Кыдат Јаҥы јыл 2025
Кыдат Јаҥы јыл 2025 | |
---|---|
![]() | |
Öскö | Ай кӱнтизӱле Јаҥы јыл |
Учуры | Јаҥы јылдык периодтыҥ башталганы |
Jаҥжыгулар | Јаҥыјылдык ла рождествоныҥ јарымкалары, тураларды ла калаларды јарандырары, чибилер кееркедер |
Тудуш | Кыдат кӱнтизӱле , Јаҥы 2025 јылла, Кыдат зодиак, Кыдат Јаҥы јылла |
Кыдат Јаҥы јыл 2025 (орус. Китайский Новый год 2025) — байрам, кышкы ай јаҥырганына келиштирген, кышкы солнцестояние кийнинеҥ (јаҥар айдыҥ 21 кӱниниҥ кийнинде экинчи јаҥырган ай). Григориан кӱнтизӱде чаган айдыҥ 21 кӱни ле кочкор айдыҥ 21 кӱниниҥ ортозында кӱнге келижип јат.
Кыдат гороскопло, кажы ла јыл он эки тындуныҥ бирӱзи ле беш стихияныҥ бирӱзинеҥ кааанду болот: от, јер, темир, суу эмезе агаш[1].
2025 јыл, кыдат кӱнтизӱ аайынча, Агаш јажыл јыланныҥ јылы болуп јат. Ол 2025 јылда чаган айдыҥ 29 кӱнинде башталып, 2026 јылдыҥ кочкор айыныҥ 16 кӱнине јетире уулалып јат. Бу јыл Кӱнчыгыш гороскопто он эки циклдыҥ алтынчы јылы болуп јат.
Тӱӱкизи
Јаҥы јылды байрамдаары кыдат јеринде канча чактар кайра башталган. Кыдат Ай кӱнтизӱде бу јаан учурлу ла узун байрам. Чике датазы јок. Кышкы солнцестояние кийнинеҥ ай экинчи јаҥырза јыл башталат, оныҥ учун байрамныҥ кӱни чаган айдыҥ 21 кӱнинеҥ ала кочкор айдыҥ 21 кӱнине јетире болот.
Кыдат зодиактыҥ 12 темдеги — 12 јылдаҥ турган цикл, мында кажы ла јылга бойыныҥ тындузы келижет. Кыдат гороскопто чычкан, уй, бар, койон, улуу, јылан, ат, кой, мечин, такаа, ийт, какай.
Кажы ла кыдат кижи бойыныҥ тӧрӧӧндӧри ле нӧкӧрлӧриниҥ зодиагыныҥ знактарын билер[2].
Кыдат культурада Кыдат Јаҥы јыл јаҥыс ла јаҥжыккан байрам, амыраар ӧй эмес, бу тереҥ социокультуралык учурлу байрам. Ай кӱнтизӱде Кыдат Јаҥы јыл ол — биле јуулып, ада-энени, тӧрӧӧн-тууганын кӱндӱлеп, тоогонын улалтары[3].
Агаш јажыл јылан јылдыҥ темдектери
2025 јыл Агаш јажыл јылан јыл деп чотолот — амыр, шыраҥкай ла немени ӧткӱре кӧрӱп турар, солынталарга тӱрген ӱрене берер деп айдылган[4]. Кара сагыш, калју кылык јок, экијӱстенбес знак. Агаш — ӧзӧр, јаҥырар темдек, бу јылдыҥ стихиязы.
Кӱнчыгыш культурада јылан — јакшы кылыкту тынду деп чотолот. Јӱрӱмге сӱӱнер, тегин ле айалганаҥ сӱӱнер неме табар. Чын јӱрӱмде јылан јеткерлӱ де болор, је, ол табарзын деп, оны тыҥыда ачындырар керек[5].
Агаш јажыл јыланныҥ јылында чыккан улус неме билер, ӱкӱстебес, тӧп шӱӱлтелӱ улус болот. Бу знакта чыккандар тыҥыда иштенер, амбицияларлу, јаан јамыда турар, лидерлер болот. Мындый «јыландар» чала туйук, чыгара айдынбас, тӱнтӱр улус болот[6].
Ӧскӧ знактарга камааны
Кыдат зодиак аайынча кажы ла знак беш классту (агаш, от, јер, металл, суу).
Бу теория аайынча, Јыланныҥ знагы Јыланла, Такаала уйла јакшы колбуда. Онойдо ок Улуу, Обезьян, Крыса, Ийт, Бар, Ат, Койон ло Кой јылла колбулу болор. Јаҥыс ла Чочколо јарашпайт.
Бу Јылан јыл, Такаа, Улуу, Јылан јылда чыккандарга сӱреен јарамыкту јыл болор. Олор бойыныҥ таланттарын ачып, карьерада бийик ӧзӧр, финансовый айалгазы оҥдолор. Јайаандык ла интеллектуал иштӱ улуска база јакшы јыл[7].
Јаҥжыгулар
Кыдат јеринде Јаҥы јылла тудуш кӧп јаҥжыгулар ла суевериелер бар. Јебрен кыдат јаҥжыгу аайынча Јаҥы јылдыҥ алдында бастыра айылда иш эдилип калар учурлу. Айыл ичин арутаза, эжиктеҥ баштап, айылдыҥ ортозында божодор, оноҥ, тудунар кабынарды иргееге, кӧрӱнбес јерге јажыра салар.
Кыдатта бастыра јерде кӧп сабазы кызыл ӧҥ — сӱӱнчиниҥ ле кӱнниҥ ӧҥи.
Јаҥы јылдыҥ алдында эжиктиҥ ӱстине беш узун чӧйбӧк чаазын илер, ондо ырыстыҥ беш бӱдӱми («пять видов счастья»): једим, кӱндӱ, катан болоры, байлык ла сӱӱнчи[8].
Јаҥы јылдыҥ алдында Кыдат јеринде, јаҥжыккан аайынча, табыш чыгарар керек. Соојында айдылат айлы јок «кара неме» (орус. злые духи), айлынаҥ сӱрдӱрип, бир јылга јаманын јетирер.
Тӧс атрибуттардыҥ бирӱзи Јаҥы јылда декоративный фонарь-јарыткыштар. Анчада суруда тӧрт лӧ алты толыкту јарыткыштар. Кыдатта чибиниҥ ордына чечектеҥ гирляндалар ла фонариктер Јарыктыҥ агажын (орус. Дерево Света) јарандырат.
Јаҥы јылдыҥ алдында тӱн Кыдат јеринде «узак кӧрӱшпегендердиҥ туштажузы» (орус. «ночь встречи после разлуки»), бу байрамды јаҥыс ла бойыныҥ билезиле уткыыр. Биледе улус бой-бойына ачынганын чечилтер[3].
Кыдатта байрамдык кӱндӱӱге јаан ајару эдилет, остолды айландыра бастыра биле јуулат. Билениҥ келбегендерине отурар јер артырат.
Јаҥы јылды канай ӧткӱрериҥ, јыл оной ло ӧдӧр деп айдыжат. Јаҥыјылдык кӱндӱӱде такааныҥ эдинеҥ эткен курсак, балык ла «доуфу» — соевый творог болор учурлу. Кыдат тилде бу курсактардыҥ ады ырыс ла јеткил-бӱткӱл дегенине тӱҥей угулат («счастье» и «достаток»).
Байрамдык кӱндӱӱниҥ кийнинеҥ јаан улус кичинектерине кызыл конвертте акча ӱлейт («деньги счастья»). Бастыра јылга ырыс ла кенейте кирелте келери. Оныҥ кийнинеҥ уйуктаарга јарабас, ырызын ычкынбаска.
Кыдат јеринде сыйлар берип јадылар, је час сыйлаарга јарабас, анчада јаанай берген улуска, эмезе бала јок улуска балдардыҥ немезин сыйлаарга јарабас. Айылчылар сыйларын јанар алдында берет, эмезе тегин ле артырала јӱре берет[9].
Јуруктардыҥ кӧмзӧзи
Јылан јылда чыккан јарлу улус
- Одри Хепбёрн,
- Андрей Миронов,
- Том Харди,
- Дмитрий Медведев,
- Канье Уэст,
- Джоан Роулинг,
- Дэниел Рэдклифф,
- Тейлор Свифт,
- Александр Масляков,
- Боб Дилан,
- Ким Чен Ир,
- Чарльз Дарвин,
- Пабло Пикассо,
- Авраам Линкольн,
- Грета Гарбо,
- Мухаммед Али,
- Индира Ганди,
- Людмила Зыкина,
- Александра Пахмутова,
- Махатма Ганди,
- Джон Кеннеди,
- Кристиан Диор,
- Франс Шуберт,
- Анри Матисс,
- Гюстав Флобер,
- Эдгар Аллан По,
- Грета Гарбо,
- Николай Коперник,
- Аристотель Онассис,
- Джакомо Казанова.
Ајарулар
- ↑ Как встречать 2025 год, чтобы год был хорошим . Мой Санта (13 ӱлӱрген ай 2024). Дата обращения: кӱчӱрген айдыҥ 13 кӱни, 2024.
- ↑ Цзя Хуэйминь. Лунный календарь и знаки зодиака в повседневной культуре Китая . cyberleninka.ru. Манускрипт (2016). Дата обращения: кӱчӱрген айдыҥ 13 кӱни, 2024.
- ↑ 3,0 3,1 Цзя Хуэйминь. Китайские новогодние праздники по лунному календарю в повседневной культуре современного Китая . cyberleninka.ru. Общество: философия, история, культура (2016). Дата обращения: кӱчӱрген айдыҥ 13 кӱни, 2024.
- ↑ Козлова, Екатерина Принесет удачу: каким будет 2025 год Зеленой Деревянной Змеи . Пятый канал (9 кӱчӱрген ай 2024). Дата обращения: кӱчӱрген айдыҥ 13 кӱни, 2024.
- ↑ Зеленая деревянная змея - символ 2025 года: что важно знать о главном символе . КП.ру. Дата обращения: кӱчӱрген айдыҥ 13 кӱни, 2024.
- ↑ Комарова, Валентина Зеленая деревянная змея — символ 2025 года: что означает, характеристика символа, когда наступает, каким будет и как правильно встречать . Гороскопы Mail (30 куран ай 2024). Дата обращения: кӱчӱрген айдыҥ 13 кӱни, 2024.
- ↑ Екатерина Стрелкова. Как встретить год Змеи 2025: что приготовить, во что нарядиться - Zoon.ru (ја. эм.). zoon.ru. Дата обращения: кӱчӱрген айдыҥ 13 кӱни, 2024.
- ↑ Евгения Григорьевна Белая. Новый год в Китае, Корее, Японии и России . cyberleninka.ru. Россия и АТР (2005). Дата обращения: кӱчӱрген айдыҥ 13 кӱни, 2024.
- ↑ История и традиции празднования Китайского Нового года . РИА Новости (31 чаган ай 2014). Дата обращения: кӱчӱрген айдыҥ 13 кӱни, 2024.
Тайантылар
- Календарь на 2025 год – Китай
- Календарь 2025 года по месяцам – эпоха деревянной Змеи: скачать, распечатать
![]() |
Бу материалдыҥ ээзи АНО «Интернет-энциклопедия «РУВИКИ» болуп јат. Бу материалды ӧскӧ сайттарда тузаланарга АНО «Интернет-энциклопедия «РУВИКИ»ниҥ јӧби керек. |