Моряк-подводниктиҥ кӱни
| Моряк-подводниктиҥ кӱни | |
|---|---|
 Флаг ВМФ России | |
| Бÿдÿми | Профессионал байрам |
| Öскö | «Подводниктиҥ кӱни» |
| Jöптöлгöн | Россияныҥ ВМФ Главкомы Феликс Громов 1996 јыл |
| Темдектелет | Россия Федерация |
| Öйи | Тулаан айдыҥ 19 кӱни |
| Jыргал | Тулаан айдыҥ 19-чы кӱни |
| Jаҥжыгулар |
ВМФ-ныҥ башкарузы эҥ артык экипажтар, командирлер ле и матросторго кайралдар берет. Ветеран- подводниктерле туштажулар. |
| Тудуш | Николай II кааныҥ јакааныла |
Моряк-подводниктиҥ кӱни (орус. День моряка-подводника) — черӱчилер, ветерандар ла подводный ийдениҥ граждан персоналы ла[1] Россия Федерацияда Военно-Морской Флот јылдыҥ ла тулаан айдыҥ 19-чы кӱнинде темдектеп турган байрам[2].
Тӱӱкизи
Россий империяныҥ Николай II кааныныҥ јакааны аайынча 1906 јылдыҥ тулаан айдыҥ 19-чы кӱнинде (эски стильле тулаан айдыҥ 6-чы кӱни) јуучыл флоттыҥ керептериниҥ классификациязына јаҥы класс — подводный кемелер кийдиргенине учурлай бу байрам тургузылган[3] Россий флотко 20 подводный кеме кирген, алдында бу кемелерди јажытту эдип миноносецтер деп айдатан: «Дельфин», «Форель». «Касатка», «Сом» ло «Осётр» деп јаҥы туткан подводный кемелер.
Россияныҥ Морской ведомствозыныҥ 1906 јылдыҥ тулаан айдыҥ 24-чи кӱнинде № 52 темдектӱ јакарузына морской министр адмирал Алексей Алексеевич Бирилёв кол салган. Бу јакаруда айдылган:
«Николай II каан, бу јылда тулаан айдыҥ 6-чы кӱнинде корабельный флоттыҥ классификациязына подводный кемелерди кийдирер»[4].
Бу ла јылда кандык айдыҥ 9-чы кӱнинде (тулаан айдыҥ 27-чи кӱни) № 27614 темдектӱ јакааныла Александр III кааныҥ Либавада порттында Подводный ээжиништиҥ ӱредӱ отряды тӧзӧлгӧн, мынайып Россий империяда јаҥы « Моряк-подводниктиҥ кӱни» деп байрам тургузылган. 1917 јылдаҥ ала Октябрьский революцияныҥ кийнинде байрамды токтоткон.
Тогузан јыл ӧткӧн кийнинде байрамды јаҥынаҥ темдектеп баштаган. Россияда Военно-Морской Флоттыҥ Башкараачызы флоттыҥ адмиралы Ф. Н. Громов 1996 јылдыҥ јаан изӱ айдыҥ 15-чи кӱнинде № 253 темдектӱ јасакка кол салып, «Моряк-подводниктиҥ кӱни» деп байрамды јылдыҥ ла тулаан айдыҥ 19-чы кӱнинде темдектеер деп тургускан[5].
.jpg)
Јаҥжыккан аайынча бу кӱнде кӧдӱрӱҥилӱ эҥирлер, јуундар, концерттер, митингтер ле подводниктерле туштажулар ӧдӧт. Россияда ВМФ-ныҥ Башкараачызы флоттыҥ подводниктерди ле ветеран-подводниктерге уткуул баштану кычырат. Эҥ артык подводный ийдениҥ моряктары сыйларла, башкаруныҥ грамоталарыла кайралдадат. Гарнизондордо байрамдык керектер, кӧдӱриҥилӱ церемониялар, моряк-подводниктердиҥ кереестерине ле мемориалдарга веноктор ло чечектер салат[6][7].
Ӱзеери јетирӱлер
- Военно-Морской Флоттыҥ кÿни
- Надводный, подводный ла воздушный корабльдыҥ командириниҥ кӱни
- РФ-да ВМФ-ныҥ штурманыныҥ кӱни
Ајарулар
- ↑ Главнокомандующий Военно-Морским Флотом адмирал Владимир Высоцкий поздравил моряков-подводников ВМФ с Днём подводника. Дата обращения: тулаан айдыҥ 19 кӱни, 2010. Архивировано јаан изӱ айдыҥ 12 кӱни, 2012 јыл.
- ↑ Во Владивостоке в честь Дня подводника зажгли вечный огонь — День подводника, Владивосток — Росбалт (недоступная ссылка)
- ↑ Э. А. Ковалёв. Рыцари глубин. — М.: Центрполиграф, 2005. — С. 55—56. — 445 с. — 4000 экз. — ISBN 5-9524-1473-7.
- ↑ Известия. Ру: День моряка-подводника
- ↑ Мәкаләләр intertat.ru — электронная газета (недоступная ссылка). Дата обращения: тулаан айдыҥ 20 кӱни, 2010. Архивировано тулаан айдыҥ 19 кӱни, 2018 јыл.
- ↑ На Северном флоте отметят День моряка-подводника. РИА Новости (19 тулаан ай 2005). Дата обращения: куран айдыҥ 13 кӱни, 2010. Архивировано тулаан айдыҥ 13 кӱни, 2012 јыл.
- ↑ Праздник элиты флота | Вечерний Северодвинск от 22 марта 2007 г. | Издательство «Северная неделя». Дата обращения: тулаан айдыҥ 19 кӱни, 2010. Архивировано кочкор айдыҥ 19 кӱни, 2010 јыл.