Киндикова, Нина Михайловна
Биографиязы
Киндикова Нина Михайловна Алтай Республикада Оҥдой аймактыҥ Талду јуртында 1953 јылда чыккан. Горно-Алтайсктагы педагогический институт, Россияныҥ билимдериниҥ академиязыныҥ А.М. Горькийдиҥ адыла адалган Телекейлик литератураныҥ аспирантуразын ла докторантуразын божоткон, филология билимдердиҥ докторы, профессор, алтай литература аайынча билим ле ӱредӱ-методикалык иштердиҥ, хрестоматиялардыҥ, ӱренер бичиктердиҥ, критика ла литературоведение, тюркология ла монголистика аайынча, алтай литература ӱредер эп-аргалар керегинде 100 ажыра статьялардыҥ авторы. Горно-Алтайсктагыҥ тергеелик университединиҥ ӱренеечилерин ӱреткен. 2022 јылдыҥ чаган айыныҥ 14 кӱнинде божоп калган.