Пекпеев, Сергей Тимурович

Сергей Тимурович Пекпеев
Сергей Тимурович Пекпеев
Чыккан ӧйи	1956 јыл, сыгын айдыҥ 4 кӱни
Чыккан јери	Јоло, Оҥдой аймак, Горно-Алтайская автономная область, Алтай кырай, РСФСР[d], СССР[d];
Божогон ӧйи	2012 јыл, кандык айдыҥ 25 кӱни (55 јаш)
Божогон јери	Улалу, Россия;
Ороон	Россия; СССР[d];
Иш-тоштыҥ бӱдӱми	политик, депутат Государственной думы Российской Федерации
Кайралдары ла премиялары

Сергей (Эркей) Тимурович Пекпеев (1956 јыл сыгын айдыҥ 4 кӱни — 2012 јыл кандык айдыҥ 25 кӱни) — политик, финансист, дипломат, эл-јондык ишчи, РФ-тыҥ Госдумазыныҥ 3-чи, 4-чи ле 5-чи созывыныҥ депутады (2002—2011). Сӧӧги — кӧгӧл майман.

Биографиязы

Сергей Тимурович 1956 јылда сыгын айдыҥ 4 кӱнинде Јоло јуртта Оҥдой аймакта чыккан. Адазы Тимур (Јеҥӱ) Тӧлӧсӧвич Пекпеев, энези Екатерина Акчабаевна Кыдыева. Олор јӱрӱмнеҥ эрте јӱре бергенинеҥ, Эркейди эјези алып алган. Кӧп саба ӧйдӧ ол јеендериле кожо карган энези — Абыјык ла таадазы — Тӧлӧс деп улуста чыдаган. 1967 јылда Јолоныҥ сегис јылдык школын једимдӱ божодып, 1968 јылда Плакастыҥ адыла адалган сургалга 6-чы класска кирет. 1992 јылда Барнаулда Алтайский сельскохозяйственный институт божоткон, 1997 јылда Российский академия государственной службы при Президенте РФ божодып јат.

Билези

Сергей Тимуровичтиҥ эш-нӧкӧри Светлана Сарковна, билезинде кызы ла уулы айыл јуртту, балдарлу. Эркейдиҥ сӱӱген спорты футбол болгон.

Ижи

1973—1974 — Јолоныҥ сегисјылдык школында лаборант;
1974—1982 — койчы; спорт аайынча методист, слесарь, инженер, «Јоло» деп совхозтыҥ бригадири;
1983—1984 — ВЛКСМ-ныҥ Оҥдойдогы райкомныҥ экинчи секретари.
1984—1988 — Јоло сельсоветтиҥ исполкомыныҥ башчызы.
1988—1991 — «Јоло» деп совхозтыҥ экономисти.
1991—1992 — «Аргымай» деп оогош предприятиениҥ директоры.
1992—1994 — «Алтайэнергобанк» деп коммерческий предприятиениҥ президенти.
1994—1997 — Алтай Республиканыҥ Эл-Курултайдыҥ депутады.
1998—2001 — Алтай Республиканыҥ финанс јаныныҥ министри.
2002 — Алтай Республиканыҥ экономика јанынаҥ министриниҥ баштапкы ордынчызы.
2002—2011 — Госдуманыҥ депутады, «Отечество — Вся Россия» ла «Единая Россия» деп фракциялардыҥ туружаачызы. Госдуманыҥ регионал политика ла Федерация керектери аайынча Комитеттиҥ туружаачызы.
2012 јылда тулаан айда Горно-Алтайсктыҥ депутаттарыныҥ городской совединде депутат болуп талдалган.

2012 јылда кандык айдыҥ 25 кӱнинде оорудаҥ улам јада калган^[1].

Кайралдары

2005 jылда РФ Президентиҥ Указы аайынча, Сергей Тимурович Пекпеев эрчимдӱ ижи учун «За заслуги перед Отечеством II степени» деп орденниҥ медалиле кайралдаткан^[2].

Кереес

2017 jылда кочкор айдыҥ 9 кӱнинде Оҥдой јуртта Сергей Пекпеевтиҥ эземине учурлалган мемориал досконыҥ ачылтазы ӧткӧн. Бу кӱннеҥ ала Оҥдойдыҥ орто ӱредӱлӱ школы јарлу политиктиҥ С. Т. Пекпеевтиҥ адыла адалып јат. Бу јӧп Оҥдой аймактыҥ депутаттарыныҥ совединиҥ 2015 јылдыҥ чаган айдыҥ 25-чи кӱнинде ле 2016 јылдыҥ кочкор айыныҥ 18-чи кӱнинде тургузылып јарадылган^[3]
Турнир по футболу, посвященный памяти Сергея Пекпеева, прошел в Горно-Алтайске^[4].

Јуруктардыҥ кӧмзӧзинеҥ

Литература

Ајарулар

Тайантылар

Сибирь в лицах. — Новосибирск: ИНФОЛИО-пресс. «МАСС-МЕДИА-ЦЕНТР», 2001. — С. 380. — ISBN 5-89590-041-0; — ISBN 5-901774-01-9.
Витовцев Н. Сергей Пекпеев / Политик. Финансист. Дипломат. — Новосибирск. Типография ООО «ДЕАЛ», 2015. — с. 608 с илл. ISBN 978-5-93809-060-6
Н. Витовцев. ЭЈЕЗИНДЕ (повестьтеҥ алынган ӱзӱк)

[1] РИА Новости. С.Пекпеев

[2] Руни РФ Пекпеев С.Т.

[3] Новости Алтая. Онгудайская школе имя Пекпеева С.Т.

[4] Новости Алтая. Турнир по футболу

[1]

[2]

[3]

[4]