Салымныҥ шоктогоны, эмезе Тыныжар јеҥил болзын!

Рувики сайттаҥ
Салымныҥ шоктогоны, эмезе Тыныжар јеҥил болзын!
Постер фильма
Жанр мелодрама
трагикомедия
Режиссёр Эльдар Рязанов
сценарийдиҥ авторы Брагинский Эмиль Вениаминович
Эльдар Рязанов
В тӧс
рольдордо
Рольдорды
ӱнделткен		 Сергей Яковлевич Никитин[d], Валентина Илларионовна Талызина[d] и Алла Пугачёва[d]
Оператор Нахабцев Владимир Дмитриевич
Алисов Вадим Валентинович
Сергей Арманд
Борис Кочеров
Монтажёр Валерия Белова
Композитор Микаэл Таривердиев
Јурукчы-постановщик Борисов, Александр Тимофеевич[d]
Аҥылу телеканал Биринчи программа ЦТ
Компания Киностудия «Мосфильм». Телевизион кинолордыҥ творческий биригӱзи
Дистрибьютор СССР министрлер Совединиҥ Государственный телевидение ле радиовещание аайынча комитеди
ӧйи 184
Ороон
тил орус тил
Сериялардыҥ тоозы 2
оыҥ кийнинеҥ фильм Ирония судьбы. Продолжение[d]
IMDb ID 0073179

Салымныҥ шоктогоны, эмезе Тыныжар јеҥил болзын! (орус. Ирония судьбы, или С лёгким паром!) — совет телевизионный эки сериялу кино, 1975 јылда режиссёр Эльдар Рязанов тургузып чыгарган. СССР-да премьеразы 1976 јылда чаган айдыҥ 1 кӱнинде «Биринчи программада чыккан, тӧс телевидениеде чыккан (ЦТ)»[2].

Эдилгениниҥ тӱӱкизи

Эмиль Брагинский ле Эльдар Рязановтыҥ «С лёгким паром! или Однажды в новогоднюю ночь…» деп пьесазы аайынча тургускан кино. Пьеса 1969 јылда бичилип, кино согуларга јетире Советский Союзтыҥ бир канча театрларында тургузылган болгон. Кийнинде оны ороонныҥ 110 театрыныҥ сценаларында тургускан болгон[3], онойдо ок кыйу ары јанында ороондордо.

Рязановтыҥ айдыжыла, пьесаныҥ, киноныҥ сюжеди чын болгон керектер керегинде болгон. Јаҥар айдыҥ 31 кӱнинде мылча барган кижи чын ла болгон, эртезинде ол ӧскӧ калада болуп калган. Оноҥ ары не болгонын Рязанов ло Брагинский билбес — бойлоры учуралды сананып бичиген. Кӱскиде 1975 јылда, СССР-да сыраҥай ла премьера алдында, Грузияныҥ улузы Телевизионный кинолордыҥ Текшисоюзный фестивалинде бу «Салымныҥ шоктогоны» деп киноны баштапкы катап кӧргӧн. Тбилисиде болгон бу мероприятиеде картина биринчи јер алган[4].

Сюжеди

Сюжетте брежнев ӧйиниҥ кунукчыл архитектуразын кӧргӱскен. Каткы-анимационный прологто архитекторлор политиктер ле бюрократияга башкартканы (режиссёр ло аниматор Песков Виталий Викторович) кӧргӱзилген. Арт учында бастыра тӱҥей канча кат улус јадар туралар кажы ла калада, поселокто, калаларды јакалай, бастыра Совет Союз ичиле тудулган[5].

Јылдыҥ ла Јаҥы јылдыҥ алдында мылчада јуулыжар кылыгыла нӧкӧрлӧр бириге берген, Москвада элјондык мылчада, Јаҥы јылды темдектеп ийерге. Тыҥыда аракыдап, Женя Лукашин ле Галяныҥ биригерге турганын темдектегилеген. Мылчаныҥ кийнинде олордыҥ бир нӧкӧри, Павлик, Ленинград јаар ӱйине учар учурлу болгон. Бастыразы аэропорт барып јат.

Нӧкӧрлӧр аэропортко једип барза, Женя ла Павлик сыр уйкуда. Саша ла Миша кем учатанын ундып салган. Павликтиҥ ордына Женяны самолётко отургызып ийгендер.

Женя коштой отурган ачынчак кижиниҥ ийнине уйуктап, Ленинградка учуп келген, онызы бого самолёттоҥ тӱжерге болушкан. Јиит кижи ленинградский аэропортто такси тудуп алала, адрезин айткан.

Ленинградта тӱп-тӱҥей адрес, тура, квартира Москвада Женяныҥ ошкош. Москвич лифтле «бойыныҥ» квартиразына једип, кайкамчылу неме, тӱлкӱӱри де јарай берген (прологто: «…строительство стандартных квартир со стандартными замками»). Тураныҥ ичинде мебель тӱҥей, эзирик Женя башказын аайлабаган.

Бу ӧйдӧ Надя Шевелёва айлына келген. Ол Ипполит кавалериле байрамдаарга сананган. Кенейте орынында ӱч кӧрбӧгӧн кижи! Ол оны чыгара сӱрерге ченешкен, мынызы аайлабай јат, ачынјат. Паспортторын кӧрӧлӧ, олор учы-учында керектиҥ аайын оҥдогон. Женя ал санаада: Москвада оны Галя сакып јат. Ипполит, Надяга келеле, бу экӱниҥ сӧзине бӱтпейт. Женя ойто Москва јаар јанайын дезе акчазы јок. Ойто ло Надяга келген. Ипполит кӱнӱркейле чыга јӱгӱрген. Надя Евгенийдеҥ тӱрген айрылар дезе, Москвага база рейс јок. Женя Москвада Галяга канча катап телепондозо, торт келишпес. Учы-учында кыс телепонло Ленинград ла деп угала, трубканы таштаган. Надя Московский вокзал (Санкт-Петербургта) барып, јаҥы таныжына Москвага јетире билет алган. Женя ол билетти јыртып чачкан.

Женя ла Надя арга јокто Јаҥы јылды кожо ӧткӱрген. Баштап тарый кыйкаҥдажып турала, экӱ јымжай тӱшкен, оноҥ сӱӱш башталган. Эртен тура олор бу ӱзе јастыра дешкен, уул Москвага јанган. Айлына арыган-чылаган келип уйуктай берген. Ойгоноло, Надяны тӱженјаткен деп бодогон, је кыс јанында. Онызы ого Москва јаар келген, сӱӱгенин јеҥил таап алган, адрестери тӱҥей, тӱлкӱӱри сомокко јарайт.

Новеллизация

Мында новеллизация бар (драма јайа бичилген ремаркаларлу) «Иронии судьбы», ол Эльдар Рязановтыҥ кинолорыныҥ новеллизацяларыныҥ башка-башка кӧп јуунтыларына кирген[6]. Новелланыҥ оҥдайтан аайы кино ло пьесага тӱҥей.

Рольдордо

Актёр Роль
Андрей Мягков Евгений (Женя) Михайлович Лукашин (кожоҥдогон — Сергей Никитин)[7] хирург Евгений (Женя) Михайлович Лукашин (кожоҥдогон — Сергей Никитин)[7]
Барбара Брыльска Надежда (Надя) Васильевна Шевелёва (ӱнделткен — Валентина Талызина, кожоҥдогон — Алла Пугачёва) орус тил ле литератураныҥ ӱредӱчизи Надежда (Надя) Васильевна Шевелёва (ӱнделткен — Валентина Талызина, кожоҥдогон — Алла Пугачёва)
Юрий Яковлев Ипполит Георгиевич Надяныҥ жениги Ипполит Георгиевич
Любовь Добржанская Марина Дмитриевна Женяныҥ энези Марина Дмитриевна
Ольга Науменко Галя Женяныҥ сыргалјызы Галя
Лия Ахеджакова Таня Надяныҥ ӱӱрези ле коллегазы Таня
Валентина Талызина Валя Надяныҥ ӱӱрези ле коллегазы Валя
Александр Ширвиндт Павел / Жениныҥ нӧкӧри Павел / киноныҥ бажында кадр ары јанында ӱн
Георгий Бурков Миша Жениныҥ нӧкӧри Миша
Александр Белявский Саша Жениныҥ нӧкӧри Саша
Любовь Соколова мама Надяныҥ энези[8] мама Надяныҥ энези[8]
Готлиб Ронинсон Красноярсктыҥ пассажиры самолёт сакыган кижи Красноярсктыҥ пассажиры
Эльдар Рязанов самолётто пассажир (титрларда јок) самолётто пассажир (титрларда јок)
Борис Руднев таксист (нет в титрах) таксист (нет в титрах)
Николай Погодин баянду таныш эмес айылчы (титрларда јок) баянду таныш эмес айылчы (титрларда јок)
Александр Постников туш кижи (титрларда јок) туш кижи (титрларда јок)
Елена Наумкина аэропортто буфетчица (титрларда јок) аэропортто буфетчица (титрларда јок)
Николай Кузнецов айылдаш (титрларда јок) айылдаш (титрларда јок)
Михаил Бочаров ийттӱ айылдаш (титрларда јок) ийттӱ айылдаш (титрларда јок)

Јуруктардыҥ кӧмзӧзи

Киноныҥ кадрлары

Съёмка ӧткӱрген группа

  • Сценаридиҥ авторлоры: Эмиль Брагинский, Эльдар Рязанов
  • Режиссёр-постановщик: Эльдар Рязанов
  • Баш оператор: Владимир Нахабцев
  • Баш јурукчы: Александр Борисов
  • Экинчи режиссёр: Игорь Петров
  • Ӱноператор: Юрий Рабинович
  • Композитор: Микаэл Таривердиев
  • Дирижёр: Георгий Гаранян
  • Костюмдарла јурукчы: Ольга Кручинина
  • Гримле јурукчы: Ольга Струнцова
  • Кинооператорлор: Вадим Алисов, Сергей Арманд, Борис Кочеров
  • Кожылган съёмкалар: Борис Травкин (оператор), Валентин Гласс (художник)
  • Монтаж: Валерия Белова
  • Режиссёрдыҥ болушчызы: Нина Коренева, Григорий Торчинский
  • Оператордыҥ болушчызы: Владимир Горшков, Владимир Батузов, Александр Михалычев, Сергей Кочебуров, Николай Коробейник
  • Монтажёрдыҥ болушчызы: Элеонора Праксина
  • Јурукчы-декоратор: И. Фёдоров
  • Јаркынныҥ мастеры: Марк Вайсман
  • Редакторы: И. Наумова
  • Кӱӱлик редакторлоры: Раиса Лукина, В. Лаписов
  • Киноныҥ бажында мультипликационный заставка: Виталий Песков
  • Киноныҥ директоры: Ефим Голынский

Кожоҥдор ло ӱлгерлер

Киноныҥ сценарийине 9 ӱлгер кирген. Олордыҥ 8-и кожоҥ болор учурлу болгон. Эльдар Рязанов бир композитор бир уунда 8 башка композиция бичип болбос дейле, тӧрт авторды сураган: Ян Френкель, Исаак Шварц, Андрей Петров ло Микаэл Таривердиевти. Ол кажы ла кижи эки кожоҥноҥ бичиир деп шӱӱген. Баштап ла олор јӧпсинген, је кийнинде башка-башка шылтактарла, келишпей калган: кем де јорыктап барган, кемге де бош јок боло берген. Јаҥыс Микаэл Таривердиев арткан[3].

Сценарийди кычырала, композитор Микаэл Леонович жанрларыныҥ байлыгын кайкаган. Учында ол бойына «рождественский чӧрчӧк» деп јурук сананып алган.[9] Композитор кӱӱге саларга Марина Цветаеваныҥ, Евгений Евтушенко, Белла Ахмадулина ла база јарлу поэттердиҥ ӱлгерлерин талдап алган.

Киноныҥ бастыра кӱӱзин Микаэл Таривердиев чӱмдеген. Оныҥ ӱй кижизи Вера эске алынган[10]:

«Однажды Таривердиев проходил мимо столовой, в которой среди других людей сидел Рязанов и напевал «На Тихорецкую состав отправится...». Эту песню он хотел взять в свой новый фильм и сожалел, что она народная. Хотя на самом деле песня была написана для оперы моего мужа. А исполнял её Владимир Высоцкий, поэтому Рязанов её слышал, но не знал автора»

Эр кижиниҥ вокалын кинодо кӧп сабазын Сергей Никитин кожоҥдогон («Со мною вот что происходит», «Я спросил у ясеня», «Никого не будет в доме» и «Если у вас нету тёти»), кыс кижиниҥ — Алла Пугачёва («По улице моей», «На Тихорецкую», «Мне нравится», «У зеркала»). Киноныҥ эҥ учында Александр Кочетковтыҥ «Баллада о прокуренном вагонезин» Андрей Мягков ло Валентина Талызина кычырган. Баштап кинодо кожоҥдорды Анна Герман кожодоор учурлу болгон, је гран ары јанынаҥ келер кожоҥчыга сметага акча чыгарылбаган болгон[11].

Киноныҥ 1976 јылда «Мелодия» фирма Таривердиевтиҥ пластинказында саундтрегиниҥ бӧлӱгин чыгарган болгон[12]. Бӱдӱн саундтректи CD-де 2009 јылда фирма «Бомба-Мьюзик» чыгарган[13]. 2016 јылда Великобританияныҥ «Earth» деп лейблында винилде саундтрек чыгарылган[14], 2019 јылда дезе «Бомбой-Мьюзик» ӧҥдӱ винилде чыгарган[9].

«Бомба-Мьюзик» 2009 јылда чыгарма
№ АдыСӧстӧриКожоҥ Ӧйи
1. «Увертюра» (инструментал)   2:43
2. «Со мною вот что происходит» Евгений ЕвтушенкоС. Никитин 2:28
3. «Надежда» (инструментал)   4:24
4. «В ожидании Нового года» (инструментал)   1:14
5. «Никого не будет в доме…» Пастернак Борис ЛеонидовичА. Пугачёва 2:17
6. «Снег над Ленинградом» (инструментал)   2:45
7. «По улице моей который год» Белла Ахмадулина  2:48
8. «На Третьей улице Строителей» (инструментал)   1:15
9. «На Тихорецкую» Михаил ЛьвовскийА. Пугачёва 1:29
10. «С Новым годом!» (инструментал)   2:46
11. «Мне нравится, что Вы больны не мной…[15]» Марина ЦветаеваА. Пугачёва 1:35
12. «Если у вас нету тёти. Ария московского гостя» Александр АроновС. Никитин 1:53
13. «Последний вальс» (инструментал)   1:45
14. «Хочу у зеркала спросить» М. Цветаева  1:36
15. «Я спросил у ясеня» Владимир КиршонС. Никитин 3:08
16. «С любимыми не расставайтесь» Александр КочетковА. Мягков и В. Талызина 4:26
17. «Мелодия» (инструментал)   4:33
41:03

2014 јылда радиостанция «Серебряный дождь» киноныҥ кожоҥдорын «„Мелодия“» фирманыҥ 50 культовый пластинкаларыныҥ тоозына кийдирген[16].

Съёмкалар

Киноныҥ баш операторы, Владимир Нахабцев, новаторский ӱчкамерный система тузаланган. Бир ле ӧйдӧ ӱч камера иштеп, сценаларды уч башка ракурстаҥ соктырган[3].

Чын улица Строителей Москвада ол ло проспект Вернадского райондо болгон. Је 1963 јылда Улица Марии Ульяновой деп солынган (Москва)[17].

2003 јылда Женя Лукашин «јаткан» тураныҥ стенезине эземниҥ табличказын кондырган. Оныҥ ачылтазында Эльдар Рязанов турушкан[18]. Ол ло тӱнде алюмин пластинаны ууры апарган. 2007 јылда табличкалар Вернадскийдиҥ проспектинде бир уунда эки турага 125-чи ле 113-чи тагылган, је база узак ла турбаган[19][20][21].

Съёмкалар тулаан айда башталып, јайдыҥ ортозында токтогон. Оныҥ учун картинада искусственный карды тузаланган. Је ол ӧйдӧ пушкалар ла ӧскӧ агрегаттр јок болгон, карды колло вата, чаазын ла пенопласттаҥ эдип туратан. Салкынды фенле эткен[10].

Бастырага шыку съемкалар Москвада согулган. Тоолу ла сцена Ленинградта согулган. Кинодо согулган эки квартира проспект Вернадскогодо: 125 тура (Лукашинниҥ квартиразы) ла 113 (Надяныҥ квартиразы). Мылчада сценаны согорго «Мосфильмде» специальный павильон тудулган.

Кинопробалар

Кинодо тӧс рольго — Женя Лукашин — јарлу актёр Андрей Миронов јазанган. Је Рязанов оныҥ кандидатуразын јаратпаган. Ол бу рольго ловелас эмес, а тыш бӱдӱми келиндерге тыҥ ла јарабас эр кижини бедиреген. Мироновты Ипполитти ойнозын деерде, ол мойножып ийген. Женя Лукашинниҥ ролине Олег Даль, Пётр Вельяминов, Станислав Любшин ле Иннокентий Смоктуновский кӧрӱлген[10]. Андрей Мягков билбес јанынаҥ Лукашин боло берген. Режиссёр ого чала бӱдӱнбеген, је пробаларда ол рольго јараган.

Тӧс героиняныҥ ролине талдаштар кӱч ӧткӧн. Рязанов «Надя» болуп ойноорго Людмила Гурченко, Валентина Талызина, Светлана Немоляева, Антонина Шуранова ла кӧп совет јарлу актрисаларды јаратпаган. Ол бажынаҥ ала Алис Фрейндлихти ойнозын деп сананган: ол комедийный рольдорды сӱреен јакшы ойнойтон, кожоҥчы болгон. Је, худсовет оны јӧптӧбӧгӧн[3]. Польский актриса Барбара Брыльскини тӧс рольго Рязанов ӧскӧ режиссёрдоҥ угуп јараткан. Рязанов оны киного ойноорго кычырган, је оныҥ тыҥ акценти учун, Валентина Талызина оныҥ ролин ӱнделткен. Онойдо ок Талызина кинодо Валяны ойногон, Надяныҥ ӱӱрезин.

Ипполиттиҥ ролине Олег Басилашвили тургузылган. Ол бир канча эпизодто до ойноп ийген. Је съёмка ӧйинде оныҥ адазы ла нӧкӧри коллегазы Ефим Копелян божой бергилеерде, ол оноҥ ары ойноп болбогон. Оныҥ ордына Юрий Яковлев бу рольды ойногон.

Галяныҥ ролине бажында Наталья Гвоздикова тургузылган[22].

Женя Лукашинниҥ јајыларын Эльдар Рязановтыҥ нӧкӧрлӧри ойногон — Георгий Бурков ло Александр Ширвиндт. Александр Белявский кийнинде келген. Надя ла Женяныҥ энелери болуп Любовь Соколова ла Любовь Добржанская јӧптӧлгӧн, олор алдында база Рязановло кожо «Берегись автомобиля» деп картинада иштеген.

Массовкада Александр Беляев ойногон, НТВ-ныҥ јарлу телеведущийи (прогноз погоды)[10].

Киноныҥ премьеразы

1976 јылда чаган айдыҥ 1 кӱнинде 18:00 саатта «Биринчи программада ЦТ» «Ирония судьбы, или С лёгким паром» деп фильмныҥ премьера ӧткӧн. Ол кӧрӧӧчилерге тыҥ јараган. Федор Раззаков айтканыла, премьераны 100 миллион кижи кӧргӧн[23]. Улустыҥ кӧп тоолу самараларда сурактаганыла киноны кочкор айдыҥ 7 кӱнинде 1976 «Иронию судьбы, или С лёгким паром» эфирге экинчи такып кӧргӱзилген[24][25][26].

«Советский экран» журналдыҥ кычыраачылары «Иронию судьбы» киноны 1976 јылдыҥ эҥ артык кинозы деп айткан, эҥ артык актёр Андрей Мягков дешкен[27]. 1977 јылда режиссёр Эльдар Рязанов, сценарист Эмиль Брагинский, оператор Владимир Нахабцев, композитор Микаэл Таривердиев ло киноныҥ тӧс актёрлоры Барбара Брыльска ла Андрей Мягков Государственный премия СССР алгандар[28].

Кайралдары

Факттар

Јастыралу кадр
  • Кино баталарда титрларда опечатка-јастыра бар: «исключительно» деп сӧстӧ «л» танык јок. Орфография ла пунктуация бу эрмекте чын.

Совершенно нетипичная история которая могла произойти только и искючительно в новогоднюю ночь

  • Киноныҥ эҥ ле бажында, режиссёрдыҥ шӱӱгениле, совет ӧйдиҥ бир тӱҥей тудумдарын вертолёттоҥ согуп кӧргӱзери болгон. Је картинаныҥ бюджединде мындый съёмка эдери келишпеген, оныҥ учун кӧрӧӧчиге анимацияны кӧргӱскен.
  • Качан Надя кӱрттеҥ Ипполиттиҥ фотозын аларда, ондо Яковлев эмес, а Басилашвили. Бу кадрды ойто соктырарга сананарда, кар кайылып калган[30].
  • Тӧс героиня Надя ӱредӱчи болуп иштейт. Је Ипполитле куучындажып турала ол: «Я забыла одеть праздничное платье» деп айдат. Орус тилдиҥ ээжилери аайынча ол «надеть» деп айдар учурлу.
  • Лукашин Ленинградтӧӧн Домодедово аэропорттоҥ учкан, је совет ӧйдӧ ары рейстер Шереметьево-1 аэропорттоҥ учатан[31]
  • Эльдар Рязанов картинада эпизод ойногон — самолётто пассажир, оныҥ ӱстине эзирик Лукашин јыгылып ла турар[31][32].
  • «Какая гадость эта ваша заливная рыба» ла «О, тёпленькая пошла» — деп эрмектер сценарийде болбогон. Бу Юрий Яковлевтиҥ импровизациязы болгон[31].
  • Москвада 1958 јылдаҥ ала 3-чи улица Строителей деп ором болгон, је оныҥ адын 1963 јылда Улица Марии Ульяновой деп солыган. Ленинградта 3-чи улица Строителей деп ором бологон, је 1955 јылдаҥ 1962 јылга јетире бир ле ӧйдӧ эки Строителей ором болгон, бирӱзи — промзонада Красногвардейский аймак (Санкт-Петербург); эмди ол оромныҥ ады Бокситогорская, экинчизи — Кировский аймакта (Санкт-Петербург), эмдиги Маринесконыҥ оромы (Санкт-Петербург).

Культурада

Не надо объяснять, как важно, чтобы всё окружающее нас несло на себе печать красоты, хорошего вкуса. Олимпийские объекты и некоторые жилые кварталы Москвы, возрождённые жемчужины прошлого и новые архитектурные ансамбли Ленинграда, новостройки Алма-Аты, Вильнюса, Навои, других городов — это наша гордость. И всё же градостроительство в целом нуждается в большей художественной выразительности и разнообразии. Чтобы не получалось, как в истории с героем фильма, который, попав по иронии судьбы в другой город, не сумел там отличить ни дом, ни квартиру от своей собственной. (Оживление в зале. Аплодисменты.)[33]

Критика

Бойыныҥ «Неполадки в русском доме» деп статьязында Сергей Кара-Мурза Рязановты «антисоветскость» деп бурулаган[40].

2018 јылда јаҥар айда јылдыҥ ла «Ирония судьбы» киноны телевидение јаҥар айдыҥ 31 кӱнинде кӧргӱзип турганы јастыра деп Рязань митрополиди Марк айткан[41].

Тӱӱкичи протодиакон Владимир Василик бир канча киноны ширтеп, орус. сиротство и безотцовщина советской интеллигенции эпохи Хрущёва-Брежнева, любовь и предательство, пьянство, метель как образ Судьбы и метафора инфернального веселья на Новый год киноны јамандаган[42].

Уланты

«Иронии судьбы» оноҥ арызын «Ирония судьбы. Продолжение» деп кино 2007 јылда јаҥар айда чыккан, тургуза ла кассовый хит болуп, 55 млн доллар јууп ийген, производственный бюджеди јӱк ле 5 миллион доллар. Кинодо Константин Хабенский ле Елизавета Боярская ойногон[43].

Андрей Мягков съёмкалрда турушкан, је турултазы ого јарабаган[44].

Ајарулар

  1. ↑ http://stopklatka.pl/film/szczesliwego-nowego-roku
  2. ↑ Фильм Ирония судьбы, или С лёгким паром!: смотреть онлайн в хорошем качестве, фото, видео - Вокруг ТВ. (англ.). Вокруг ТВ. Дата обращения: кӱчӱрген айдыҥ 26 кӱни, 2019.
  3. ↑ 1 2 3 4 Ирония судьбы - главный новогодний фильм СССР и России. Рассказываем историю его создания // Правила жизни : журнал. — 2021. — 31 јаҥар ай.
  4. ↑ 1 января исполняется 40 лет со дня премьеры комедии «Ирония судьбы, или С легким паром!» (орус.). ТАСС.
  5. ↑ Frederick Edwin Ian Hamilton, Kaliopa Dimitrovska Andrews, Nataša Pichler-Milanović. Transformation Of Cities In Central And Eastern Europe. — New York: UN University Press, 2005. — С. 159. — ISBN 9280811053 (pbk.).
  6. ↑ Рязанов Э. А. Старики-разбойники. — АСТ, Зебра Е, 2008. — С. 151—232. — 688 с. — ISBN 978-5-17-048780-6. — ISBN 978-5-94663-535-6.
  7. ↑ Александр Мельман. Преображения Жени Лукашина: оказался на обочине, но в глазах надежда. Маленький человек. Московский комсомолец (14 тулаан ай 2023).
  8. ↑ В пьесе, по которой снят фильм, указано имя и отчество мамы Нади — Ольга Николаевна, — а в самом фильме — нет.
  9. ↑ 1 2 Ирония судьбы или С лёгким паром! BoMB033-907 LP на сайте Discogs, аннотация
  10. ↑ 1 2 3 4 Галина Глазко. Необычные факты создания фильма «Ирония судьбы, или С легким паром!» // Спорт-экспресс : сайт. — 2021. — 31 јаҥар ай.
  11. ↑ Павел Соседов. Анна Герман: Почему она любила высоких мужчин? // 7дней.ру : сайт. — 2023. — 2 јаан изӱ ай.
  12. ↑ Музыка из кинофильмов «Ольга Сергеевна», «Ирония судьбы» на сайте Discogs
  13. ↑ Ирония судьбы или С лёгким паром! на сайте Discogs
  14. ↑ Tariverdiev – The Irony Of Fate (Original Score) на сайте Discogs
  15. ↑ «Мне нравится, что вы больны не мной» Цветаевой — любовный треугольник. pishi-stihi.ru. Дата обращения: кӱчӱрген айдыҥ 26 кӱни, 2019. Архивировано кичӱ изӱ айдыҥ 8 кӱни, 2021 јыл.
  16. ↑ 50 культовых пластинок фирмы «Мелодия» | Серебряный Дождь (орус.). web.archive.org. Дата обращения: кӱчӱрген айдыҥ 18 кӱни, 2024.
  17. ↑ 10 интересных фактов о фильме «Ирония судьбы, или С лёгким паром!» // Дом кино : журнал. — 2017. — 25 јаҥар ай.
  18. ↑ Самый новогодний фильм увековечен мемориальной доской. РБК. Дата обращения: кӱчӱрген айдыҥ 18 кӱни, 2024.
  19. ↑ "Ирония судьбы" обзавелась памятными досками на местах съемок. РИА Новости (20071229T1430). Дата обращения: кӱчӱрген айдыҥ 18 кӱни, 2024.
  20. ↑ Вандалы украли памятную табличку, посвященную фильму "Ирония судьбы" – Москва 24, 24.07.2013 (орус.). www.m24.ru. Дата обращения: кӱчӱрген айдыҥ 18 кӱни, 2024.
  21. ↑ Со стены дома, где снимали «Иронию судьбы», украли памятную табличку (орус.). Дата обращения: кӱчӱрген айдыҥ 18 кӱни, 2024.
  22. ↑ Женский портал: 10 актёров, которые могли бы сыграть в «Иронии судьбы, или С лёгким паром!».
  23. ↑ Почти рождественская История Архивная копия от 25 тулаан ай 2013 на Wayback Machine. market.umh.ua.
  24. ↑ 40 лет с «Иронией» - Газета.RU. Газета.RU.
  25. ↑ Ирония судьбы или с легким паром. Рождение легенды - Первый канал на YouTube, начиная с 47:45
  26. ↑ Киностальгия «Ирония судьбы, или с лёгким паром», часть 3 - Пятый канал. Пятый канал. Дата обращения: чаган айдыҥ 2 кӱни, 2020.
  27. ↑ Победители конкурса журнала "Советский экран" // akter.kulichki.com. — 1983. — Ӱлӱрген ай.
  28. ↑ Телефильм "Ирония судьбы, или С легким паром!". Досье - ТАСС. TACC. Дата обращения: кӱчӱрген айдыҥ 18 кӱни, 2024.
  29. ↑ История, рассказанная в "Иронии судьбы, или С легким паром!", реальна. в 60-х годах 31 декабря композитор Никита Богословский решил пошутить: пьяного товарища отвезли на вокзал и с 15 копейками в кармане отправили в Киев (недоступная ссылка). Факты и комментарии (10 чаган ай 2007). Дата обращения: кӱчӱрген айдыҥ 26 кӱни, 2019. Архивировано куран айдыҥ 21 кӱни, 2009 јыл.
  30. ↑ 5 киноляпов в "Иронии Судьбы", которые вы не заметили даже спустя почти 50 лет. Life.ru (23 јаҥар ай 2022). Дата обращения: кӱчӱрген айдыҥ 18 кӱни, 2024.
  31. ↑ 1 2 3 Ирония судьбы, или С легким паром! (ТВ, 1975) (орус.). www.kinopoisk.ru. Дата обращения: кӱчӱрген айдыҥ 18 кӱни, 2024.
  32. ↑ Ирония судьбы, или С легким паром! - «25-й кадр» | Независимый журнал о кино. 25-k.com. Дата обращения: кӱчӱрген айдыҥ 18 кӱни, 2024.
  33. ↑ 26-й съезд КПСС (23 февраля — 3 марта 1981 года): Стенографический отчёт. Т. 1. — М.: Политиздат, 1981. — С. 81.
  34. ↑ Я люблю Новый год (2015) — дата выхода в России и премьеры в мире — Кинопоиск (орус.). Кинопоиск. Дата обращения: кӱчӱрген айдыҥ 18 кӱни, 2024.
  35. ↑ Ӱлекер:IMDb title
  36. ↑ Болливуд снял индийский ремейк "Иронии судьбы". РБК. Дата обращения: кӱчӱрген айдыҥ 18 кӱни, 2024.
  37. ↑ Марюс Вайсберг снимет американскую адаптацию фильма Эльдара Рязанова «Ирония судьбы, или с легким паром!».
  38. ↑ В США снимут англоязычную версию «Иронии судьбы». Режиссер – Марюс Вайсберг.
  39. ↑ Вайсберг показал первый кадр из голливудской «Иронии судьбы».
  40. ↑ Кара-Мурза С. Г., Телегин С. А. Неполадки в русском доме Архивная копия от 23 јаҥар ай 2021 на Wayback Machine. — М.: Алгоритм. — Серия «Горячая линия». — 443 с. — 3000 экз. — ISBN 5-699-09616-7.
  41. ↑ Митрополит Рязанский раскритиковал фильм «Ирония судьбы». Дата обращения: јаҥар айдыҥ 23 кӱни, 2021. Архивировано јаҥар айдыҥ 23 кӱни, 2021 јыл.
  42. ↑ Протодиакон Владимир Василик. О духовном содержании фильма «Ирония судьбы, или С легким паром!» / Православие.Ru. Дата обращения: кӱчӱрген айдыҥ 18 кӱни, 2024.
  43. ↑ Анна ВЕЛИГЖАНИНА. «Ирония судьбы»: Брыльска не хотела целоваться с Яковлевым, а Боярская - с Хабенским // Комсомольская правда : сайт. — 2007. — 27 јаҥар ай.
  44. ↑ Алина Минеева. «Не одобряю»: Андрей Мягков против «Иронии судьбы» // газета.ru : сайт. — 2018. — 25 јаҥар ай.

Литература

Тайантылар

Алган јери - "https://alt.ruwiki.ru/w/index.php?title=Салымныҥ_шоктогоны,_эмезе_Тыныжар_јеҥил_болзын!&oldid=518316"