Сабин, Владимир Кÿчÿкович
| Владимир Кÿчÿкович Сабин | |
|---|---|
Сабин Владимир Кÿчÿкович (1941 jылда чаган айдыҥ 15 кӱни, Кош-Агаш аймактыҥ Белтир jурты — 2020 jылда кичӱ изӱ айдыҥ 3 кӱни, Горно-Алтайск) — алтай билимчи-зоотехник, политик, Горно-Алтайский обком КПСС бöлÿгиниҥ башкараачызы болгон, Алтай Республика Эл Курултайыныҥ экономикалык политика ла бюджет аайынча Комитетти башкарган. Алтай Республиканыҥ Башкарузыныҥ кӧп тоолу кÿндулÿ бичиктериле, бийик кайралдарла кайралдаткан[1].
Биографиязы
Владимир Кÿчÿкович Сабин (1941 jылда чаган айдыҥ 15 кӱни, Кош-Агаш аймактыҥ Белтир jуртында, колхозчы кижиниҥ билезинде чыккан. Областной национал школды (эмди Плакастыҥ адыла адалган республикан гимшазия, эмезе Плакастыҥ школы) божоткон, 1964 jылда Барнаулда Алтайский сельскохозяйственный институтты божоткон. 1983 jылда Новосибирск калада ЦК КПСС высший партийный школын божоткон.
Кош-Агаш аймакта 1963 jылда «Кызыл-Мааны» колхозтыҥ зоотехниги болуп ижин баштаган. 1972 jылдаҥ ала 30 jылдаҥ артык совет партийный ла тергеелик jамыларда иштеген: Кош-Агаш аймакта райком КПСС-тыҥ экинчи качызы, Улаган аймакта райком КПСС-тыҥ баштапкы качызы, Кӧксу-Оозы аймактыҥ райисполкомыныҥ баштапкы качызы, Алтай Республика Эл Курултайыныҥ экономикалык политика ла бюджет аайынча Комитетти башкарган,
Горно-Алтайский обком КПСС бöлÿгиниҥ башкараачызы, Горно-Алтайскта ресисполком экология ла природопользование Комитеттиҥ председатели, Алтай Республика Башкарузыныҥ баштапкы ордынчызы,
1997 jылда јаҥар айда Алтай Республика депутады эдип талдалган, оноҥ ло бери, 2006 jылдыҥ тулаан айына jетире jаантайын иштеер комиссияны башкарган, кийнинде Алтай Республика Эл Курултайыныҥ экономикалык политика ла бюджет аайынча Комитетти башкарган. «Знак Почета» ла «Дружба народов» ордендердиҥ кавалеры, Алтай Республиканыҥ ÿстÿги кайралын алган – «Таҥ Чолмон» («Утренняя Звезда»). Эл курултай ла Башкарунын кöп тоолу кÿндÿлÿ грамоталарыла кайралдаткан. Сабин В.К. «Алтай Республиканыҥ Кÿндÿлÿ кижизи» деп ат-нере берилген.
Кайралдары
- «Знак Почета» орден;
- «Дружба народов» орден;
- «Таҥ Чолмон» («Утренняя Звезда») орден Алтай Республиканыҥ;
- Алтай Республика Эл Курултайы ла Башкарунын кÿндÿлÿ грамоталары;
- « Алтай Республика кундÿлÿ кижизи».[2]