Jÿгÿрÿштиҥ калыктар ортодо кÿни
| Jÿгÿрÿштиҥ калыктар ортодо кÿни орус. Междунаро́дный день бе́га | |
|---|---|
.jpg) | |
| Бÿдÿми | Калыктар ортодо |
| Öскö | Jÿгÿрÿштиҥ телекейлик кÿни |
| Jöптöлгöн | 2009 |
| Темдектелет | jылдыҥ ла |
| Öйи | кичÿ изÿ айдыҥ баштапкы средазы |
| Тудуш | бег |
Jÿгÿрÿштиҥ калыктар ортодо кÿни (орус. Междунаро́дный день бе́га, англ. Global Running Day) — телекейдиҥ байрамы, jылдыҥ ла кичӱ изӱ айдыҥ баштапкы средазында темдектелет. Оныҥ амадузы — jÿгÿриш бастыра улус эткедий спорттыҥ бÿдÿми керегинде информацияны таркадары ла бастыра телекейде jÿгÿриш сÿÿген улусты бириктирери.
Байрам керегинде
Тÿÿкизи
2009 jылда Jÿгÿриштиҥ телекейлик кÿнин öткÿрер санаа США-да табылган[1], мында jеҥил атлетика текши таркаган болгон. Эҥ ле озо байрам jондык байрам болгон, оноҥ ол тÿрген таркап, ороонныҥ кыйуларын ашкан. 2016 jылдыҥ кичÿ изÿ айыныҥ 1 кÿнинеҥ ала байрам окылу статус алынган[2].
2017 jылда Jеҥилатлетический федерацияныҥ калыктар ортодо ассоциациязы (IAAF) бу баштаҥкайды jöмöгöн, оноҥ ло бери Jÿгÿрÿштиҥ телекейлик кÿни кöп ороондордо кичÿ изÿ айдыҥ кажы ла баштапкы средазында öткÿрилет.
Байрамдаштыҥ jаҥжыгулары
Кажы ла кижи эмезе спорт биригÿ байрамда туружар аргалу. Калыктар ортодо jÿгÿриштиҥ байрамына туружарга турган кижи чыгала jÿгурзин. Бу кÿнде öдÿп jаткан кандый ла јеҥилатлетикалык керекке кожуларга jараар, эмезе дистанцияны алдынаҥ бойы jÿгÿрер.
Онойдо ок бу кÿнде элjондык керек-јарактар öдöт, олор бастыра телекейде jÿстер тоолу спорт öмöликтерди jöмöжип jат, алдында öйдиҥ улу jеҥилатлеттерине учурлалат. Мында эмдиги öйдиҥ jарлу атлеттери туружат, эмезе кÿндÿлÿ айылчылар болот.
Jугÿришти сÿÿгендер мында бойыныҥ спорт jедимдерин Калыктар ортодо jÿгÿриштиҥ байрамыныҥ окылу порталында темдектедип алар учурлу (регистрировать)[3]. Ондо маршрутты бичип, оныҥ узунын ла jерин коргÿзер. Онойдо ок порталда виртуал jÿгÿриштер öткÿрилет, ондо кажы ла кижи туружар аргалу[4][5].
«Кÿнди акалап» деп проект
«Обгоняя солнце» деп лозунгла jаан деген керек-јарактар öдöт[6]. 2018 jылда Jеҥилатлетикалык федерацияныҥ калыктар ортодо ассоциациязыныҥ (IAAF) башкараачыларынын jöмöгöниле бу проект башталган. Баштаҥкайдыҥ учуры неде дезе, туружаачылар бир ле öйдö башка öйдиҥ поястарында jугÿрип баштайт, эстафетаны планетанын бир точказынаҥ, ээчиде öскö öйдиҥ поястарына точкага берет. Jÿгÿриш Jаҥы Зеландиянаҥ башталып, Австралияга, Јопонго, Европага, Африкага, Тÿштÿк Америка ла Тундÿк Америкага jедет.
Jÿгурÿштиҥ расписаниези мынайда тургузылган: кажы ла часта jÿгÿриш, оныҥ учун «эстафета» бир конок болот. 2018 jылда jÿгурÿш Оклендте (Jаҥы Зеландия) башталган, оноҥ эстафетага Мельбурн, Токио, Пекин, Бангкок, Дели, Минск, Рамалла, Аддис-Абеба, Йоханнесбург, Ницца, Берлин, Лондон, Рабат, Абиджан, Прая, Сан-Паулу, Буэнос-Айрес, Гавана, Торонто, Лима, Мехико ло Лос-Анджелес уулалтып, Ванкуверде токтогон.
«Јӱгӱриш кажы ла кижиге берилген — бу сӱӱнчилӱ маргаандый. Кемле-кемле уучын-кубыйлу да јӱгӱрер, јаҥыскан да… Јӱгӱриш кижини турумкай, чыйрак, мерген ле су-кадык эдет[7].»
Аҥылу текст (орус.)[кӧргӱзерјажырар]«Бег доступен каждому — это весело и соревновательно. Это может быть про общение или про одиночество… Но больше всего это развивает силу, выносливость, физическую форму и здоровье[8].»— президент IAAF Себастьян Коу
Россияда
Россияда, Jÿгÿрÿштиҥ кÿнинеҥ öскö онойдо ок российский спорт мероприятие «Кросс нации» öткÿрилет. Бу маргаандарда профессионал спортсмендерле коштой башка-башка су-кадыкту ла белетенгениниҥ кеми башка jугÿрÿш сÿÿчилер туружат. Онойдо, кезик паралимпийецтер дистанцияны аҥылу коляскаларла öдöт, маргаандардыҥ ээжилери мыны jарадып jат[9].
Ајарулар
- ↑ Андрей Соколов. 5 июня отмечают День бега: История и особенности праздника. LIFE (07.06.2023). Дата обращения: кӱӱк айдыҥ 21 кӱни, 2024.
- ↑ Забег-марафон "Всемирный день бега". Russia Running. Дата обращения: кӱӱк айдыҥ 21 кӱни, 2024.
- ↑ Join The Virtual Race (англ.). Global Running Day. Дата обращения: кӱӱк айдыҥ 21 кӱни, 2024.
- ↑ Страна сюжет: праздники и выходные в России в 2024 году Международный день бега в 2023 году — история праздника. «МИЦ «Известия» (06.06.2023). Дата обращения: кӱӱк айдыҥ 21 кӱни, 2024.
- ↑ Всемирный день бега. ИС «Спортивный регион. Белгородская область». Дата обращения: кӱӱк айдыҥ 21 кӱни, 2024.
- ↑ Владимир Криулин. В Парке Победы прошел забег «Обгоняя солнце». Комсомольская правда (06.06.2018). Дата обращения: кӱӱк айдыҥ 21 кӱни, 2024.
- ↑ Ирина Кебо. Всемирный день бега: история, традиции, когда и как отмечается. Журнал "Марафонец" (07.06.2023). Дата обращения: кӱӱк айдыҥ 21 кӱни, 2024.
- ↑ Ирина Кебо. Всемирный день бега: история, традиции, когда и как отмечается. Журнал "Марафонец" (07.06.2023). Дата обращения: кӱӱк айдыҥ 21 кӱни, 2024.
- ↑ Олег Баскаков. Всемирный день бега в 2024 году: история и традиции праздника. Комсомольская правда. Дата обращения: кӱӱк айдыҥ 21 кӱни, 2024.
Тайантылар
 | Бу статьяга Рувикиниҥ ӧскӧ статьялары ссылка этпейт. |