Тайга зоопарк
| Тайга зоопарк | |
|---|---|
| орус. Зоопарк Таёжный | |
 товардыҥ темдеги | |
| Алдындагы ады | Эдельвейс зоопарк |
| Тӧзӧлгӧн | 2017 |
| Координаттар | 51°48′01″ с. ш. 87°17′13″ в. д.HGЯO |
| Јериниҥ кеми | 4 га кире |
| Бӱдӱмдери | 30-таҥ артык |
| Веб-сайт | tayozhniy.ru |
Тайга зоопарк (орус. Зоопарк Таёжный) — таҥынаҥ контактный зоопарк, Артыбаш јуртта Турачак аймак Алтай Республика, Алтын Кӧлдиҥ јарадында. Кӧлдиҥ тӱндӱк јанында туристический кереестердиҥ бирӱзи.
Тӱӱкизи
Зоопарк «Таёжный» тӱӱкизи 2009 јылда башталган, Алексеевтердиҥ билезине зоологиялык учреждениени Алтын Кӧл јанында тудар санаа келген. Је амаду тӱрген ле бӱтпеген. Зоопарктыҥ окылу ачылтазы јӱк ле 2017 јылда болгон[1].
Озо баштап зоопарк сезондор сайын иштеген — тындуларды јӱк ле јайгы ӧйдӧ экелетен. 2017 јылда коллекцияда 10 бӱдӱм тынду болгон. Је удабай ла тындуларды кӧчӱрбес, мында ла тудар, олорды јыл айландыра улуска кӧргӱзер деп шӱӱлтеге келгендер.
Зоопарк ачылганынаҥ ала тӱрген ӧскӧн: јери улам ла јаанадылган, јаҥы вольерлер тудулган, јаҥы тындулар келген.
2021 јылдаҥ ала 2023 јылга јетире јаан реконструкция болгон, 20 јаҥы ӧйдиҥ вольери кожулган. Эмдиги ӧйдӧ зоопарктыҥ јери 4 гектар кире бар, мында 30 бӱдӱм тынду ла куштар[1].
Келген улуска фотозоналар, јайгы ӧйдӧ ачык кафе балдар ойноор јерлӱ, сувенирный магазин бар.
Зоопарктыҥ тындулары
Зоопаркта казыр аҥдардаҥ амурдыҥ тигры, пума, шӱлӱзӱн, леопард, каракулалар. Јаан аҥдардаҥ тижи айу. Оок аҥдар киш, норка, ак тӱлкӱ, енот, канад бӧрӱ, кара ла кызыл тӱлкӱ.
Пума
Бар
Сервал
Носуха
Туйгактулардаҥ марал, чоокыр аҥ, ак-кийик, элик, кӧк куча (нахура), муфлон, пони, эштек. Айылдыҥ тындуларынаҥ койлор ло чочко.
Кӧк куча
Муфлон
Винторогий козёл
Какай
Куштардаҥ цесаркалар, фазандар, австралий страустар, павлин, онойдо ок айылдыҥ куштары — кастар, сугуштар, индюктар ла такаалар бар, олор зоопарктыҥ јериле бош базып јӱрет.
Экзотикалык бӱдӱмдерге африкан јараалар (ёжиктер) ле ӧскӧдӧ оок тындулар кирет.
2024 јылда зоопаркка кискениҥ эки билези келген. Баштапкы катап Урсул ла Мия леопардтар эне-ада болгон, онойдо ок Барни ла Ляля деп пумалар.
Зоопаркты тындуларды јуугынаҥ кӧрӧр, азыраар, тударга јараар (контактный) деп јарлайт, зоопарктыҥ айылчылары кезик казыр эмес тындуларла кожо фотојурукка соктыртар аргазы бар.
Једетен јолы
Зоопарк Таежный Артыбашта адрези ором Таежный, 21.
Алтын Кӧлдиҥ јарадында турган Артыбаш јуртка јетире Горно-Алтайсктаҥ кӧӧлӱк јолло, Кемеровоноҥ Таштагол ло Турачак ажыра једер арга бар. Артыбаш јурттыҥ тӧзинеҥ зоопаркка јетире јойу ла кӧӧлӱктӱ једер јол бар.
Зоопаркка једерге Артыбаштыҥ тӧс Телецкий ороомыла барар керек. 2,5 километрди ӧдӧ берзе, Бий сууныҥ кӱрин ӧдӧ берзе кӧргӱзӱ бар Таежный зоопарк јаар уулап турган.
Бу јердеҥ эбирип кыр ӧрӧ чыгып, бир эмеш барала, сол јанында турган Кедровый ороом јаар эбирер керек. Кедровый ороомды ӧдӧлӧ, оҥ јаны јаар эбирип Таежный ороомло барза, јолдыҥ оҥ јанында Таежный зоопарк кӧрӱнер[2].
Ајарулар
- ↑ 1 2 "Таежный" - зоопарк в горном Алтае на Телецком озере (орус.). Дата обращения: кичӱ изӱ айдыҥ 29 кӱни, 2025.
- ↑ Зоопарк Таежный в Артыбаше -Itonga.ru (орус.). Дата обращения: кичӱ изӱ айдыҥ 29 кӱни, 2025.