Jаргы приставтыҥ кÿни
Росси́я Федера́цияныҥ јаргы приставытыҥ кÿни (орус. День судебного пристава Росси́йской Федера́ции) — профессионал байрам, јаргы приставтардыҥ — тергеелик јасак бӱдӱрери јанынаҥ сурактарла, јаргы акттарды ла окылу органдардыҥ акттарын бӱдӱрери аайынча ишчилердиҥ байрамы.
Jаргы приставтыҥ кÿни јылдыҥ ла, кӱчӱрген айдыҥ 1 кӱнинде темдектелет, 2009 јылдаҥ ала, Россия Федерацияныҥ президенти Д. Медведевтиҥ 2009 јылда сыгын айдыҥ 8 кӱнинде чыгарган № 1019 «Об установлении Дня судебного пристава» деп јакааны аайынча тургузылган[1].
Алдында, 1997 јылдаҥ ала 2008 јылга јетире, россий јаргы приставтар Россияда профессионал байрамын окылу эмес эдип байрамдайтан, кӱчӱрген айдыҥ 6 кӱнинде, 1997 јылда јаан изӱ айдыҥ 21 кӱнинде № 118-ФЗ «О судебных приставах» деп федерал јасак кӱч алынганыла колбой тургузылган[2][3] и Федерального закона от 21 июля 1997 года № 119-ФЗ «Об исполнительном производстве»[4].
Россияда јаргы приставтардыҥ тӱӱкизи
Русьта јаргы приставтар керегинде айдылган бичимелдиҥ датазы Новгород республика ӧйиниҥ документтеринде бар. XVIII чакта, Россий империяда јаргы приставтыҥ јамызы ла ижи полицияда болгон. Бу арай јастыра болгон: јыргылардыҥ јӧптӧри канча јылга бӱдӱрилбей улала беретен. 1864 јылда кӱчӱрген айдыҥ 20 кӱнинде император Александр II бир канча документтер јӧптӧгӧн: «Учреждение судебных установлений», «Устав о наказаниях, налагаемых мировым судьей», «Устав уголовного производства», «Устав гражданского производства», олор Россияда јаргы приставтардыҥ институтудын орныктырган. Большевиктер јаҥга келерде, РСФСР албаты комиссарларыныҥ Совединиҥ № 1 1917 јылда кӱчӱрген айдыҥ 24 кӱнинде чыккан декредиле бир ле уунда озогы јаргы системаны јоголтып, јаргы приставтардыҥ структуразын јоголткон. СССР-да јаргыныҥ јӧби бӱдӱрилбеген учун тургуза ла кату карузына тургузылатан, јаргы приставтар керек јок болгон. Перестройка кийнинеҥ СССР јоголордо, Россияда јаргы приставтардыҥ институдын орныктырар некелте табылган. 1997 јылда орныктыру башталган Федерал јасактар № 118-ФЗ 1997 јылда јаан изӱ айдыҥ 21 кӱнинде «О судебных приставах» ла № 119-ФЗ 1997 јылда јаан изӱ айдыҥ 21 кӱнинде «Об исполнительном производстве», бу јасактар 1997 јылда кӱчӱрген айдыҥ 6 кӱнинде кӱч алынган[2][4].
Эмдиги ӧйдӧ Россия Федерацияныҥ Президентиниҥ јакаандары аайынча 2004 јылда тулаан айдыҥ 9 кӱнинде чыккан № 314 «О системе и структуре федеральных органов исполнительной власти» деп јакаан, 2004 јылда ӱлӱрген айдыҥ 13 кӱнинде чыккан № 1313 «Вопросы Министерства юстиции Российской Федерации» деп јакаан, 2004 јылда ӱлӱрген айдыҥ 13 кӱнинде чыккан № 1316 «Вопросы Федеральной службы судебных приставов» деп јакаандар аайынча јаргы приставтар Јаргы приставтардыҥ Федерал службазыныҥ (ФССП России) ишчилери болуп јадылар.
Онойдо ок кӧр
- Россия Федерацияныҥ јаргы приставтарыныҥ Федерал службазы
- Јаргы пристав
- Судебный бӱдӱреечи
- Јаргы керегинде декреттер
- Јаргыныҥ јаҥы
- Россия Федерацияда јаргы система
- Россияныҥ ФССП маанызы
Ајарулар
- ↑ Указ Президента Российской Федерации Д. Медведева от 8 сентября 2009 года № 1019 «Об установлении Дня судебного пристава». Архивная копия от 3 кӱчӱрген ай 2013 на Wayback Machine // zakonbase.ru
- ↑ 1 2 Федеральный закон от 21 июля 1997 года № 118-ФЗ «О судебных приставах». // pravo.gov.ru
- ↑ Текст Федерального закона от 21 июля 1997 года № 118-ФЗ «О судебных приставах» опубликован в "Российской газете" от 5 августа 1997 года № 149, в Собрании законодательства Российской Федерации от 28 июля 1997 года № 30 ст. 3590.
- ↑ 1 2 Федеральный закон от 21 июля 1997 года № 119-ФЗ «Об исполнительном производстве». Архивная копия от 3 кӱчӱрген ай 2013 на Wayback Machine // jurisconsult.info