Алтайдыҥ чолмоны
Алтайдыҥ чолмоны[1] — (орус. Звезда Алтая) Россияда Алтай Республиканыҥ алтай тилле кепке базылып турган республикан учурлу газеди. Бу газеттиҥ тӧзӧӧчилери: Алтай Республиканыҥ Башкарузы; Государственный јууны; Эл-Курултай; «Алтайдыҥ чолмоны» газеттиҥ редакциязы деп АУ.
«Алтайдыҥ чолмоны» газетте Туулу Алтайдыҥ ичинде политикалык, экономикалык, социал јӱрӱм ле культура керегинде бичимелдер чыгат. Онойдо ок тӱӱки, алтай тил ле литература, алтай чӱм-јаҥдар ла башшка башка јетирӱлер кепке базылат. Эмдиги ӧйдӧ «Алтайдыҥ чолмоны» неделеде эки катап (вторник ле пятницада), 8-16 полосалу, А3 форматла чыгат. Электрон бӱдӱмдӱ база таркадылат.
Тӱӱкизи
«Алтайдыҥ чолмоны» газеттиҥ тӱӱкизи 1922 јылдаҥ башталат. Газет озо ло баштап «Кызыл солун табыш» (орус. «Красные известия») деп адалган. 1923 јылдаҥ ала «Ойрот јери» (орус. Ойротский край) болгон. 1925 јылдаҥ ала «Кызыл Ойрот»/«Kyzyl Oirot» (орус. «Красная Ойротия») деп адалган болгон. 1948 јылдаҥ ала газеттиҥ ады «Алтайдыҥ чолмоны» (орус. «Звезда Алтая» ) болуп арткан. 1960-чы јылдарда неделеде 5 катап чыгып, тиражы 5 муҥнаҥ артык болуп кепке базылатан болгон.
«Алтайдыҥ чолмоны» газет 1972 јылда орус тилдӱ «Звезда Алтая» деп газетле кожо «Знак Почета» орденле кайралдаткан.
«Алтайдыҥ чолмоны» газетте Туулу Алтайдыҥ јарлу улустары кӧп иштеген, ол тоодо К. Ч. Тӧлӧсов, С.С.Тюхтенев,
Кайралдары
- «Почеттыҥ ордениле» 1972 јылда кӱчӱрген айдыҥ 4-чи кӱнинде СССР-дыҥ Ӱстӱги Совединиҥ Горно-Алтайский автономный областьтыҥ «Звезда Алтая» ла «Алтайдыҥ Чолмоны» деп газеттерин («Знак Почета») орденле кайралдаар деп јакааны чыккан. Областьтыҥ ишмекчилерин коммунистический таскамалы аайынча эрчимдӱ ижи учун. Јакаанга СССР-дыҥ Ӱстӱги Совединиҥ Президиумыныҥ председатели Н. Подгорный ла СССР-дыҥ Ӱстӱги Совединиҥ Президиумыныҥ секретари М. Георгадзе кол салган. (Источниги:Госархив РА. Ф. Р-33. Оп. 25. Д. 460. Л. 66-67)[2]
Ајарулар