айдыҥ 2 кӱни, 2017. Архивировано кӱчӱрген айдыҥ 7 кӱни, 2017 јыл.
  8. ↑ Раздел пятый. Высотные сооружения // Металлические конструкции / под об. ред. Е. И. Беленя. — М.: Стройиздат, 1978. — С. 502. — 550 с.
  9. ↑ «Покорителям космоса» — 55 лет! (орус.). kosmo-museum.ru. Дата обращения: сыгын айдыҥ 14 кӱни, 2022.
  10. ↑ "Вечер": Монумент "Покорителям космоса" отмечает юбилей. Москва 24 (11 кӱчӱрген ай 2014). Дата обращения: кӱчӱрген айдыҥ 3 кӱни, 2017.
  11. ↑ На ВДНХ установили бюсты четырёх лётчиков-космонавтов. Официальный сайт мэра Москвы (9 кандык ай 2016). Дата обращения: кӱчӱрген айдыҥ 6 кӱни, 2017. Архивировано сыгын айдыҥ 22 кӱни, 2017 јыл.
  12. ↑ В Москве открылась Аллея героев космоса. Lenta.ru (9 јаҥар ай 2008). Дата обращения: кӱчӱрген айдыҥ 6 кӱни, 2017. Архивировано јаҥар айдыҥ 12 кӱни, 2008 јыл.
  13. ↑ Стартовали работы по реставрации монумента «Покорителям космоса» возле станции метро «ВДНХ» (орус.). Рамблер/новости. Дата обращения: сыгын айдыҥ 13 кӱни, 2022.
  14. ↑ Покорителям космоса. Прогулки по Москве. Дата обращения: кӱчӱрген айдыҥ 3 кӱни, 2017. Архивировано ӱлӱрген айдыҥ 17 кӱни, 2018 јыл.
  15. ↑ РОССИЯ ВЫСОКАЯ. История высотного строительства России. — Екатеринбург: TATLIN, 2014. — С. 180. — ISBN 978-5-000750-31-5.
  16. ↑ Радио "Эхо Москвы", программа "Мой район", 2021 јыл јаан изӱ айдыҥ 3-чи кӱни
  17. ↑ 🚀Памятник покорителям космоса: история и фото
  18. ↑ Монета 10 коп 10 коп. Памятник покорителям космоса, 1967 года (недоступная ссылка). Нумизматика онлайн. Дата обращения: кӱчӱрген айдыҥ 6 кӱни, 2017. Архивировано кӱчӱрген айдыҥ 7 кӱни, 2017 јыл.
  19. ↑ Единственная монета СССР, изображающая заходящее солнце - 10 копеек из серии 50 лет Советской власти - ilovegg.ru (ја. эм.) (28 тулаан ай 2022). Дата обращения: тулаан айдыҥ 30 кӱни, 2022.
  20. ↑ Слука Ирина Михайловна. Олимпийские монеты — города и спортивные сооружения // 100 самых знаменитых монет СССР / под ред. Е. Киселевой. — М.: Эскмо, 2015. — 80 с. — ISBN 978-5-699-78754-8.
  21. ↑ Sasha Raspopina. Space travel: your guide to celebrating Cosmonautics Day in Russia. The Calvert Journal (12 кандык ай 2017). Дата обращения: кӱчӱрген айдыҥ 6 кӱни, 2017. Архивировано кӱчӱрген айдыҥ 7 кӱни, 2017 јыл.
  22. ↑ Памятник К. Э. Циолковскому. VoronezhGid.ru (28 јаан изӱ ай 2012). Дата обращения: кӱчӱрген айдыҥ 6 кӱни, 2017. Архивировано кӱчӱрген айдыҥ 7 кӱни, 2017 јыл.
  23. ↑ The Monuments. The United Nations Officeat Geneva. Дата обращения: кӱчӱрген айдыҥ 6 кӱни, 2017. Архивировано кӱчӱрген айдыҥ 7 кӱни, 2017 јыл.

Тайантылар

[тӱзедер | кодты тӱзедер]
Алган јери - "https://alt.ruwiki.ru/w/index.php?title=Ак-айасты_бактыргандарга&oldid=372171"