Фальков, Валерий Николаевич

Рувики сайттаҥ
Валерий Николаевич Фальков
Valery Falkov govru.png
Флаг
Россия Федерацияныҥ билим ле бийик ӱредӱ министры
Флаг
с 2020 јыл чаган айдыҥ 21-чи кӱни
(и. о.2024 јыл кӱӱк айдыҥ 7—13 кӱндери)
Башкарунын башчызы Михаил Мишустин
Андрей Белоусов (и. о.)
Михаил Мишустин
Президент Владимир Путин
Алдындагы болгон башчы Михаил Котюков
Флаг
Тӱмен тергеелик университеттиҥ ректоры
(и. о. 2012 јыл ӱлӱрген ай — 2013 јыл тудаан айдыҥ 21-чи кӱни)
Флаг
2013 јыл тулаан айдыҥ 21-чи кӱни — 2020 јыл чаган айдыҥ 21-чи кӱни
Флаг
Тӱмен областыҥ думазыныҥ депутады
Флаг
2016 јыл сыгын айдыҥ 18-чи кӱни — 2020 јыл чаган айдыҥ 21-чи кӱни
Флаг
Тӱмен каланыҥ думазынаҥ депутады
Флаг
2013 јыл — 2016 јыл
Чыккан 1978 јыл ӱлӱрген айдыҥ 18-чи кӱни
Тӱмен к., Тӱмен область, РСФСР, СССР
Партия Единая Россия
Ӱредӱзи Тӱменде тергеелик университет
Билим степени юридический билимдердиҥ кандидады, доцент
Профессиязы юрист
Иш-тожыныҥ бӱдӱми политик
Научная деятельность
Билимдик сфера юриспруденция
Иштеген јери Россия Федерацияныҥ билим ле бийик ӱредӱ министерствозы
Логотип РУВИКИ.Медиа Медиафайлы на РУВИКИ.Медиа

Вале́рий Никола́евич Фалько́в (1978 јыл ӱлӱрген айдыҥ 18-чи кӱни Тӱмен, Тӱмен област, РСФСР, СССР) — россий тергеелик ишчи, Россия Федерацияныҥ билим ле бийик ӱредӱниҥ министри 2020 јылдыҥ чаган айдыҥ 21-чи кӱнинеҥ ала (2024 јылда кӱӱк айдыҥ 7—13 кӱндеринде удурумга јааны). Билимчи-юрист.

Алдында — Тӱмен тергеелик университеттиҥ ректоры (2013—2020).

Биографиязы

[тӱзедер | кодты тӱзедер]

Ӱредӱзи[тӱзедер | кодты тӱзедер]

Новоселезнёв орто школды божоткон Казан јуртта, Казан аймакта, Тӱмен областта.

1995 јылда ТӱмГУ-ныҥ юридический факультедине кирген, 2000 јылда Тергее ле правоныҥ институдын божодып «юриспруденция» деп специальность алган, кийнинде аспирантурага кирип, 2003 јылда кӱӱк айда озолондыра божодып, «Совершенствование правового регулирования предвыборной агитации в Российской Федерации» (билим башкараачызы Г. Н. Чеботарёв) деп темала кандидат диссертация бичип, оны корыган.[1].

Билим-администрациялык ижи[тӱзедер | кодты тӱзедер]

2003 јылдаҥ 2007 јылга јетире Фальков — Тӱмен госуниверситеттиҥ конституция ла муниципал правоныҥ кафедразыныҥ јааныныҥ ордынчызы, 2007 јылда Фальковко кафедраныҥ доценти деп билим ат берилген.

2007 јылда тулаан айдаҥ ала кӱчӱрген айга јетире — ТӱмГУ-да ӱредӱлик иштиҥ директорыныҥ ордынчызы.

2007 јылдаҥ 2011 јылга јетире Фальков — ТӱмГУ-да ӱзеери ӱредӱле ле филиалдардыҥ проректоры, 2011 јылдаҥ ала 2012 јылдыҥ тулаан айына јетире — ТӱмГУ-да право, экономика ла управлениениҥ институдыныҥ директоры.

2009 јылдаҥ 2011 јылга јетире Фальков Тӱмен областа јиит билимчилер ле специалисттердиҥ совединиҥ председатели (2011 јылда бу совет Россияда јакшы иштеп турган советтердиҥ бирӱзи деп айдылган).

2012 јылда ӱлӱрген айдаҥ 2013 јылдыҥ кандык айына јетире Фальков — Тӱмен тергеелик университтиҥ ректорыныҥ ижин удурумга иштеген. 2013 јылда тулаан айдыҥ 21-чи кӱнинде коллективтиҥ конференциязында ТӱмГУ-ныҥ ректорына тургузылган. 2018 јылда кандык айдыҥ 17-чи кӱнинде Фальков Россия Федерацияныҥ билим ле бийик ӱредӱниҥ министерствозыныҥ аттестация комиссиязыныҥ чыгартузыла ТӱмГУ-ныҥ ректорына тургузылган[2] ла бу јерде 2020 јылга јетире иштеген.

2015 јылда кандык айдыҥ 30-чы кӱнинде Фальков Тӱмен областтыҥ вузтарыныҥ ректорлорыныҥ совединиҥ председатели болуп тургузылган. Россия Федерацияныҥ юридический ӱредӱниҥ вузтарыныҥ президиумыныҥ ла ӱредӱ-методикалык бирӱгиниҥ турчызы.

Фальков Москов «Сколково» деп школдыҥ управлениезиниҥ «Перспективы Тюменского региона: новые индустрии и кадровый потенциал» деп ӱредӱлик программаны башкарган эткен, Тӱмен областтыҥ губернаторы Тӱмен тергеелик университетле кожо тургузкан.

2020 јылда чаган айдыҥ 21-чи кӱнинде Фальковты Михаил Мишустинныҥ башкарузында Россия Федерацияныҥ билим ле бийик ӱредӱниҥ министирине тургускан.

2024 јылда кӱӱк айдыҥ 14-чи кӱнинде Валерий Фальковты Госдума Россия Федерацияныҥ билим ле бийик ӱредӱниҥ министириниҥ јамызына јӧптӧгӧн[3], бу ла кӱнде РФ-ныҥ президенти јакаанга кол салган[4].

Эл ижи[тӱзедер | кодты тӱзедер]

Тюмен региондо јайалталу балдарды табып ла тазыктырар «Менделеев» деп региндор ортодо кӧппрофильный олимпиаданы баштаган, 2011 јыл.

2012 јылдыҥ тулаан айынаҥ бери «Ассоциация юристов России» деп россий эл организацияныҥ регионал бӧлӱгиниҥ председателиниҥ ордынчызы, Ассоциацияныҥ тӱмен бӧлӱгиниҥ председатели.

2006 јылдаҥ 2013 јылга јетире — Тӱмен областтыҥ талдаштар комиссиязыныҥ турчызы, калганчы ӱнин берер тапту. 2013 јылдаҥ ала 2016 јылга јетире — Тӱмен кала Думаныҥ VI созывыныҥ депутады, «Единая Россия» партияныҥ регионал политикалык совединиҥ турчызы, Тӱмен кала Думаныҥ градостроительство ло јер аайынча колбулардыҥ улайына иштеер комиссиязыныҥ председатели. 2016 јылдыҥ сыгын айдыҥ 18-чи кӱнинеҥ ала 2020 јылдыҥ чаган айдыҥ 21-чи кӱнине јетире — Тӱмен областта думаныҥ 17 темдектӱ бир мандатту талдаштар округтыҥ депутады.

2020 јылда РФ-ныҥ Конституциязына кийдирер солынталарды белетеер рабочий группада иштеген[5].

«Тобольск ло бастыра Сибир» деп альманахтыҥ редакциялык совединиҥ председатели.

Тӱмен областта «Открытая школа права» деп граждандарга правовой сурактар јартаар проект аайынча баштаҥкай эткен.

2014 јылдаҥ ала РФ-ныҥ Президентиниҥ управленческий кадрларыныҥ резервына кирген. [1].

2015 јылда кичӱ изӱ айдаҥ ала Тӱмен областтыҥ кадрлар јеткиилдериниҥ экспертный соведине кирген.

2018 јылда јаҥар айдыҥ 25-чи кӱнинеҥ ала Россия Федерацияныҥ Президентиниҥ билим ле ӱредӱниҥ соведине кирген[6].

Россия Федерацияныҥ Президентиниҥ 2024 јылдыҥ јаҥар айдыҥ 27-чи кӱнинде чыккан 1120 темдектӱ «Вопросы Межведомственной комиссии по историческому просвещению» јакааны аайынча тӱӱкилик просвещениениҥ ведомстволор ортозында комиссияныҥ президиумыныҥ турчыларыныҥ тоозына кийдирилген[7].

2025 јылда кӱӱк айдыҥ 15-чи кӱнинде РФ-ныҥ президентиниҥ јакааны аайынча Россий билим академияныҥ попечительский соведине кирген[8].

Кайралдары

[тӱзедер | кодты тӱзедер]
  • Россия Федерацияныҥ ӱредӱлик министерствозыныҥ (2003) ла Тӱмен областтыҥ губернаторыныҥ (2008) кӱндӱлӱ грамотазы;
  • Тӱмен областтыҥ губернаторыныҥ быйаны (2008);
  • Тӱмен областной думаныҥ тӧшкӧ тагар Нерелӱ темдеги(2009);
  • Тӱмен областта бийик юридический сыйдыҥ лауреады «Юрист года — 2014»;
  • Урал федерал округта РФ-ныҥ Президентиниҥ Чыгартылу кижизиниҥ быйаны (2015);
  • Тӱмен областтыҥ ӱредӱниҥ ле билимниҥ департаментиниҥ быйаны (2015);
  • Россия Федерацияныҥ Федерал собраниезиниҥ совединиҥ председателиниҥ быйаны (2017).

Ајарулар

[тӱзедер | кодты тӱзедер]
  1. ↑ Просмотр документа — dlib.rsl.ru. Дата обращения: чаган айдыҥ 22 кӱни, 2020. Архивировано кочкор айдыҥ 25 кӱни, 2020 јыл.
  2. ↑ Приказ от 10 апреля 2018 г. № 12-07-03/50. Дата обращения: чаган айдыҥ 21 кӱни, 2020. Архивировано чаган айдыҥ 13 кӱни, 2021 јыл.
  3. ↑ Госдума утвердила Фалькова министром науки и высшего образования. РИА "Новости" (14.05.2024). Дата обращения: 14.05.204.
  4. ↑ Президент подписал указы о назначении членов Правительства Российской Федерации и директоров служб. kremlin.ru (14 кӱӱк ай 2024). Дата обращения: кӱӱк айдыҥ 14 кӱни, 2024.
  5. ↑ Источник. Дата обращения: чаган айдыҥ 21 кӱни, 2020. Архивировано куран айдыҥ 28 кӱни, 2020 јыл.
  6. ↑ См. Указ Президента Российской Федерации от 25.12.2018 № 748 «О внесении изменений в состав Совета при Президенте Российской Федерации по науке и образованию и в состав президиума этого Совета, утверждённые Указом Президента Российской Федерации от 16 ноября 2017 г. № 550» Архивная копия от 12 чаган ай 2021 на Wayback Machine
  7. ↑ Указ Президента Российской Федерации от 27.12.2024 № 1120 ∙ Официальное опубликование правовых актов (орус.). publication.pravo.gov.ru (27.12.2024). Дата обращения: јаҥар айдыҥ 27 кӱни, 2024.
  8. ↑ Указ Президента Российской Федерации от 15.05.2025 № 318 "О попечительском совете Российской академии наук". publication.pravo.gov.ru. Дата обращения: кӱӱк айдыҥ 15 кӱни, 2025.

Тайантылар

[тӱзедер | кодты тӱзедер]


Алган јери - "https://alt.ruwiki.ru/w/index.php?title=Фальков,_Валерий_Николаевич&oldid=448146"