Суразакова, Нина Николаевна
| Нина Николаевна Суразакова | |
|---|---|
Суразакова, Нина Николаевна — (1925 јыл, тулаан айдыҥ 15 кӱни Эликманар аймак Бешпельтир јурт Ойрот автоном область — 1998 јыл, куран айдыҥ 31 кӱни Горно-Алтайск), сӧӧги чапты — алтай билимчи, алтай тилдиҥ теориязы ла методиказын шиҥдеген, педагогикалык билимдердиҥ баштапкы кандидады, Алтай Республиканыҥ кӱндӱлӱ ишчизи, школдыҥ бичиктериниҥ авторы, эл-ӱредӱчизи.
Биографиязы
Суразакова, Нина Николаевна Эликманар аймакта (Чамал аймакта) Бешпелтир јуртта 1925 јылда чыккан. Бешпелтирдиҥ јетијылдык школдыҥ кийнинде Ойрот-Турада педучилищеде ӱренген. Эвакуацияга кӧчӱрилген К.Либнехтиҥ адыла адалган Московский государственный пединститутта ол алтай ла орус тилдиҥ ӱредӱчилериниҥ кыска курстарында ӱренген. 1942 јылда Н.Н.Суразакова бу ла институттыҥ тӱӱки-филологиялык факультедине кирген. 1943 јылда инстутут Москва јаар кӧчӱрилген.
Ӱредӱзин тӱгезип, Нина Николаевна 1946 јылда јанып келген. Областьтыҥ ӱредӱлик бӧлӱги оны тургузала Оҥдой аймакка аткарган. Н.Н.Суразакова Караколдыҥ јетијылдык ла Оҥдойдыҥ орто ӱредӱлӱ школдорында 1949 јылга јетире иштеген. Алтай, орус тилдерге коштой ол тӱӱки, география ла зоологияныҥ урокторын ӧткӱрген, нениҥ учун дезе, јууныҥ кийнинеҥ узак ӧйгӧ специалистер јтпес болгон.
1953 јылда Нина Николаевна НИИ-де национальный школдор аайынча аспирантурага (эмдиги ИНПО) кирген. 1956 јылда "Методика обучения спряжения глаголов алтайского языка" темала кандидатский диссертациязын корулаган, билим башкараачызы АПН РСФСР турчы-корреспонденти профессор Н.К.Дмитриев. Нина Николаевнанын ижи Горно-Алтайскта государственный педагогический институтта башталган. 42 јылдыҥ туркунына алтай ле литература кафедразына иштеген, 12 јыл кафедразыныҥ башкарачызы болгон, бу ла ӧйдӧ ол национал школдордыҥ НИИ-зинде баш билим сотрудник болуп иштеп, јаҥы ӱредӱлик бичиктер ле методикалык пособиелер бичип, бар бичиктерди јаҥыртып иштеген. Тӱӱки-филологиялык факультеттиҥ деканына талдалган, билим проректордыҥ јамызында иштеген. Ӱредӱге керектӱ бичиктерди ле программаларды ширтеер авторский коллективтиҥ башкараачызы болуп иштеген. Билимчи-лингвист болуп Горно-Алтайскта НИИИЯЛ-да чыгарылган билим иштерди редактировать эткен, темдектезе «Орфография алтайского литературного языка» (1958 ј.), «Орфографический словарь алтайского языка» (1960, 1983 јј.). «Методика преподавания русского языка в алтайской школе и современного алтайского языка» деп сопроводительный грамматиканыҥ курсын кычырган. Узак ӧйдиҥ туркунына институттыҥ Ученый Совединиҥ турчызы болгон, алтай лингвистикала бастыра шиҥжӱ иштерди шӱӱжеринде эрчимдӱ турушкан.
В жизни встречаются два типа личностей: одни — мыслители, другие — практики. Нина Николаевна сочетала в себе и теорию, ипрактику.
Такое присуще не каждому. Первый кандидат педагогических наук из среды алтайцев. профессор Нина Николаевна в течение почти полвека сумела донести до каждого теорию и методику алтайского языка.
О.Н.Пустогачева, кандидат педагогических наук.
За время научно-педагогической деятельности ею подготовлены не только квалифицированные специалисты народного образования, но и десятки составителей и авторов учебников, заслуженных учителей Республики Алтай. Для нас Нина Николаевна без звания остается Народным учителем.
Н.М.Киндикова, доктор филологических наук.