Россияда аргачылыктыҥ кӱни
| Россияда аргачылыктыҥ кӱни | |
|---|---|
 | |
| Бÿдÿми | Профессионал байрам |
| Jöптöлгöн | президент Владимир Путин |
| Темдектелет |
 Россия |
| Öйи | 2007 јыл |
| Jыргал | кӱӱк айдыҥ 26-чи кӱни |
Россияда аргачылыктыҥ кӱни (орус. День российского предпринимательства) — профессионал байрам, 2007 јылда јӧптӧлгӧн. Кӱӱк айдыҥ 26-чы кӱнинде темдектелет[1].
2007 јылда ӱлӱрген айдыҥ 18-чи кӱнинде Россия Федерацияныҥ президенти Владимир Путин аргачылыктыҥ кӱнин темдектеер јакаан јӧптӧгӧн[2].
Бу байрамды кӱӱк айдыҥ 26 -чы кӱнинде ӧткӱрер деп тегин тургузылбаган, нениҥ учун дезе, 1987 јылда СССР-да «О кооперации в СССР» деп јаҥы јасак јӧптӧлгӧн, јасак орооныҥ аргачыларына јол ачкан, олор кемнеҥ де јажырбай иштеп баштаган. Россияга бу ӧйдӧҥ бери рыночный экономика келген.
Тӱӱкизи
Россий аргачылыктыҥ тӱӱкизи бай, ол озогы ӧйлӧрдӧҥ бери башталат. Киев Русь тужында садучылар ла ремесленниктер јакшы иштеп, садуныҥ кемин ӧрӧ кӧдӱрип, ӧскӧ ороондорго барып садыжып туратан. Эҥ ле тыҥ аргачылар XIX чакта ӧрӧ кӧдӱрилген, бу ӧйдӧ јарлу Морозовтор, Мамонтовтор, Третьяковтор деп промышленниктердиҥ ла меценаттардыҥ династиялары, јаҥыс ла экономиканы эмес, анайда ок Россияда культураны ӧрӧ тартып јарандырган[3].
Третьяков С. М., 1892 јыл
Савва Морозов, 1905 јылдаҥ озо
Савва Мамонтов, 1890 јылдаҥ озо
Эмдиги Россияда аргачылардыҥ учуры рыночный экономикада сӱрекей јаан.
Кичӱ ло орто бизнес миллион граждандардарга иштеер арга берет, јаҥы инновация программаларга туружарга болужат.
Тергеениҥ башкараачылары аргачыларга болужып, јӱзӱн-башка программалар ачат, темдектезе льготный кредитование, налоговый преференциялар. Бизнес-инкубаторлор ло технопарктар ачып аргачыларга бойыныҥ керегин тазыктырарга болужат.
Бу «Аргачылыктыҥ кӱнинде» выставкалар, аргачылар презентациялар јаҥы компаниялар керегинде, ӱредӱлик семинарлар ла консультациялар, тренингтер, тегерик столдор ло оноҥдо ӧскӧ мероприятиялар ӧткӱрет.
«О предприятиях и предпринимательской деятельности» Россий јасак 1991 јылда аргачылар бойы, тууразынаҥ улус јалдабай, онойдо ок тууразынаҥ улус јалдап иштеер деп јӧптӧгӧн. Андый граждандар юридический статус јок аргачы деп чотолор.
Эмдиги ӧйдиҥ Россия Федерацияныҥ граждан кодексы андый граждандарды таҥынаҥ аргачы деп айдат.
Дальневосточный федеральный округтыҥ аргачыларыла тужтажу, 2024 јыл
Дальневосточный федеральный округтыҥ аргачыларыла тужтажу, 2024 јыл
Јиит аргачыларла, инженерлерле, учёныйларла тужтажу, ПМЭФ, 2022 јыл
Байрамдаш
Россияда аргачылыктыҥ кӱни јылдыҥ ла бийик кеминде ӧдӧт, аргачыларга тергеениҥ ле бизнес-сообществоныҥ башкараачылары болужып кӧп мероприятиелер ӧткӱрет[4]:
Аҥылу мероприятиелер:
- Кӧдӱриҥилӱ церемонияларда тергеениҥ кайралдары ла почетный грамоталар берет
- Калалардыҥ губернаторлоры ла мэрлери бизнес-сообществоныҥ аргачыларыла туштажу ӧткӱрет
- Премиялар берет башка-башка номинацияларда «Јылдыҥ аргачызы», «Јиит аргачы» о.ӧ
Иш јанынаҥ керектер:
- Бизнес-форумдар ла конференциялар
- Тегерик столдор аргачылардыҥ ижин тазыктырары керегинде
- Выставкалар огош ло орто бизнестиҥ једимдери керегинде
- Мастер-класстар ла семинарлар
Ӱредӱлик мероприятиялар:
- Ачык лекциялар јаҥы иштеп баштаган аргачыларга
- Аргачыларга болужатан программалардыҥ презентациялары
- Тренингтер ле воркшоптор бизнести тазыктырар
- Студенттер ле аргачылардыҥ туштажулары
Неформальный керектер:
- Нетворкинг- бизнес-сообществоныҥ туштажузы
- Аргачыларга учурлалган байрамдык эҥирлер
- Спортивный маргаандар аргачылардыҥ ортозында
- Благотворительный акциялар
Калганчы ӧйдиҥ аҥылу онлайн-мероприятиелери:
- Вебинарлар бизнести тазыктырар
- Онлайн-конференциялар эксперттердиҥ туружыла катай
- Прямой эфирлер кӧдӱриҥилӱ иштӱ аргачыларла
- Виртуальный выставкалар ла и презентациялар
Онойдо ок кӧр
Ајарулар
- ↑ День российского предпринимателя 2025: какого числа, история и традиции праздника
- ↑ Указ Президента Российской Федерации от 18.10.2007 г. № 1381 • Президент России
- ↑ День предпринимателя 2025: какого числа, история праздника | РБК Life
- ↑ День российского предпринимательства — РИА Новости, 26.05.2024