Солоҥы
| Солоҥы | |
|---|---|
| орус. Радуга | |
 Журналдыҥ биринчи номери, тиражы 10 000 | |
| Ууламјызы | балдардыҥ |
| Канча катап чыгат | айда бир катап |
| Тил | алтай тил |
| Баш редактор | Кӱлер Тепуков |
| Ороон |
 СССР,  Россия |
| Чыгараачы | Литературно-издательский Дом «Алтын-Туу» |
| Тӧзӧлгӧн ӧйи | 1990 јыл кандык айдыҥ 1-чи кӱни |
«Солоҥы» (орус. Радуга) — алтай тилле Алтай Республикада ай сайын чыгар, республикан учурлу, литературно-художественный журнал. Ол школго ӱренгелек балдардыҥ ла баштамы класстардын ӱренчиктердиҥ (5—10 јашту) журналы болуп белетелет. 1990 јылда кандык айдыҥ 1-чи кӱнинде чыгарар деп јӧптӧлгӧн. Журналдыҥ тиражы 10 муҥ[1].
Тӱӱкизи
«Солоҥы» — деп журнал алтай болчомдорго. Канча јылдарга оныҥ баш редакторы ла чыгараачызы — алтай бичиичи Кӱлер Эзендикович Тепуков. Озо баштап журналды 1998 јылга јетире «Ӱч-Сӱмер-Белуха» бичик-чыгармазы кепке базарга белетейтен. Тӧзӧгӧн кижи — Кӱлер Тепуков, јарлу алтай бичиичи, ӱлгерчи, тилмеш, Россия Федерацияныҥ Бичиичилер отогыныҥ турчызы, Россия Федерацияныҥ культуразыныҥ нерелӱ ишчизи. Орус тилдеҥ алтайга балдарга кӧп бичимелдер кӧчӱрген. Г.И. Чорос-Гуркинниҥ литература ла искусствоныҥ лауреады, «За особый вклад в книжное дело» деп медальла кайралдаткан, «Кӱлӱмjи болзын улайын» деп бичиктиҥ авторы.
Солоҥы журналдыҥ баштапкы номерин тургускан кижи — Маскина, Јергелей Яковлевна, јурукчы – Торбоков, Вячеслав Сергеевич. «Солоҥы» журналдыҥ јурукчызы Барсукова,Чейнеш Николаевна кӧп јылдарга, дизайн ла верстказыла иштеген. Журнал кычыраачыларын алтай калыктыҥ тилли, литературазы, тӱӱкизи ле чӱм-јаҥдарыла таныштырат[2].
1998 јылда балдардыҥ республикан «Солоҥы» журналыныҥ редакциязы «Ӱч-СӰмер-Белуха» деп республикан бичик-чыгармазынаҥ чыгарылган. Ол алдынаҥ бойы иштеер периодикалык чыгарма, штатный расписаниелӱ: баш редакторлу, художественный редакторлу, бухгалтерлӱ, экспедитор ло корректорлу боло берген. Баш редакторы Александр Езендикович Тепуков.
2008 јылдаҥ ала балдардыҥ «Солоҥы» журналыныҥ редакциязы «Алтын-Туу» Литературно-издательский Тураныҥ (редакторы Т. Н. Туденева) структурный бӧлӱги болуп јат .
1990 јылдыҥ сыгын айында «Солоҥы» деп журнал баштапкы катап кепке базылып чыккан эди. Быјыл, 2025 јылда, «Солоҥы» журнал 35 јажын темдектеп јат.
«Солоҥы-2017» деп адалган килемјилик экофестивальдыҥ тӧзӧӧчилери ле волонтерлоры Кадындагы биосферный заповедникте болгондор[3].
«Солоҥы» журнал алтай тилле чыгып, балдарды соотодор, ӱредер, јилбиркедер амадулу болгон[4].
Туулу Алтайдыҥ јурукчылары
2024 jылдыҥ 5 № «Солоҥы» журналдыҥ чыгармазында 21 ле jурукчы керегинде jарлалган. Журналга ончо ло кире jетирÿ кирет. Солоҥыныҥ амадулары мындый. Туулу Алтайдыҥ кеендигиле jаантайын jайаандыгы тудуш jурукчыларды аҥылаары, балдарга Туулу Алтайдыҥ jурамал искусствозыныҥ тÿÿкизин алдындагы ус-jурукчылардаҥ ала эмдиги jайаан jолын jаҥы ла баштаган jиит jурукчылар ажыра таныштырары, балдарга учурлалган «Солоҥы» журналды кееркедеринде турушкан ла туружып турган jурукчыларды кийдирери. Журналдыҥ калганчы кадарында Алтай Республиканыҥ Биригÿзине кирип турган ончо jурукчылардыҥ ады-jолын тоолоп салган.
Јурукчылар
- Торбоков, Вячеслав Сергеевич
- Барсукова, Чейнеш Николаевна
- Укачин, Амыр Борисович
- Чукуев, Владимир Петрович
Ајарулар
Источниктер: 25 лет назад учрежден детский журнал «Солоҥы» [Электронный ресурс]. – Режим доступа: http://altai-info.com/novosti/142-25-let-nazad-uchrezhden-detskiy-zhurnal-solony.html (дата обращения: 03.04.2019). Сайт