Мурашко, Михаил Альбертович

Рувики сайттаҥ
Рувикиде аташ ӧбӧкӧлу ӧскӧ улус керегинде статьялар бар Мурашко.
Михаил Альбертович Мурашко
Mikhail Murashko govru.png
Флаг
Россия Федерацияныҥ су-кадык корыыр министры
Флаг
с чаган айдыҥ 21-чи кӱни
(и. о. кӱӱк айдыҥ 7—13 кӱндери 2024)
Башкарунын башчызы Михаил Мишустин
Андрей Белоусов (и. о.)
Михаил Мишустин
Президент Владимир Путин
Алдындагы болгон башчы Скворцова Вероника Игоревна
Флаг
Росздравнадзордыҥ башкараачызы
Флаг
2013 јыл тулаан айдыҥ 7-чи кӱни — чаган айдыҥ 21-чи кӱничаган айдыҥ 21-чи кӱни
Флаг
Коми Республиканыҥ су-кадык корыыр министры
Флаг
2006 јыл тулаан айдыҥ 12-чи кӱни — 2011 јыл кочкор айдыҥ 14-чи кӱни
Губернатор Торлопов Владимир Александрович
Гайзер Вячеслав Михайлович
Чыккан 1967 јыл чаган айдыҥ 9-чы кӱни
Свердловск (эмдиги Екатеринбург, РСФСР, СССР)
Партия
Ӱредӱзи Уралда тергеелик эмчилик инстит
Билим степени эмчилик билимдердиҥ докторы
Профессиязы врач-гинеколог
Иш-тожыныҥ бӱдӱми тергеелик ишчи
Кайралдары
Иштеген јери

Мишустинниҥ башкарузы, РФ,
И. М. Сеченовтыҥ адыла адалган 1-чи МГМУ ,

Н. Э. Бауманныҥ адыла адалган МГТУ
Логотип РУВИКИ.Медиа Медиафайлы на РУВИКИ.Медиа

Михаи́л Альбе́ртович Мура́шко (1967 јыл чаган айдыҥ 9-чы кӱни, Свердловск (эмдиги Екатеринбург), РСФСР, СССР) — россий политик, тергеелик ишчи, Россия Федерацияныҥ су-кадык корыыр министры, 2020 јылдыҥ чаган айдыҥ 21-чи кӱнинеҥ ала[1][2].

Медицина билимдериниҥ докторы. И. М. Сеченовтыҥ адыла адалган Москвада биринчи тергеелик эмчилик университеттиҥ профессоры. "Акушерство ла гинекология", "су-кадык корыыр ишти тӧзӧӧри" специальностьтор аайынча јаан категориялу[2]. Россия Федерацияныҥ 2-чи класстыҥ чындык эл-тергее советниги (2003) (орус. Действительный государственный советник Российской Федерации 2-го класса)[2].

Јӱрӱми

[тӱзедер | кодты тӱзедер]

Михаил Мурашко 1967 јылда Свердловскта чыккан. 1984 јылда физика, математика ла химияны тереҥ ӱренер каланыҥ школын божоткон[3]. Уралда тергеелик эмчилик инститка (УЭМИ) кирген, је экинчи курстыҥ кийнинде черӱге барган (ол тушта военный кафедразы јок вузтардыҥ ӱренчиктерине кейим (отстрочка) берилбейтен), 1986 јылдаҥ 1988 јылга јетире СССР-дыҥ ИИМ-ниҥ Ичбойыныҥ черӱлеринде (МВД СССР) јабыс чиндӱ солдат болуп јуучыл молјузын бӱдӱрген[4][5]. Черӱдеҥ јанып, институдына ойто кирген.

Мурашко 1992 јылда УЭМИ-ни божодып, 1996 јылга јетире Коми Республиканыҥ Сыктывкар калазында эмчилик байзыҥда интерн-эмчи ле акушер-гинеколог болуп иштеген. 1996 јылда диагностикалык ишкте баш эмчиниҥ јамызын адын алган, оноҥ "Коми Республиканыҥ перинатал тӧс јери" деп эмчилик байзыҥныҥ баш эмчизи болуп тургузылган. "Урогениталдык инфекциялу ӱй улустыҥ бала табарыныҥ аҥылузы ла учуры" деп темага кандидат диссертациязын корыган. 1996 јылдаҥ 1999 јылга јетире Республикан эмчилик биригӱниҥ баш эмчизи болуп иштеген. 2000 јылдаҥ 2006 јылга јетире Республикан перинатал тӧс јериниҥ баш эмчизи болуп иштеген[2].

2005 јылда Москва областьтыҥ акушерство ла гинекология аайынча билим-шиҥжӱ институдында "Калыгы ас региондo акушерлик болуш берериниҥ эмдиги аспекттери" деп темага доктор диссертациязын коруган[2].

2006 јылда Мурашко тергеелик јамыга кöчкöн, Коми Республиканыҥ су-кадык корыыр министри болуп иштеген. Бу ок öйдö, 2011 ла 2012 јылдарда Сыктывкарда турган Россияныҥ су-кадык корыыр министерствозыныҥ Киров тергеелик эмчилик академиязыныҥ республикан филиалыныҥ акушерство ла гинекология кафедразын башкарган[2].

2011 јылда Мурашко 2009 јылда Коминиҥ эмчилик тӧзӧмӧлдӧрине компьютер томографтарды бийик баала садып алганыла колбулу уголовный керекте кереечи болуп турушкан[6][7][8].

2012 јылда Мурашко Федерал су-кадык корыыр тергелик службаныҥ башкараачызыныҥ ордынчызы болуп тургузылган. 2013 јылдаҥ ала бу ведомствоныҥ башкараачызыныҥ молјузын удурум öйгö бӱдӱрген, 2015 јылдыҥ јаан изӱ айдыҥ 14-чи кӱнинде Росздравнадзорды окылу башкарып баштаган.

2020 јылда чаган айдыҥ 21-чи кӱнинде Россияныҥ президенти Владимир Путинниҥ јакааныла Мурашко Михаил Мишустинниҥ башкаруузында Россия Федерацияныҥ су-кадык корыыр министри эдип тургузылган.

2024 јылдыҥ кӱӱк айдыҥ 14-чи кӱнинде Мурашко Тергеелик Думала Михаил Мишустинниҥ башкаруузында Россия Федерацияныҥ су-кадык корыыр министриниҥ јамызына ойто тургузылган[9]. Ол ок кӱнде РФ-тыҥ президенти тургузар керегинде јакаанга кол салган[10].

Эмчилик билимдердиҥ докторы. И. М. Сеченовтыҥ адыла адалган Москвада биринчи тергеелик эмчилик университтиҥ профессоры[2].

"Эл-јонныҥ су-кадык корыыры" деп јаҥы рецензируемый эмчилик журналдыҥ баш редакторы[11].

  • Россияда коронавирус јобол јайылбазы аайынча јуун, 2020

    Россияда коронавирус јобол јайылбазы аайынча јуун, 2020

  • Татарстан, 2021

    Татарстан, 2021

  • Мурашко М., Орёл кала, 2023

    Мурашко М., Орёл кала, 2023

Билези

[тӱзедер | кодты тӱзедер]

Михаил Мурашко айыл-јуртту, эки балалу[12].

Кайралдары

[тӱзедер | кодты тӱзедер]
  • "Тӧрӧли алдында бӱдӱрген керектери учун" орденниҥ медали II степеньду (2018)
  • Јастыра ордениниҥ Командоры јылдысла (2021, Венгрия)A Magyar Érdemrend középkeresztje a csillaggal</ref>
  • Россия Федерацияныҥ Башкарузыныҥ быйаны (2018)
  • "Су-кадык корыырдыҥ артыкчылы" деп тӧжине тагар темдек (2014)
  • Россия Федерацияныҥ су-кадык корыыр министерствозыныҥ эки Кӱндӱлӱ грамотазы (2001, 2006)
  • "Наркоконтроль органдарга болушканы учун" медаль (2016)
  • "Јуучыл најылык учун" медаль (2016)
  • "Тӧрӧл су-кадык корыыр ишке бӱдӱрген керектери учун" медаль (2016)
  • "Чечен Республика алдында бӱдӱрген керектери учун" медаль (2017)
  • "ФСБ Россияныҥ СЭБ-тиҥ 'П' башкарузыныҥ 3-чи бӧлӱгине 45 јыл" юбилейный медаль (2018)
  • "Сочи калада 2014 јылдыҥ XXII кышкы Олимпиад ойындары ла XI кышкы Паралимпиад ойындары" эске алынар медаль (2014)
  • "Телекейлик полиция најылыкка 100 јыл" деп Россия ИИМ-ниҥ эске алынар юбилейный медали (2015)
  • "Каруга алынган улустыҥ системазыныҥ медицина јаҥы" эске алынар темдек (2019)
  • Россияныҥ машина тудаачылар Бирлигиниҥ грамотазы (2019)
  • Россия Федерацияныҥ су-кадык корыыр министерствозыныҥ быйаны
  • Россия ФСБ-ниҥ быйаны (2019)
  • Ингушетия Республиканыҥ Кӱндӱлӱ грамотазы (2016)
  • Коми Республиканыҥ Кӱндӱлӱ грамотазы (2004)


Ајарулар

[тӱзедер | кодты тӱзедер]
  1. ↑ Путин назначил Михаила Мурашко министром здравоохранения // РИА Новости
  2. ↑ 1 2 3 4 5 6 7 Энциклопедия ТАСС, 2024. Мурашко, Михаил Альбертович. Министр здравоохранения РФ
  3. ↑ Биография Михаила Мурашко: что известно о новом министре здравоохранения России. Комсомольская правда. Дата обращения: чаган айдыҥ 22 кӱни, 2020.
  4. ↑ Биография Михаила Мурашко (орус.). РИА Новости. Дата обращения: чаган айдыҥ 22 кӱни, 2020.
  5. ↑ А. Ванденко. Михаил Мурашко: хватит испытывать систему на прочность!. ТАСС (15 кӱчӱрген ай 2021). — «практически всех моих сокурсников призвали… попал в войска МВД… забирали после второго курса… рядовым…». Дата обращения: кандык айдыҥ 7 кӱни, 2023.
  6. ↑ Свидетели по делу о томографах бывшие министр здравоохранения Коми Михаил Мурашко и замминистра Сергей Колесников будут доставлены в суд в принудительном порядке
  7. ↑ Новый министр здравоохранения России был свидетелем по уголовному «делу о томографах» в Коми
  8. ↑ Свидетель по делу о закупке томографов в Коми стал министром здравоохранения России
  9. ↑ Госдума утвердила Мурашко министром здравоохранения. РИА "Новости" (14.05.2024). Дата обращения: кӱӱк айдыҥ 14 кӱни, 2024.
  10. ↑ Президент подписал указы о назначении членов Правительства Российской Федерации и директоров служб. kremlin.ru (14 кӱӱк ай 2024). Дата обращения: кӱӱк айдыҥ 14 кӱни, 2024.
  11. ↑ Журнал «Национальное здравоохранение»
  12. ↑ Михаил Мурашко стал новым министром здравоохранения России вместо Вероники Скворцовой.

Тайантылар

[тӱзедер | кодты тӱзедер]


Алган јери - "https://alt.ruwiki.ru/w/index.php?title=Мурашко,_Михаил_Альбертович&oldid=378076"