Учурлу керектер аайынча куучын

Рувики сайттаҥ

Учурлу керектер аайынча куучын (орус. Разговоры о важном) — Россияныҥ орто ӱредилӱ учреждениелеринде класста эмес ӧткӱрилетен иш, ороонныҥ тӱӱкизине, јаҥжыгуларына ла культуралык энчизине учурлалат. 2022 јылда школдыҥ программазына кирген. 2022 јылда сыгын айдыҥ 1-чи кӱнинде РФ-тыҥ президенти Владимир Путин мындый урокты Калининградта ӧткӱрген. Эҥ јакшы ӱредӱчилерди талдаарга, 2025 јылдаҥ ала «Јаан учурлу куучындар» деп Текшироссий сый тургузылган.

Владимир Путин баштапкы «Учурлу керектер аайынча куучын» деп урок ӧткӱрет.
2022 јылда сыгын айдыҥ 1-чи кӱни, Калининград

Тӱӱкизи

2022 јылдыҥ кичӱ изӱ айдыҥ 20-чи кӱнинде «Знание» деп бирликтиҥ јуунында класста эмес ӧткӱрилетен иш школдыҥ программазына кирген деп јарлалган. Ӱредӱ јыл башталарына Россияныҥ ӱредӱликтиҥ министерствозы бу уроктыҥ методиказын белетеп салган[1]. Россияда класстыҥ башкараачызын белетеер 700 площадка иштеген[2].

2022 јылда сыгын айдыҥ 1-чи кӱнинде Россияныҥ президенти Владимир Путин «Учурлу керектер аайынча куучын» деп баштапкы урокты, Калинградка иш аайынча барарда ӧткӱрген. Бу ачык урокко туружарга Россияныҥ башка-башка калаларынаҥ, олимпиадалардыҥ јеҥӱчилдери ле билимниҥ, культураныҥ, спорттыҥ кӧрӱлериниҥ туружаачылары келген. Кажы ла урок таҥынаҥ керектӱ темага учурлалган; туружаачылар президентке бойыныҥ тузалу керектери керегинде куучындап, билим, тӱӱки, экология керегинде сурактар берген. Уроктыҥ стенограммазы Россияныҥ президентиниҥ сайттында чыккан[3].

Россияныҥ бастыра школдорында «Учурлу керектер аайынча куучын» деп урок сыгын айдыҥ 5-чи кӱнинде, ӱредӱлӱ јылдыҥ баштапкы понедельнигинде ӧткӧн. Уроктыҥ темазы «Билимниҥ кӱни» болгон. Уроктыҥ темалары озолондыра кажы ла неделеге бир јылдыҥ туркунына тургузылат, олордыҥ тоозында тӱӱкилик керектер, јарлу улустыҥ биографиязы, Россияныҥ байрамдары, социал учурлу проекттер ле о.ӧ.[4]

Россий ӱредӱлик академиязыныҥ ӱредӱлик таскадар Институды уроктордыҥ матералдарын јазаган[5]. Темаларды ла уроктордыҥ пландарын тургузары билим иштердеҥ, педагогикалык литературанаҥ ла нормативно-правовой документтердеҥ камаанду болгон[6]. Бу проектти тузаланарын Биле ле балдарды кылык-јаҥга ӱредер институт кӧрӧт.

2024 јылдаҥ ала «Учурлу керектер аайынча куучынды» детсадтарда 5 јаштаҥ јаан балдарга ӧткӱрип баштаган. Мындый суракла детсадтардыҥ балдарын кылык-јаҥга ӱредип турган улус чыккан, олор балдар бу темаларла јилбиркейт деп айткан[7]. Вологданыҥ детсадтары 2025 јылда чаган айда урокты ӧткӱрген[8].

Уроктыҥ структуразы

Урокты неделеде бир катап, понедельникте баштапкы урок эдип ӧткӱрер керек. Бу урокты 1-чи класстаҥ ала 11-чи класска јетире ӧткӱрет. Кажы ла урок тергеелик мак кожоҥноҥ ло Россияныҥ маанызын кӧдӱрген кийнинеҥ башталат. Кажы ла урокко методикалык материалдар белетелген. Олор балдардыҥ јажын ајарып 5 категорияга бӧлӱнген: 1-чи ала 2-чи, 3-чи класстаҥ 4-чи класс, 5-чи класстаҥ ала 7-чи класс, 8-чи класстаҥ ала 9-чы класс, 10-чы класстаҥ ала 11-чи класс. Онойдо ок орто профессионал ӱредӱниҥ колледжтерине материалдар база белетелген[9].

Кажы ла категорияга урокто тузаланар сценарий ле методикалык материалдар, видеороликтер, презентациялар ла плакаттар белетелген. Јаан класстардыҥ ӱренчиктерине башка ӱзеери материалдар бар. Ӱренчиктер видеоны кӧрӧлӧ, интерактивный јакылтаны бӱдӱреле, куучындажып, сӧс блаажып урок божоор деп амадаган. Ӱредӱчи бу методиканы тузаланар эмезе ӧскӧ форматла ӧткӱрерин бойы кӧрӧр учурлу болгон[4].

Кезик уроктордо федерал спикерлер талдап алган теманыҥ эксперти болуп, видео бичигилейт. Онойып, «Легенды России» деп темала Госдуманыҥ башкараачызыныҥ ордынчызы Пётр Толстой, «Волонтёрдыҥ кӱни» деп темала «Старость в радость» деп фондтыҥ тӧзӧӧчизи Елизавета Олескина, «Россия — здоровая страна» — олимпий чемпион Максим Траньков. Видеолордо спикерлер балдардыҥ сурактарына каруузын берет[4].

Уроктордыҥ материалдарын «Учурлу керектер аайынча куучын» окылу сайттына чыгарат. Мынаҥ бастыра материалдарды, керек болзо, ӧткӧн јылдардыҥ кӧмзӧзинеҥ аларга јараар.

Сый

2025 јылга јетире Россияда «Учурлу керектер аайынча куучын» деп 105 урогы ӧткӧн, бу уроктордо 20 миллионноҥ кӧп ӱренчиктер турушкан. Федерал спикерлер болуп 120 общественный ишчилер ле федерал ведомстволордыҥ улустары турушкан. Ӱредӱниҥ материалдарын белетееринде россий тӧс компаниялар турушкан: Россий темир јолдор, Росатом, Сбербанк, Баштапкы канал, Артек, Россий јуучыл-тӱӱкилик бирлик ле о.ӧ.

Проекттиҥ социал учурын кӧрӱп, јылдыҥ ла берер «Учурлу керектер аайынча куучын» деп текшироссий сый берер деп јӧп чыгарылган. Сыйды тӧрт номинацияла берер деп јӧптӧгӧн:

  • Јылдыҥ эҥ артык интервьюзы;
  • Видеоанонстордыҥ эҥ артык ӧткӱреечизи;
  • Партнердыҥ эҥ артык урогы;
  • «Первые. Разговоры о важном» деп сериалдыҥ эҥ артык актёры.

Ӱредӱчилерге аҥылу «Создавая важный разговор» деп номинация јӧптӧгӧн. Кӧргӱзиде методикалык материалдар, сӧс блааштыҥ видеозаписьтерин, авторский уроктор белетегендер туружар аргазы бар.

Жюриге Биле ле балдарды јакшы кылык-јаҥга ӱредер институттыҥ ишчилери, Текшироссий ада-энелердиҥ комитеди ле «Кижи тазыктырар» деп кӧрӱниҥ јеҥӱчилдери кирет[10].

Ајарулар

  1. ↑ «Разговоры о важном» в школе: что это и какие темы обсуждаются. Коммерсантъ (11 чаган ай 2024). Дата обращения: кӱӱк айдыҥ 22 кӱни, 2025.
  2. ↑ Кравцов: «Разговоры о важном» позволят интересно рассказать о ценностях и истории России (орус.). Минпросвещения России. Дата обращения: кӱӱк айдыҥ 22 кӱни, 2025.
  3. ↑ Открытый урок «Разговор о важном». Президент России. Дата обращения: кӱӱк айдыҥ 22 кӱни, 2025.
  4. ↑ 1 2 3 Разговоры о важном. Министерство просвещения Российской Федерации. Дата обращения: кӱӱк айдыҥ 22 кӱни, 2025.
  5. ↑ Разговоры о важном. Методические рекомендации. Институт стратегии развития образования.
  6. ↑ Классный час "Разговоры о важном" 2025-2026: что это такое, программа, темы уроков. Комсомольская правда. Дата обращения: кӱӱк айдыҥ 22 кӱни, 2025.
  7. ↑ Путин поддержал идею проводить "Разговоры о важном" в детских садах. РИА Новости (3 ӱлӱрген ай 2024). Дата обращения: кӱӱк айдыҥ 22 кӱни, 2025.
  8. ↑ Власти Вологды первыми в стране ввели еженедельные «Разговоры о важном» в детсадах. Известия (21 чаган ай 2025). Дата обращения: кӱӱк айдыҥ 22 кӱни, 2025.
  9. ↑ Разговоры о важном в колледже: как организовать внеурочные занятия для СПО (орус.). Единый всероссийский институт дополнительного профессионального образования. Дата обращения: кӱӱк айдыҥ 22 кӱни, 2025.
  10. ↑ Старт первой Всероссийской премии «Разговоры о важном» (12 мая 2025). Дата обращения: кӱӱк айдыҥ 22 кӱни, 2025.
© Правообладателем данного материала является АНО «Интернет-энциклопедия «РУВИКИ».
Использование данного материала на других сайтах возможно только с согласия АНО «Интернет-энциклопедия «РУВИКИ».
Алган јери - "https://alt.ruwiki.ru/w/index.php?title=Учурлу_керектер_аайынча_куучын&oldid=539536"