Россия кÿни
| Россия кÿни | |
|---|---|
 Россия кÿнинде байрамдык салют Нижегородский кремльдиҥ ÿстинде. Алтыгы Новгород, 2015 jылда кичÿ изÿ айдыҥ 12 ккÿни. | |
| Бÿдÿми | Нацияныҥ кÿни |
| Окылу | Россия кÿни |
| Öскö | 2002 jылдыҥ кочкор айыныҥ 1 кÿнине jетире — «День принятия Декларации о государственном суверенитете Российской Федерации» |
| Учуры | Бу кÿнде 1990 jылда Декларация о государственном суверенитете РСФСР jöптöлгöн |
| Jöптöлгöн |
1992 jылда кичÿ изÿ айдыҥ 12 кÿнинде Россия Федерацияныҥ Ӱстÿги Совединиҥ № 2981-I темдектÿ jакааныла «О праздничном дне 12 июня» jöптöлгöн |
| Темдектелет |
 Россия |
| Öйи | Кичӱ изӱ айдыҥ 12 кӱни |
| Jыргал | концерттер, патриотикалык акциялар, фейерверктер |
| Jаҥжыгулар | Кремльде Госпремия ла сыйлар берилет |
 Медиафайлы на РУВИКИ.Медиа | |
Росси́я кÿни (орус. Де́нь Росси́и, прежнее название — День Независимости, День принятия Декларации о государственном суверенитете) — Россия Федерацияныҥ тергеелик байрамы, jылдыҥ ла Кичӱ изӱ айдыҥ 12 кӱнинде Россия Федерацияныҥ Ӱстÿги Совединиҥ jакааныла «О праздничном дне 12 июня» 1992 jылда Кичӱ изӱ айдыҥ 12 кӱнинде jöптöлгöн[1] Декларация о государственном суверенитете РСФСР jöптöлгöнине учурлалган[2].
Бу кÿнде Кремльде кöдÿриҥилÿ айалгада приём öдöт, Россия Федерация президенти тергеелик сыйларды, премияларды берет. Бастыра ороон ичинде байрамдык концерттер öдÿп jат, спортивный ла патриотикалык акциялар. Кичӱ изӱ айдыҥ 12 кӱни иштебейтен байрам кÿн. Суббот эмезе воскресен кÿн келишсе, выходной ээчиде итеер кÿнге кöчÿрилет.
Адыныҥ тÿÿкизи
1990 jылда Кичӱ изӱ айдыҥ 12 кӱнинде РСФСР албаты депутаттарыныҥ I съездинде Декларация о государственном суверенитете РСФСР jöптöлгöн, ол Ельцин ле Гайдардыҥ башкарузыныҥ реформаларына тöзöлгö болуп, СССР-дыҥ jайрадыларыныҥ шылтактарыныҥ бирÿзи болгон[3]. Декларация чыккан öй тÿÿкиге «Парад суверенитетов» болуп кирген, качан республикалар бирдеҥ-бирдеҥ Союзтаҥ чыгып баштаган. Бу айалганы керкке алып, президент Борис Ельцин байрамдык кÿнди озо баштап — День Независимости деп адаарга сананган[4]. Россияныҥ граждандарына баштанып, 1993 jылдыҥ кичÿ изÿ айында, башкараачы темдектеген:
Россия встречает свой государственный праздник День независимости. Этот праздник молод, он вошёл в нашу жизнь три года назад, с принятием декларации о государственном суверенитете России[5].
1994 jылда Кичӱ изӱ айдыҥ 12 кӱни, Борис Ельцин бу кÿнди День принятия Декларации о государственном суверенитете РСФСР деп jакаан чыгарган. Байрамныҥ Россия кÿни деп ады jÿк ле 2002 jылда кийдирилген[6].
Jаҥжыгулар ла символдор
Россия кÿнинде Кремльде jаҥжыккан аайынча Россмя Федерацияныҥ билимде ле технологияларда, культура ла кеендикте премияларын, онойдо ок «Герой труда РФ» деп медальдарды кöдириҥилÿ айалгада берери öдöт.
Россий триколор байрамныҥ символы болуп jат, байрамдайтан тöс площадь — Кызыл тепсеҥ. Бастыра ороондо оромдорды флагтарла, плакаттарла jарандырып jат. Фестивальдар, концерттер, выставкалар, спорт мероприятиелер ле патриотикалык акциялар öдöт. Темдектезе, 2023 jылда Волгоградта Культура ла амыраштыҥ тöс паркында РФ-ныҥ маанызы тартылган, узуны 100 метр тууразы 4 метр. Оны каланыҥ ичиле апарарга 80 кижи турушкан[7].
Кичӱ изӱ айдыҥ 12 кӱни тойлор öткÿрерге jакшы кÿн деп чотолот. Москвада регистрация браков öткÿретен база ÿстине jерлер ачылат: Москва-суула мини-круизти суу-трамвайдарда öткÿрген öйдö, метрополитенниҥ станцияларында, тÿÿкилик особняктар ла усадьбаларда. Россия кÿнинде Москвада эҥ ле кöп биле тöзöлгöнин керелегени 2010 jылда болгон — 250 артык[8]. 2022 jылда метроныҥ «Маяковская» деп станциязында ÿч пара регистрация эткен. Церемониязы эки час тÿннеҥ тöрт часка jетире болгон, платформаны тойдыҥ арказыла jарандырган, фотосессия öткÿрерге, подземканыҥ башкарузы эки состав берген — «Москва-2020» ла «Номерной»[9]. При этом госпошлина за такую выездную свадьбу была стандартная — 350 рублей, а при подаче заявление онлайн — 245 рублей[8].
Сурактарга карулар
2023 jылда ВЦИОМ шиҥдегени аайынча Россия кÿни деп байрамды билер улустыҥ тоозы (РФ-да jаҥы байрамдардыҥ бирÿзи) табынча кöптöгöн: 2006 jылда байрам керегинде суракка кару бергендер 63 %, 2021 jылда олор 73 %[10]. Бу ла öйдö калганчы онjылдыктарда ороонныҥ jаан деген jедимдери керегинде сурактарга кару бергендер:
- Крым ла jаҥы региондорло бириккени (11 %);
- инфраструктура, jолдор тудулганы (9 %);
- промышленность, jурт ээлем, космический отрасль öзÿми (8 %);
- экономика, импортозамещение; jедимдеринин öзÿми (8 %);
- ороонныҥ социал политиказы, энеликке ле балдарга jöмöшкöниниҥ öзÿми (8 %);
- Крымда кÿр тутканы (5 %)[10].
Эмдиги öйдö оморкоор улустыҥ тоозында Владимир Путин ле СВО туружаачылары айдылган[10].
Керектер
- Кичӱ изӱ айдыҥ 12 кӱнинде Орус Православный серикпе агару благоверный Александр Невскийдиҥ, Владимирский, Новгородский ле Киевский улу князьтыҥ чыккан кÿнин темдектейт[11];
- Кичӱ изӱ айдыҥ 12 кӱниде 1991 jылда РСФСР президентине талдаштар öткöн, ондо Борис Ельцин jеҥÿ алган;
- 2014 jылда Россия кÿнин баштапкы катап Крым ла Севастопольдо байрамдагандар[12].
Ајарулар
- ↑ История празднования Дня России - ТАСС. TACC. Дата обращения: кандык айдыҥ 27 кӱни, 2024.
- ↑ Указ Президента РФ О государственном празднике Российской Федерации. https://docs.cntd.ru (02.06.1994). Дата обращения: кӱӱк айдыҥ 2 кӱни, 2024.
- ↑ День России 12 июня: как отмечают, история праздника. РБК Life. Дата обращения: кандык айдыҥ 27 кӱни, 2024.
- ↑ День принятия Декларации о государственном суверенитете России - День России.
- ↑ Обращение Президента Российской Федерации Б.Н.Ельцина к гражданам Российской Федерации накануне праздника - Дня независимости России. https://yeltsin.ru. Дата обращения: кӱӱк айдыҥ 2 кӱни, 2024.
- ↑ День России в 2024 году: история и традиции праздника. РИА Новости (2 мая 2023). Дата обращения: кӱӱк айдыҥ 24 кӱни, 2024.
- ↑ Татьяна Крючкова. В ЦПКиО в Волгограде развернули стометровый флаг России. https://vpravda.ru (12.06.2023). Дата обращения: кандык айдыҥ 29 кӱни, 2024.
- ↑ 1 2 В День России в столице поженились около 100 пар. https://www.mos.ru (13.06.2022). Дата обращения: кандык айдыҥ 29 кӱни, 2024.
- ↑ Анастасия Ракова: В День России три пары молодоженов поженились на станции "Маяковская" - Российская газета. Российская газета (12 кичӱ изӱ ай 2022). Дата обращения: кандык айдыҥ 29 кӱни, 2024.
- ↑ 1 2 3 День России — 2023. https://wciom.ru (08.06.2023). Дата обращения: кандык айдыҥ 27 кӱни, 2024.
- ↑ Патриарх предложил отмечать 12 июня день рождения Александра Невского. РИА Новости (22.03.2009). Дата обращения: кӱӱк айдыҥ 2 кӱни, 2024.
- ↑ Крым и Севастополь 12 июня впервые отмечают День России. РИА Новости (12.06.2014). Дата обращения: кӱӱк айдыҥ 2 кӱни, 2024.