Трофимов, Николай Игнатьевич

Николай Игнатьевич Трофимов
Николай Игнатьевич Трофимов
Чыккан öйи	1915 јыл јыл кӱӱк айдыҥ 3 кӱни
Чыккан jери	Мальцева Курья јурт Бийский уезд Томский губерния
Божогон öйи	1941 јыл кӱчӱрген айдыҥ 16 кӱни
Божогон jери	Дубосеково Волоколам аймак Московский область
Ороон	СССР
Черÿде jылдары	1941 јыл кӱӱк айдыҥ
Званиези	красноармеец
Часть	1075-чи стрелковый полк,; 316-чы стрелковый дивизия (1-чи формирование)]]
Јамызы	стрелок
Jуу/согуштар	Ада-Тӧрӧл учун Улу јуу
	Медиафайлы на РУВИКИ.Медиа

Николай Игнатьевич Трофимов (1915 јыл кӱӱк айдыҥ 3 кӱни, Мальцева Курья јурт Бийский уезд Томский губерния — 1941 јыл кӱчӱрген айдыҥ 16 кӱни, Дубосеководо белтирде, Волоколамсктаҥ кӱнчыгыштай) — красноармеец, Ада-Тӧрӧл учун Улу јууныҥ туружаачызы, јарлу 28 герой-панфиловецтердиҥ согужыныҥ туружаачызы, Москва учун јуу-согуштар (1941—1942), 1941 јылдыҥ кӱчӱрген айыныҥ 16 кӱнинеҥ ала. Стрелок 4-чи ротаныҥ 2-чи батальон 1075-чи стрелковый полк 316-чы стрелковый дивизия (1-чи формирование) 16-чы армия (СССР) Кӱнадыш фронт (Ада-Тӧрӧл учун Улу јуу), Советский Союзтыҥ Геройы.

Биографиязы

Николай Трофимов 1915 јылда кӱӱк айдыҥ 3 кӱнинде Мальцева Курья јуртта Бийский уездте Томский губернияда (эмдиги Сростинский аймак Алтай кырай), крестьян кижиниҥ билезинде чыккан. Орус. 4 класс ӱредӱ алган, каменщик болуп иштеген. 1939 јылда Н. И. Трофимов билезиле Турачак аймакта Толоон јуртка кӧчӱп келген^[1]. Мында ол приискте мониторщик болуп иштеген. Иштеҥкей, шыраҥкай, чыйрак уул ӧмӧликтиҥ улузына јараган, стаханов кыймыгуда једимдӱ ишчи болгон, приисктиҥ администрациязы канча катап оныҥ јакшы ижин темдектеген. 1941 јылда кичӱ изӱ айдыҥ ортозында Трофимовтор, биледе айалгаларла, Казахстан јаар Алма-Ата калага кӧчкӧн^[2]

Ишмекчи-крестьян Кызыл Черӱге 1941 јылда барган. 1941 јылдыҥ куран айынаҥ ала Ада-Тӧрӧл учун Улу јууныҥ фронтторында јуулашкан.

1941 јылда кӱчӱрген айдыҥ 16 кӱнинде красноармеец Николай Трофимов Дубосеково белтирде (Волоколамский аймак Московский область) танктарга удура тартыжар истребительный политрук В. Г. Клочков ло сержант И. Е. Добробабинге башкартып, ӧштӱниҥ кӧп тоолу танктары ла пехотазыныҥ атакаларына удурлашкан.

Бу группа, Москва учун јуу-согушта Ада-Тӧрӧл учун Улу јууныҥ тӱӱкизине кирген, 28 герой-панфиловецтер деп адаткан, ӧштӱниҥ 18 танкын јоголткон. Јалтанбас Николай Трофимов бу согушта јеҥ јастанып јыгылган. Нелидово јурттыҥ јанында карындаштык мӧҥкӱде сӧӧги салынган (Волоколамск аймак Московский область).

СССР Ӱстӱги Совединиҥ Президиумыныҥ «О присвоении звания Героя Советского Союза начальствующему и рядовому составу Красной Армии» деп 1942 јылда јаан изӱ айдыҥ 21 кӱнинде чыккан јакааны аайынча «командованиениҥ јакарузын једимдӱ бӱдӱрип, немец ӧштӱлерле карам-кайрал јокко јалтанбай тартышканы учун» Советский Союзтыҥ Геройы деп нерелӱ ат берилген^[3].

Кереес

Нелидов јурттыҥ клубында Геройлорго учурлалган музей бар.
1966 јылда Москвада панфиловецтерге учурлай ором адалган «Улица Героев Панфиловцев» Тӱндӱк Тушинодо, ондо монумент тургузылган.
1975 јылда олорго учурлай Дубосеководо мемориал тудулган.
Нелидово јуртта (Московский область) (Дубосеково белтирдеҥ 1,5 км), «Героям-панфиловцам» деп мемориал тургузылган, герой-панфиловецтердиҥ музейи ачылган.
Алма-Ата, панфиловецтер тӧрӧл калазы, 28 гвардеец-панфиловецтердиҥ паркы, ондо олорго учурлалган монумент.
«Дорогая моя столица» деп кожоҥго кирген Москваныҥ эҥ јалтанбас уулдары (о 28 «самых храбрых сынах»)
Јаш-Тура калада Мактыҥ мемориалында Николай Трофимовтыҥ бюсты тургузылган, оныҥ адыла ором адалган, Бийсктиҥ тӧс калаларыныҥ бирӱзи.

Јуруктардыҥ кӧмзӧзи

Дубосеково белтирдиҥ јанында «Герой Панфиловецтердиҥ мемориалы»
«Јуучыл-сибиряктарга» деп мемориал комплекстиҥ плитазында Н. И. Трофимовтыҥ ады бичилген.
Мемориал комплекс «Воинам-сибирякам», Ленино-Снегирёвский военно-тӱӱкилик музей.

Онойдо ок кöр

Советский Союзтыҥ Геройлорыныҥ тизими (Алтай Республика)

Ајарулар

↑ Трофимов Н. И. Историко-архивный путеводитель
↑ Н.Трофимов. Тыва Республика. Нац. Библиотека
↑ Указ Президиума Верховного Совета СССР «О присвоении звания Героя Советского Союза начальствующему и рядовому составу Красной Армии» от 21 июля 1942 года // Ведомости Верховного Совета Союза Советских Социалистических Республик : газета. — 1942. — 23 јаан изӱ ай (№ 28 (187)). — С. 1. Архивировано 8 кӱчӱрген ай 2021 года.

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Герои Советского Союза — казахстанцы / под ред. Н. Зверева. — Алма-Ата: Казахстан, 1968. — Т. 1. — 475 с. — (в 2-х томах). — 25 600 экз.
Кузнецов И. И., Джога И. М. Золотые звёзды Алтая. — 1. — Барнаул: Алтайское книжное издательство, 1982. — 279 с.

Тайантылар

Трофимов Николай Игнатьевич (орус.). Сайт «Герои страны».
Трофимов Николай Игнатьевич (недоступная ссылка).

[1] Трофимов Н. И. Историко-архивный путеводитель

[2] Н.Трофимов. Тыва Республика. Нац. Библиотека

[3] Указ Президиума Верховного Совета СССР «О присвоении звания Героя Советского Союза начальствующему и рядовому составу Красной Армии» от 21 июля 1942 года // Ведомости Верховного Совета Союза Советских Социалистических Республик : газета. — 1942. — 23 јаан изӱ ай (№ 28 (187)). — С. 1. Архивировано 8 кӱчӱрген ай 2021 года.

[1]

[2]

[3]