Марчина, Тана Бегиновна
| Тана Бегиновна Марчина | |||||||
|---|---|---|---|---|---|---|---|
| орус. Тана Бегиновна Марчина | |||||||
| Чыккан ӧйи | 1916 | ||||||
| Чыккан јери | Кеҥи јурт | ||||||
| Божогон ӧйи | 1993 јыл сыгын айдыҥ 5-чи кӱни | ||||||
| Божогон јери | Кеҥи јурт | ||||||
| Кайралдары ла премиялары |
|
||||||
Тана Бегиновна Марчина (1916 јыл Кеҥи јурт — 1993 јыл сыгын айдыҥ 5-чи кӱни ондо ло) — «Кеҥи» совхозтыҥ койчызы Оҥдой аймакта, Горно-Алтайский автоном областьта. Социалистический Иштиҥ Геройы (1966). СССР-дыҥ Ӱстӱги Совединиҥ 5-чи созывыныҥ депутады.
Биографиязы
1929 јылдаҥ ала — «Кызыл Чолмон» колхозтыҥ койчызы, 1932 јылдаҥ ала — койчы, Оҥдой аймакта «Кеҥи» совхозто койчылардыҥ јааны. 1941 јылда Оҥдой аймактыҥ эҥ артык койчызы деп ат адалган. 1945 јылда ВКП(б)-га кирген. 1947 јылда ижинде бийик једимдери учун, Иштиҥ Кызыл Маанызыныҥ ордениле кайралдаткан.
1950 јылдардыҥ бажынаҥ ала јылдыҥ ла кажы ла јӱс койдоҥ 100—120 кураан алып баштаган. 1965 јылда јӱс койдоҥ 124 кураан алган. СССР-дыҥ Ӱстӱги Совединиҥ Президиумыныҥ 1966 јылда тулаан айдыҥ 22-чи кӱнинде чыккан јакааныла, «мал-аш ӧскӱреринде, эт, сӱт, јымыртка, тӱк ле ӧскӧдӧ продукцияны кӧптӧдӧринде јаан једимдерге јеткени учун» Социалистический Иштиҥ Геройы деп ат адалып, Ленинниҥ ордени ле «Серп и Молот» деп алтын медаль берилген.
Кой ӧскӱрер јозокту школдыҥ јааны болгон, јиит койчыларды ишке ӱреткен. СССР-дыҥ Ӱстӱги Совединиҥ 5-чи созывыныҥ депутады (1958—1962), КПСС-тыҥ Оҥдойдо райкомыныҥ турчызы .
Бастыра койчы болгон јылдарга 30 муҥ кураан корып чыдаткан ла 1200 центнер тӱк табыштырган. 1980 јылдарда пенсияга чыккан. 1993 јылда Кеҥи јуртта божогон.
Кайралдары:
- Социалистический Иштиҥ Геройы;
- Ленинниҥ ордени;
- Иштиҥ Кызыл Маанызыныҥ ордени (1947 јыл кичӱ изӱ айдыҥ 14-чи кӱни);
- Октябрь Революцияныҥ ордени (1971 јыл кандык айдыҥ 8-чи кӱни);
- Тоомјызын кереестеген орден — эки катап.
Тайантылар
- Кудрявцев Фёдор Петрович (орус.). Сайт «Герои страны».
- Марчина Тана Бегиновна, «Путь длиною в 100 лет» — Герои Социалистического Труда