Климкин, Дмитрий Фёдорович
| Дмитрий Фёдорович Климкин | |||||||
|---|---|---|---|---|---|---|---|
 | |||||||
| Чыккан ӧйи | 1910 јыл | ||||||
| Чыккан јери | Дубёнки јурт (Мордовия) | ||||||
| Божогон ӧйи | 1968 јыл | ||||||
| Кайралдары ла премиялары |
|
||||||
Дмитрий Фёдорович Климкин (1910 јыл, Дубёнки јурт — 1968 јыл — Кировтыҥ адыла адалган колхозтыҥ звеньевойы Майма аймактыҥ, Горно-Алтайский автоном областыҥ. Социалистический Иштиҥ Геройы (1949).
Климкин Дмитрий Федорович (1910—1968) – Майма аймакта Кировтыҥ адыла адалган колхозтыҥ јарлу звеньевойы. Туулу Алтайда баштапкы Социалистический Иштиҥ Геройы (1949 јыл).
Биографиязы
1910 јылда Дубёнки јуртта крестьян биледе чыккан (Эмдиги Мордовияныҥ јери).
Јурт ээлемде эне-адазына болужып, он јаштуда иштеп баштаган. 1925 јылда билезиле Алтайга кӧчкӧн.
1928 јылдаҥ ала Майма аймакта «Горный партизан» колхозто иштеген.
1932 јылдаҥ ала 1935 јылга јетире Ыраак Кӱнчыгышта Кызыл Черӱде срочный служба ӧткӧн. Армияныҥ кийнинде Майма аймакта «Кызыл партизан» деп иштиҥ артелинде иштеп, оныҥ председателине тургузылган. Кийнинде чотоводтордыҥ ӱредӱзин божодоло, Майма аймакта Кировтыҥ адыла адалган колхозто чотовод болуп иштеген[1].
Совет-фин ле Ада-Тӧрӧл учун Улу јууда турушкан. Јууны Берлинде божоткон. Јууныҥ кийнинде Туулу Алтайга јанып келеле, Майма аймакта Кировтыҥ адыла адалган колхозто полевод звеноныҥ звеньевойы болуп иштеген. КПСС-тыҥ турчызы.
1949 јылда Дмитрий Климкинниҥ звенозы аш јуурында јаан једимдерге јеткен. СССР-дыҥ Ӱстӱги Совединиҥ Президиумыныҥ 1949 јылдыҥ кӱӱк айдыҥ 20-чи кӱнинде чыккан јакааныла«1948 јылда буудайдыҥ, тату свекла ла картошконыҥ бийик тӱжӱмин алган учун» Социалистический Иштиҥ Геройы деп ат адалып, Ленинниҥ ордены ле «Серп и Молот» деп алтын медаль берилген.
Кийнинде бугул тарткан, агаш белетеген. Эл-јондык судтыҥ турчызы ла Майма аймакта КПСС-тыҥ комитединиҥ ревизион комиссиязында иштеген.
1968 јылда божогон.
Кайралдары:
- Социалистический Иштиҥ Геройы;
- Ленинниҥ ордени;
- Нерениҥ 3 тектелӱ ордени (1945 јыл кӱӱк айдыҥ 16-чы кӱни );
- «Јуучыл јалтанбазы учун» медаль — эки катап (1944 јыл куран айдыҥ 13-чи кӱни; 1944 јыл ӱлӱрген айдыҥ 24-чи кӱни)
- «Јуучыл нерези учун» медаль (1945 јыл кочкор айдыҥ 21-чи кӱни)
Ајарулар
- ↑ Климкин Дмитрий Фёдорович, «Путь длиною в 100 лет» — Герои Социалистического Труда. Дата обращения: куран айдыҥ 8 кӱни, 2020. Архивировано јаан изӱ айдыҥ 3 кӱни, 2020 јыл.
Статьялар
- Алтайская правда, 6 августа 1948 г. Алтайская правда, 4 января, 2 апреля, 6 августа 1950 г.
- Герои Социалистического Труда. Горно-Алтайск, 1966, 42 с.
Тайантылар
- Климкин Дмитрий Фёдорович (орус.). Сайт «Герои страны».
- Климкин Дмитрий Фёдорович, «Путь длиною в 100 лет» — Герои Социалистического Труда Архивная копия от 3 јаан изӱ ай 2020 на Wayback Machine