Балдардыҥ бичик картазы

Балдардыҥ бичик картазы
орус. *Детская книжная карта*
Балдардыҥ бичик картазы; орус. Детская книжная карта
Башталган дата	2026 јыл
Јери	Россия
Шылтагы	школго јеткелек балдар ӱредер тергеелик программа
Туружаачылар	3 јаштаҥ 6 јашка јетире балдар

Балдардыҥ бичик картазы (орус. Детская книжная карта) — школго јеткелек балдардыҥ ӱредӱлик тергеелик программазы, 2025 јылда кичӱ изӱ айдыҥ 5-чи кӱнинде Россияныҥ президенти Владимир Путин орус тил ле Россияныҥ калыктарыныҥ тилдерин јӧмӧӧр тергеелик политиканы бӱдӱрер совединде тургускан^[1]. 2026 јылдаҥ ала башталар^[2]. Картаныҥ номиналы 3 муҥ салковой, оны 3-јаштаҥ ала 6-ты јашка јеткен балдарга берер^[3]. Бу картала экспертный бирлик јӧптӧгӧн 10 бичик аларга једер^[4].

Тӱӱкизи

2025 јылда кичӱ изӱ айдыҥ 5-чи кӱнинде Россияныҥ президенти Владимир Путин орус тил ле Россияныҥ калыктарыныҥ тилдерин јӧмӧӧр тергеелик политиканы бӱдӱрер совединде «Пушкинниҥ картазына» тӱҥей «Балдардыҥ бичик картазын» јӧптӧӧр деп айткан^[1]. Тергеениҥ башкараачызы айтканыла, оныҥ номиналы 3 муҥ салковой болор керек, ӱч јаштаҥ ала алты јашка јеткен балдарга бичик аларга берер. Бичиктерди литераторлор, психологтор ло школго јеткелек балдарды ӱредер специалисттер јараткан кийнинде^[3]. Бичиктердиҥ баазы кеминеҥ бийик болбос керек, ол 10 бичик садып аларга једер керек^[1].

Владимир Путин тилдер јӧмӧӧр советте

Владимир Путин:

Бичик — ол балдарды јакшы кылык-јаҥга ӱредеринде, тазыктырарында ла билениҥ јаҥжыгуларында јаан учурын јетирет. Бичик балдардыҥ јӱрӱминде јаан телекейге, классикалык литературага, оныҥ байлыгына јол ачат, бичик кажы ла балада болор керек.

Баштаары

Балдардыҥ бичик картазын 2026 јылдаҥ ала чыгарар деп тургузылган^[2]. Презитентиҥ болушчызы Елена Ямпольская, бу программа регионал бичикбасмаларды тазыктырарына болужын јетирер деп айткан^[1]. Ол картаны «Алтын тӱлкӱӱр» деп адаар керек деп, база бир вариант тургускан^[1].

Елена Ямпольская орус тилди јӧмӧӧр советтиҥ јуунында

Елена Ямпольская:

Бу картага «Алтын тӱлкӱӱр» деп ат адаактар деп айдар кӱӱним бар. Алтын тӱлкӱӱр балага телекейлик литератураныҥ эжигин ачар.

Балдар алар

Программа 7-8 миллион балдарга тургузылган, 3 јаштаҥ ала 6 јашка јеткен балдарга^[5].

Ајарулар

↑ ¹ ² ³ ⁴ ⁵ Заседание Совета по реализации госполитики в сфере поддержки русского языка и языков народов России (ја. эм.). Президент России (05.06.2025). Дата обращения: кичӱ изӱ айдыҥ 5 кӱни, 2025.
↑ ¹ ² Три тысячи на книжки. Путин предложил с 2026 года выдавать дошкольникам детскую книжную карту (ја. эм.). Фонтанка.ру (05.06.2025). Дата обращения: кичӱ изӱ айдыҥ 6 кӱни, 2025.
↑ ¹ ² Путин предложил запустить программу "Детская книжная карта" - Российская газета (ја. эм.). Российская газета (5 кичӱ изӱ ай 2025). Дата обращения: кичӱ изӱ айдыҥ 6 кӱни, 2025.
↑ Путин предложил выпустить «детскую карту» на ₽3 тыс. для покупки книг (ја. эм.). РБК (05.06.2025). Дата обращения: кичӱ изӱ айдыҥ 6 кӱни, 2025.
↑ Дети в России (ја. эм.). Федеральная служба государственной статистики (01.06.2024). Дата обращения: кичӱ изӱ айдыҥ 6 кӱни, 2025.

[:0-1] ¹ ² ³ ⁴ ⁵ Заседание Совета по реализации госполитики в сфере поддержки русского языка и языков народов России (ја. эм.). Президент России (05.06.2025). Дата обращения: кичӱ изӱ айдыҥ 5 кӱни, 2025.

[:2-2] ¹ ² Три тысячи на книжки. Путин предложил с 2026 года выдавать дошкольникам детскую книжную карту (ја. эм.). Фонтанка.ру (05.06.2025). Дата обращения: кичӱ изӱ айдыҥ 6 кӱни, 2025.

[:1-3] ¹ ² Путин предложил запустить программу "Детская книжная карта" - Российская газета (ја. эм.). Российская газета (5 кичӱ изӱ ай 2025). Дата обращения: кичӱ изӱ айдыҥ 6 кӱни, 2025.

[4] Путин предложил выпустить «детскую карту» на ₽3 тыс. для покупки книг (ја. эм.). РБК (05.06.2025). Дата обращения: кичӱ изӱ айдыҥ 6 кӱни, 2025.

[5] Дети в России (ја. эм.). Федеральная служба государственной статистики (01.06.2024). Дата обращения: кичӱ изӱ айдыҥ 6 кӱни, 2025.

[1]

[2]

[3]

[4]

[5]