Напалкова, Анна Григорьевна
| Анна Григорьевна Напалкова | |||
|---|---|---|---|
| Чыккан ӧйи | 1922 јыл кочкор айдыҥ 9-чы кӱни | ||
| Божогон ӧйи | 2017 јыл тулаан айдыҥ 15-чи кӱни | ||
| Кайралдары ла премиялары |
|
||
Анна Григорьевна Напалкова (1922 јыл кочкор айдыҥ 9-чы кӱни, Орто Тырга јурт — 2017 јыл тулаан айдыҥ 15-чи кӱни) — «Кызыл-Ӧзӧк» совхозтыҥ ишчизи Майма аймакта Горно-Алтайский автоном областьта. «Кызыл-Ӧзӧк» совхозто бозу азыраган. Социалистический Иштиҥ Геройы (1971)[1].
Биографиязы
1922 јылда кочкор айдыҥ 9-чы кӱнинде Орто Тырга јуртта крестьяндардыҥ билезинде чыккан. Тӧрӧл јурттында баштамы школдо тӧрт класс божоткон. 1934 јылдаҥ ала Майма аймакта XVII партсъездтиҥ адыла адалган колхозто доярка болуп иштеген. Ада-Тӧрӧл учун Улу јуу тужында Чооныҥ леспромхозында агаш белетеген. Јуу божогон кийнинде бир кезек ӧй Кемеров областта јуртаган, мында ол «Кемеровтяжстрой» трестте агаш јазап турган цехте станочница болуп иштеген. 1960 јылда тӧрӧл јерине јанып келген.
1960 јылдаҥ ала — Майма аймакта «Кызыл-Ӧзӧк» совхозто бозу азыраган. Бу ла јылда ого иште бийик једимдери учун «Аймактыҥ эҥ артык бозу азыраачызы» деп ат берилген.
1971 јылда 313 бозу чыдаткан, бир кӱнге бозуныҥ бескези 750 граммныҥ ордына, 1100 грамм кожулган. Сегизинчи бешјылдыктыҥ јакылтазын (1966—1970) ла бойыныҥ социалистический молјуларын озолондыра бӱдӱрген. СССР-дыҥ Ӱстӱги Совединиҥ Президиумыныҥ 1971 јылдыҥ кандык айдыҥ 8-чи кӱнинде чыккан јакааныла «јурт ээлемниҥ производствозын тазыктырарында јаан једимдери ле тергееге аш ла мал-аш садар бешјылдык планын бӱдӱрген учун» Социалистический Иштиҥ Геройы деп ат адалып, Ленинниҥ ордени ле «Серп и Молот» деп алтын медаль берилген.
Маймада райком партияныҥ турчызы, јурт ээлем Совединиҥ депутады[1].
1973 јылга јетире, пенсияга чыкканча совхозто бозу азыраган. Бу иште јирме јыл иштеген, бу ӧйгӧ беш муҥга јуук укту бозу азырап чыдаткан[1]. Кызыл-Ӧзӧк јуртта јаткан.
2017 јылда божогон[1].
Ајарулар
- ↑ 1 2 3 4 Напалкова Анна Григорьевна Архивная копия от 3 јаан изӱ ай 2020 на Wayback Machine, «Путь длиною в 100 лет» — Герои Социалистического Труда
Источники
- Календарь юбилейных и памятных дат Республики Алтай. 2007 год. — Горно-Алтайск, 2007. — С. 31—32.
- Календарь юбилейных и памятных дат Республики Алтай. 2011 год. — Горно-Алтайск, 2007. — С. 28.
- Единороссы поздравили Героя Социалистического труда
- Чабаны, мараловоды, табунщики — 12 Героев Социалистического Труда воспитал Горный Алтай// Youtube