Айылдыҥ јанында ӧлӧҥ (кожоҥ)

Рувики сайттаҥ
Айылдыҥ јанында ӧлӧҥ
LP «Парад ансамблей 2» кадары
Кожоҥ
Кожоҥдогон группа «Земляне»
Альбом «Парад ансамблей 2»
Чыгарган дата 1983
Бичилген дата 1983
Жанр спейс-рок
Узуны 4:42
Лейбл ВФГ «Мелодия»
Кӱӱзи Владимир Мигуля
Сӧстӧрдиҥ авторлоры Анатолий Поперечный
Видеоклип
Логотип YouTube группа «Земляне» — «Трава у дома» (1983)
Видеоклип
Логотип YouTube Сергея Скачкова и НП ЦДЮТ «Земляне» — «Трава у дома» (2012)
Видеоклип
Логотип YouTube группа «Земляне» — «Трава у дома» (2014)

«Айылдыҥ јанында ӧлӧҥ» (орус. «Трава́ у до́ма») — Анатолий Поперечныйдыҥ сӧстӧрине бичиген Владимир Мигульдыҥ кожоҥы. «Земляне» деп группа кожоҥдоордо јарлу боло берген[1]. «Песня-83» деп совет кожоҥныҥ XIII Текшисоюзный телевизионный фестивалиниҥ лауреады[2]. Албаты ортодо кожоҥды оныҥ баштапкы сӧстӧри аайынча — «Иллюминатордо јер» деп адайтан.

2009 јылда кожоҥго «Роскосмостыҥ» чыгартузы аайынча «Россий космонавтиканыҥ мак кожоҥы» деп окылу статус берилген[3]. Кожоҥго мактыҥ кожоҥы статус берилген деп бичик, «Земляне» группаныҥ кожоҥчызы Сергей Скачковко табыштырылган. Бу бичике Ю. А. Гагаринниҥ адыла адалган космонавтар белетеер тӧс јердиҥ башкараачызы Совет Союзтыҥ ла Россия Федерацияныҥ Геройы Сергей Крикалёв кол салган.

Тӱӱкизи

[тӱзедер | кодты тӱзедер]

Эҥ ле баштапкы ӱлгер, кийнинде лирикалык кожоҥго јазалган, оныҥ ады бу ла ат — «Айылдыҥ јанында ӧлӧҥ» болгон, кожоҥдо айылын санаганы, ӧлӧҥ, чулан ла уйдыҥ кӧстӧри керегинде бичилген. Ӱлгердиҥ баштапкы версиязында космонавттар керегинде айдылбаган. 1982 јылда композитор Владимир Мигуль ла ӱлгерчи Анатолий Поперечный ӱлгерди Космонавттардыҥ кӱнине келиштире ӧскӧртӧр деп куучындашкан. Кийнинде бу кожоҥ совет космонавттардыҥ мак кожоҥы боло берген[2].

1982 јылдыҥ кандык айдыҥ 12-чи кӱнинде кожоҥныҥ чӱмдеечизи Владимир Мигуль баштапкы катап бу кожоҥды «Притяжение Земли» деп передачада кожоҥдогон, бу тушта кожоҥныҥ аранжировказы баштапкы «Земляне» группа кожоҥдогон варианттаҥ башка болгон.

Сергей Скачковтыҥ айтканыла болзо, Клифф Ричардтыҥ концерттинде Devil Woman деп кожоҥды угала, припевтиҥ аранжировказын ӧскӧртип јарандырар деп шӱӱшкен[4].

Ачык айдыныш

[тӱзедер | кодты тӱзедер]

АК-айас керегинде кӧп кожоҥдор бичилген. Олордыҥ ортозында:«Я верю, друзья» — Владимир Трошин, «Он сказал — поехали…»— Юрий Гуляев, «Мы — дети Галактики…» — Лев Лещенко кожоҥдогондор. Бастыра бу кожоҥдордыҥ ортозында орчылаҥ керегинде эҥ јакшы кожоҥ болуп «Айылдыҥ јанында ӧлӧҥ» чыккан[2].

Онойдо ок 1980 јылдарда, јарлу «Ну, погоди!» деп совет мульткиноныҥ 14-чи сериязында ла ӧскӧ дӧ кӧп художественный кинолордо кожоҥдогон. 1986 јылда «Курьер» деп художественный киноныҥ тӧс геройи, Иван бу кожоҥды акустический гитарала ойноп, энезиле кожо кожоҥдогон[5].

Кожоҥды космонавттар сӱреен сӱӱйт, оныҥ учун кожоҥды олор бойыныҥ јаҥжыкан чӱм-јаҥдарында тузаланат. Алдынаҥ бери бу «Айылдыҥ јанында ӧлӧҥ» деп кожоҥды кажы ла старттыҥ алдында, экипаж конор туранаҥ чыгып, космодромго јетире апарар автобуска отурарга барып јатса, «Земляне» группа кожоҥдойт[5][6].

ВИДЕО:

Сергей Скачков, «Земляне» группа ла лётчик-космонавттар (Совет Союзтыҥ ла Россияныҥ Геройлоры) Сергей Крикалёв ло Анатолий Соловьёв, «Айылдыҥ јанында ӧлӧҥ» лӧ «Амадуга бӱт» деп кожоҥдорды акустический вариантла (unplugged), Сергей Скачковты «За усердие во благо Отечества» деп орденле кайралдаган церемонияда кожоҥдойт; Храм Христа Спасителя, Москва, 2006 јыл кандык айдыҥ 14-чи кӱни.

1995 јылда «ZeKo Records» рекорд-лейблде «Земляне» группаныҥ эҥ артык кожоҥдоры окылу «Айылдыҥ јанында ӧлӧҥ» деп атту альбомдо чыккан. (CD / MC-те), 1983 јылда студияда бичиген оригинал версиязы чыккан[7].

Внешние видеофайлы
«Эта песня стала гимном» торжественная церемония-концерт, посвящённая 75-летию со дня рождения Юрия Гагарина и 30-летию песни «Трава у дома» / ККЗ «Мир», Москва, 25.11.2009

2009 јылда кӱчӱрген айдыҥ 25-чи кӱнинде Сергей Скачковтыҥ продюсер тӧс јери ле НП ЦДЮТ «Земляне», Юрий Гагаринниҥ чыккан 75-јылдыгына ла «Айылдыҥ јанында ӧлӧҥ» деп кожоҥныҥ 30-јылдыгына учурлай «Бу кожоҥ мак кожоҥ»деп кӧдӱрӱҥилӱ концерт-церемония кӧргӱскен. Концертте эстраданыҥ јарлу артисттери, россий космонавттар ла јӱзӱн-башка элјондык ишчилер турушкан[8][9]. Бу концертте «Роскосмостыҥ» чыгартузыла «Айылдыҥ јанында ӧлӧҥ» деп кожоҥго «Россий космонавтиканыҥ мак кожоҥы» деп окылу бирлик статус берилген[3].

2010 јылда јаҥар айдыҥ 10-чы кӱнинде россий онко ло кӧзинеҥ оору балдарга болуш эдип, Санкт-Петербургта Тош ӧргӧӧдӧ «Амадуга бӱт» деп благотворительный концертте, «Земляне» группа «Айылдыҥ јанында ӧлӧҥди» айылчы телекейлик зарубежный кӱӱниҥ ле киноныҥ јарлу артисттериле, онойдо ок РФ Башкарузыныҥ Председатели Владимир Путинле кожо кожоҥдогон[10]. Бу кожоҥ кожоҥдогоны окылу видеоклип болуп чыккан, 2012 јылда телеэфирде база кӧргӱзилген[11].

2012 јылда кожоҥды баштап кожоҥдогон Сергей Скачков ло НП ЦДЮТ кӱӱчилери «Земляне» кӱӱлик телеканалдарда окылу анимациялык видеоклип чыгарган.

2021 јылда ӱлӱрген айда Калык ортодо ак-айаста станциянаҥ киноэкипаж јанарда, олорго учурлай «Земляне» «Айылдыҥ јанында ӧлӧҥди» кожоҥдогон. Концерт ВДНХ-да «Восток» ракетаныҥ јанында ӧткӧн[12].

Эмдиги ӧйдӧ «Айылдыҥ јанында ӧлӧҥди» кожоҥдоор јӱзӱн-башка ремикстер ле кавер-версиялар бар, ол тоодо јарлу россий ле ӧскӧ ороондордыҥ эстрадаларыныҥ кожоҥчылары, темдектезе: «Приключения Электроников» (альбом «Иллюминатордо јер», 2003 јыл), «Звери» ле «Земляне» группа (MTV «RMA — 2005» кожо кожоҥдогон)[13], «Ассорти» группа [14], «Фабрика звёзд 2»[15] ло о. ӧ.

Ӧскӧ тилдерге кӧчӱрилгени

[тӱзедер | кодты тӱзедер]

2020 јылда кӱӱк айдыҥ 31-чи кӱнинде SpaceX компания пилотируемый керепти божоткон баштапкы кӱнинде Интернетте россий сегментте «Земляне» группаныҥ модифицированный ролиги «Айылдыҥ јанында ӧлӧҥ» деп кожоҥло чыккан. Роликти чыгарарда deepfake деп технологияны тузаланган, бу технологияла видомонтажла бир кижиниҥ јӱзине ӧскӧ кижиниҥ јӱзин салып ийер арга бар: Илон Масктыҥ јӱзин «Земляне» группаныҥ гитаризи Игорь Романовтыҥ јӱзине салган.[16] «Москва айдат» деп радиостанцияныҥ интервьюзында «Земляне» группаныҥ лидери Сергей Скачков Илона Масктыҥ јӱзин салган роликти јарадып, айткан, «кожоҥды бастыра улус кожоҥдозын: кыдаттар да, јопондор до»[17].

2020 јылда кандык айда россий политикалык ВКПБ партия «Айылдыҥ јанында ӧлӧҥ» јопон тилге кӧчӱрилген деп јетирген[18]. 2021 јылда кандык айдыҥ 14-чи кӱнинде «Биробиджанер штерн» деп россий газетте кожоҥды идиш тилге кӧчӱрилген деп бичиген[19]. Интернет-вариантта статья кожоҥ литературно англий тилге кӧчӱрилген деп кожоҥды кожоҥдоп турган видеороликке ссылка ийген.

Ајарулар

[тӱзедер | кодты тӱзедер]
  1. ↑ Информация для промоутеров и организаторов концертов — Официальный сайт группы «Земляне». Архивная копия от 13 кочкор ай 2009 на Wayback Machine.
  2. ↑ 1 2 3 «Трава у дома». Как был написан первый гимн советских космонавтов?
  3. ↑ 1 2 Песня нашего земляка стала гимном российской космонавтики.
  4. ↑ Владимир Мигуля. Обратный отсчет
  5. ↑ 1 2 История песни «Трава у дома»
  6. ↑ Перед стартом // ФГБУ ЦПК имени Ю. А. Гагарина.
  7. ↑ «Трава у Дома» 1995, CD / МС // Mastersland.com.
  8. ↑ О концерте «Эта песня стала гимном», посвященном 30-летию написания песни «Трава у дома».
  9. ↑ Музыка детства. Интервью с Сергеем Скачковым, солистом группы «Земляне» — интервью с Сергеем Скачковым.
  10. ↑ Путин спел песню и сыграл на рояле // Источник: РИА Новости, Rria.Ru
  11. ↑ Земляне - Трава у дома (ја. эм.). Дата обращения: кичӱ изӱ айдыҥ 7 кӱни, 2022.
  12. ↑ «Земляне» воссоединились в честь возвращения киноэкипажа - Газета.Ru | Новости (орус.). Газета.Ru. Дата обращения: кичӱ изӱ айдыҥ 7 кӱни, 2022.
  13. ↑ группа «Звери» и группа «Земляне» — Трава у дома.
  14. ↑ Ассорти — Трава у дома.
  15. ↑ «Фабрика звезд 2» — Трава у дома
  16. ↑ НТВ 31.05.2020, 17:00 Илона Маска «заставили» спеть о Земле в иллюминаторе
  17. ↑ https://radiokp.ru/frontmen-gruppy-zemlyane-prokommentiroval-video-s-poyuschim-travu-u-doma-ilonom-maskom_nid23140_au4311au Комментарий Сергея Скачкова о модификациях и переводах песни
  18. ↑ https://vkpb.org/ichigo-tanuki-%D1%82%D1%80%D0%B0%D0%B2%D0%B0-%D1%83-%D0%B4%D0%BE%D0%BC%D0%B0-%D0%B7%D0%B5%D0%BC%D0%BB%D1%8F%D0%BD%D0%B5-%D0%BF%D0%BE-%D1%8F%D0%BF%D0%BE%D0%BD%D1%81%D0%BA%D0%B8/ Сообщение партии ВКПБ о переводе песни на японский
  19. ↑ https://www.gazetaeao.ru/spejs-rok-na-idishe/ Газетная публикация с переводом песни на идиш и английский

Тайантылар

[тӱзедер | кодты тӱзедер]


Алган јери - "https://alt.ruwiki.ru/w/index.php?title=Айылдыҥ_јанында_ӧлӧҥ_(кожоҥ)&oldid=378551"