Сигма-бой (кожоҥ)

Рувики сайттаҥ
Сигма Бой
Обложка сингла Betsy, Мария Янковская - Сигма Бой «Сигма Бой» ()
Сингл Betsy, Мария Янковская - Сигма Бой
Чыгарган ӧйи ӱлӱрген айдыҥ 24 кӱни 2024
Кеми Радиоротация, видеоклип, цифровой дистрибуция
Бичиген ӧйи 2024
Узуны 2 мин 14 с
Кӱӱниҥ авторы Чертищев Михаил Викторович

«Сигма-бой» (англ. Sigma Boy) — поп жанрдыҥ кожоҥы, Светлана Чертищева(«Betsy» деп кош атту) ла Мария Янковская кожоҥдойт. Сингл интернетте јарлу хит: блогерлер видео чыгарарда саундтрек эдип тузаланат, онойдо ок кожоҥныҥ кӧп ремейктери ле кавер-версиялары эдилет. Кожоҥныҥ сӧстӧрин ле кӱӱзин Михаил Чертищев бичиген[1]. Billboard чартка кожоҥ кирерде Европей союз оны россий идеялар таркадып турган учун јаратпай токтодор деп бичиген. Ол керегинде Европарламентте Volt деп немец партияныҥ депутады Нела Риль айткан. Оноҥ озо Die Tageszeitung деп газет «Сигма бой» јиитерге каршузын јетирип турган деп бичиген[2].

Учуры

[тӱзедер | кодты тӱзедер]

Кожоҥныҥ героинязы кыстардыҥ ортозында јарлу уулга баштанат, јаҥыс ла бу кыс оны ајарбаган. Артистка оныҥ ајарузына кирерге бу уулга коркышту албаданар керек деп айдат. «Сигма» деген сӧс — ол интернет-сленг: онойып бойыныҥ алдында јаҥыскан ла јӱрер, ӧскӧ улустыҥ санаа шӱӱлтезин, социал нормаларды керекке албас эр кижи[3]. Темдектезе, голливуд актёр Киан Ривзти ле американ миллиардер изобретатель Илон Маскты ондый деп айдыжат[4][5].

Бэтси ле Мария Янковская

Тӱӱкизи

[тӱзедер | кодты тӱзедер]

Кожоҥныҥ сӧстӧрин ле кӱӱзин продюсер ле композитор Михаил Чертищев бичиген. Кожоҥчы МУККАла иштеп турала оныҥ ады јарлалган. Онойдо ок Чертищев мультсериалдардыҥ кӱӱзин бичийт, олордыҥ ортозында «Лунтик», «Барбоскины» ле «Три богатыря». Кожоҥды композитор Михаил Чертищевтыҥ 11-јашту кызы Светлана Чертищева ла 12-јашту Мария Янковская кожоҥдогылайт.

2024 јылдыҥ ӱлӱрген айдыҥ 4-чи кӱнинде кожоҥ чыккан. Бу ла ӧйдӧ YouTube-каналда «Бэтси Girl» деп клип чыгып, «Сто лучших клипов России» деп тизимде ӱчинчи јолдыкта турган. 2025 јылдыҥ јаҥар айдыҥ 21-чи кӱнинде чотогон тооло бу роликти 59 миллион кижи кӧргӧн[6].

Кожоҥноҥ ӱзӱк

Каждая девчонка хочет танцевать с тобой
Сигма сигма бой, Сигма Бой Сигма бой
Я такая вся, что добиваться будешь год
Сигма сигма бой, Сигма Бой Сигма бой [7].

— Betsy & Мария Янковская — Сигма Бой


2025 јылдыҥ чаган айыныҥ учында Михаил Чертищевти ӧскӧ кижиниҥ кожоҥын мензинген деп јабарлап, Диджей Виталий Лазарев (Dj Lavitas) 2010 јылдардыҥ ортозында мындый аранжировканы бичигем деп тапкан[8].

Јаан јарлу

[тӱзедер | кодты тӱзедер]

Озо баштап кожоҥ дуэттиҥ туружаачыларыныҥ фан-сообществозында таркап баштаган, оноҥ артисткалар кыска видеолор чыгарып, «Сигма-бой» кожоҥды ойнодып јарлу блогерлер ле артисттер Чертищева ла Янковскаяла кожо бијелеген.

Светлана Чертищева ла Мария Янковскаяныҥ ортозында Вика Андриенко

TikTok-то кожоҥ јарлу боло берген: блогерлер видеолордо "Сигма-бой"дыҥ композициязын саундтрек эдип тузалангылайт, кожоҥныҥ кӧп ремейктери ле кавер-версияларын эдинет.

«Сигма-бой» такып такып айдылар сӧстӧрлӱ учун, кожоҥ ӧскӧ ороондордо капшай јарлалган. «Аталанта» деп футбольный клубтыҥ аҥылу бӱгинде «Сигма-бой» ды кожоҥдоп турган ролик чыккан[9]. Прагада хоккейный матч болордо, «Спарта» деп чех клубтыҥ чирлидершилери россий артисткалардыҥ трегиле бијелеген[10].

2025 јылдыҥ чаган айдыҥ 16-чы кӱнинде чотогоныла Billboard деп хит парадтыҥ эҥ артык он кожоҥныҥ ортозында јетинчи јерде турат[11]. Кӱӱлик журнал кожоҥныҥ композициязына ајару эдерде, трек оноҥ јарлу боло берген. Spotify-де кожоҥды 3,8 млн кижи уккан[12].

Критика

[тӱзедер | кодты тӱзедер]

Кожоҥ јаан јарлу боло берген де болзо, видеохостингтерде јаман негативтӱ комментарийлер ас эмес: угаачылар синглдыҥ тексти оҥду ла эмес, кӱӱзи де јакшы деп айдарга јарабас деп ајарат[13]. Кезик угаачылар «Сигма-бой" тректи «брейн-рот» контент дешкен: коомой контент, ол кижиниҥ психиказына каршу экелет деп айдылган. (2024 јылда Оксфорд университетте «brain rot» деп сӧстӧрди јылдыҥ сӧстӧри деп адаган, англий тилдеҥ јыдыган мее деп кӧчӱрилет «гниль мозга»)[14].

«Сигма-бой» кожоҥ не јарлу болуп таркаганын кӱӱлик критик Евгений Бабичев бодоштырган:

Эмди кӧп композиторлор, ченемелдӱ мелодисттер алаҥ кайкайт, бу хит не мындый јарлу боло берген, мыныҥ јажыды неде, кандый да гармония бар ба, ноталар аҥылу турган ба, сӧстӧри тыҥ јараган ба. Чынын айтса, мында јажыт јок. Та кемге де кожоҥ јарай берген, ол оны ӧскӧ улуска ийип баштаган. Бот бу мындый вируслык айалга кайкамчылу неме эдет[15].

«Вольт Европа» деп партияныҥ Европарламентиниҥ турчызы Нэла Риль 2024 јылда јаҥар айда болгон јуунда «Сигма Бой» деп россий хитти јамандаган[16], орус культураны јаратпай, бу кожоҥды кезем токтодор деп некеген. ЛДПР-дыҥ лидеры Госдумада калыктар ортодо керектердиҥ комитединиҥ јааны Леонид Слуцкий каруузына, европарламентарийлерди ижемјилеген. Ол балдардыҥ кожоҥы «Конвенция о правах ребёнкага» келижет пе јок по деп шиҥдеерис деген, онойдо ок ол Калыктар ортодо правозащитный организацияларга баштанарын айткан[17].

«Сорок сороков» деп элјондык кыймыгу Россия Федерацияныҥ Генеральный прокуратуразына баштанып, јарлу тректи шиҥжӱге алзын деп некеген. Общественниктер информация керегинде федерал јасакта кубулталар эдип, балдардыҥ сексуализацязын кезем токтодор деп сураган[18].

Ӱзеери информация

[тӱзедер | кодты тӱзедер]

Светлана Чертищева алдында балдардыҥ «Капибара» ла «Симпл-димпл, поп-ит, сквиш» деп кожоҥдорын кожоҥдогон.

Мария Янковская «СТС Kids» деп телеканалдыҥ резиденти.

"Сигма-бой"дыҥ релизи ӧткон кийнинеҥ, ӱч ай ӧдӧрдӧ социал сетьтерде «Sigma Boy» деп англий тилле бичилген кожоҥ чыккан. Синглды бичиирде Чертищева ла Янковскаяла кожо ӧскӧ ороонныҥ артисттери Ely Oaks ла LAVINIA турушкан[19].

«Сигма-бой» синглдыҥ ремиксиниҥ кадары

Чарттар

[тӱзедер | кодты тӱзедер]
Чарт (2024—2025) Позиция
 Австрия (Ö3 Austria Top 40)[20] 73
 Чехия (Singles Digitál Top 100)[21] 30
 Германия (GfK)[22] 56
Sweden (Sverigetopplistan)[23] 89
US Hot Dance/Pop Songs (Billboard)[24] 7

Ајарулар

[тӱзедер | кодты тӱзедер]
  1. ↑ «Сигма-бой» — хит соцсетей. Откуда взялась вирусная песня и почему ее так полюбили за рубежом. Т⁠—⁠Ж (11 јаҥар ай 2024). Дата обращения: јаҥар айдыҥ 18 кӱни, 2024.
  2. ↑ Депутат Европарламента предложила запретить песню «Сигма бой». РБК (26 чаган ай 2025). Дата обращения: чаган айдыҥ 26 кӱни, 2025.
  3. ↑ «Сигма, сигма-бой»: как девочки из России покорили западный «ТикТок» на хайпе нового слова. ФОНТАНКА.ру (15 чаган ай 2025). Дата обращения: чаган айдыҥ 21 кӱни, 2025.
  4. ↑ «Сигма-бой» — хит соцсетей. Откуда взялась вирусная песня и почему ее так полюбили за рубежом. Т⁠—⁠Ж (11 јаҥар ай 2024). Дата обращения: чаган айдыҥ 21 кӱни, 2025.
  5. ↑ Беленицина, Ольга Акимова, Ксения Сигма-бой: 3 типичные черты мужчины — героя трендового трека (27 јаҥар ай 2024). Дата обращения: чаган айдыҥ 21 кӱни, 2025.
  6. ↑ Песня «Сигма-бой» возглавила чарт Spotify. Халва медиа (17 јаҥар ай 2024). Дата обращения: јаҥар айдыҥ 18 кӱни, 2024.
  7. ↑ Сигма-Бой — слова песни. Дата обращения: јаҥар айдыҥ 18 кӱни, 2024.
  8. ↑ Создателя «Сигма бой» обвинили в плагиате - Газета.Ru | Новости. Газета.Ru. Дата обращения: чаган айдыҥ 31 кӱни, 2025.
  9. ↑ «Аталанта» роликом с российской песней «Сигма-бой» отметила 10-ю победу подряд в Серии А. Дата обращения: јаҥар айдыҥ 18 кӱни, 2024.
  10. ↑ Чирлидерши чешской «Спарты» в Праге зажгли под российский трек «Сигма-бой». Life.ru (13 чаган ай 2025). Дата обращения: чаган айдыҥ 21 кӱни, 2025.
  11. ↑ «Сигма, сигма-бой»: как девочки из России покорили западный «ТикТок» на хайпе нового слова. Фонтанка.ру (16 чаган ай 2025). Дата обращения: чаган айдыҥ 21 кӱни, 2025.
  12. ↑ Sigma Boy: как песня российских школьниц стала мировым хитом (орус.) (16 чаган ай 2025).
  13. ↑ сигма-бой. (орус.). Дата обращения: чаган айдыҥ 21 кӱни, 2025.
  14. ↑ Что за песня «Сигма Бой» прославила двух россиянок на весь мир?. AiF (16 јаҥар ай 2025). Дата обращения: чаган айдыҥ 21 кӱни, 2025.
  15. ↑ Музыкальные эксперты рассказали, как российский хит «Сигма Бой» попал в американский чарт. Рамблер/развлечения и отдых (16 чаган ай 2025). Дата обращения: чаган айдыҥ 21 кӱни, 2025.
  16. ↑ Депутат Европарламента призвала запретить песню российских школьниц Sigma Boy. BFM.ru (28 чаган ай 2025). Дата обращения: чаган айдыҥ 28 кӱни, 2025.
  17. ↑ Слуцкий прокомментировал критику Европой песни "Сигма Бой". РИА Новости (27.01.2025). Дата обращения: чаган айдыҥ 27 кӱни, 2025.
  18. ↑ Mash: ГП попросили проверить хит "Сигма бой" из-за откровенных танцев школьниц - Российская газета. Российская газета (27 чаган ай 2025). Дата обращения: чаган айдыҥ 27 кӱни, 2025.
  19. ↑ LAVINIA, Ely Oaks, Betsy, Мария Янковская - Sigma Boy (Rework 2024) (орус.). Дата обращения: чаган айдыҥ 21 кӱни, 2025.
  20. ↑ "Austriancharts.at – Betsy / Мария Янковская – Sigma Boy" (нем.). Ö3 Austria Top 40.
  21. ↑ "ČNS IFPI" (чех.). Hitparáda – Digital Top 100 Oficiální. IFPI Czech Republic. Note: Change the chart to CZ – SINGLES DIGITAL – TOP 100 and insert 20251 into search.
  22. ↑ "Мария Янковская/?type=single Musicline.de – Betsy / Мария Янковская Single-Chartverfolgung" (нем.). Media Control Charts. PhonoNet GmbH.
  23. ↑ Veckolista Singlar, vecka 3 (ја. эм.). Sverigetopplistan. Дата обращения: чаган айдыҥ 21 кӱни, 2025.
  24. ↑ “Hot Dance/Pop Songs: Week of January 18, 2025”. Billboard. Дата обращения 21 January 2025.

Тайантылар

[тӱзедер | кодты тӱзедер]
© Бу материалдыҥ ээзи АНО «Интернет-энциклопедия «РУВИКИ» болуп јат.
Бу материалды ӧскӧ сайттарда тузаланарга АНО «Интернет-энциклопедия «РУВИКИ»ниҥ јӧби керек.
Алган јери - "https://alt.ruwiki.ru/w/index.php?title=Сигма-бой_(кожоҥ)&oldid=372791"