Россия Федерацияда јербойында башкарынарыныҥ кÿни
| Россия Федерацияда јербойында башкарынарыныҥ кÿни | |
|---|---|
 Јербойында башкарынарыныҥ кӱнине учурлалган кӧдӱриҥилӱ концерт, Л.А. Русланованыҥ адыла адалган албаты јайаандыгыныҥ Саратовский областа тӧс јерде. 2020 јыл кандык айдыҥ 21-чи кӱни | |
| Учуры | Јербойына башкарынарыныҥ институдыныҥ учурын бийиктедип, демократия ла граждан обществоны тыҥыдары |
| Jöптöлгöн | 2012 јылда кичӱ изӱ айдыҥ 10-чы кӱнинде |
| Темдектелет |
 Россия |
| Öйи | кандык айдыҥ 21-чи кӱни (јылдыҥ ла) |
| Jыргал | концерттер ле кӧдӱриҥилӱ јуундар |
Россия Федерацияда јербойында башкарынарыныҥ кÿни (орус. День местного самоуправления РФ) — јылдыҥ ла кандык айдыҥ 21-чи кӱнинде темдектелет. Байрам РФ Президентиниҥ 2012 јылда чыккан јакааны аайынча тургузылган, јербойында башкарынарыныҥ институдыныҥ учурын бийиктедери ле тергеени тыҥыдары аайынча иште туружары[1].
Тӱӱкизи
Кандык айдыҥ 21-чи кӱни тегиндӱ алынбаган – шак ла бу кӱнде 1785 јылда императрица Екатерина II "Жалованная грамота городам" деп јасакка кол салган, мынаҥ ары россий јасакберимде јербойында башкарынары ӧзӱм алынган.
Јербойында башкарынары эмдиги ӧйдӧ обществоныҥ јаан учурлу институттары болуп јат. Бу јаҥныҥ албатыга јуук ла деген бӧлӱги. Јербойында башкарынар органдар граждандардыҥ тегин јӱрӱмдеги сурактары аайынча иштейт: јерлерин јазаар ла јаранырар, инфраструктураны ӧскӱрер, жилищно-коммунальный сферада иштеери, транспорттыҥ ижин кичеери, культура ла ӱредӱликтиҥ учреждениелериниҥ ижин јӧмӧӧри.
Эмдиги Россияда Јербойында башкарынарыныҥ тап-эриктери РФ Конституциязында ла "Об общих принципах организации местного самоуправления в Российской Федерации" деп Федерал јасакта №131-ФЗ берилген. Бу документтер аайынча, Јербойында башкарынары эл-јон таҥынаҥ муниципал ээлемле тузаланарын јеткилдейт.
Байрамдаары
РФ субъекттериниҥ губернаторлоры Муниципал тӧзӧлмӧлӧрдиҥ Советтерин байрамла уткыйт[2].
Јербойында башкарынарыныҥ кÿнине учурлай бастыра ороондо кӱдӱриҥилӱ јуундар, байрамдык концерттер ӧдӧт, эҥ артык муниципал ишчилерди кайралдайт. Тегерик столдор, семинарлар ла форумдарда јербойында башкарынарыныҥ курч сурактарын шӱӱжедилер, ченемелле ӱлежедилер[3].
Ајарулар
- ↑ 21 апреля в России отмечается День местного самоуправления. Комитет по печати Ленинградской области (21 апреля 2017). Дата обращения: кандык айдыҥ 15 кӱни, 2024.
- ↑ 21 апреля отмечается день органов местного самоуправления (21 апреля 2022). Дата обращения: кандык айдыҥ 15 кӱни, 2024.
- ↑ Концерт ко Дню местного самоуправления. Официальный сайт ГАУК "Саратовский областной центр народного творчества имени Л.А. Руслановой". Дата обращения: кандык айдыҥ 15 кӱни, 2024.