Россия Федерацияда Jуучыл Ийделердиҥ Тылыныҥ кÿни
| Россия Федерацияда Jуучыл Ийделердиҥ Тылыныҥ кÿни | |
|---|---|
 Тылдыҥ маанызы Россияныҥ Јуучыл Кӱчтериниҥ | |
| Бÿдÿми | Профессионал байрам |
| Öскö | Тылдыҥ ишчилериниҥ кӱни |
| Jöптöлгöн | Россияныҥ Коруныҥ министерствозы 1998 јылда |
| Темдектелет | Россия Федерация |
| Öйи | куран айдыҥ 1-чи кӱни |
| Jыргал | куран айдыҥ 1-чи кӱни |
| Тудуш | СССР-да коруныҥ комиссарыныҥ 0257 темдектӱ «Кызыл Черӱде тылдыҥ Тӧс башкарузын тургузары» деп јакарузыла |
Россия Федерацияда Јуучыл Ийделердиҥ тылыныҥ кӱни (орус. День Тыла Вооруженных Сил Российской Федерации) — Јуучыл Ийделердиҥ тылында черӱчилердиҥ ле черӱчил частьтарда ла подразделениелерде иштеген улустыҥ профессионал байрамы.
Јылдыҥ ла куран айдыҥ 1-чи кӱнинде ӧдӧт. Амыраар кӱн эмес[1].
Тӱӱкизи ле байрамдары
Кору министерствоныҥ 1998 јылдыҥ кӱӱк айдыҥ 7-чи кӱнинде чыккан 225 темдектӱ јакарузы аайынча «Россия Федерацияда Јуучыл Ийделердиҥ Тылыныҥ кӱни» баштапкы катап јӧптӧлгӧн. Эмдиги ӧйдӧ Россия Федерацияныҥ Президентиниҥ 2006 јылдыҥ кӱӱк айдыҥ 31-чи кӱнинде чыккан 549 темдектӱ «Россия Федерацияныҥ Јуучыл Ийделериниҥ профессионал байрамдарын ла эземниҥ кӱнин тургузары» деп јакааны аайынча ӧткӱрет[2].
Байрамды бу кӱнде темдектеери тегин эмес. Россий империяныҥ Улу кааны Пётр I 1700 јылдыҥ кочкор айдыҥ 18-чи кӱнинде «Окольничий Языковко бастыра курсактыҥ кӧмзӧзин башкарзын деп тап береле, оны Провианттыҥ Генералы» деп адаар јакаан чыкканынаҥ бери, тылдыҥ формированиезиниҥ тӱӱкизи башталган, 1941 јылда куран айдыҥ 1-чи кӱнинде Россия Федерацияда Jуучыл Ийделердиҥ Тылыныҥ черӱзи тургузылган. Бу ла ӧйдӧ, СССР-да коруныҥ эл-јондык комиссары С. К. Тимошенконыҥ 0257 темдектӱ «Кызыл Черӱде тылдыҥ Тӧс башкарузын тургузары» деп јакарузын јӧптӧп, И. В. Сталин кол салган. Бу јакару тылдыҥ башкарузыныҥ штабын, кӧӧлӱк јолдыҥ башкарузын ла Кызыл Черӱниҥ тылыныҥ инспекциязыныҥ јаанын, ВОСО-ныҥ ло интендантствоныҥ Тӧс башкарузын, одырула јеткилдеер башкаруны, Санитарный ла Ветеринарный башкаруларды бириктирип, РККА-да тылдыҥ јааны деп јаҥы јамы тургузылган. СССР-да коруныҥ эл-јондык комиссариадыныҥ ордынчызы интендант службаныҥ генерал-лейтенантты А. В. Хрулёв биригӱниҥ башкараачызына тургузылган. Јаҥы биригӱниҥ башкарузы РККА-ныҥ тылын бастыра јанынаҥ јеткилдеер учурлу болгон. Онойдо ок, тылдыҥ јааны деп јаҥы јамы черӱниҥ бастыра фронтторында тургузылган[3].
Россияныҥ Президенти Владимир Путин 2000 јылдыҥ јаан изӱ айдыҥ 29-чы кӱнинде «Јуучыл Ийделердиҥ Тылыныҥ 300-јылдыгы»керегинде деп јакаанында, бичиген: «Тылдыҥ ишчилери черӱни ле флотты јеткилдеринде јаан болужын јетирген, Јуучыл Ийделердиҥ Тылыныҥ ветерандарыныҥ ла личный составыныҥ Ада-Тӧрӧлине јаан нерелӱ кереги учун оныҥ 300-јылдыгын темдектеерин јӧптӧйдим: Јуучыл Ийделердиҥ Тылыныҥ 300- јылдыгын 2000 јылдыҥ куран айдыҥ 1-чи кӱнинде ӧткӱрер»[4].
Балдар СВО-го болужат
Јаш-Тураныҥ волонтерлорыныҥ СВО-го болужы
СВО-го окоптыҥ ӱспекчилери
Астраханныҥ кӧкчилери СВО-го тактический носилкалар кӧктӧйт
Онойдо ок кӧр
Ајарулар
- ↑ День тыла вооруженных сил России — 1 августа. История и особенности праздника в проекте Календарь Праздников 2010
- ↑ Собрание законодательства РФ, 2006, № 23, ст. 2455.
- ↑ День Тыла Вооруженных Сил Российской Федерации / Читать статьи по истории РФ для школьников и студентов на главном историческом портале страны История. РФ
- ↑ 1 августа. РИА Новости (1 куран ай 2006). Дата обращения: куран айдыҥ 13 кӱни, 2010. Архивировано кандык айдыҥ 12 кӱни, 2012 јыл.