Пустогачева, Роза Макаровна
| Роза Макаровна Пустогачева | |
|---|---|
 | |
| Чыккан ӧйи | 1939 јыл јаан изӱ айдыҥ 11-чи кӱни |
| Чыккан јери | Курмач-Байгол јурт, Турачак аймак, Горно-Алтайский автоном область (эмдиги:Алтай Республика) |
| Божогон ӧйи | тулаан айдыҥ 19 кӱни 2025 (85 јаш) |
| Божогон јери | |
| Ороон | |
| Ижиниҥ бӱдӱми | врач |
| Ӱредӱзи | |
| Звание | Россия Федерацияныҥ нерелӱ эмчизи |
| Кайралдары | «Тан Чолмон» Орден (2019) |
Пустогачева Роза Макаровна (1939 јыл јаан изӱ айдыҥ 11-чи кӱни Курмач-Байгол јурт, Турачак аймак, Горно-Алтайский автоном область — 2025 јыл тулаан айдыҥ 19-чы кӱни Горно-Алтайск) — совет, россий эмчи-онколог. Россия Федерацияныҥ нерелӱ эмчизи.(1996) Угы тӧзи чалканду, сӧӧги кара-тӱвен [1].
Биографиязы
Роза Марковна Пустогачева 1939 јылда јаан изӱ айдыҥ 11-чи кӱниде Курмач-Байгол јуртта, Турачак аймакта, Горно-Алтайский автоном областьта (эмдиги: Алтай Республика) кӧп балдарлу биледе чыккан. Адазы Пустогачев Макар Байакович ле энези Пелагея Ивановна ттогус бала чыдаткан. Курмач-Байгол јуртта ас тоолу тургун калыктар чалкандулар (шалғануғ калык) јуртай. 2010 јылда ӧткӧн тооалыш аайынча чалкандулардыҥ тоозы 1181 кижи.
Роза Макаровна 7-чи классты божодоло, Горно-Алтайскта национальный школго ӱренип барган (эмдиги: Плакастыҥ гимназиязы).
Орто школды божодоло Роза Макаровна тӧрӧл јурттына јанып, анда бир јыл иштеген. Ӱредӱге кирерге производственный стаж керек болгон. Ол ӧйдӧ јуртта фельдшер болуп Василий Чеконов иштеген, бу интеллигент, ару-чек кижиниҥ иштегенин кӧрӱп тура, Роза Макаровна эмчи болорым деп сананган. 1959 јылда ол Барнаулда Алтай эмчиликтиҥ институдына ӱредӱге (1954 јылда тӧзӧлгӧн) кирген, оны 1965 јылда божоткон[2].
1965—1967 јылдарда — хирург, оноҥ Майма аймактыҥ, Чоо јурттында эмчиликтиҥ баш эмчизи болуп иштеген.
Барнаулда темирјолдыҥ эмчилигинде ординатураны АГМИ-ниҥ хирургияныҥ кафедразыныҥ башкараачызы эмчилик билимдердиҥ докторы Израиль Исаевич Неймаркка баштадып ӧткӧн (1969).
1969—1970 јылдарда Горно-Алтай Санавиастанцияда борт-хирург болгон.
Ординатураны божодоло областной эмчиликтиҥ хирургический бӧлӱгинде СССР-дыҥ эл-јондык эмчизи Анатолий Гоманга баштадып иштеген. Бир канча ӧйдиҥ бажында оныҥ баш уламјызы онкология боло берген.
1970—1997 јылдарда — Горно-Алтай республикан эмчиликте онкологиялык бӧлӱкте, эмчи-онколог.
1997 јылдаҥ ала 2001 јылга јетире Роза Макаровна онкологиялык бӧлӱктиҥ јааны, республикада бир канча ӱйе эмчи-онкологторды таскаткан. Алтайда республикан онкологиялык тӧс јеринде иштеген.
2011 јылда СССР дыҥ эл-јондык эмчи А. М. Гоманныҥ эземине учурлай, Алтай Республикада эмчиликтиҥ министерствозы «За достижения в хирургии» деп конкурс ӧткӱрген. Роза Макаровна бу конкурста јеҥӱни алган.
2019 јылда Алтай Республикада ӧткӧн «За верность профессии» деп эмчилердиҥ Ассоциациязыныҥ номинациязыныҥ јеҥӱчизи.
Роза Макаровна Пустогачева эл-јон ортодо кӧп иштеген, ол Алтай Республикада ас тоолу тургун калыктардыҥ ассоциациязыныҥ турчызы болгон. Бу ассоциация ас тоолу тургун калыктардыҥ курч сурактарын кӧрӱп, культуразын чеберлеп алары ла јашӧскӱримди јаҥжыкан јайаандык ишле таныштырарып, эл-јондык тилин ундыбай, мынаҥ ары јарандырар деп амаду тургузат.
Алтай Республикада нерелӱ ижи, оныҥ эл-јонына јаан болужы јеткен ле республиканыҥ тоомјызын ӧрӧ кӧдӱреринде бойын карамдабай иштеген, общественный ижи учун Роза Пустогачеваны «Таҥ Чолмон» орденле кайралдаган (2019).
2025 јылда тулаан айдыҥ 19-чы кӱнинде 86 јаштуда божогон[3].
Кайралдары
- Россия Федерацияныҥ нерелӱ эмчизи (1998).
- «Таҥ Чолмон» орден (2019).
- Россия Федерацияныҥ ла Алтай Республиканыҥ башкаруларыныҥ кӱндӱлӱ грамоталарыла кайралдаткан
Ајарулар
- ↑ Пустогачева Роза Макаровна. Дата обращения: кандык айдыҥ 30 кӱни, 2020. Архивировано кӱчӱрген айдыҥ 2 кӱни, 2019 јыл.
- ↑ Розе Макаровне Пустогачевой 80 лет. Дата обращения: кандык айдыҥ 30 кӱни, 2020. Архивировано сыгын айдыҥ 25 кӱни, 2020 јыл.
- ↑ 19 марта 2025 года ушла из жизни Заслуженный врач Российской Федерации Пустогачева Роза Макаровна. (ја. эм.). minzdrav.med04.ru (19 тулаан ай 2025). Дата обращения: тулаан айдыҥ 21 кӱни, 2025.