Анкалаев, Магомед Алибулатович

Рувики сайттаҥ
Боец смешанного стиля
Магомед Анкалаев
Магомед Анкалаев 2024.jpg
Текши јетирӱ
Толо ады Магомед Алибулатович Анкалаев
Ороон
Чыккан ӧйи 1992 јыл, кичӱ изӱ айдыҥ 2 кӱни(0006-02-1992) (34 јаш)
Чыккан јери
Сыны 190 см
Бескези Јарым-уур беске
Чӧйилген колдорыныҥ узуны (размах) 190 см
Карьеразы 2014–н. в.
Команда «Горец» јуучыл клуб
Таскадаачызы Сухраб Магомедов
Маары Јуучыл самбо, ММА
Узыныҥ кеми Јуучыл самболо МС
ММА-ла МСМК
Колынган кӱрештер
Тартыжулар 24
Јеҥӱлер 21
 • нокаутла 11
 • јӧбиле 10
Јеҥдирткен 1
 • сдачала 1
орток 1
Ӧткӱрилбеген  1
Статистика боёв на сайте Sherdog
Логотип РУВИКИ.Медиа Медиафайлы на РУВИКИ.Медиа

Магоме́д Алибула́тович Анкала́ев (1992 јыл кичӱ изӱ айдыҥ 2-чи кӱни,Телетль јурт, Шамиль аймак, Дагестан) — россий ээжилери колынган спорттыҥ туружаачызы, јарым-уур категорияныҥ спортчызы. UFC-тыҥ јарым-уур бескеде эмдиги ӧйдиҥ чемпионы.

2014 јылдаҥ ала профессионал маргаандарда туружат. UFC, WFCA, Oplot Challenge ле оноҥдо ӧскӧ организациялардыҥ маргаандарында турушкан. Јарым-уур бескеде WFCA чемпионыныҥ титулын ээленген. Онойдо ок јуучыл самбодо ло любительский ММА-да јаан једимдери бар, телекейлик чемпион, Россияныҥ калыктар ортодо спорттыҥ узы.

Биографиязы

Магомед Анкалаев 1992 јылда кичӱ изӱ айдыҥ 2-чи кӱнинде,Телетль јуртта, Шамиль аймакта чыккан. Угы-тӧзи — авар.

Анкалаев кичинек болордо спортто јайым кӱрешле јилбиркеген[1].

Любительский спортто

Дагестаныҥ тергеелик университединиҥ физический культура ла спортыҥ факультединде ӱренип турарда, бир јыл греко-рим кӱрешке јӱрген, оноҥ јуучыл самбого јӱрип, спортыҥ узы деп ат алган[2].

ММА-да любительдердиҥ кеминде — бу спортто бойын ченеп кӧрӧр деп шӱӱген, јуучыл самбого тӱҥей учун. Любительдердиҥ ортозында Россияныҥ ла ММА-ныҥ телекейлик чемпионы, Россияда ММА-ныҥ бирлиги оны 2015 јылдыҥ эҥ артык кӱрешчи деп адаган. Ээжилери колынган спортто нерелӱ керектери учун «Россияда калыктар ортодо спортыҥ узы» деп кӱндӱлӱ ат берилген.[3][4][5].

«Горец» деп махачкалык клубта Шамиль Алибатыров ло Сухраб Магомедов тренерлер тазыктырып баштаган.

Профессионал ӧзӱм башталганы

2014 јылда чаган айда ээжилери колынган спортто профессионал кеминде Oplot Challenge маргаанда Василий Бабичле тартышкан, јеҥӱни јаргычылар кӧп сабазы ӱнле берген[6].

2016—2017 јылдарда јаан чечен World Fighting Championship Akhmat организация учун тартышкан, мында ол бастыра јаба беш катап јеҥӱ алган, ол тоодо јарым-уур бескениҥ категориязында Максим Гришинле согужала, оны техникалык нокаутла јеҥип, чемпионыҥ титулын алган. Кийнинде бразилец Вагнер Прадуны нокаутла јеҥип, алдында алган чемпионныҥ курын корып алган[7].

Ultimate Fighting Championship

Анкалаевтиҥ послужной тизиминде бир де катап јеҥдиртпей алган он јеҥӱ, оныҥ учун телекейлик эҥ јаан согуштыҥ организациязы Ultimate Fighting Championship Анкалаевка ајару эткен ле 2017 јылда ӱлӱрген айда ол оныла узак ӧйгӧ контракт тургускан[8]. 2018 јылда тулаан айда UFC-тыҥ октагонында дебютировать эдип, Лондондо маргаанда шотландец Пол Крейгле тартышкан, согуш болуп турарда ол улайына бӱдӱмјилӱ согушкан, стойка ла партерде јакшы болгон, је ӱчинчи раундтыҥ учында «ӱч толыкка» кирип тутурткан, согуштыҥ учына јетире бир ле секунд артарда јеҥдирткен, ол профессионал ӧзӱминде баштапкы катап јеҥдирткен[9].

2018 јылда сыгын айда Москвада болгон маргаанда поляк Марцин Прахнёни нокаутла јеҥип алган, эҥ јакшы тартыжу учун ого бонус берилген[10].

2019 јылда кочкор айда Чехияда маргаанда Анкалаев серб Дарко Стошичле туштажар керек болгон, је серб бертиктеҥ улам туштажуга чыкпаган, оныҥ ордына бразилец Клидсон Абреу тартышкан. Туштажу ӱч раунд болгон, бу ӱч раундтыҥ турултазыла јаргычылар јеҥӱни Анкалаевке берген[11].

UFC Fight Night: Хант vs. Олейник маргаанда, 2018 јыл

2020 јылда кочкор айдыҥ 28-чи кӱнинде UFC Fight Night 169 шоуда Анкалаев октагондо Ион Куцелабала тартышкан. Магомед согушты јалтанбай баштаган, 38-чи секундта јаргычылар согушты токтоткон, Анкалаевке јеҥӱни техникалык нокаутла берген[12]. Бу јеҥӱ Анкалаевтиҥ ӧзӱминде эҥ ле табышту болгон, јаргычылар бу тартыжуны бир де шылтак јогынаҥ токтоткон, Куцелаба согуштыҥ учына јетире согужарга сананган[13].

2020 јылда ӱлӱрген айдыҥ 24-чи кӱнинде UFC 254-тӧ Ион Куцелабала реванш болгон. Анкалаев база катап баштапкы раундтыҥ учында Куцелабаны јеҥип, бежинчи јеҥӱ алган[14].

2021 јылда кочкор айдыҥ 27-чи кӱнинде UFC Fight Night 186-да Никита Крыловло тартышкан, јӧбиле јеҥӱ берген[15]. Ӱлӱрген айдыҥ 30-чы кӱнинде UFC 267-де Волкан Оздемирле тартыжала, јеҥӱ алган.

2022 јылда тулаан айдыҥ 12-чи кӱнинде UFC Fight Night 203-те Тиагу Сантусты јеҥип алган. Јаан изӱ айдыҥ 30-чы кӱнинде UFC 277-де Энтони Смитты нокаутла јеҥген.

UFC 277 маргаанда, 2022 јыл

2022 јылда јаҥар айдыҥ 10-чы кӱнинде UFC 282-де Лас-Вегаста Ян Блаховичле тушташкан, туштажу ортокло божогон[16].

2023 јылда ӱлӱрген айда UFC 294-тӧ Магомед Анкалаев ле Джонни Уокердиҥ ортозында баштапкы согуш ӧткӧн. Согуштыҥ 4-чи минудында Анкалаев јарабас согулта эткен, тизезиле Уокердиҥ бажына соккон, бу согултаныҥ кийнинде согуш токтодылган[17].

2024 јылда чаган айдыҥ 13-чи кӱнинде США-да UFC Fight Night 234-тӧ Джонни Уокерле экинчи катап согушкан, 2-чи раундта нокаутла јеҥӱ алган[18].

Куран айдыҥ 21-чи кӱнинде пресс-конференцияда UFC-тыҥ јааны Дэйна Уайт Анкалаевке австриец Александр Ракичти јеҥип алза, чемпионныҥ титулын берерим деп сӧзин берген. 2024 јылда ӱлӱрген айдыҥ 26-чы кӱнинде UFC 308-тиҥ маргаанында, јаргычылар Анкалаевке јеҥӱни јаҥыс ӱнле берген[19].

UFC 313. Алекс Перейрала титульный согуш

2025 јылда тулаан айдыҥ 9-чы кӱнинде UFC 313-тиҥ маргаанында Алекс Перейра — Магомед Анкалаев туштажу ӧткӧн. Согуш беш раунд болгон. Јаргычылар јӧбиле россиянинге јеҥӱ берген ле Анкалаевке UFC-тыҥ јарым-уур бескезинде јаҥы (20-чи) чемпионы деп ат адалган[20]. Кийнинде Магомед UFC-тыҥ рейтингинде бескениҥ камааны јогынаҥ алтынчы јер алган[21].

Магомеда Анкалаев Алекс Перейраны јеҥген деп Марк Годдард јарлайт

Алкы бойыныҥ јӱрӱми

Магомед Анкалаев бойыныҥ јӱрӱми керегинде кӧп куучындабай јат. Социал сетьтерде маргаандардыҥ ла тазыктыруныҥ јуруктарын чыгарат.

Спортсмен тазыктырулардаҥ улам кӧп ӧйди Лас-Вегаста ӧткӱрет. Улайына Дагестанда јуртайт.

Кайралдары ла једимдери

Ээжилери колынган спорт

  • Ultimate Fighting Championship
    • Јарым-уур бескениҥ Чемпионы (2025)
    • «Выступление вечера» сый алган (ӱч катап) Марчина Прахниого, Далча Лунгиамбулага ла Иона Куцелабага удура[22][23][24]
    • UFC-тыҥ тӱӱкизинде јарым-уур бескеде (9) экинчи јеҥӱ[25]
  • World Fighting Championship Akhmat
    • Јарым-уур бескеде WFCA-ныҥ чемпионы (бир катап)
      • Бир катап титул корыган
  • ММА-ныҥ телекейлик любительский бирӱгизи
    • Любительдер ортодо ММА-ныҥ телекейлик чемпионы

Турушканыныҥ таблицазы, профессионал ММА

Результат Рекорд Соперник Способ Турнир Дата Раунд Время Место Примечание
Јеҥӱ 21-1-1 (1) Алекс Перейра Јӧп чыгарганыла UFC 313 8 марта 2025 5 5:00 Лас-Вегас, США Завоевал титул чемпиона в полутяжёлом весе.
Јеҥӱ 20-1-1 (1) Александр Ракич Јӧп чыгарганыла UFC 308 26 октября 2024 3 5:00 Абу-Даби, ОАЭ
Јеҥӱ 19-1-1 (1) Джонни Уокер Нокаут UFC Fight Night 234 14 января 2024 2 2:17 Лас-Вегас, США Выступление вечера.
Не состоялся 18-1-1 (1) Джонни Уокер Болбогон UFC 294 21 октября 2023 1 3:13 Абу-Даби, ОАЭ После того как Магомед пробил запрещённый удар коленом, врач решил остановить бой
Орток 18-1-1 Ян Блахович Орток UFC 282 10 декабря 2022 5 5:00 Лас-Вегас, Невада, США Бой за вакантный титул чемпиона UFC.
Победа 18-1 Энтони Смит Нокаут UFC 277 30 июля 2022 2 3:09 Даллас, Техас, США
Јеҥӱ 17-1 Тиагу Сантус Јӧп чыгарганыла UFC Fight Night 203 12 марта 2022 5 5:00 Лас-Вегас, США
Јеҥӱ 16-1 Волкан Оздемир Јӧп чыгарганыла UFC 267 30 октября 2021 3 5:00 Абу-Даби, ОАЭ
Јеҥӱ 15-1 Никита Крылов Јӧп чыгарганыла UFC Fight Night 186 27 февраля 2021 3 5:00 Лас-Вегас, США
Јеҥӱ 14-1 Ион Куцелаба Нокаут UFC 254 24 октября 2020 1 4:19 Абу-Даби, ОАЭ Выступление вечера.
Јеҥӱ 13-1 Ион Куцелаба Нокаут UFC Fight Night 169 29 февраля 2020 1 0:38 Норфолк, США
Јеҥӱ 12-1 Далча Лунгиамбула Нокаут UFC Fight Night 163 9 ноября 2019 3 0:29 Москва, Россия Выступление вечера.
Јеҥӱ 11-1 Клидсон Абреу Јӧп чыгарганыла UFC Fight Night 145 23 февраля 2019 3 5:00 Прага, Чехия Бой в промежуточном весе 94,8 кг; Абреу не сделал вес.
Јеҥӱ 10-1 Марцин Прахнё Нокаут UFC Fight Night 136 15 сентября 2018 1 3:09 Москва, Россия Выступление вечера.
Јеҥдирткен 9-1 Пол Крейг Сдача UFC Fight Night 127 17 марта 2018 3 4:59 Лондон, Англия Дебют в UFC.
Јеҥӱ 9-0 Селсу Рикарду да Силва Нокаут WFCA 43 4 октября 2017 1 1:11 Грозный, Россия
Јеҥӱ 8-0 Вагнер Праду Нокаут WFCA 38 21 июня 2017 1 3:33 Грозный, Россия Защитил титул чемпиона WFCA в полутяжёлом весе.
Јеҥӱ 7-0 Максим Гришин Нокаут WFCA 30 4 октября 2016 4 1:13 Грозный, Россия Выиграл вакантный титул чемпиона WCFA в полутяжёлом весе.
Јеҥӱ 6-0 Артур Астахов Јӧп чыгарганыла WFCA 23 11 июня 2016 3 5:00 Грозный, Россия
Јеҥӱ 5-0 Ллойд Маршбэнкс Нокаут WFCA 18 9 апреля 2016 1 0:15 Грозный, Россия
Јеҥӱ 4-0 Надир Булхадаров Нокаут Суперкубок России 2015 5 декабря 2015 1 4:45 Челябинск, Россия
Јеҥӱ 3-0 Довлетджан Ягшимурадов Јӧп чыгарганыла Oplot Challenge 103 18 октября 2014 3 5:00 Москва, Россия
Јеҥӱ 2-0 Страхиня Денич Јӧп чыгарганыла Tesla Fighting Championship 4 14 июня 2014 3 5:00 Панчево, Сербия
Јеҥӱ 1-0 Василий Бабич Јӧп чыгарганыла Oplot Challenge 96 18 января 2014 3 5:00 Харьков, Украина Дебют в полутяжёлом весе.[26]

Ајарулар

  1. ↑ Максим Сидоров. Магомед Анкалаев – биография бойца UFC из России. Sports.ru (1 июля). Дата обращения: куран айдыҥ 6 кӱни, 2024.
  2. ↑ Интервью: Магомед Анкалаев - первый номер сборной России по ММА. Весовая категория до 93 кг, МСМК по ММА — БоксингТВ (недоступная ссылка). www.xn--90acxpqg.xn--p1ai. Дата обращения: сыгын айдыҥ 17 кӱни, 2018. Архивировано сыгын айдыҥ 18 кӱни, 2018 јыл.
  3. ↑ Магомед Анкалаев - чемпион России по ММА | Информационное агентство "Грозный-Информ". grozny-inform.ru. Дата обращения: сыгын айдыҥ 17 кӱни, 2018. Архивировано сыгын айдыҥ 18 кӱни, 2018 јыл.
  4. ↑ Боец Магомед Анкалаев признан "Спортсменом года" в ММА. ТАСС. Дата обращения: сыгын айдыҥ 17 кӱни, 2018. Архивировано сыгын айдыҥ 18 кӱни, 2018 јыл.
  5. ↑ Магомед Анкалаев: Не ищу легких путей, примером в ММА мне служит путь Федора Емельяненко. www.sovsport.ru. Дата обращения: сыгын айдыҥ 17 кӱни, 2018. Архивировано сыгын айдыҥ 18 кӱни, 2018 јыл.
  6. ↑ Магомед Анкалаев и Фабрицио Вердум в Лондоне готовятся к турниру. grozniy.bezformata.ru. Дата обращения: тулаан айдыҥ 13 кӱни, 2018. Архивировано сыгын айдыҥ 18 кӱни, 2018 јыл.
  7. ↑ РИА «Дагестан» Боец Магомед Анкалаев стал обладателем автомобиля на турнире памяти Адильгерея Магомедтагирова. www.riadagestan.ru. Дата обращения: сыгын айдыҥ 17 кӱни, 2018. Архивировано сыгын айдыҥ 18 кӱни, 2018 јыл.
  8. ↑ UFC SIGNS TOP LIGHT HEAVYWEIGHT PROSPECT MAGOMED ANKALAEV. mma-today.com. Дата обращения: ӱлӱрген айдыҥ 11 кӱни, 2017. (недоступная ссылка)
  9. ↑ UFC Fight Night 127 results: Paul Craig scores miracle submission of Magomed Ankalaev with one tick left (англ.). MMAjunkie (17 March 2018). Дата обращения: сыгын айдыҥ 17 кӱни, 2018. Архивировано куран айдыҥ 13 кӱни, 2018 јыл.
  10. ↑ UFC Fight Night 136 bonuses: Oleinik, Blachowicz among $50,000 winners (англ.). MMAjunkie (15 September 2018). Дата обращения: сыгын айдыҥ 17 кӱни, 2018. Архивировано сыгын айдыҥ 15 кӱни, 2018 јыл.
  11. ↑ UFC Prague results: Magomed Ankalaev tops gritty newcomer Klidson Farias (англ.). MMAjunkie (23 February 2019). Дата обращения: кочкор айдыҥ 24 кӱни, 2019. Архивировано кочкор айдыҥ 24 кӱни, 2019 јыл.
  12. ↑ Микаил Гусейнов. Анкалаев одержал четвёртую победу подряд в UFC, нокаутировав Куцелабу, Наурдиев проиграл (орус.). www.championat.com. Дата обращения: тулаан айдыҥ 1 кӱни, 2020. Архивировано тулаан айдыҥ 1 кӱни, 2020 јыл.
  13. ↑ Иван Ковалёв. Россиянин Анкалаев победил в США из-за судейского скандала. Рефери очень помог Магомеду (орус.). www.championat.com. Дата обращения: тулаан айдыҥ 2 кӱни, 2020. Архивировано тулаан айдыҥ 1 кӱни, 2020 јыл.
  14. ↑ Брагин, Игорь В бою-реванше Халк кривляться не рискнул. Но Анкалаев отправил его в тяжёлый нокаут. championat.com (24 ӱлӱрген ай 2020). Дата обращения: тулаан айдыҥ 3 кӱни, 2025.
  15. ↑ Моренко, Вячеслав Анкалаев одержал победу над украинцем Крыловым в соглавном поединке UFC Fight Night 186. championat.com (28 кочкор ай 2021). Дата обращения: тулаан айдыҥ 3 кӱни, 2025.
  16. ↑ Анастасия Рацкевич. Биография Магомеда Анкалаева: жизнь и карьера россиянина в UFC. Спорт-Экспресс (21.10.2023). Дата обращения: куран айдыҥ 6 кӱни, 2024.
  17. ↑ Simon Samano, Mike Bohn. UFC books Magomed Ankalaev vs. Johnny Walker rematch to headline first event of 2024 (англ.). MMA Junkie (13.11.2023). Дата обращения: куран айдыҥ 6 кӱни, 2024.
  18. ↑ Алексей Доспехов. Магомед Анкалаев повторил по правилам. Коммерсантъ (14.01.2024). Дата обращения: куран айдыҥ 6 кӱни, 2024.
  19. ↑ В UFC пообещали россиянину титульный бой. РБК (21 куран ай 2024). Дата обращения: куран айдыҥ 21 кӱни, 2024.
  20. ↑ Гасанов, Яхья Игра в догонялки закончена. Анкалаев наконец-то получил титульник. championat.com (19 чаган ай 2025). Дата обращения: чаган айдыҥ 21 кӱни, 2025.
  21. ↑ Анкалаев стал шестым в рейтинге UFC вне зависимости от весовых категорий. РИА Новости Спорт (11 тулаан ай 2025). Дата обращения: тулаан айдыҥ 11 кӱни, 2025.
  22. ↑ UFC Fight Night 136 bonuses: Oleinik, Blachowicz among $50,000 winners (ја. эм.). MMA Junkie (15 сыгын ай 2018). Дата обращения: куран айдыҥ 2 кӱни, 2022. Архивировано кӱчӱрген айдыҥ 3 кӱни, 2021 јыл.
  23. ↑ Jon Fuentes. UFC Moscow Bonuses, Attendance & Gate - LowKickMMA.com (ја. эм.) (9 кӱчӱрген ай 2019). Дата обращения: куран айдыҥ 2 кӱни, 2022. Архивировано кӱчӱрген айдыҥ 10 кӱни, 2019 јыл.
  24. ↑ Jay Anderson, Jay Anderson. UFC 254 Bonuses: Khabib Earns Performance Award in Final Fight (ја. эм.). Cageside Press (24 ӱлӱрген ай 2020). Дата обращения: куран айдыҥ 2 кӱни, 2022. Архивировано кӱӱк айдыҥ 16 кӱни, 2022 јыл.
  25. ↑ Record Book | UFC. statleaders.ufc.com. Дата обращения: куран айдыҥ 2 кӱни, 2022. Архивировано ӱлӱрген айдыҥ 19 кӱни, 2022 јыл.
  26. ↑ Sherdog.com Magomed Ankalaev MMA Stats, Pictures, News, Videos, Biography - Sherdog.com. Sherdog. Дата обращения: сыгын айдыҥ 19 кӱни, 2018. Архивировано сыгын айдыҥ 19 кӱни, 2018 јыл.

Тайантылар

Алган јери - "https://alt.ruwiki.ru/w/index.php?title=Анкалаев,_Магомед_Алибулатович&oldid=547231"