Кожабаев, Алаш
| Алаш Кожабаев | |||
|---|---|---|---|
| каз. Алаш Кожабаев | |||
| Чыккан ӧйи | 1927 | ||
| Чыккан јери | |||
| Божогон ӧйи | 1973 | ||
| Божогон јери | Кош-Агач | ||
| Кайралдары ла премиялары |
|
||
Алаш Кожабаев (1927 јыл, Казах-Сортогой јурт — 1973 јыл, Кош-Агаш) — «Путь к коммунизму» колхозтыҥ председатели Кош-Агаш аймакта, Горно-Алтайский автоном областа. Социалистический Иштиҥ Геройы (1966).
Биографиязы
1927 јылда казах биледе Казах-Сортогой јуртта чыккан. 1941 јылда толу эмес орто ӱредӱ божоткон. 1941 јылдаҥ ала — јылкычы, Кош-Агаш аймакта «Путь к коммунизму» колхозто јылкычылардыҥ јааны. 1954 јылда Јаш-Турада чотовод-бухгалтердиҥ школын божодоло, тӧрӧл колхозында чотовод болуп иштеген. 1955 јылда «Путь к коммунизму» колхозтыҥ председателине тургузылган.
Колхозтыҥ јааны болуп иштеерде кӧп социал ла јурт ээлемдик объекттер туткан, јыл туркунына койлор азыраар базаны јаанаткан, онойып кирелте 230 %-ке кӧптӧгӧн. СССР-дыҥ Ӱстӱги Совединиҥ Президиумыныҥ 1966 јылдыҥ тулаан айдыҥ 22-чи кӱнинде чыккан јакааныла, «мал-аш ӧскӱреринде, эт, сӱт, јымыртка, тӱк ле ӧскӧдӧ продукцияны кӧптӧдӧринде јаан једимдерге јеткени учун» Социалистический Иштиҥ Геройы деп ат адалып, Ленинниҥ ордени ле «Серп и Молот» деп алтын медаль берилген.
Горно-Алтайскта зооветеринарный техникумды заочно божоткон. 1973 јылда божогон.
Литература
- Люди эпохи XX века. Горно-Алтайск, 2002, Т. 1, — С. 57.
- Алтайское созвездие. Барнаул, 1990, — С.78.