Штыгашев, Иван Матвеевич
| Иван Матвеевич Штыгашев | |
|---|---|
 | |
| Чыккан ӧйи | 1861 јыл |
| Чыккан јери | Матур, Россия империя |
| Божогон ӧйи | 1915 јыл кӱчӱрген айдыҥ 13-чи кӱни |
| Божогон јери | Матур, Минусинский округ Енисейский губерния, Россий империя |
| Иш-тоштыҥ бӱдӱми | миссионер, бичиичи |
Штыгашев, Иван Матвеевич (орус. Иван (Иоанн) Матвеевич Штыгашев) (1861 јыл, Матур, Кузнецкий округ, Томский губерния, Россий империя — 1915 јыл кӱчӱрген айдыҥ 13-чи кӱни, Матур јуртта , Минусинский округ Енисейский губерния, Россий империя) — баштапкы шор укту бичиичи, миссионер, тилмеш, ӱредӱчи, священник[1][2].
Биографиязы
Кондомский — Корочерский волость, Кузнецкий округ, Томский губернияда Матур јуртта Матвей Штыгашев деп (Кара-Шор сӧӧктӱ) шор кижиниҥ билезинде чыккан. Адазы уулдарын ӱрензин деп эҥ ле озо ийген. Энези сагай сӧӧктӱ хакас кижи. 1877 јылда ол церковно-приходской школдо Кузедеево јуртта Кузнецкий округта ӱренген. Ол школдо јарлу лингвист, тюрколог, протоиерей Василий Иванович Вербицкий иштеген, Штыгашевтиҥ ич кӧрӱминиҥ ӧзӱмине јаан салтарын јетирген, тӱштӱк-сибир тилдери ӱренерин јилбиркеткен: алтай, хакас, шор. Ӱредӱзи божоордо Улалуда тӧс миссионер училищеге кирген, оноҥ Казанский инородческий учительский семинарияга ӱренген.
1884 јылда «Записки алтайца о его путешествии в Киев, Москву и её окрестности»[3] деп бичимели чыккан — шор калыктыҥ баштапкы литературалык бичимели болгон.
1885 јылда Казанда бичиги чыккан «Поступление в училище и продолжение учения шорца (алтайца) Ивана Матвеевича Штыгашева». Ол ло јылда «Шорский букварь для инородцев восточной половины Кузнецкого округа» ла «Словарь алтайского и аладагского наречий шорского языка» деп бичиктер чыгарында једимдӱ турушкан. Јарлу миссионер, тюрколог Николай Иванович Ильминский оны кӧчӱриштер эдерине јилбиркеткен. Оныҥ турултазы — «Священная история на шорском наречии…».
1889 јылда оны диакон эдип Алтай духовный миссияныҥ Кондомский станына тургускан, бир јылдаҥ ол Кондомский Богоявленский серикпениҥ священниги боло берген. Бир канча школдор ачкан, ондо ӱредӱ шор тилле ӧткӧн, орус ла церковно-славянский тилдерди база ӱреткен. 1899 јылда Агару Аннаныҥ ӱчинчи тектелӱ ордениле кайралдаткан. 1902 јылда ого скуфьея сыйлаган, 1904 јылда Агару Синодтыҥ благословениезин ставленый грамотала кожо алган[4].
Матурга јанып, 1905 јылда миссионерский школдыҥ ӱредӱчизи богон, балдарды грамотага, арифметика, «Закон Божьемийге» орустап, шор тилле ӱреткен. Јаҥы серикпе тударында турушкан, 1913 јылда кичӱ изӱ айдыҥ 24-чи кӱнинде серикпе бӱдӱп, аласталган. Эмдиги ӱйеге ол калыктар ортодо колбуларды тыҥыдарында шор, хакас ла алтайларга тем болуп јат, кӧгӱс байлыкты ӧскӱрерге.
1915 јылда кӱчӱрген айдыҥ 13(26) кӱнинде Матур јуртта јада калган<ref>Нилогов А. С.
Кайралдары
- 1899 јылда Агару Аннаныҥ ӱчинчи тектелӱ ордениле кайралдаткан.
- 1904 јылда Агару Синодтыҥ благословениезин ставленый грамотала кожо алган.
Ајарулар
Тайантылар
- В Хакасии изучают духовное наследие отца Иоанна Штыгашева Архивная копия от 15 куран ай 2016 на Wayback Machine // ИА «Хакасия»
- В Хакасии отметят 155-летие со дня рождения просветителя Ивана Штыгашева // Республика Хакасия. Официальный портал;
- Лье Саша Миссионер Иван Штыгашев Архивная копия от 4 ӱлӱрген ай 2016 на Wayback Machine // Хакасия. — 2015. — 10 ноября.
 |
|
|---|
