Асканаков, Родион Рафаилович

Родион Рафаилович Асканаков
Родион Рафаилович Асканаков
Спортчы керегинде
Уул	эр[d]
Толо ады	Родион Рафаилович Асканаков
Ороон	СССР → Россия
Специализациязы	Јуучыл самбо
Чыккан ӧйи	1991 јыл, сыгын айдыҥ 20-чи кӱни
Чыккан јери	Чибилÿ јурт Улаган аймактыҥ
Тренерлери	Яйтаков М. Я.;; Бачимов Б. Ю.;
Вес	52-57 кг јетире
Спортлык звание
Награды и медали
Телекейлик чемпионат
Европаныҥ чемпионады

Родион Рафаилович Асканаков (1991 јыл, сыгын айдыҥ 20-чи кӱни, Улаган аймактыҥ Чибилÿ jуртында чыккан) — алтай ла россий самбист, Россияда jуучыл самбо спорттыҥ чемпионы, чемпионаттардыҥ призёры, Европада чемпионата кÿлер медаль алган, телекейдиҥ чемпионы, Россия спортыныҥ нерелӱ узы (2019 jылда кÿчÿрген айдыҥ 20 кÿни)^[1]. Самбодо беске категориязы (52—57 кг). Спортчыны М. Я. Яйтаков ло Б. Ю. Бачимов таскаткандар.

Биографиязы

Родион Асканаков 1990 jылдыҥ сыгын айдыҥ 22 кӱнинде Улаган аймакта Чибилӱ jуртта чыккан. Спортко ол jаш ла тужында келген. Кÿрештиҥ башка-башка бÿдÿмдериле сонуркап турала, jуучыл самбого токтогон. М.Яйтаков ло Ю. Б. Бачимов оныҥ таскадаачылары болгон. Сибир федерал округ учун тартышкан^[2].

2014 јылда Родион кÿлер медаль ойноп алган Россияныҥ чемпионадында. Оныҥ кийнинде Ороонныҥ чемпионадында jедимин база катап кöргÿскен. 2016 јылда ойто ло Россия чемпионадында кÿлер сый алган. 2017 јылда Россияда самболо чемпионатта 52 кг категорияда бийик jеҥÿ алган.

2018 јылда Асканаков ойто ло алтын медальды Россия чемпионадында ойноп алып, телекейдиҥ чемпионадында туружар учурлу болгон. Румынияда телекейлик маргаанда туружып, бойыныҥ категориязында тартышкан спортчынаҥ бöкö болуп, алтай самбист телекейдиҥ чемпионы боло берген. Ол ло jылда Европа чемпионадында кÿлер медаль алган.

2019 јылда Казанда Родион Асканаков Россия чемпионы деп ададып, телекейдиҥ чемпионадына талдалган. Финал кÿреште Владимир Ламановтоҥ ойноп алган. Чхонджу деп Тÿштÿккорей калада телекейдиҥ самболо чемпионадында 2019 јылда кӱчӱрген айдыҥ 10 кӱнинде Родион Асканаков алтын медальды 74 кг беске категорияда ойноп алган. Учында мöрöйдö jуучыл самболо россиянин алтай уул Казахстанныҥ кÿрешчизи Нуркен Домбаевти jеҥген. Алтай Республикада Горно-Алтайск калада АУ РА "СШЕ «Ирбизек» деп спортшколдо иштейт, 2024 јылда Брянскта самболо маргаандарда турушкан^[3].

Маргаандарда jеҥÿлери

Россия чемпионады jуучыл самболо, кÿлер медаль, 2014 јыл;
Россия чемпионады jуучыл самболо, кÿлер медаль, 2015 јыл — 3 jер;
Россия чемпионады jуучыл самболо, кÿлер медаль, 2016 јыл — 3 jер;
Россия чемпионады jуучыл самболо, алтын медаль, 2017 јыл — 1 jер;
Россия чемпионады jуучыл самболо, алтын медаль, 2018 јыл — 1 jер;
Афины. Европаныҥ чемпионады jуучыл самболо, кÿлер медаль, 2018 јыл — 3 jер;
Бухарест. Телекейдиҥ самболо чемпионы, алтын медаль, 2018 јыл 1 jер;
Россия чемпионады jуучыл самболо, алтын медаль, 2019 јыл — 1 jер;
Сеулда самболо телекейлик чемпионат, алтын медаль, 2019 јыл — 1 jер;
Россия чемпионады jуучыл самболо, мöҥÿн медаль, 2020 јыл — 2 jер.

Ајарулар

↑ П. А. Колобков. Приказ о присвоении почётного спортивного звания «Заслуженный мастер спорта России» (орус.). Министерство спорта Российской Федерации (20 кӱчӱрген ай 2019). Дата обращения: тулаан айдыҥ 3 кӱни, 2021.
↑ Асканаков. Самбо.
↑ Всероссийская федерация Самбо

Тайантылар

Список сборной команды России по боевому самбо по итогам чемпионата России 2014 года (орус.). Всероссийская федерация самбо (24 кочкор ай 2014). Дата обращения: кандык айдыҥ 29 кӱни, 2015.

[1] П. А. Колобков. Приказ о присвоении почётного спортивного звания «Заслуженный мастер спорта России» (орус.). Министерство спорта Российской Федерации (20 кӱчӱрген ай 2019). Дата обращения: тулаан айдыҥ 3 кӱни, 2021.

[2] Асканаков. Самбо.

[3] Всероссийская федерация Самбо

[1]

[2]

[3]