Кыдыева, Светлана Карамаевна

Кыдыева, Светлана Карамаевна
Кыдыева, Светлана Карамаевна
Чыккан ӧйи	1954 јыл кандык айдыҥ 1-чи кӱни
Чыккан јери	Кор-Кобы, Јолоныҥ јурт јеезези, Оҥдой аймак, Горно-Алтайская автономная область, Алтай кырай, РСФСР[d], СССР[d];
Ороон	СССР[d]; Россия;
Иш-тоштыҥ бӱдӱми	корреспондент
Кайралдары ла премиялары	Россия Федерацияныҥ кӱндӱлӱ журналисти

Кыдыева Светлана Карамаевна (1954 јыл кандык айдыҥ 1-чи кӱни, Кор-Кобы јурт, Оҥдой аймак, Горно-Алтйский автоном область, Алтай кырай) — алтай журналист, ӱлгерчи, бичиичи, публицист, редактор, тилмеш, элјондык ишчи ле политик. «Алтайдыҥ чолмоны» республикан газеттиҥ корреспонденти, Россия журналисттериниҥ Отогыныҥ турчызы (1998јыл), Алтай Республиканыҥ Эл Курултайыныҥ 2-чи, 3-чи созывтарыныҥ депутады^[1]. Алтай Республиканыҥ кӱндӱлӱ кижизи, Башкаруныҥ кӧп тоолу грамоталарла кайралдаткан. Россия Федерацияныҥ культуразыныҥ нерелӱ ишчизи, Россия Федерация ла Алтай Республиканыҥ нерелӱ журналисти^[2].

Биографиязы

Светлана Карамаевна Кор-Кобы јуртта Оҥдой аймакта Горно-Алтайский автоном областьта чыккан, угы-тӧзи алтай кижи, сӧӧги чагандык. 1972 г. ОНСШ, областной национальный школды (эмди Плакастыҥ гимназиязы) божодоло, Оҥдой аймактыҥ Јоло совхозында иштеген, оноҥ областной радиокомитетте корреспондент болгон^[3]. 1974 јылдаҥ ала 1979 јылга јетире Иркутский тергеелик университеттиҥ журналистика факультедин, журналист деп специальностьло божоткон.

«Алтайдыҥ Чолмоны» республикан газеттиҥ редакциязында Кыдыева С. К. 1979 јылдаҥ ала иштеп келген. Кӧпти билер, ченемели јаан, ол кандый ла темала статьялар бичиир аргалу журналист, тӱӱки, кеендик, калыктыҥ јаҥжыгулары, социал јӱрӱмниҥ курч сурактарын, элјондык-политиалык јанын, сӱӱген Алтайыныҥ ар-бӱткенин корып алары, јарлу јерлештери, улусты кӱйбӱреткен сурактарга кару берери^[4]. Статьялар, корреспонденциялар, репортаж ла интервьюлар јилбилӱ ле керектӱ болот^[5] ^[6].

Элјондык ла политикалык ижи

Алтай Республикныҥ элјондык-политикалык јӱрӱминде Кыдыева С.К. эрчимдӱ туружат^[7]. Алтай Республиканыҥ парламентиниҥ 2-чи (1997-2001) ле 3-чи созывтарыныҥ (2001-2005) депутады болуп талдалган^[8], эки созывты улай Алтай Республиканыҥ Государственный Собраниези – Эл Курултайдыҥ Президиумыныҥ турчызы эдип талдалган. Общественная комиссии при Председателе Совета Федерации Федерального Собрания Российской Федерации по обеспечению равных прав и возможностей мужчин и женщин России турчызы болгон^[9].

1998 ала 2002 јылга јетире Государственный Собрание – Эл Курултайдыҥ пресс-службазын башкарган^[10]. Бу јылдарда республика парламентиниҥ пресс-службазы тӱргениле, курч сурактар, бастыра тергеелик СМИ-лерде рубрикалар, регионныҥ јасакберим органдарыныҥ ижин керегинде берилетен. Кыдыева С. К. эрчимдӱ ижи учун кӧп катап кайралдаткан.

Јайаандык ижи

Светлана Карамаевна бир канча чыгармалардыҥ редакторы, тургузаачызы ла авторы, ол тоодо:

1981 ј. – «Кандыктыҥ бажы кызарганда» (ӱлгерлиу јуунты, авторлордыҥ бирӱзи)

1997 ј. – «Jÿрер öйин талдап алар эмес» (очерктердиҥ јуунтызы, автор),

1997 ј. – «Эҥ калыҥ jурт» (алтай чӧрчӧктӧрдиҥ јуунтызы, редакторы ла тургузаачызы)

1998 ј – «Древние курганы Алтая» (альбом, редактор),

2002 ј. – «Алтай jаҥар кожоҥ» (сборник алтайских народных песен, тургузаачы ла редактор),

2007 ј. – «Алтай чÿмдÿ сöс – Крылатое слово» (алтай кеп сӧстӧр лӧ укаа сӧстӧрдиҥ јуунтызы, алтай, орус тилдерле, тургузаачы ла редактор)

2011 ј. – «Легенды и мифы Алтая» (јуунты, тургузаачы ла редактор).

Кайралдары

Тӧрӧл журналистиканыҥ ӧрӧ кӧдӱрилеринде туружып, узак јылдарга једимдӱ ижи учун 2019 јылдыҥ сыгын айында «Алтайдыҥ Чолмоны» республикан газеттиҥ журналистине, Светлана Карамаевна Кыдыевага, «Заслуженный журналист Российской Федерации» деп нерелӱ ат адалган. Алтай Республика ла Россия журналисттериниҥ Отогыныҥ турчызына 2022 јылда Алтай Республиканыҥ нерелӱ журналисти деп ат адалган.

Алтай Республиканыҥ Ӱстӱги Совединиҥ Президиумыныҥ Кӱндӱлӱ грамотазы (1992)
Алтай Республиканыҥ Эл Курултайыныҥ (1996, 2004)
Россия Федерацияныҥ Тергеелик Думазыныҥ Федерал Собраниезиниҥ Кӱндӱлӱ грамотазы (2006)
Россия Федерацияныҥ Культура министерствозы, Текши коммуникацияларыныҥ ла Россияда культураныҥ ишчилерииҥ профсоюзтарыныҥ Кӱндӱлӱ грамоталары (2007)
«Россия Федерацияныҥ нерелӱ журналисти».2019 ј.
«Алтай Республиканыҥ нерелӱ журналисти» (2022).

Онойдо ок кӧр

Алтайдыҥ чолмоны

Ајарулар

Тайантылар

[1] Эл Курултай Республики Алтай второго соз.

[2] Новости Горного алтая

[3] Лабиринт.База данных.

[4] Анохинниҥ адыла адалган эл музей

[5] Алтайдыҥ чолмоны.Кыдыева С. К.

[6] Книжная ярмарка

[7] «ГОСУДАРСТВЕННЫЙ АРХИВ РЕСПУБЛИКИ АЛТАЙ»

[8] Государственная символика Республики Алтай

[9] АР солундары

[10] КАНДИДАТЫ В ДЕПУТАТЫ РЕСПУБЛИКИ АЛТАЙ

[1]

[2]

[3]

[4]

[5]

[6]

[7]

[8]

[9]

[10]